چىن چۋانگو ءۇرىمجى قالاسىندا ىندەتتەن ساقتانۋ - تىزگىندەۋ قىزمەتىنە تەكسەرۋ - زەرتتەۋ جۇرگىزگەندە بىلاي دەپ باسا دارىپتەدى
ساقتانۋ - تىزگىندەۋ شارالارىن اناعۇرلىم قاتاڭ، اناعۇرلىم ەگجەي - تەگجەيلى ستيلمەن تياناقتاندىرىپ، ىندەتتىڭ تارالۋىن، ءورشۋىن باتىل تەجەپ، ساقتانۋ - تىزگىندەۋ توسقاۋىل شايقاسىنىڭ جەڭىسىنە باتىل قول جەتكىزۋ كەرەك
7 - ايدىڭ 30 - كۇنى اۆتونوميالى رايوندىق پارتكومنىڭ شۋجيى چىن چۋانگو ءۇرىمجى قالاسىندا جاڭا تيپتى ايدارشا ۆيرۋس وكپە قابىنۋ ىندەتىنەن ساقتانۋ - تىزگىندەۋ قىزمەتىنە تەكسەرۋ - زەرتتەۋ جۇرگىزدى. سۋرەتتە: ءۇرىمجى قالاسى جوعارى، جاڭا تەحنيكالىق كاسىپ سالالارىن اشۋ رايونى (جاڭا قالا رايونى) لانتيڭ الەۋمەتتىك اۋماعىنىڭ لۋجين شاعىن اۋماعىندا چىن چۋانگو الەۋمەتتىك اۋماق قىزمەتكەرلەرى مەن ەرىكتىلەردەن شىن ىقىلاسپەن حال سۇراۋدا. سۋرەتتى شينجياڭ گازەتىنىڭ جالپىلىق اقپارات قۇرالدارى ءتىلشىسى سۇي جىجيان تۇسىرگەن
شينجياڭ گازەتىنىڭ جالپىلىق اقپارات قۇرالدارى تىشىلەرى ياۋ تۇڭ، ۋاڭ شيڭرۇي 7 - ايدىڭ 30 - كۇنى ۇرىمجىدەن حابارلايدى. 7 - ايدىڭ 30 - كۇنى اۆتونوميالى رايوندىق پارتكومنىڭ شۋجيى چىن چۋانگو ءۇرىمجى قالاسىندا جاڭا تيپتى ايدارشا ۆيرۋس وكپە قابىنۋ ىندەتىنەن ساقتانۋ - تىزگىندەۋ قىزمەتىنە تەكسەرۋ - زەرتتەۋ جۇرگىزدى. ول بىلاي دەپ باسا دارىپتەدى: شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ شەشىمدەرىن، ورنالاستىرۋلارىن مۇقيات دايەكتىلەندىرىپ، تياناقتاندىرىپ، ىندەتتەن ساقتانۋ - تىزگىندەۋ قىزمەتىن كەزەكتەگى ەڭ ماڭىزدى قىزمەت ەتىپ، ساقتانۋ - تىزگىندەۋ شارالارىن اناعۇرلىم قاتاڭ، اناعۇرلىم ەگجەي - تەگجەيلى ستيلمەن تياناقتاندىرىپ، ەل بىرلىگىنەن بەرىك قامال تۇرعىزىپ، ۋاقىتتىق قيىندىقتى بىرگە جەڭىپ، ىندەتتىڭ تارالۋىن، ءورشۋىن باتىل تەجەپ، ىندەتتەن ساقتانۋ - تىزگىندەۋ توسقاۋىل شايقاسىنىڭ جەڭىسىنە باتىل قول جەتكىزۋ كەرەك.
