شينجياڭ گازەتىنىڭ شولۋشىسى
”قازىر جۇڭگو جاساۋ كاسىبىندە قۋاتتى ەل، ونەركاسىپتە قۋاتتى ەل بولۋ سىندى اناعۇرلىم جوعارى نىساناعا قاراي دامۋ ءۇشىن، ستراتەگيالىق جاڭا وركەندەگەن كاسىپ سالالارىن دامىتۋ جاعىندا ورايدى مىقتاپ يگەرىپ، اينالما جولدا باسىپ وزۋى كەرەك“. جاقىندا باس شۋجي شي جينپيڭ جيليندە قىزمەت تەكسەرگەندە جاساۋ كاسىبىنىڭ دامۋى جونىندە تاعى دا ايقىن نىسانا - تالاپ ورتاعا قويىپ، ۇزاق بولاشاقتىق دامۋ باعدارىن ايقىن كورسەتتى، سونداي - اق رايونىمىزدىڭ جاڭالىق اشۋ ارقىلى جاساۋ كاسىبىنىڭ تيبىن وزگەرتۋگە، دارەجەسىن جوعارىلاتۋعا دەم بەرىپ، ەكونوميكانىڭ جوعارى ساپالى دامۋىن جەدەل ىلگەرىلەتۋىنە ماڭىزدى بويسۇنۋ ولشەمىن ازىرلەدى.
جاساۋ كاسىبى − ەكونوميكانىڭ ۇزاق ۋاقىت ورنىقتى ارتۋىن ىلگەرىلەتەتىن ىرگە تاس، جاساۋ كاسىبىنىڭ جوعارى ساپالى دامۋى ەكونوميكانىڭ جوعارى ساپالى دامۋىن جۇزەگە اسىرۋداعى ماڭىزدىنىڭ ماڭىزدىسى. سوڭعى جىلدارى رايونىمىز جاڭالىق اشۋ ارقىلى دامۋعا دەم بەرۋ ستراتەگياسىن زور كۇشپەن اتقارىپ، جاساۋ كاسىبىنىڭ تيبىن وزگەرتۋدى، دارەجەسىن جوعارىلاتۋدى جەدەل ىلگەرىلەتىپ، جاڭا ەنەرگيالى جابدىقتاردى، كەرنەۋ وزگەرتۋ - ەلەكتر جەتكىزۋ جابدىقتارىن ەرەكشەلىك، باسىمدىق ەتكەن جابدىق جاساۋ جۇيەسىن قالىپتاستىرىپ ۇلگىردى، ەرەكشە ترانسفورماتور، جينفىڭ عىلىم - تەحنيكاسى ۋاكىل بولعان ءبىر توپ تىرەكتى جاساۋ كاسىپورىندارى ەل ءىشى - سىرتىندا بەلگىلى ىقپالعا جانە باسەكەلىك قابىلەتكە يە بولىپ، ءبىر توپ وزىق جاساۋ تەحنيكالارى سالانىڭ بيىك تۇرعىسىن يەلەدى، ءۇرىمجى، سانجى، قارامايلى، قۇمىل قاتارلى 7 جاساۋ كاسىبى بازاسى جەدەل قۇرىلدى. الايدا، سونىمەن بىرگە شينجياڭنىڭ جاساۋ كاسىبىندە كولەمى ءبىرشاما شاعىن بولۋ، كاسىپ سالاسى قۇرىلىمى دەرلىكتەي لايىقتى بولماۋ، جاڭالىق اشۋ قابىلەتى جەتكىلىكسىز بولۋ سياقتى ماسەلەلەر ورىن تەۋىپ وتىر. رايونىمىز جاساۋ كاسىبىنىڭ تيبىن وزگەرتۋدى، دارەجەسىن جوعارىلاتۋدى ىلگەرىلەتىپ، تىڭ بيىككە كوتەرۋ ءۇشىن، ءسوز جوق، جاڭالىق اشۋ ارقىلى دەم بەرۋگە تاباندى بولىپ، ءداستۇرلى كاسىپ سالاسىنىڭ تيبىن وزگەرتۋدى، دارەجەسىن جوعارىلاتۋدى تەزدەتىپ، ستراتەگيالىق جاڭا وركەندەگەن كاسىپ سالالارىن جەتىلدىرۋ، ۇلعايتۋ كەرەك.
