تيانشان تورى   ›   جاڭالىقتار   ›   شينجياڭ حابارلارى

ەمدەۋ قىزمەتكەرلەرىنىڭ مەيىرىمىنە العىس ايتامىز

جاڭ بەي

  2 كۇننەن بەرى مىناداي ءبىر بەينە ەكران دوستار شەڭبەرىندە كەڭىنەن تارالدى: شينجياڭ مەديتسينا داشۋەسىنە قاراستى 1 - شيپاحانانىڭ سەسترالارى تۇرعىنداردىڭ نۋكلەين قىشقىلىن تەكسەرىپ، ۇلگى الىپ بولعاننان كەيىن، اۆتوبۋزعا وتىرىپ قايتار جولىندا مىندەت اتقارىپ تۇرعان قاتىناس ساقشىلارى ولارعا توپتىق سالەم بەرىپ قۇرمەت ءبىلدىردى. بەينە ەكراندا شيپاگەرلەر مەن سەسترالار ”قاتتى تەبىرەندىك“، ”قانشا جاپا تارتساق تا، قانشا شارشاساق تا تاتيدى“ دەپ داۋىستايدى. ال بەينە ەكراننان تىسقارى، ۇزدىكسىز كورىپ، وسى كورىنىستەردى كوشىرىپ تاراتقان بىزدەر ەمدەۋ - دەنساۋلىق ساقتاۋ قىزمەتكەرلەرىنە شىن جۇرەكتەن مىنانى ايتقىمىز كەلەدى: ادامدى ناعىز تەبىرەنتكەن سىزدەرسىزدەر، سىزدەردىڭ ۇلەس قوسۋلارىڭىز، جاۋاپكەرشىلىك ارقالاۋلارىڭىز بىزگە ۆيرۋسقا قارسى تۇرۋدىڭ قورعانىس شەبىن ورناتتى، سىزدەردىڭ شيپاگەرلىك مەيىرىمدەرىڭىز بىزگە ىندەتتى جەڭۋ سەنىمىن سيلادى.

  ءۇرىمجى قالاسىندا جاڭا تيپتى ايدارشا ۆيرۋس وكپە قابىنۋ ىندەتى جاڭادان تۋىلعاننان بەرى، اق حالاتتان ساۋىت كيىپ، قارسى ءجۇرىپ جورىققا اتتانعان ەمدەۋ، دەنساۋلىق ساقتاۋ قىزمەتكەرلەرى ءاربىر قىزمەت ورىندارىندا، ءاربىر شەپتە ءوز مىندەتتەرىن ادا ەتىپ، قالتقىسىز ۇلەس قوسىپ، ۋاقىتپەن جارىسىپ، ۆيرۋسپەن بەلدەستى... جوعارى تەمپەراتۋرادا، شىلىڭگىر ىستىقتا، جىم - جىرت ءتۇن ورتاسىندا ولار دامىلسىز قاربالاس بەينەلەرىمەن ءبىزدىڭ سالاماتتىق حاۋىپسىزدىگىمىزدى قورعايتىن بەرىك قالتقى ورناتتى.

  وسى قاراپايىم قاھارماندارعا قۇرمەت ءبىلدىرىپ، ولاردىڭ شيپاگەرلىك مەيىرىمىنە العىس ايتۋ بىزدەي ءاربىر ادامنىڭ كوڭىلىندەگى ەڭ قاراپايىم، ەڭ شىنايى سۇيىسپەنشىلىگى. تەك ءاربىرىمىز العىس ايتۋ سۇيىسپەنشىلىگىمىزدى ءىس جۇزىندىك ارەكەتىمىزگە اينالدىرىپ، ءتۇرلى ساقتانۋ - تىزگىندەۋ قىزمەتىن ويداعىداي ىستەۋگە بەلسەنە سايكەسسەك عانا، ءسوز جوق، ىندەت مۇنارىنان كۇنى بۇرىن سەيىلىپ، تاماشا تۇرمىسپەن قاۋىشاتىن بولامىز.

("لەپتى لەبىزگە" ماقالا جولداۋ حات ساندىعى: xjrbplb@126.com)

جاۋاپتى رەداكتور : سايراش تۇرارجان قىزى

ەسكەرتۋ:

تورابىمىزداعى مازمۇنداردى پايدالانۋعا تۋرا كەلگەندە، ءسوزسىز جازباشا رۇقساتقا يە بولۋ كەرەك. مازمۇنداردى رۇقساتسىز جالعاپ تاراتۋعا، كەسىپ رەداكسيالاۋعا، وزگەرتۋگە، قىسقارتىپ قۇراستىرۋعا، باسقا ورىنعا كوشىرۋگە نەمەسە باسقا تاسىلدەرمەن كوبەيتۋگە ءارى تاراتۋعا بولمايدى، قايشى كەلگەندەردىڭ زاڭدىق جاۋاپكەرشىلىگى زاڭ بويىنشا قۋزاستىرىلادى.

  • وسى كەزەكتى جۇڭگو − ازيا - ەۆروپا كورمەسى تۇڭعىش رەت نەگىزگى قوناق ولكەلەردى بەلگىلەدى
  • تاپسىرىس ونىمدەردى جەدەل ءوندىرىپ، قامداۋدى قامتاماسىز ەتتى
  • جىلدىق مىندەتتى ءساتتى ورىنداۋعا شىنايى كەپىلدىك ەتتى
  • شينجياڭ جۇڭتاي توبى دۇنيە جۇزىندەگى 500 قۋاتتى كاسىپورىن قاتارىنا ءوتتى
  • جەل - جارىق ەنەرگياسى ءوزارا تولىقتىردى