ءۇرىمجى قالاسى شينليان اۋىل شارۋاشىلىق قوسىمشا ونىمدەرى جالپىلىق بازارىندا كوكونىس، جەمىس - جيدەك، قاۋىن - قاربىز، سيىر، قوي ەتى سياقتىلاردىڭ زاپاس قورى جەتكىلىكتى. چىن چۋانگو بازار جاۋاپتىلارىمەن جانە دۇكەن يەلەرىمەن ىقىلاستى اڭگىمەلەسىپ، تاۋاردى زاپاس ساقتاۋ، زات اينالىمى، تاسىمالداۋ، ساتىلۋ باعاسى سياقتى جاعدايلاردى ەگجەي - تەگجەيلى ۇعىستى. ول بىلاي دەپ اتاپ كورسەتتى: تاۋارلاردىڭ دايىندالۋىن، تاسىمالدانۋىن جانە زاپاس ساقتالۋىن كۇشەيتىپ، تاسىمالداۋ جانە جەتكىزۋ ارناسىن ىركىلىسسىزدەندىرىپ، تۇرمىستىق قاجەتتى بۇيىمدار بازارىنىڭ قامداۋىن بار كۇشپەن ويداعىداي ىستەپ، باقىلاۋ - باسقارۋ تەبىنىن ارتتىرىپ، قۇربان ايت كەزىندەگى تاۋار ءتۇرىنىڭ مول، باعاسىنىڭ ورنىقتى، جەتكىزىلۋىنىڭ دەر كەزىندە بولۋىنا شىنايى كەپىلدىك ەتۋ كەرەك.
ءۇرىمجى جوعارى، جاڭا تەحنيكالىق كاسىپ سالالارىن اشۋ رايونى لانتيڭ الەۋمەتتىك اۋماعى لۋجين شاعىن اۋماعىندا، چىن چۋانگو الەۋمەتتىك اۋماق قىزمەتكەرلەرى مەن ەرىكتىلەردەن شىن ىقىلاسپەن حال سۇراپ، ولارعا جەكە حاۋىپسىزدىك قورعانۋىن كۇشەيتىپ، زەيىن - زەردەمەن، سۇيىسپەنشىلىكپەن قالىڭ تۇرعىندار ءۇشىن جان كۇيەرلىكپەن قىزمەت وتەۋدى تاپسىردى. ول بىلاي دەپ اتاپ كورسەتتى: الەۋمەتتىك اۋماق قاينارىنان ساقتانۋ - تىزگىندەۋدى كۇشەيتىپ، بۇقارالىق قىزمەتتى ىشكەرىلەي، ەگجەي - تەگجەيلى، بايىپتىلىقپەن ويداعىداي ىستەپ، الەۋمەتتىك اۋماقتىڭ ءبىرىنشى قورعانىس شەبىن باتىل ساقتاۋ، ويداعىداي قورعاۋ كەرەك. الەۋمەتتىك اۋماق قىزمەتكەرلەرى مەن ەرىكتىلەردى ساقتانۋ - قورعانۋ بويىنشا باۋلۋ تەبىنىن ارتتىرىپ، ماسكى، قورعانۋ كيىمى سياقتى قورعانۋ بۇيىمدارىمەن قامداۋدى قامتاماسىز ەتىپ، الەۋمەتتىك اۋماق قىزمەتكەرلەرى مەن ەرىكتىلەردىڭ ساقتانۋ - قورعانۋ حاۋىپسىزدىگىنە شىنايى كەپىلدىك ەتۋ كەرەك.