جاڭالىق اشۋ − دامۋدى جەتەكتەيتىن ءبىرىنشى قوزعاۋشى كۇش، جاساۋ كاسىبىنىڭ تيبىن وزگەرتۋدى، دارەجەسىن جوعارىلاتۋدى ىلگەرىلەتۋ ءۇشىن، ءسوز جوق، جاڭالىق اشۋدى جاساۋ كاسىبىنىڭ دامۋ جالپى جاعدايىنداعى وزەكتى ورىنعا قويىپ، عىلىم - تەحنيكالىق جاڭالىق اشۋ ارقىلى كاسىپ سالاسىنىڭ دامۋىنا قۋات ۇستەۋ كەرەك. جاساۋ كاسىبى، اسىرەسە، جابدىق جاساۋ كاسىبى مەملەكەتتىڭ ماڭىزدى قارۋى سانالادى، جاڭالىق اشۋ ارقىلى دەم بەرۋ ستراتەگياسىن زور كۇشپەن اتقارىپ، تيبىن وزگەرتۋدى، دارەجەسىن جوعارىلاتۋدى جۇزەگە اسىرۋ حالىق شارۋاشىلىعىنىڭ باياندى دامۋىن جۇزەگە اسىرۋعا ءتيىمدى بولىپ، مەملەكەتتىڭ حاۋىپسىزدىك قاجەتىنە ساي كەلەدى، كۇن سايىن شيەلەنىسكەن باسەكەدە ىرىقتىلىقتى مەڭگەرۋگە پايدالى. ال، ”ءبىر بەلدەۋ، ءبىر جول“ قۇرىلىسى شينجياڭنىڭ جاساۋ كاسىبىنىڭ تيبىن وزگەرتۋگە، دارەجەسىن جوعارىلاتۋعا ءتىپتى دە تىڭ دامۋ ءورىسىن ازىرلەپ وتىر، ءتيىمدى جاعدايدان پايدالانىپ ورگە ۇمتىلىپ، جاساۋ كاسىبىنىڭ ەرەكشەلىگىن، باسىمدىعىن زورايتۋدا شينجياڭ ۇلكەن ىستەر تىندىرا الادى.
جاڭالىق اشۋ ارقىلى دەم بەرۋگە تاباندى بولۋدا كاسىپورىنداردىڭ تەحنيكالىق جاڭالىق اشۋداعى نەگىزگى تۇلعالىق ورنىن نىعايتىپ، جاڭالىق اشۋعا ىنتالاندىرۋ مەحانيزمىن ورناتىپ، اقاۋسىزداندىرىپ، كاسىپورىنداردى، اسىرەسە، تىرەكتى كاسىپورىنداردى جاڭالىق اشۋ نەگىزگى تۇلعالىق رولدارىن تولىق ساۋلەلەندىرۋگە جەتەكتەپ، ىنتالاندىرىپ، مەملەكەتتىڭ ەنەرگيانى دامىتۋ ستراتەگياسىن جانە مەملەكەتتىڭ ەلەۋلى نىسان قۇرىلىستارىن ارقاۋ ەتىپ، جاساۋ كاسىبىنىڭ، اسىرەسە، جابدىق جاساۋ كاسىبىنىڭ شەشۋشى، وزەكتى تەحنيكالاردا ماڭىزدى سەرپىلىس جاساۋىن ىلگەرىلەتىپ، ەلەۋلى تەحنيكالىق جاڭالىق اشۋ نىساندارىن ورىنداپ، جاڭا دامۋ ۇستانىمىنىڭ جەتەگىندە جوعارى دەڭگەيلى جابدىق جاساۋ كاسىبىنە قاراي نىق قادام تاستاۋ كەرەك.
