تيانشان تورى   ›   جاڭالىقتار   ›   ءۇرىمجى

ءۇرىمجى قالاسى مەرەكە كەزىندە ”استىقپەن“، ”كوجە قاتىقپەن“ قامداۋدى بار كۇشپەن قامتاماسىز ەتتى

  7 - ايدىڭ 30 - كۇنى ءۇرىمجى قالاسىنىڭ ساۋداگەرى ابدۇراحمان ابلەكيم (سولدا) قوي ەتىن بولۋدە. ءۇرىمجى شينليان اۋىل شارۋاشىلىعى قوسىمشا ونىمدەرى امبەباپ بازارى بەلسەندى تۇردە كوكونىس، استىق، ماي، سيىر، قوي ەتىن جەتكىزىپ، مەرەكەدەگى بازاردى قامداۋدى قامتاماسىز ەتتى. سۋرەتتى شينجياڭ گازەتىنىڭ جالپىلىق اقپارات قۇرالدارى ءتىلشىسى وتكۇر نيجات تۇسىرگەن

  شينجياڭ گازەتىنىڭ جالپىلىق اقپارات قۇرالدارى تىلشىلەرى لي چۇنشيا، جاۋ چۇنحۋا 7 - ايدىڭ 30 - كۇنى ۇرىمجىدەن حابارلايدى. 7 - ايدىڭ 31 - كۇنى قۇربان ايت. 7 - ايدىڭ 30 - كۇنى اۆتونوميالى رايوندىق ۇكىمەتتىڭ اقپارات كەڭسەسى ىندەتتەن ساقتانۋ - تىزگىندەۋ قىزمەتى جونىندە اشقان اقپار جاريالاۋ ماجىلىسىندە ءۇرىمجى قالاسىنىڭ ورىنباسار باستىعى سۇڭ ياجۇننىڭ تانىستىرۋىنشا، ءۇرىمجى قالاسى ىندەتتەن ساقتانۋ - تىزگىندەۋ قىزمەتىن ويداعىداي ىستەۋمەن قاتار، مەرەكە كەزىندەگى زاتتىق ماتەريالمەن قامداۋدى بار كۇشپەن قامتاماسىز ەتكەن.

  سۇڭ ياجۇن بىلاي دەدى: مەرەكە كەزىندە ءۇرىمجى قالاسى مال، ءۇي قۇستارىن سويۋ مولشەرىن ارتتىرىپ، ءار كۇنى 1700دەن استام سيىر، قوي سويىپ، كۇندىك قامداۋ مولشەرى بۇرىنعىدان %50تەن ارتىق كوبەيدى؛ ءۇي قۇستارىن سويۋ مولشەرى 33 مىڭ اينالاسىنا جەتكىزىلىپ، بۇرىنعىدان %30 جوعارىلاتىلدى. سونىمەن بىرگە، ءۇرىمجى قالاسى قالالىق زاپاس ەتتى بازارعا سالۋ قىزمەتىن ىسكە قوسىپ، 7 - ايدىڭ 29 - كۇنىنەن 8 - ايدىڭ 12 - كۇنىنە دەيىن ۇدايى 15 كۇن سيىردىڭ، قويدىڭ جاس ەتتەرىن، مەجەمەن قوي ەتىنەن 200 توننا، سيىر ەتىنەن 150 توننا بازارعا سالادى.

  قالا تۇرعىندارىنىڭ ”استىق“، ”كوجە قاتىعىن“ مولايتۋ ءۇشىن، ءۇرىمجى قالاسى كوكونىستىڭ ءوندىرىلۋ، قامدالۋ سەرپىنىن ارتتىرىپ، كۇنىنە بازارعا سالىناتىن جاڭا كوكونىس تۇرلەرىنىڭ 40تان اسۋىنا، 1000 توننا مولشەرىنە جەتۋىنە شىنايى كەپىلدىك ەتەدى؛ ءارقايسى ۇلكەن بازارداعى استىق، ازىقتىق ماي، ءسۇت، جۇمىرتقا سياقتى قوسىمشا ازىق - تۇلىكتەرمەن قامداۋ جەتكىلىكتى بولىپ، مەرەكە كەزىندە كۇنىنە 260 توننا ءسۇت، 120 توننا مولشەرىندە جۇمىرتقا بازارعا شىعارىلادى.