چىن چۋانگو تيانشان رايونىنداعى ءبىر شوعىرلى مەديتسينالىق باقىلاۋ تۇيىنىنە كەلىپ، باقىلاۋ ءتۇيىنىنىڭ ىندەتتەن ساقتانۋ - قورعانۋ، تۇرمىستىق قامتاماسىزداندىرۋ سياقتى قىزمەت جاعدايلارىن ەگجەي - تەگجەيلى ۇعىستى. ول بىلاي دەپ اتاپ كورسەتتى: زاڭ بويىنشا ساقتانۋ - تىزگىندەۋگە، عىلمي ساقتانۋ - تىزگىندەۋگە تاباندى بولىپ، ەمدەۋگە الۋعا تيىستىلەرىن تۇگەل الىپ ەمدەۋدى، اۋاشالاۋعا تيىستىلەرىن تۇگەل اۋاشالاۋدى ورىنداپ، شوعىرلى مەديتسينالىق باقىلاۋ شارالارىن قاتاڭ تياناقتاندىرىپ، شىن مانىندە قاينارىن تىزگىندەپ، تارالۋ جولىن ءۇزۋ كەرەك. شوعىرلى مەديتسينالىق باقىلاۋ قابىلداعان ادامداردىڭ تۇرمىسىن ويداعىداي قامتاماسىزداندىرىپ، سالاماتتىق باقىلاۋ - ولشەۋدى كۇشەيتۋ، پسيحولوگيالىق جەتەكتەۋدى كۇشەيتۋ كەرەك.
چىن چۋانگو تەكسەرۋ - زەرتتەۋ بارىسىندا بىلاي دەپ باسا دارىپتەدى: قازىر ءۇرىمجىنىڭ ىندەت جاعدايى ءالى دە ايرىقشا اۋىر، سەنىمدى بەكەمدەۋ، قيىندىقتى بىلەك بىرىكتىرە جەڭۋ، عىلمي ساقتانۋ - ەمدەۋ، دالمە - ءدال شارا قولدانۋ سىندى باس تالاپتى باتىل دايەكتىلەندىرىپ، ىندەتتەن ساقتانۋ - تىزگىندەۋ سىندى قاتاڭ شايقاستىڭ جەڭىسىنە بار كۇشپەن قول جەتكىزىپ، ءار ۇلت حالىق بۇقاراسىنىڭ ءومىرىنىڭ حاۋىپسىزدىگى مەن دەنساۋلىعىن باتىلدىقپەن ويداعىداي قورعاۋ كەرەك. ساقتانۋ - تىزگىندەۋ شارالارىن تياناقتاندىرىپ، اشالاپ، ”ءتورت ەرتە بولۋ“ تالابىن قاتاڭ تياناقتاندىرىپ، ەپيدەميولوگيالىق تەكسەرۋ مەن تەگىن انىقتاۋ قىزمەتىن بار كۇشپەن ورىستەتىپ، ءتورت جاقتىڭ جاۋاپكەرشىلىگىن قاتايتىپ، اناعۇرلىم دالمە - ءدال، اناعۇرلىم ءونىمدى شارا قولدانىپ، ىشتە تارالۋدان، سىرتقا شىعىپ كەتۋدەن ساقتانىپ، ىندەتتىڭ تارالۋ، ءورشۋ بەتالىسىن باتىل تەجەپ الۋ كەرەك. مەديتسينالىق قۇتقارۋ - ەمدەۋدى عىلمي ورىستەتىپ، ناۋقاستاردى شوعىرلاندىرۋعا، مامانداردى شوعىرلاندىرۋعا، بايلىقتى شوعىرلاندىرۋعا، قۇتقارۋ - ەمدەۋدى شوعىرلاندىرۋعا تاباندى بولىپ، قاتاڭ تۇردە مەملەكەتتىڭ 7 - نۇسقاداعى دياگنوز قويۋ - ەمدەۋ جوباسى بويىنشا، وتكەلدى الدىعا جىلجىتىپ، جۇڭگوشا جانە باتىسشا شيپاگەرلىكتى ۇشتاستىرىپ، كوپ ءتۇرلى