جاڭالىق اشۋ ارقىلى دەم بەرۋگە تاباندى بولۋدا كاسىپ سالاسىنىڭ شوعىرلانۋ اسەرىن كۇش سالا قالىپتاستىرىپ، وزىق جاساۋ كاسىبى جۇيەسىن ورناتىپ، كاسىپ سالاسى تىزبەگىن ارقاۋ ەتە وتىرىپ جاڭالىق اشۋ تىزبەگىن ورنالاستىرىپ، اۆتونوميالى رايون دارەجەلى جاساۋ كاسىبىندە جاڭالىق اشۋ ورتالىقتارىنان ءبىر توبىن جەتىلدىرىپ، قۇرىپ، كاسىپ سالاسىنىڭ دامۋىنا تۇساۋ بولىپ وتىرعان ورتاق، شەشۋشى تەحنيكالىق ماسەلەلەردەن قامال بۇزۋعا جانە ونى شەشۋگە كۇش سالىپ، جاڭا ەنەرگيا، جاڭا تەحنيكا، جاڭا ماتەريال، ەنەرگيا ۇنەمدەۋ جانە قورشاعان ورتانى قورعاۋعا پايدالى بولۋ، بيو - مەديتسينا، ۇلكەن ساندى مالىمەت، زەردەلى تەرمينال سياقتى ستراتەگيالىق جاڭا وركەندەگەن كاسىپ سالالارىن زور كۇشپەن دامىتىپ، جاڭا تيپتى كاسىپ سالاسىنىڭ شوعىرلانۋ اۋماعىن، ارتۋ ۇيەگىن جەتىلدىرىپ، جاساۋ كاسىبىنىڭ جاڭالىق اشا دامۋىنىڭ ىقپال جاساۋ، جەتەكتەۋ قابىلەتىن نىعايتۋ كەرەك.
جاڭالىق اشۋ ارقىلى دەم بەرۋگە تاباندى بولۋدا جاڭا - كونە قوزعاۋشى ەنەرگيانىڭ اۋىسۋىن ىشكەرىلەي ىلگەرىلەتۋ كەرەك. جاڭا تەحنيكالاردان، جاڭا كاسىپ كۇيلەرىنەن، جاڭا ۇلگىلەردەن پايدالانىپ ءداستۇرلى كاسىپ سالالارىن وزگەرتىپ جانە ونىڭ دەڭگەيىن ءوسىرىپ، مۇناي جانە مۇناي حيميا، جابدىق جاساۋ، مەتال قورىتۋ جانە قۇرىلىس ماتەريالدارى، ۇلتتىق شيپاگەرلىك - دارىگەرلىك سياقتى ءداستۇرلى كاسىپ سالالارىنىڭ تيبىن وزگەرتۋدى، دارەجەسىن جوعارىلاتۋدى زور كۇشپەن ىلگەرىلەتىپ، ءداستۇرلى كاسىپ سالالارىنىڭ ەلەۋلى تەحنيكالىق جاڭارتۋ، دارەجەسىن جوعارىلاتۋ ينجەنەريالارىنىڭ جاڭا كەزەگىن اتقارىپ، جاساۋ كاسىبى قۇرىلىمىنىڭ ساپالىلانۋىن، دارەجەسىنىڭ جوعارىلاۋىن بار كۇشپەن ىلگەرىلەتىپ، جاساۋ كاسىبىنىڭ ساپاسى مەن ونىمدىلىگىن ۇزدىكسىز جوعارىلاتۋ كەرەك.
بايلىق جاراتۋ − ۇلى ءىس، كۇندە جاڭارىپ وتىرۋ − ەڭ اسقاق قاسيەت. جاساۋ كاسىبىنىڭ تيبىن وزگەرتۋدى، دارەجەسىن جوعارىلاتۋدى ىلگەرىلەتۋدىڭ شەشۋشى تەتىگى − جاڭالىق اشۋ ارقىلى دەم بەرۋ سىندى ءتۇبىرلى وزگەرىستى جۇزەگە اسىرۋ - اسىرماۋدا. جەر - جەر، تاراۋلار جاڭالىق اشۋ ارقىلى دامۋعا دەم بەرۋ ستراتەگياسىن زور كۇشپەن اتقارۋ سەنىمىن، بەكىمىن كۇشەيتىپ، رايونىمىز ەكونوميكاسىنىڭ جوعارى ساپالى دامۋىن ۇزدىكسىز ىلگەرىلەتۋ ءۇشىن قۋاتتى قوزعاۋشى قۋات ازىرلەۋ كەرەك.
