تيانشان تورى
تيانشان تورى   ›   جاڭالىقتار   ›   ءۇرىمجى

ساۋىعىپ شيپاحانادان شىعۋدا 4 شارتقا ۇيلەسۋى كەرەك

  تيانشان تورىنىڭ حابارى (حابارىن جازعان گو ليڭ، وپەراتورلار دوۋ شيڭجۇن، ين تۇڭيۋان، جانات تولقىن) جۋىقتا، ءۇرىمجى قالاسىندا دياگنوزى تۇراقتاندىرىلعان ناۋقاستار شيپاحانادان شىقتى جانە اۋرۋ بەلگىسى جوق جۇعىمدالۋشىلاردىڭ مەديتسينالىق اۋاشالاۋى ارت-ارتىنان كۇشىنەن قالدىرىلدى. 7-ايدىڭ 31-كۇنى ساعات 17دە، اۆتونوميالى رايوندىق ۇكىمەت اقپارات كەڭسەسى كەزەكتەگى ءۇرىمجى قالاسىنىڭ جاڭا تيپتى ايدارشا ۆيروس وكپە قابىنۋ ىندەتى جانە ودان ساقتانۋ-تىزگىندەۋ قىزمەتى جونىندە 14-مايدان اقپار جاريالاۋ ماجىلىسىندە، اۆتونوميالى رايوندىق جاڭا تيپتى ايدارشا ۆيرۋس وكپە قابىنۋىن ەمدەۋ ورنىنىڭ باستىعى لۋ چىن دياگنوزى تۇراقتاندىرىلعان ناۋقاس پەن اۋرۋ بەلگىسى جوق جۇعىمدالۋشىلاردىڭ شيپاحانادان شىعۋ ولشەمىن تانىستىردى، سونداي-اق شيپاحانادان شىققاننان كەيىنگى ساۋىعۋدى باسقارۋدى تانىستىردى.

  ”كوزالدا، شيپاحانادان شىققان ناۋقاستار تۇگەلدەي «جاڭا تيپتى ايدارشا ۆيرۋس وكپە قابىنۋ ىندەتىنە دياگنوز قويۋ - ەمدەۋ جوباسىنىڭ (سىناق رەتىندە اتقارىلاتىن 7 - نۇسقاداعى تۇزەتىلگەن نۇسقا)» شيپاحانادان شىعارۋ ولشەمى بويىنشا قاتاڭ ساراپتاۋ جۇرگىزەمىز، 4 شارتقا ۇيلەسۋى كەرەك“،-دەدى اۆتونوميالى رايوندىق جاڭا تيپتى ايدارشا ۆيرۋس وكپە قابىنۋىن ەمدەۋ شيپاحاناسىنىڭ ورىنباسار باستىعى لۋچىن.

  4 شارتتىڭ ءبىرىنشىسى، دەنە تەمپەراتۋراسى قالپتى بولعانىنا 3 كۇننەن جوعارى بولۋ؛ ەكىنشىسى، تىنىس الۋ جۇيەسىندەگى اۋرۋ بەلگىسى كورنەكتى جاقسارۋ؛ ءۇشىنشى، وكپە ءبولىمى كەسكىن ىلىمىندەگى قابىنۋ كورنەكتى سىمىرىلگەن بولۋى؛ ءۇرتىس ەكى رەتكى تىنىس الۋ جولىنداعى اۋرۋ قاينارىنىڭ نۋكلەين قىشقىلىن تەكسەرگەندە بولىمسىز بولۋ (ۇلگى الۋ ۋاقىتىنىڭ ارالىعى كەمىندە 1 كۇن بولۋى كەرەك).

  لۋ چىن بىلاي دەدى: ”شيپاحانادان شىققان دياگنوزى تۇراقتاندىرىلعان ناۋقاستار مەن مەديتسينالىق اۋاشالاۋ كۇشىنەن قالدىرىلعان اۋرۋ بەلگىسى جوق جۇعىمدالۋشىلارعا ءالى دە جالعاستى 14 كۇننەن كەم بولمايتىن مەديتسينالىق باقىلاۋ جۇرگىزەدى ءارى مەرزىم بەلگىلەپ قايتالاي دياگنوز قويادى.

  ساۋىققان ناۋقاستى شيپاحانادان شىققاننان كەيىنگى قالپىنا كەلتىرىپ ەمدەۋ جونىندە، الدىمەن ناۋقاستىڭ قاتىستى اۋرۋ بەلگىلەرىنە، جۇرەك، وكپە قىزمەتىنە جانە توزىمدىلىگىنە، دەنە قۋاتى جانە كۇندەلىكتى قيمىلىنا قاراپايىم ساراپتاۋ جۇرگىزەدى. قاتەرلى ناۋقاستار مەن قاتەرلى سالماقتى ناۋقاستار شيپاحانادان شىققاننان كەيىن تىنىس الۋدى قالپىنا كەلتىرۋ ەمدەۋىن قابىلداۋى كەرەك؛ جەڭىل ناۋقاستار، ادەتتەگى ناۋقاستار شيپاحانادان شىققاننان كەيىن، جاعدايعا قاراي پسيحيكالىق اقاۋسىزدىقتى قالپىنا كەلتىرەتىن جاتتىعۋلار ىستەۋىنە بولادى.

  شيپاحانادان شىققان ناۋقاستار اس-سۋ باسقارۋدى كۇشەيتىپ، قورەكتىكتى ارتتىرىپ، قارسىلىق قۋاتىن كۇشەيتۋى كەرەك. قاتەرلى ناۋقاستار قالپىنا كەلتىرىپ ەمدەلۋمەن بىرگە دەنە ساپاسى جاتتىعۋىن كۇشەيتۋى، شاماسىنا قاراي وتتەكتى جاتتىعۋلار جاساپ، دەنە قۋاتىن بىرتىندەپ قالپىنا كەلتىرۋى كەرەك.

جاۋاپتى رەداكتور : سايراش تۇرارجان قىزى

ەسكەرتۋ:

تورابىمىزداعى مازمۇنداردى پايدالانۋعا تۋرا كەلگەندە، ءسوزسىز جازباشا رۇقساتقا يە بولۋ كەرەك. مازمۇنداردى رۇقساتسىز جالعاپ تاراتۋعا، كەسىپ رەداكسيالاۋعا، وزگەرتۋگە، قىسقارتىپ قۇراستىرۋعا، باسقا ورىنعا كوشىرۋگە نەمەسە باسقا تاسىلدەرمەن كوبەيتۋگە ءارى تاراتۋعا بولمايدى، قايشى كەلگەندەردىڭ زاڭدىق جاۋاپكەرشىلىگى زاڭ بويىنشا قۋزاستىرىلادى.