پاندەرگە تەڭ ءمان بەرىپ، ەرتە ساقتانۋ مەن ەرتە ەمدەۋدى كۇشەيتىپ، ەمدەپ ساۋىقتىرۋ مولشەرىن جوعارىلاتۋعا قۇلشىنۋ؛ ەمدەۋ قىزمەتكەرلەرىنە كوڭىل ءبولىپ، قامقورلىق جاساپ، كۇشتەردى عىلمي ورنالاستىرىپ، شيپاحانادا جۇعىمدالۋدان ساقتانۋ - تىزگىندەۋدى كۇشەيتىپ، زاتتىق ماتەريالدارمەن قامداۋعا كەپىلدىك ەتىپ، ولاردىڭ ناقتى قيىنشىلىقتارىن شەشۋىنە كومەكتەسۋ كەرەك. الەۋمەتتىك اۋماقتاردى باسقارۋدى شىن مانىندە كۇشەيتىپ، الەۋمەتتىك اۋماقتىڭ ىندەتتەن ساقتانۋ - تىزگىندەۋدەگى توسقاۋىلدىق رولىن تولىق ساۋلەلەندىرىپ، ساقتانۋ - تىزگىندەۋ كۇشتەرىنىڭ اناعۇرلىم الەۋمەتتىك اۋماققا ءتۇسۋىن ىلگەرىلەتىپ، توركوزدەندىرىپ باسقارۋدى جاپپاي كۇشەيتىپ، ساقتانۋ - تىزگىندەۋ شارالارىن وتباسىلارعا دەيىن، ادامعا دەيىن تياناقتاندىرىپ، الەۋمەتتىك اۋماقتى ىندەتتەن ساقتانۋ - تىزگىندەۋدىڭ بەرىك قورعانىنا اينالدىرۋ كەرەك. قىزمەت وتەۋمەن قامتاماسىزداندىرۋدى دەن قويا ويداعىداي ىستەپ، بۇقارانىڭ كوڭىل بولگەنىنە بەلسەنە جاۋاپ قايتارىپ، دەر كەزىندە كۇدىك - كۇماننان ارىلتىپ، قيىنشىلىقتارىن، تالاپتارىن بار كۇشپەن شەشۋ؛ عىلمي ساقتانۋ - قورعانۋ بىلىمدەرىن كەڭىنەن جالپىلاستىرىپ، ءار ۇلت حالىق بۇقاراسىنىڭ مادەنيەت ساپاسى مەن وزىندىك ساقتانۋ - قورعانۋ قابىلەتىن جوعارىلاتۋىنا كومەكتەسۋ؛ ”استىق“، ”كوجە قاتىق“ جاۋاپكەرشىلىگى ءتۇزىمىن قاتاڭ تياناقتاندىرىپ، كوكونىس، ەت، جۇمىرتقا، ءسۇت، استىق سياقتى تۇرعىنداردىڭ تۇرمىستىق قاجەتتى بۇيىمدارىن قامداۋعا شىنايى كەپىلدىك ەتۋ كەرەك. قىزمەت ستيلىنە ۇزدىكسىز بۇرىلىس جاساپ، ىندەتتەن ساقتانۋ - تىزگىندەۋدىڭ ەڭ ماشاقاتتى بولعان شەشۋشى ساتىندە، ءسوز جوق، تياناقتاندىرۋ قىزمەتىن ناقتى، ەگجەي - تەگجەيلى يگەرۋ كەرەك. تياناقتاندىرۋدى يگەرەتىن ستيلدى شىڭاپ، تياناقتاندىرۋدى يگەرەتىن قابىلەتتى جوعارىلاتىپ، تياناقتاندىرۋدى يگەرەتىن قايسارلىقتى كۇشەيتىپ، ۇلكەن شايقاس، ۇلكەن سىناقتا تولىمدى ەمتيحان قاعازىن تاپسىرۋعا قۇلشىنۋ كەرەك.
اۆتونوميالى رايوندىق پارتكومنىڭ تۇراقتى مۇشەسى، ءۇرىمجى قالالىق پارتكومنىڭ شۋجيى شۇي حايرۇڭ تەكسەرۋ - زەرتتەۋدە بىرگە بولدى.
