فان حۇڭ - ي
7 - ايدىڭ 26 - كۇنگى «شينجياڭ گازەتى» «ءديدارلاسپاعان ءبىر جۇپ ساۋدا سەرىكتەر» دەگەن تاقىرىپتاعى حاباردى جاريالادى، ەركىن جيلىل مەن دۋ لۇڭحاي ەكەۋىنىڭ ”ساتسىزدەۋ بولعان العاشقى ساۋدادان“ ”ومىرلىك دوس بولعانعا“ دەيىنگى اڭگىمەسىنە اسەرلەنگەن ەدىك. ”مەن ەسكەرتىپ قويۋ جاۋاپكەرشىلىگىمدى ادا ەتپەدىم، جەمىستىڭ بۇزىلۋىندا مەنىڭ دە جاۋاپكەرشىلىگىم بار، بۇل اقشانى الا المايمىن“، 4 جىلدىڭ الدىندا، ەركىننىڭ پوزيتسياسىنان ادامدار وسى شينجياڭدىق ازاماتقا قۇرمەتپەن قارايتىن بولعان - دى، ال دۋ لۇڭحاي دا امالىن تاۋىپ زاتتىڭ اقشاسىن ەركىنگە اۋدارىپ بەردى، ەل وسى ازاماتقا دا ەرىكسىز باس بارماعىن شىعاردى. وسىدان كەيىن، ەركىن مەن دۋ لۇڭحاي ساۋداداعى سەنىمدى سەرىكتەر بولىپ، تۇرمىستا دا ءوزارا سەنىم ارتقان اعايىندارعا اينالدى.
ەركىن مەن دۋ لۇڭحايدىڭ اڭگىمەسىنىڭ ادامدى اسەرلەندىرەتىن جەرى، ولاردىڭ تۇرلىشە ۇلتتاردان بولسادا، ونىڭ ۇستىنە نەشە مىڭ شاقىرىم جەردە، ءبىرىن - ءبىرى كورمەسەدە، ءوزارا سەنىم ارتىپ، ءوزارا كومەكتەسىپ، سۇيىشپەنشىلىگى سەتىنەمەس اعايىندارعا اينالعانى ەدى. نەگە دەيسىز عوي؟ ول ەكەۋىنىڭ بويىندا دا ءبىر ورتاق جارقىن ءتۇيىن بار، ول − ادالدىق جانە سەنىمدىلىك.
ادالدىق جانە سەنىمدىلىك ساۋدا ىستەۋدىڭ جانى، سونداي - اق ادامدىقتىڭ ارقاۋى. وسى تاڭداۋلى ءمورال ەركىن مەن دۋ لۇڭحايدىڭ بويىنان تولىق مەن مۇندالاپ تۇرادى. ەركىن مەن دۋ لۇڭحاي ءوزارا ادال بولىپ، ءبىر - بىرىنە سەنىم ارتىپ، ساۋدالارىن قىزدىرىپ جىبەردى، سونداي - اق ادالدىقپەن، سەنىمدىلىكپەن ءوزارا كومەكتەسىپ، بىرەۋىندە قيىنشىلىق بولا قالعاندا، تاعى بىرەۋى دەرەۋ كومەك قولىن سوزدى. بىلتىر ەركىن اۋلاسىن كەڭەيتپەكشى بولعاندا، قارجىسى جەتىسپەي قالادى، دۋ لۇڭحاي بىلگەننەن كەيىن تاباندا 100 مىڭ يۋان اۋدارا سالادى. ال ورتاق ساۋدالارىندا كەزدەيسوقتىق تۋىلعاندا، شىعىندى ارقالاۋعا ەكەۋى دە تالاسىپ قالادى. ادالدىق جانە سەنىمدىلىك بولعاندىقتان، اياپ قالماس سەنىم مەن قالتقىسىز كومەك بولدى. ادالدىق جانە سەنىمدىلىك ۇلتقا، وڭىرگە، الىس - جاقىنعا بولىنبەيدى، ايتەۋ ادام مەن ادام ارالاسسا، ادالدىقتى، سەنىمدىلىكتى دارىپتەيدى ەكەنسىڭ، ءسوزسىز، قارىمجىسى قايتارىلادى.
جۇڭحۋا ۇلتىنىڭ ۇلى شاڭىراعىندا ادالدىق جانە سەنىمدىلىك ۇلتتاردىڭ ىنتىماعىنىڭ نەگىزى. ەركىن مەن دۋ لۇڭحاي كەزدەسىپ كورمەسەدە، ادالدىق جانە سەنىمدىلىك ەكەۋىنىڭ جۇرەگىن تىعىز قابىستىردى، ولار دەرلىك ءار كۇنى تەلەفونداسىپ، ساۋداداعى ىستەردى اقىلداسادى، سونداي - اق كۇي - جايىن سۇراسىپ، اعايىن - باۋىرلاستىق سۇيىسپەنشىلىكتەرىن جەتكىزەدى. دۋ لۇڭحاي بىلاي دەيدى: ”مەن ونىڭ بويىنان كوپ نارسە ۇيرەندىم، مەن ونىمەن ماڭگى دوس بولامىن“. اعايىندىلار نيەتتەس بولسا الىنباس قامال جوق، وسى ءسوزدى مۇقيات ويلاساڭىز، ادامدار ءبىر - بىرىمەن اعايىندارشا نيەتتەس، بىلەكتەس بولسا، بۇل دۇنيەدە جەڭە المايتىن قيىنشىلىق جوق ەكەندىگىن ايتىپ تۇرعانى جوق پا؟
ادالدىق جانە سەنىمدىلىك جۇڭحۋا ۇلتىنىڭ ءداستۇرلى اسىل ءمورالى، ول ادامدار ارا سەنىمدىلىكتى جانە قوعامنىڭ ۇيىسۋ قۋاتىن ارتتىرادى؛ ادالدىق - سەنىمدىلىك دەگەنىمىز ءوزارا ءتۇسىنىسۋدىڭ، ءوزارا قۇرمەت ەتۋدىڭ، ءوزارا باۋىرمال بولۋدىڭ، ءوزارا ءسۇيىنۋدىڭ، ءوزارا ۇيرەنۋدىڭ، ءوزارا كومەكتەسۋدىڭ العى شارتى مەن كاتاليزاتورى، ول ۇلتتار ىنتىماعى گۇلىن ونان ارى قۇلپىرتا تۇسەدى. ءار ۇلت اعا - ءىنى، اپەكە - سىڭلىلەر تۇگەلدەي ادالدىقپەن سيلاسىپ، جان - جاقتىلى ارالاسىپ، جاپپاي پىكىرلەسىپ، ىشكەرىلەي توعىسسا عانا، ءار ۇلت حالقىنىڭ ءبىر نيەتپەن جۇمىلاتىن، ىنتىماقتاسا ەكپىندەي العا ىلگەرىلەيتىن قۋاتتى كۇش - قۋاتىن ۇيىستىرا الامىز.
