تيانشان تورى   ›   جاڭالىقتار   ›   شينجياڭ حابارلارى

ناننىڭ ۇلكەن كاسىپ سالاسىنا اينالارىن ”ويلاماپپىن“

شينجياڭ گازەتىنىڭ جالپىلىق اقپارات قۇرالدارى تىلشىلەرى ياڭ شۋحان، جاڭ جىلي، ۋاڭ جىن، ان شىيۇي، جانبولات ماناربەك

  جاپ - جارىق تەرەزە، ءبىرىڭعاي جۇمىس كيىمى، رەتتى جۇمىس تۇعىرى، تەمپەراتۋراسىن مەڭگەرۋگە بولاتىن جاڭاشا تونار، تىعىز ۇشتاسقان جۇمىس ءتارتىبى... وسى ارادا بولماعان بولسا، ادىلجان سادىق بۇرىنعى ءتۇتىن شالىپ، جالىن شارپىعان، كيىمدى تەرگە مالشىندىرار ناۋبايلىق تۇرمىستىڭ قازىرگىدەي دارەجەدە داميتىنىن ويىنا دا الا الماس ەدى.

  ادىلجان قاشقار ايماعى ءپايزاۋات اۋدانى تەرىم اۋىلى شيڭفۋ قىستاعىنىڭ تۇرعىنى، ونىڭ جۇمىس كەشىرمەسى سوڭعى جىلدارداعى شينجياڭ نان كاسىپ سالاسىنىڭ تيبىن وزگەرتكەنى مەن دارەجەسىن جوعارىلاتقانىن اڭعارتادى. ءداستۇرلى ماندەگى ءدامدى تاعامنان زامانالىق ماندەگى كاسىپ سالاسىنا دەيىن نان بۇرىن بولىپ كورىلمەگەن ءبىر رەتكى كاسىپ سالالاندىرۋ وزگەرىسىن باستان كەشىرۋدە.

شاعىن توناردان شوعىرلى وندىرىسكە دەيىن

  7 - ايدىڭ 22 - كۇنى تەمپەراتۋراسى لايىقتى ناۋبايحانادا نانعا ورنەك باسۋعا جاۋاپتى ابلەز ءالي جاساپ بولعان ناندى لىپ ەتكىزىپ اسپانعا قاراي لاقتىرىپ قالعاندا، ادەمى سىزىق قالىپتاستىرىپ ۇشىپ تۇسكەن ناندى ادىلجان دەرەۋ قاعىپ الدى دا تۋرالعان پياز سەۋىپ، تونارعا تاياپ بارىپ، اسا ەپتىلىكپەن ناندى توناردىڭ قابىرعاسىنا جاپسىرا قويدى.

  ”ويلاماعان ەدىم، ويلاماعان ەدىم!“، - دەدى ادىلجان.

  شارۋادان كاسىپ سالاسى جۇمىسشىسى بولعانعا دەيىن، توپىراق توناردان زاماناۋي تونارعا دەيىن، وتتىڭ جايىن تۇيسىگىنە ساي بىلۋدەن تەمپەراتۋرانى دالمە - ءدال تىزگىندەۋگە دەيىن، ادەتتەگى ۇننان نان جابۋعا ارناۋلى پايدالانىلاتىن ۇنعا دەيىن، جالاڭ تۇردەگى ناننان ورنەگى الۋان ءتۇرلى ءنارلى نانعا دەيىن، ءۇيدىڭ جانىندا ساتۋدان دۇنيە ءجۇزىنىڭ جەر - جەرىنە ساتۋعا دەيىن بارلىعىن ادىلجان ”ويلاماعان ەدى“.

  400 تونار رەتتى دە بىركەلكى ءتىزىلىپ تۇر، 100دەن استام ءتۇردىڭ تاپسىرىسى ىركەس - تىركەس كەلىپ، مىڭنان استام ناۋباي شەبەرلەردىڭ ورتاق ىسىنە اينالدى، مۇنداي ايبىندى كورىنىستى دە ادىلجان ”ويلاماعان ەدى“.

  2018 - جىلى رايونىمىز نان كاسىپ سالاسىن زور كۇشپەن دامىتۋدى ورتاعا قويدى، تۇتاس كاسىپ تىزبەگىنىڭ دامۋىن جەبەۋدى ءتۇيىن ەتىپ، شينجياڭ نان كاسىپ سالاسىنىڭ كوپ تۇرلىلەنىپ دامۋىن ىلگەرىلەتىپ، جەر - جەردىڭ ەرەكشەلىگى بار نان كاسىپ باقشالارىن تۇلعالادى.

