تيانشان تورى
تيانشان تورى   ›   جاڭالىقتار   ›   ءۇرىمجى

ءۇرىمجى قالاسى: جاسىل ارنا اشىپ، بازارداعى زات جەتكىزۋ ارناسىنىڭ ىركىلىسسىزدىگىنە كەپىلدىك ەتتى

  تيانشان تورىنىڭ حابارى (حابارىن جازعان ءتىلشى گو ليڭ، وپەراتورلار دوۋ شيڭجۇن، ين تۇڭيۋان، جانات تولقىن) قازىر ىندەت جاعدايى ءۇرىمجى قالاسىنىڭ ماڭىنداعى ەگىنشىلىك، باعىمشىلىق وتباسىلارىنىڭ ونىمدەرىن ساتۋىنا بەلگىلى دارەجەدە ىقپال جەتكىزىپ وتىر. ءۇرىمجى قالالىق اۋىل شارۋاشىلىعى، اۋىل-قىستاق مەكەمەسىنىڭ باستىعى لي شياڭرۇن بىلاي دەدى: قاتىستى تاراۋلار ىندەت مەزگىلىندەگى ساتۋ مەن ءوندىرۋدى اناعۇرلىم كۇشەيتىپ، ىندەتتەن ساقتانۋ-تىزگىندەۋ جانە بازار اينالىمىن قامتاماسىزداندىرۋ قىزمەتىن بار كۇشپەن ويداعىداي ىستەدى.

  7-ايدىڭ 31-كۇنى ساعات 17دە، اۆتونوميالى رايوندىق ۇكىمەت اقپارات كەڭسەسى كەزەكتەگى ءۇرىمجى قالاسىنىڭ جاڭا تيپتى ايدارشا ۆيروس وكپە قابىنۋ ىندەتى جانە ودان ساقتانۋ - تىزگىندەۋ قىزمەتى جونىندە 13 ـ مايدان اقپار جاريالاۋ ٴماجىلىسىن وتكىزدى. ماجىلىستە لي شياڭرۇن قاتىستى تاراۋلاردىڭ ءۇرىمجى قالاسىنىڭ ماڭىنداعى اۋىل شارۋاشىلىق قوسىمشا ونىمدەرىن ساتىپ الۋ، ساتۋعا قولدانعان شارالارىن تانىستىردى.

  لي شياڭرۇن بىلاي دەدى: ەگىنشىلىك، باعىمشىلىقپەن شۇعىلداناتىن وتباسىلارىنىڭ ساتۋ ارناسىن ىركىلىسسزدەندىرىپ، بازار قامداۋى مەن اۋىل شارۋاشىلىق ونىمدەرىنىڭ قالىپتى ساتىلۋىنا كومەكتەسۋ ءۇشىن نەگىزىنەن تومەندەگىدەي شارالار قولدانىلدى:

  ءبىرىنشى، ارناۋلى ادام ۇيىمداستىرىپ رايون قىستاق يەلىگىن ونىمدەرىن ىستەپ شىعارۋ، ساتۋ، ساقتاۋ، مانەرلەۋ قاتارلى احۋالداردى جالپى بەتتىك تەكسەرىپ انىقتادى. ءوندىرۋ، ساتۋ جاعدايىنا دۇرىس تالداۋ جاساپ، ٴوز رايونىنىڭ بازار قامداۋى مەن اۋىل شارۋاشىلىق ونىمدەرىن ساتۋدى ٴبىر تۇتاس جوسپارلاپ سايكەستىردى.

  ەكىنشى، جەرگىلىكتى كوكونىس، ەتپەن قامداۋدى قامتاماسىزداندىرۋ تەبىنىن ارتتىرىپ، اتىز باسقارۋدى كۇشەيتىپ، جەرگىلىكتى تەرۋشىلەردى ۇيىمداستىرىپ، كوكونىستىڭ كۇندىك تەرىمىن جوعارىلاتتى، پىسقان كوكونىستەردى تەز ارادا جيناپ الۋ، بازاردىڭ قاجەتىنە ساي جوسپارلاپ بازارعا شىعارۋ؛ باعىمشىلىق ءوندىرىس زاپاسىن كۇشەيتىپ، ءتۇيىندى كاسىپورىنداردىڭ جەرگىلىكتى مال تاسۋ تەبىنىن ارتتىرۋىن قولداپ ، ءوندىرىس قۋاتىن جوعارىلاتتى.

