شي جينپيڭ جارلىق كۋالىگىن بەردى ءارى شەنى وسىرىلگەن وفيتسەردى قۇتتىقتادى
7 - ايدىڭ 29 - كۇنى ورتالىق اسكەري ىستەر كوميتەتىنىڭ شاڭجياڭ اسكەري شەنىنە ءوسىرۋ سالتى بەيجيڭدەگى 1 - تامىز عيماراتىندا سالتاناتتى تۇردە وتكىزىلدى. ورتالىق اسكەري ىستەر كوميتەتىنىڭ ءتوراعاسى شي جينپيڭ شاڭجياڭ اسكەري شەنىنە وسىرىلگەن زىمىران ارمياسىنىڭ ساياسي كوميسسارى شۇي جۇڭبو جولداسقا جارلىق كۋالىگىن بەردى. سۋرەتتى شينحۋا اگەنتتىگىنىڭ ءتىلشىسى لي گاڭ تۇسىرگەن
شينحۋا اگەنتتىگىنىڭ 7 - ايدىڭ 29 - كۇنى بەيجيڭنەن بەرگەن حابارى (ءتىلشى مەي شىشيۇڭ). ورتالىق اسكەري ىستەر كوميتەتىنىڭ شاڭجياڭ اسكەري شەنىنە ءوسىرۋ سالتى 7 - ايدىڭ 29 - كۇنى بەيجيڭدەگى 1 - تامىز عيماراتىندا سالتاناتتى تۇردە وتكىزىلدى. ورتالىق اسكەري ىستەر كوميتەتىنىڭ ءتوراعاسى شي جينپيڭ شاڭجياڭ اسكەري شەنىنە وسىرىلگەن زىمىران ارمياسىنىڭ ساياسي كوميسسارى شۇي جۇڭبو جولداسقا جارلىق كۋالىگىن بەردى.
تۇستەن كەيىن ساعات 4تەن 30 مينۋت مولشەرىندە شەن ءوسىرۋ سالتى ايبىندى مەملەكەت انىمەن باستالدى. ورتالىق اسكەري ىستەر كوميتەتىنىڭ ورىنباسار ءتوراعاسى شۇي چيلياڭ ورتالىق اسكەري ىستەر كوميتەتىنىڭ ءتوراعاسى شي جينپيڭ قول قويعان شاڭجياڭ اسكەري شەنىنە ءوسىرۋ جارلىعىن وقىدى. ورتالىق اسكەري ىستەر كوميتەتىنىڭ ورىنباسار ءتوراعاسى جاڭ يوۋشيا شەن ءوسىرۋ سالتىن باسقاردى.
شاڭجياڭ اسكەري شەنىنە وسىرىلگەن شۇي جۇڭبو رەتتى دە اسكەري بەينەمەن، تاسقىنداعان رۋحپەن ءتوراعا مىنبەسىنىڭ الدىنا كەلدى. شي جينپيڭ وعان جارلىق كۋالىگىن بەرىپ، قۇتتىقتادى. شاڭجياڭ اسكەري شەنى بەلگىسىن تاققان شۇي جۇڭبو شي جينپيڭگە اسكەري سالەم بەردى، سالىتقا قاتىناسقان بارلىق جولداسقا اسكەري سالەم بەردى، زالدان قىزۋ قول شاپالاق ءۇنى كوتەرىلدى.
شەن ءوسىرۋ سالتى اسقاق ارميا انىمەن اياقتالدى.
ورتالىق اسكەري ىستەر كوميتەتىنىڭ مۇشەلەرى ۋي فىڭحى، لي زوچىڭ، مياۋ حۋا، جاڭ شىڭمين، سونداي - اق اسكەري ىستەر كوميتەتى ورگانىنداعى ءارقايسى تاراۋلاردىڭ، بەيجيڭدە تۇراتىن ۇلكەن ورىنداردىڭ باسشىلارى شەن ءوسىرۋ سالتىنا قاتىناستى.