  2 جىلدان بەرى، رايونىمىزدىڭ نان كاسىبى تيانشاننىڭ تۇستىگى مەن تەرىستىگىندە قاۋىرت دامىدى. ساندى مالىمەتتەردە كورسەتىلۋىنشە، قازىر تەك قاشقار، حوتان، اقسۋ، سانجى، تۇرپان 5 ايماق، وبلىس، قالاداعى نان وڭدەۋ كاسىپورنى مەن شارۋالار كاسىپتىك سەلبەستىك كووپەراتيۆى 300دەن اسقان، كۇنىنە مولشەرمەن 650 توننا نان ءوندىرىپ، ءتۇرىن 175تەن اسىرىپ، نان كاسىبى شوعىرلى دامۋىنىڭ جۇلگەسىن قالىپتاستىرعان.

بىتىراندى ساتۋدان ماركالاندىرىپ تيجارات جۇرگىزۋگە دەيىن

  كوركەيە باستاعان نان كاسىپ باقشاسى مەن ۇلكەن - كىشى كوشەلەرگە تارالعان نان دۇكەندەرى شينجياڭنىڭ وزگەشە كورىنىسىن قالىپتاستىردى.

  شينجياڭداعى ءار ۇلت بۇقاراسىنىڭ ەرەكشە نەگىزگى تاعامى رەتىندە، قامداۋ جاعىنداعى قۇرىلىمدىق رەفورما ارقىلى شينجياڭ نانىنىڭ ءتۇرى كۇن سايىن مولايدى، بۇل دا ساتۋ كولەمىن ونان ارى ۇلعايتىپ، بازار ءورىسىن اناعۇرلىم كەڭەيتتى.

  نان جابۋ سەلبەستىك كووپەراتيۆى مەن ەلەكتروندى ساۋدا تۇعىرىنىڭ ارقاسىندا، نىلقى اۋدانى ءشول اتىز ۇنىن پايدالانىپ جاساعان ءشول اتىز نانىنىڭ ساتىلىمى قاۋىرت ارتتى؛ ءپايزاۋات اۋدانى نان مادەنيەت كاسىپ باقشاسى زەرتتەپ اشقان كۇلگىن كارتوپ نانى مەن شىلان نانى ىشكى وڭىرلەردەگى الارمانداردىڭ جاپپاي قارسى الۋىنا بولەندى...

  قازىر شينجياڭنىڭ نان ونىمدەرى بۇكىل ەلدەگى 21 ولكە، اۆتونوميالى رايون، قالاعا ساتىلىپ، 47 كاسىپورىننىڭ نان ونىمدەرى ۇشاقپەن، موتورلى ۆاگوندار قۇراماسىمەن جەتكىزىلدى. جۇڭگو - ەۆروپا كەزەكشى پويەزى مەن شەكارا وتكەلىنە سۇيەنگەن شينجياڭ ەرەكشە نان ونىمدەرىنىڭ شەتەلدەگى بازارىنىڭ ءورىسىن بەلسەنە اشتى. بيىل جىل باسىنان بەرى، ءبىر توپ باستاماشى كاسىپورىندار جۇڭگو - ەۆروپا كەزەكشى پويەزى ارقىلى قازاقستانعا، پاكيستانعا 20 مىڭنان استام ناندى ەكسپورت ەتتى.

  ءوندىرۋ كولەمىنىڭ ۇلعايۋى مەن ساتىلىم مولشەرىنىڭ ارتۋىنا ىلەسىپ، شينجياڭنىڭ نان ءوندىرىسى كاسىپورىندارىنىڭ ماركا تانىمى دا بىرتىندەپ كۇشەيدى. بۇل كۇندەرى ”ابلاجان ناندارى“، ”نان بەك“، ”ماي گۇلى“، ”جياڭشياۋناڭ“ سياقتى كوپتەگەن نان ماركالارى جۇرت نازارىنا ىلىگىپ، بۇرىنعى قالاش نان، توقاش نان دا ءاپ - ادەمى ۇساق نان، ايكۇلشە نان سياقتى 100دەن استام تۇردەگى ونىمگە اينالىپ، بۇقارانىڭ تۇرمىسىن بايىتا ءتۇستى.

ناۋبايحانادان ساياحات جاعىراپيالىق بەلگىسى بولۋعا دەيىن

  ماركا تانىمىنىڭ كۇشەيۋى ءونىم ساپاسىن جوعارىلاتۋدى جەبەي ءتۇستى. نان كاسىپ سالاسىنىڭ ۇن ساپاسىنا تالابىنىڭ ۇزدىكسىز جوعارىلاۋى جوعارعى بۋىنداعى ءبيداي وندىرىسىنىڭ وزگەرىسىنە دە تۇرتكى بولدى.

