شي جينپيڭ اسپيرانتتىق اعارتۋ قىزمەتى جونىندە ماڭىزدى نۇسقاۋ بەرىپ بىلاي دەپ باسا دارىپتەدى
پارتيا مەن مەملەكەت ىستەرىنىڭ دامۋ قاجەتىنە ۇيلەسىپ، زور توپتاعىءمورالدى دا قابىلەتتى جوعارى دەڭگەيلى دارىندىلاردى باۋلۋ، جەتىلدىرۋ كەرەك
لي كىچياڭ بەكىتۋ جازدى
شينحۋا اگەنتتىگىنىڭ 7 - ايدىڭ 29 - كۇنى بەيجيڭنەن بەرگەن حابارى (ءتىلشى حۋ حاۋ). جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ تاياۋدا اسپيرانتتىق اعارتۋ قىزمەتى جونىندە ماڭىزدى نۇسقاۋ بەرىپ بىلاي دەپ اتاپ كورسەتتى: جۇڭگوشا سوتسياليزم جاڭا داۋىرگە ءوتتى، كوپ وتپەي جاپپاي دوڭگەلەك داۋلەتتى قوعام ورناتۋ، كەدەيلىكتەن ارىلتۋدان قامال الۋ شەشۋشى شايقاسىن جۇرگىزۋ نەگىزىندە سوتسياليستىك وسىزاماندانعان مەملەكەت قۇرۋدىڭ جاڭا ساپارىنا قادام تاستالادى، پارتيا مەن مەملەكەت ىستەرىنىڭ دامۋى زور توپتاعى ءمورالدى دا قابىلەتتى جوعارى دەڭگەيلى دارىندىلاردى باۋلۋدى، جەتىلدىرۋدى شۇعىل قاجەت ەتەدى.
شي جينپيڭ بىلاي دەپ باسا دارىپتەدى: اسپيرانتتىق اعارتۋ جاڭاشىل دارىندىلاردى باۋلۋ، جاڭالىق اشۋ قابىلەتىن جوعارىلاتۋ، ەكونوميكالىق، قوعامدىق دامۋعا قىزمەت وتەۋ، مەملەكەتتىڭ جونگە سالۋ جۇيەسى مەن جونگە سالۋ قابىلەتىنىڭ وسىزاماندانۋىن ىلگەرىلەتۋ جاعىندا ماڭىزدى رول اتقارادى. ءار دارەجەلى پارتكوم مەن ۇكىمەت اسپيرانتتىق اعارتۋعا ايرىقشا ءمان بەرىپ، اسپيرانتتىق اعارتۋدىڭ پارتيا مەن مەملەكەت ىستەرىنىڭ دامۋ قاجەتىنە ۇيلەسۋىن ىلگەرىلەتىپ، ”4 ءۇشىن“ باعىتىنا تاباندى بولىپ، عىلىم - تەحنيكانىڭ الدىڭعى لەگى مەن شەشۋشى سالالارىن كوزدەپ، پاندەر مەن ماماندىقتاردى رەتتەۋدى ىشكەرىلەي ىلگەرىلەتىپ، جەتەكشى وقىتۋشىلار قوسىنى قۇرىلىسىنىڭ دەڭگەيىن جوعارىلاتىپ، دارىندىلاردى باۋلۋ جۇيەسىن كەمەلدەندىرىپ، مەملەكەتكە شۇعىل قاجەتتى جوعارى دەڭگەيلى دارىندىلاردى جەدەل باۋلىپ، جۇڭگوشا سوتسياليزمگە تاباندى بولۋ مەن ونى دامىتۋعا، جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىن جۇزەگە اسىرۋعا ۇلەس قوسۋ كەرەك.
جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ تۇراقتى مۇشەسى، مەملەكەتتىك كەڭەستىڭ زۇڭليى لي كىچياڭ بەكىتۋ جازىپ بىلاي دەپ اتاپ كورسەتتى: اسپيرانتتىق اعارتۋ جوعارى دەڭگەيلى دارىندىلاردى باۋلۋ جانە جاڭالىق اشۋ، جاسامپازدىق جاراتۋ ماڭىزدى بورىشىن ارقالاپ وتىر، ول مەملەكەتتىڭ دامۋىنىڭ، قوعامنىڭ العا باسۋىنىڭ ماڭىزدى ىرگە تاسى. رەفورما جاساپ، ەسىك اشقاننان بەرى، ەلىمىزدىڭ اسپيرانتتىق اعارتۋىندا تاريحي سەكىرۋ جۇزەگە اسىپ، توپ - توپ تاڭداۋلى دارىندىلاردى باۋلىپ جەتىلدىرىپ، پارتيا مەن مەملەكەت ىستەرىنىڭ دامۋىنا كورنەكتى ۇلەس قوستى. شي جينپيڭنىڭ جاڭا ءداۋىر جۇڭگوشا سوتسياليزم يدەياسىن جەتەكشى ەتۋگە تاباندى بولىپ، پارتيا ورتالىق كوميتەتىنىڭ، مەملەكەتتىك كەڭەستىڭ شەشىمدەرىن، ورنالاستىرۋلارىن مۇقيات دايەكتىلەندىرىپ، مەملەكەتتىڭ ەكونوميكالىق، قوعامدىق دامۋىنىڭ نەگىزگى شايقاس مايدانى، حالىق بۇقاراسىنىڭ سۇرانىسى جانە دۇنيە ءجۇزى عىلىم - تەحنيكاسىنىڭ دامۋى سياقتى ەڭ الدىڭعى لەكتى بەتكە الا وتىرىپ، كوپ سالانىڭ قاجەتىنە ۇيلەسەتىن دارىندىلاردى باۋلىپ جەتىلدىرۋ كەرەك. اسپيرانتتاردى باۋلۋ ۇلگىسى رەفورماسىن تەرەڭدەتىپ، ەمتيحان الىپ وقۋشى قابىلداۋ ءتۇزىمىن، ءپان ساباقتارىن ورنالاستىرۋدى ونان ارى ساپالىلاندىرىپ، عىلمي زەرتتەۋ مەن وقىتۋدىڭ توعىسۋىن جانە ءوندىرىس پەن وقىتۋدىڭ توعىسۋىن جەبەپ، حالىقارالىق سەلبەستىكتى كۇشەيتىپ، اسپيرانتتاردىڭ امالياتتىق قابىلەتىن، جاڭالىق اشۋ قابىلەتىن كۇش سالا ارتتىرىپ، سوتسياليستىك وسىزاماندانعان قۋاتتى مەملەكەت قۇرۋعا دارىندىلار جاعىنان مىعىم تىرەك ازىرلەۋ كەرەك.
مەملەكەتتىك اسپيرانتتىق اعارتۋ ءماجىلىسى 7 - ايدىڭ 29 - كۇنى بەيجيڭدە اشىلدى. جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ مۇشەسى، مەملەكەتتىك كەڭەستىڭ ورىنباسار زۇڭليى سۇن چۇنلان ماجىلىسكە قاتىناستى ءارى ءسوز سويلەدى. ول مىنالاردى ءبىلدىردى: باس شۋجي شي جينپيڭنىڭ اسپيرانتتىق اعارتۋ جونىندەگى ماڭىزدى نۇسقاۋىنىڭ رۋحىن ىشكەرىلەي ۇيرەنىپ، دايەكتىلەندىرىپ، پارتيانىڭ وقۋ - اعارتۋ باعىتىن جاپپاي دايەكتىلەندىرىپ، ءمورال ارقىلى ادام تاربيەلەۋ ءتۇبىرلى مىندەتىن تياناقتاندىرىپ، اسپيرانتتىق اعارتۋ ساپاسىن جوعارىلاتۋدى وزەك ەتىپ، رەفورما، جاڭالىق اشۋدى تەرەڭدەتىپ، ماندىك دامۋدى ىلگەرىلەتۋ كەرەك. زەرتتەۋدى اسپيرانتتاردىڭ ساپاسىن ولشەۋدىڭ نەگىزگى كورسەتكىشى ەتىپ، پاندەر مەن ماماندىقتاردىڭ ورنالاسۋىن ساپالىلاندىرىپ، تۇرگە ءبولىپ باۋلۋعا، اشىق سەلبەستىك جاساۋعا ءمان بەرىپ، زەرتتەۋ مەن جاڭالىق اشۋ قابىلەتىنە يە جوعارى دەڭگەيلى دارىندىلاردى باۋلىپ جەتىلدىرۋ كەرەك. جەتەكشى وقىتۋشىلار قوسىنى قۇرىلىسىن كۇشەيتىپ، تۇرلىشە عىلمي دارەجە تيبىنە مەڭزەس وقۋ - اعارتۋ باعالاۋ جۇيەسىن كەمەلدەندىرىپ، ساپا باسقارۋدى، مەكتەپ ستيلىن، ۇيرەنۋ ستيلىن قاتايتىپ، اسپيرانتتىق اعارتۋدىڭ جوعارى ساپالى دامۋىنا جەتەكشىلىك ەتۋ كەرەك.
ءماجىلىس بەينە ەكران ءماجىلىسى فورماسىمەن اشىلدى. بەيجيڭ داشۋەسىندەگى، چيڭحۋا داشۋەسىندەگى، حۋاجۇڭ عىلىم - تەحنيكا داشۋەسىندەگى، شي - ان ەلەكترون عىلىم - تەحنيكا داشۋەسىندەگى جانە جياڭسۋ ولكەسىندەگى جاۋاپتى جولداستار ماجىلىستە تاجىريبە اۋىستىرىپ ءسوز سويلەدى.