  ءۇشىنشى، ءوندىرۋ مەن ساتۋدى ۇشتاستىرۋدى كۇشەيتىپ، شينليان بازارى قاتارلى ءىرى تيپتى كوكونىس تولايىم ساتۋ بازارىنىڭ كوكونىس جيناۋ، ساقتاۋ تەبىنىن ارتتىردى، تولايىم ساتۋ بازارىنداعى ساۋداگەرلەردى، ەرەن بازار، سونداي-اق زاپاس جەتكىزۋ كاسىپورىندارىن ماڭىنداعى اتىزعا بارىپ زات قاينارىن جيناۋعا ۇيىمداستىردى. ەت ونىمدەرىن ساتاتىن كاسىپورىندارىن ماڭىنداعى ءىرى باعىمشىلىق وتباسىلارىمەن، سويىس كاسىپورىندارىمەن ۇشتاسۋىن كۇشەيتىپ، شوشقا، سيىر، قوي، تاۋىق باعىمشىلىعىن، زاپاس ساقتاۋ تەبىنىن ارتتىرىپ، بازاردىڭ قاجەتىنە ساي دەركەزىندە سويىس مولشەرىن ارتتىردى.

  ءتورتىنشى، قاتىناس باسقارۋ، قاتىناس تاراۋلارى ٴارقايسى رايوندارمەن ( اۋداندارمەن) ۇشتاسۋىن، سايكەسۋىن كۇشەيتتى. اۆتوكولىك قاتىناۋ كۋالىگى جاسىل ارنا اشىپ، بازارداعى زات جەتكىزۋ ارناسىن ىركىلىسسىزدەندىردى.

  ”ءوندىرۋ مەن ساتۋدى ۇشتاستىرۋ قىزمەتىن ويداعىداي ىستەۋمەن بىرگە، ءبىز كەزەكتەگى ىندەتتەن قاتاڭ ساقتانۋ تالابى بويىنشا، زاپاس ساقتاۋ، سويۋ، تاسىمالداۋ قاتارلى بۋىندارداعى ادامدارعا ءبىر تۇتاس نۋكلەين قىشقىلىن تەكسەرۋ قىزمەتىن جۇرگىزىپ، دەنە تەمپەراتۋراسىن ولشەۋ، ماسكى تاعۋ، زارارسىزداندىرۋ قاتارلى شارالاردى تياناقتاندىردىق. باعىمشىلىق الاڭى، سويىس الاڭىن جابىق باسقارىپ، ەت ونىمدەرىن كارانتيندەۋ جانە ورتادان ۇلگى الىپ تەكسەرۋدى كۇشەيتىپ، ىندەتتەن ساقتانۋ-تىزگىندەۋ جانە بازار اينالىمىن قامتاماسىزداندىرۋ قىزمەتىن بار كۇشپەن ويداعىداي ىستەدىك“،-دەدى لي شياڭرۇن.

  بيىل 1-ايدان 7-ايعا دەيىن، ءۇرىمجى قالاسىنىڭ كوكونىس ەككەن جەر اۋماعى 146 مىڭ 300 مۋ بولعان، نەگىزىنەن باكلاجان جەمىستى، جاپىراقتى، كارتوپ سىندى 3 ۇلكەن ءتۇر، 40 تان استام سورت بار، جىلدىق ءونىم مولشەرى 574 مىڭ 200 توننا بولعان. مال، قۇس سياقتى ەت ونىمدەرىنىڭ جالپى ءونىم مولشەرى 40 مىڭ توننا بولعان.

  قازىر جەرگىلىكتى كوكونىسپەن قامداۋ كۇندىك مولشەرى 1500 توننا اينالاسىندا، ەت ونىمدەرىمەن قامداۋ مولشەرى 200 توننا اينالاسىندا.

جاۋاپتى رەداكتور : سايراش تۇرارجان قىزى

ەسكەرتۋ:

تورابىمىزداعى مازمۇنداردى پايدالانۋعا تۋرا كەلگەندە، ءسوزسىز جازباشا رۇقساتقا يە بولۋ كەرەك. مازمۇنداردى رۇقساتسىز جالعاپ تاراتۋعا، كەسىپ رەداكسيالاۋعا، وزگەرتۋگە، قىسقارتىپ قۇراستىرۋعا، باسقا ورىنعا كوشىرۋگە نەمەسە باسقا تاسىلدەرمەن كوبەيتۋگە ءارى تاراتۋعا بولمايدى، قايشى كەلگەندەردىڭ زاڭدىق جاۋاپكەرشىلىگى زاڭ بويىنشا قۋزاستىرىلادى.