  ءۇرىمجى قالاسى كوكونىس، ەت تۇرلەرىنىڭ جەتەكشى باعاسىن تياناقتاندىرىپ، بۇكىل قالاداعى 491 الەۋمەتتىك اۋماقتاعى كوكونىستەردى تىكە ساتۋ تۇيىنىندە ساتىلىم باعاسىن شەكتەۋ شاراسىن اتقارىپ، قازىنادان 10 ميلليون يۋان قوسىمشا قاراجات بەرەدى. ءتۇرلى كوكونىس ساتۋ دۇكەندەرى (الەۋمەتتىك اۋماقتاعى كوكونىس دۇكەندەرى قامتىلادى) تۇگەلدەي ۇكىمەتتىڭ جەتەكشى باعاسىن اتقارادى، باعانىڭ پارىقتى بولىگىنە ۇكىمەت قوسىمشا قاراجات بەرەدى. قازىر قالاداعى ءتۇرلى تولايىم ساتۋ بازارلارىندا كوكونىستىڭ مولشەرى جەتكىلىكتى، باعاسى تۇراقتى. 7 - ايدىڭ 24 - كۇنىنەن باستاپ، ەت تۇرلەرىنىڭ بولشەك ساتىلىم باعاسى 7 - ايدىڭ 15 - كۇنگى ۇكىمەتتىڭ جەتەكشى باعاسى بويىنشا اتقارىلادى، قازىنادان ەت پەن كوكونىستىڭ باعاسىن ورنىقتىرۋعا 20 ميلليون يۋان قوسىمشا قاراجات بەرىلەدى.

  مەرەكە كەزىندەگى زاتتىق ماتەريالمەن قامداۋ - جەتكىزۋ ارنالارىنىڭ ىركىلىسسىز بولۋى ءۇشىن، ءۇرىمجى قالاسى تاسىمال بۋىنىن باسقارۋدى كۇشەيتىپ، بولشەك ساتۋ بۋىنىنداعى قىزمەت وتەۋدى ساپالىلاندىرىپ، زاتتىق ماتەريالداردىڭ قامدالۋىن قامتاماسىز ەتۋ بويىنشا كوتەرمەگە الىپ بايلانىس جاساۋ مەحانيزمىن كەمەلدەندىرىپ، الەۋمەتتىك اۋماقتى بىرلىك، الەۋمەتتىك اۋماقتاعى كوكونىستەردى تىكە ساتۋ تۇيىندەرىن قامداۋشى تۇلعا، شاعىن دۇكەندەردى، شاعىن كوكونىس دۇكەندەرىن، قولايلى دۇكەندەردى تىرەك ەتىپ، ىندەتتىڭ الدىن الۋ تالابىنا ۇيلەسۋ شارتى ورىندالعان جاعدايدا قاجەتكە قاراي تاپسىرىسپەن قامداپ، تۇرعىندار تاپسىرىس بەرۋ، دۇكەن يەلەرى جەتكىزىپ بەرۋ، الەۋمەتتىك اۋماق قىزمەتكەرلەرى مەن ەرىكتىلەر جولىقپاي اپارىپ بەرۋ ءتاسىلىن قولدانىپ، تۇرعىنداردى ەت، جۇمىرتقا، ءسۇت، استىق جانە ازىقتىق ماي، كوكونىس سياقتى مەرەكەلىك تۇرمىستىق قاجەتتى بۇيىمدارمەن قامدايدى.

  سۇڭ ياجۇن مىنالاردى ءبىلدىردى: ءۇرىمجى قالاسى قامداۋ ءتۇيىنى سياقتى الاڭ - ورىنداردا ىندەتتىڭ الدىن الۋدى جانە زاتتىق ماتەريالداردىڭ قامدالۋىن باقىلاۋ - تەكسەرۋدى كۇشەيتىپ، ەت، كوكونىس، استىق، ازىقتىق مايدىڭ قامدالۋى جەتكىلىكتى بولۋىن سايكەستىرىپ، قامتاماسىز ەتىپ، جەتكىزىپ بەرۋ بارىسىنداعى زارارسىزداندىرۋ سياقتى ىندەتتىڭ الدىن الۋ قىزمەتىن ويداعىداي ىستەيدى؛ زات باعاسىن ءوسىرىپ جىبەرۋ سياقتى زاڭسىز ارەكەتتەرگە سوققى بەرۋ سەرپىنىن ارتتىرىپ، مەرەكەلىك، تۇرمىستىق قاجەتتى بۇيىمدار باعاسىنىڭ تۇراقتىلىعىن قامتاماسىز ەتەدى. سونىمەن بىرگە، ءار ۇلت قالا تۇرعىندارىن مەرەكە كەزىندە شاعىن اۋماقتا ىندەتتەن ساقتانۋ - تىزگىندەۋ تالاپتارىنا قاتاڭ بويسۇنىپ، ينتەرنەتتە بەينە بايلانىس ارقىلى ءوزارا سالەمدەسىپ جانە تىلەك ايتىسىپ، ناقتى ارەكەتتەرىمەن وسى رەتكى ىندەتتەن ساقتانۋ - تىزگىندەۋ توسقاۋىل شايقاسىنىڭ جەڭىسىنە قول جەتكىزۋگە ۇندەيدى.

جاۋاپتى رەداكتور : سايراش تۇرارجان قىزى

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.