تيانشان تورى   ›   جاڭالىقتار   ›   ءۇرىمجى

ءۇرىمجى قالاسى: تۇرمىستىق قىزمەت وتەۋدى بار كۇشپەن قامتاماسىزداندىرىپ، قالا تۇرعىندارىنىڭ نەگىزگى قاجەتىن قاناعاتتاندىردى

  تيانشان تورىنىڭ حابارى (حابارىن جازعان ءتىلشى گو ليڭ، وپەراتورلار دوۋ شيڭجۇن، ين تۇڭيۋان، جانات تولقىن) ىندەت تۋىلعاننان كەيىن، جۇعىمدالۋ قاينارىن تۇبەگەيلى توسىپ، تارالۋ جولىن تۇبەگەيلى ءۇزۋ ءۇشىن، ءۇرىمجى قالالىق الەۋمەتتىك اۋماقتى جابىق باسقارۋ شاراسىن قولداندى. جابىق باسقارۋ مەزگىلىندە، قالىڭ قالا تۇرعىندارىنىڭ قالىپتى تۇرمىسى قالاي قامتاماسىزداندىرىلادى؟

  7-ايدىڭ 31-كۇنى ساعات 17دە، اۆتونوميالى رايوندىق ۇكىمەت اقپارات كەڭسەسى كەزەكتەگى ءۇرىمجى قالاسىنىڭ جاڭا تيپتى ايدارشا ۆيروس وكپە قابىنۋ ىندەتى جانە ودان ساقتانۋ - تىزگىندەۋ قىزمەتى جونىندە 14 ـ مايدان اقپار جاريالاۋ ٴماجىلىسىن وتكىزدى، ءۇرىمجى قالالىق ۇكىمەتتىڭ ورىنباسار باس حاتشىسى شاڭ يۇيلان بىلاي دەپ تانىستىردى: ”ءبىز ءارقايسى تاراۋلارداعى كادر-جۇمىسشىلاردى، الەۋمەتتىك اۋماق قىزمەتكەرلەرىن، ەرىكتى قىزمەت وتەۋ اترەتى قاتارلىلاردى بەلسەنە ۇيىمداستىرىپ، الەۋمەتتىك اۋماق ءبىرىنشى شەبىندە ءار كۇنى دەنە تەمپەراتۋراسىن ولشەۋ، قورشاعان ورتانى زارارسىزداندىرۋ قاتارلى ساقتانۋ-تىزگىندەۋ قىزمەتىن ىستەۋمەن بىرگە، تۇرمىستىق قىزمەت وتەۋ قىزمەتىن بار كۇشپەن قامتاماسىزداندىرىپ، قالا تۇرعىندارىنىڭ نەگىزگى قاجەتىن قاناعاتتاندىردىق“.

  ءبىرىنشى، تۇرعىنداردىڭ زات ساتىپ الۋىنا كومەكتەسۋ. شاعىن اۋماق نەمەسە بينانى بىرلىك ەتىپ ۋيشين توبىن قۇرىپ، تۇرعىندار توپتا قاجەتتى ينفورماتسياسىن جولدايدى، الەۋمەتتىك اۋماق وتباسىن كوتەرەگە العان كادرلار تۇرعىنداردىڭ تالابىنا دەرەۋ جاۋاپ قايتارىپ، ۋيشين توبىنداعى كوكونىس، جەمىس، كۇرىش، ۇن، ماي، ەت، جۇمىرتقا، ءسۇت، سونداي-اق ءدارى-دارمەك، نارەستەلەر بۇيىمى قاتارلى قاجەتتى زاتتاردى دەركەزىندە تىزىمدەپ، ەرىكتىلەردى ۇيىمداستىرىپ، ءبىر تۇتاس ساتىپ الىپ، تۇرگە ايىرىپ، قوراپتايدى، ءارى جاناسپاۋ تاسىلىمەن تۇرعىنداردىڭ ۇيىنە جەتكىزىپ بەرەدى.