  7 - ايدىڭ 21 - كۇنى ساپ - سارى ءبيداي اتىزى مەن قايشالىسقان كومبايندارعا قاراپ تۇرىپ، شونجى اۋدانى اۋىل شارۋاشىلىق، اۋىل - قىستاق مەكەمەسىنىڭ ورىنباسار مەكەمە باستىعى لۋ جيانگى تىلشىگە بىلاي دەدى: شينجياڭداعى نەگىزگى ءبيداي القابى رەتىندە، شونجى اۋدانىنىڭ ءار ايداعى نان جابۋعا ارناۋلى پايدالانىلاتىن ۇنمەن قامداۋ مولشەرى 140 تونناعا جەتتى. شينجياڭ تيانشان ۇن توبى شونجى شەكتى سەرىكتەستىگىنىڭ ساندى مالىمەتىندە كورسەتىلۋىنشە، وتكەن جىلدىڭ سوڭعى جارتىسىندا وسى كاسىپورىننىڭ نان جابۋعا پايدالانىلاتىن ۇندى ساتۋ مولشەرى الدىڭعى جارتى جىلداعىدان %30 ارتقان.

  قاشقار ايماعى ساپالى، جوعارى ءتۇسىمدى ءبيدايدىڭ جاڭا سورتىن بار كۇشپەن جالپىلاستىرىپ، ۇن وندىرەتىن 157 كاسىپورىن ەنگىزىپ، جەتىلدىرىپ، ەرەكشە نان ونىمدەرى ءۇشىن ورنىقتى دا ساپالى شيكىزات ازىرلەدى.

  اتىز باسىنان داستارقان باسىنا دەيىن كىپ - كىشكەنتاي نان تۇتاس تۇلعانى جەتەلەپ، 1 -، 2 -، 3 - كاسىپتەر ناننىڭ جەبەۋىمەن ومىرشەڭدىك كۇشتەرىن قاۋلاتتى.

  ”ءبىزدىڭ سەلبەستىك كووپەراتيۆىنىڭ سيىر ءسۇتى، قارىنداسىم اشىپ وتىرعان كەپتىرىلگەن جەمىستەر دۇكەنىندەگى تۇكتى شابدال قاعى، بادام، شىلان ءار كۇنى قاجەتتى قامداي الماي قالادى!“، - دەدى ۇزاق ۋاقىت نان كاسىپ باقشاسىن سيىر سۇتىمەن، قايماقپەن جانە كەپتىرىلگەن جەمىسپەن قامداپ وتىرعان ساۋداگەر مامەت عوپۇر قۋانا.

  جەر - جەردىڭ نان كاسىپ باقشاسىنىڭ تيجارات نىساندارى دا بىرتە - بىرتە وزگەرۋدە: ءۇرىمجى نان مادەنيەتى كاسىپ باقشاسى مادەنيەتتى نەگىز ەتىپ، ونەركاسىپ، مادەنيەت، ساياحات، تىنىعۋ، كوڭىل اشۋ سياقتى فۋنكتسيالاردى ءبىر تۇلعالاندىردى؛ ءپايزاۋات اۋدانى نان مادەنيەتى كاسىپ باقشاسى نان مادەنيەتىن سۇيەنىش ەتىپ، كەمەلدى بولعان وزگەشە ساياحات جەلىسىن تۇلعالادى؛ اقسۋ قالاسى نان مادەنيەتى كاسىپ باقشاسى قۇرىلىسى نىسانىن ىسكە قوسىپ، مادەنيەت - ساياحات ەرەكشە كاسىپ سالاسىنىڭ قاۋىرت دامۋىن ىلگەرىلەتتى.

  نان كاسىپ باقشاسى جالاڭ ءبىر ءوندىرىس بازاسىنان بىرتىندەپ جەر - جەردىڭ ساياحاتشىلارىن باۋرايتىن ساياحات جاعراپيالىق بەلگىسىنە جانە ەرەكشە مادەنيەتتى سەزىنەتىن جاڭا كەڭىستىككە اينالدى.

جاۋاپتى رەداكتور : سايراش تۇرارجان قىزى

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.

  • ”تاريحى ۇزاق“ كاسىپورىن سارا جولعا ءتۇسىپ، ورايدى مىقتاپ يگەردى
  • انار گۇلى قىپ - قىزىل بولىپ اشىلدى
  • سۋ دا وسىنداي ءتاتتى بولادى ەكەن
  • شينجياڭداعى كەدەي حالىقتىڭ اۋىز سۋ حاۋىپسىزدىگى جالپى بەتتىك جۇزەگە اسىرىلدى
  • رايونىمىز دالمە - ءدال شارا قولدانىپ جۇمىستانۋدى ورنىقتىرىپ، حالىق تۇرمىسىن قامتاماسىز ەتتى