  ەكىنشى، تۇرعىنداردىڭ شۇعىل جاعدايعا توتەپ بەرۋ ىستەرىن شەشۋ. ىلەسە قىزمەت وتەۋ تالابىن تياناقتاندىرىپ، پارتيا مۇشەلەرىنىڭ اۆانگارتىق رولىن ساۋلەلەندىرىپ، سۋ، ەلەكتر، گاز اقىسىن تاپسىرۋ، قوقىر-قوقىستاردى شوعىرلى ءبىر جايلى ەتۋ ماسەلەلەرىنە بەلسەنە كومەكتەستى. سونىمەن قاتار، ەرەكشە قاۋىمعا كوڭىل ءبولۋ، قامقورلىق جاساۋدى كۇشەيتىپ، قالا مەن اۋىلداعى ەڭ تومەنگى تۇرمىسى قامتاماسىزداندىرىلاتىن، تومەن كىرىستى وتباسىلارىنا سونداي-اق پاناسىز قارتتار قاتارلى قيىنشىلىعى بار قاۋىمعا دەركەزىندە مەيىر باعىشتاۋ كوكونىسى، ماي، كۇرىش، ۇن قاتارلى تۇرمىستىق بۇيىمداردى جەتكىزىپ بەرىپ، ماسكى، زارارسىزداندىرۋ سۇيىقتىعى قاتارلى ساقتانۋ بۇيىمدارىمەن قامدادى، جۇكتى، بوسانعان ايەلدەر، بالالار جانە سوزىلمالى ناۋقاسى بارلار، قان ءسۇزدىرۋدى قاجەت ەتەتىندەر قاتارلى ەمدەلۋ قاجەتى بار قاۋىمعا تولىق كۇن ءدارى ساتىپ الۋ، ارناۋلى اپارىپ-اكەلۋ، شيپاگەرگە كورسەتۋ قاتارلى قىزمەت وتەۋ، قامتاماسىزداندىرۋ قىزمەتىن ورىستەتەدى.

  ءۇشىنشى، پسيحولوگيالىق كەڭەس بەرۋدى كۇشەيتۋ. شاعىن اۋماق ۋيشين توبى، شارۋاشىلىق يەلەرىQQ توبى، تەلەفون قاتارلى تاسىلدەرمەن تۇرعىندارعا ساقتانۋ-تىزگىندەۋگە قاتىستى ساياساتتار مەن بىلىمدەردى ۇگىتتەۋ، تۇرعىنداردىڭ سۇراۋىنا بايىپتىلىقپەن جاۋاپ بەرۋ، پسيحولوگيالىق كومەك بەرۋدى بەلسەنە ورىستەتۋ، پسيحولوگيالىق بىلىمدەرىن جالپىلاستىرۋ قاتارلى تاسىلدەر ارقىلى، قاراستى رايونداعى تۇرعىنداردىڭ كوڭىل-كۇيىن ورنىقتىرۋ ارقىلى ىندەتتەن ساقتانۋ-تىزگىندەۋ قىزمەتىن ءتۇسىنۋ، سايكەسۋ كەرەك.

  ءتورتىنشى مەرەكە كەزىندەگى قامتاماسىزداندىرۋ تەبىنىن ارتتىردى. قۇربان ايت مەزگىلىندە، كۇندەلىكتى تۇرمىستىق قىزمەت وتەۋدى قامتاماسىزداندىرۋ تەبىنىن ارتتىرۋمەن بىرگە، قالا مەن اۋىلداعى تومەنگى تۇرمىسى قامتاماسىزداندىرىلاتىن وبيەكتى، ەرەكشە قيىنشىلىعى بارلار سىندى قيىنشىلىعى بار بۇقاراعا، ءار ادامعا 500 يۋاندىق ولشەم بويىنشا، قوي، سيىر، تاۋىق ەتى، جۇمىرتقا قاتارلى حال سۇراۋ بۇيىمدارىن تاراتتى. بارلىق حال سۇراۋ بۇيىمدارى بۇگىن (7-ايدىڭ 31-كۇنى) تولىق تاراتىلىپ، 9223 وتباسى، 11826 ادام يگىلىكتەندى. سونىمەن قاتار، ىندەتتەن قاتاڭ ساقتانۋ شارتى استىندا، تۇراقتى بەلگىلەنگەن سويىس الاڭىنان ءبىر تۇتاس قوي سويىپ، ينتەرنەتتە تاپسىرىس بەرۋ ارقىلى ساتتى، قاتىستى تاراۋلار مەن ءارقايسى (اۋدان)، الەۋمەتتىك اۋماق وتباسىلارىنا جەتكىزىپ بەردى.

  ”قالىڭ قالا تۇرعىندارى تولىق ءتۇسىنىپ، ىندەتتەن ساقتانۋ-تىزگىندەۋ قىزمەتىن بەلسەنە قولدادى، ءبىز قالىڭ قالا تۇرعىندارىنىڭ ءتۇسىنۋى مەن قولداۋىن قوزعاۋشى كۇش ەتىپ، قىزمەت تەبىنىن ونان ارى ارتتىرىپ، بار كۇشپەن قالىڭ قالا تۇرعىندارىنا اناعۇرلىم ساپالى قىزمەت وتەيمىز“،-دەدى شاڭ يۇيلان.

جاۋاپتى رەداكتور : سايراش تۇرارجان قىزى

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.