ءار ۇلت بۇقاراسىنىڭ ءومىرىنىڭ حاۋىپسىزدىگىنە بارىنشا جاۋاپتى بولۋ پوزيتسياسىمەن، ىندەتتەن ساقتانۋ - تىزگىندەۋ حالىقتىق شايقاسىنىڭ، جالپى تۇلعالىق شايقاسىنىڭ، توسقاۋىل شايقاسىنىڭ جەڭىسىنە باتىل قول جەتكىزۋ كەرەك
چىن چۋانگو ءماجىلىستى باسقاردى ءارى ءسوز سويلەدى
شوكىرات زاكىر، شاۋكەت يمىن، نۇرلان ءابىلماجىن، ۋاڭ جۇنجىڭ، لي پىڭشين قاتىناستى
شينجياڭ گازەتىنىڭ جالپىلىق اقپارات قۇرالدارى تىلشىلەرى ياۋ تۇڭ، ۋاڭ شيڭرۇي 7 - ايدىڭ 30 - كۇنى ۇرىمجىدەن حابارلايدى. 7 - ايدىڭ 30 - كۇنى كەشتە اۆتونوميالى رايوندىق پارتكوم بۇكىل رايون بويىنشا بەينە ەكران ءماجىلىسىن اشىپ، ىندەتتەن ساقتانۋ - تىزگىندەۋ قىزمەتىن ورنالاستىردى، جايعاستىردى. اۆتونوميالى رايوندىق پارتكومنىڭ شۋجيى، اۆتونوميالى رايوننىڭ جاڭا تيپتى ايدارشا ۆيرۋس وكپە قابىنۋ ىندەتىنەن ساقتانۋ - تىزگىندەۋ قىزمەتى باسشىلىق گرۋپپاسىنىڭ باستىعى چىن چۋانگو ءماجىلىستى باسقاردى ءارى ءسوز سويلەدى.
اۆتونوميالى رايون باسشىلارىنان شوكىرات زاكىر، شاۋكەت يمىن، نۇرلان ءابىلماجىن، ۋاڭ جۇنجىڭ، شۇي حايرۇڭ، ەركىن تۇنياز، تيان ۋىن، لي يفي، ياڭ شين، جاڭ چۇنلين ماجىلىسكە قاتىناستى. اۆتونوميالى رايوندىق پارتكومنىڭ ورىنباسار شۋجيى، اۆتونوميالى رايوننىڭ ىندەتتەن ساقتانۋ - تىزگىندەۋ قولباسشىلىق شتابىنىڭ قولباسشىسى لي پىڭشين ماجىلىستە ىندەتتەن ساقتانۋ - تىزگىندەۋ قىزمەتى جونىندە ناقتى ورنالاستىرۋ جاسادى.
ءماجىلىس مىنالارى اتاپ كورسەتتى: شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ شەشىمدەرىن، ورنالاستىرۋلارىن باتىل دايەكتىلەندىرىپ، تياناقتاندىرىپ، سەنىمدى بەكەمدەۋ، قيىندىقتى بىلەك بىرىكتىرە جەڭۋ، عىلمي ساقتانۋ - ەمدەۋ، دالمە - ءدال شارا قولدانۋ باس تالابى بويىنشا ىندەتتەن ساقتانۋ - تىزگىندەۋ قىزمەتىن كەزەكتەگى ەڭ ماڭىزدى قىزمەت رەتىندە يگەرىپ، ءۇرىمجى قالاسىن ءتۇيىن ەتكەن، بۇكىل رايون سايكەسە بىرگە ارەكەت جاسايتىن ىندەتتەن ساقتانۋ - تىزگىندەۋ جۇيەسىن ونان ارى كەمەلدەندىرىپ، ءار ۇلت حالىق بۇقاراسىنىڭ ءومىرىنىڭ حاۋىپسىزدىگىنە بارىنشا جاۋاپتى بولۋ پوزيتسياسىمەن، بار كۇشتى سالىپ، شىنايى يگەرىپ، ناقتى ىستەپ، ىندەتتەن ساقتانۋ - تىزگىندەۋ حالىقتىق شايقاسىنىڭ، جالپى تۇلعالىق شايقاسىنىڭ، توسقاۋىل شايقاسىنىڭ جەڭىسىنە باتىل قول جەتكىزۋ كەرەك.
ءبىرىنشى، ”ءتورت ەرتە بولۋ“ تالابىن تياناقتاندىرۋ كەرەك. ەرتە بايقاۋ، ەرتە مالىمدەۋ، ەرتە اۋاشالاۋ، ەرتە ەمدەۋ شاراسىن قاتاڭ تياناقتاندىرىپ، قىزۋ امبولاتورياسىنىڭ ”قاراۋىل“ يقۋاتى مەن نۋكلەين قىشقىلىن تەكسەرۋدىڭ ەكشەۋ رولىن تولىق ساۋلەلەندىرىپ، قالىپسىز جاعداي بايقالسا دەرەۋ مالىمدەۋ، جوتكەۋ؛ ينفورماتسيانىڭ ىركىلىسسىزدىگىنە شىنايى كەپىلدىك ەتىپ، ەپيدەميولوگيالىق تەكسەرۋدى ءدال ۋاعىندا ورىستەتىپ، بارلىق جاقىن جۋىسقان ادامدارعا دەر كەزىندە مەديتسينالىق باقىلاۋ شاراسىن قولدانۋ؛ شوعىرلى مەديتسينالىق باقىلاۋ - باسقارۋ شاراسىن قاتاڭ تياناقتاندىرىپ، قىزمەت وتەۋ شاراسىن كەمەلدەندىرىپ، تارالۋ جولىن شىنداپ ءۇزۋ كەرەك.
ەكىنشى، الەۋمەتتىك اۋماقتى باسقارۋدى كۇشەيتۋ كەرەك. ساقتانۋ - تىزگىندەۋ كۇشتەرىنىڭ الەۋمەتتىك اۋماققا بارۋىن ىلگەرىلەتىپ، ىندەتتەن ساقتانۋ - تىزگىندەۋ تورىن ءجيى توقىپ، دەنە تەمپەراتۋراسىن ولشەۋ مەحانيزمىن تياناقتاندىرىپ، شىن مانىندە ىندەتتەن ساقتانۋ - تىزگىندەۋ شارالارىن ءاربىر ەسىك، ءاربىر وتباسىعا دەيىن ۇگىتتەپ، تياناقتاندىرىپ، ۇيىندە اۋاشالانعان بۇقاراعا قىزمەت وتەۋ قىزمەتىن ىشكەرىلەي، ەگجەي - تەگجەيلى ويداعىداي ىستەپ، ولاردىڭ ۇيىندە الاڭسىز جاتۋىنا، جايلى تۇرمىس كەشىرۋىنە مۇمكىندىك جاساۋ كەرەك.
ءۇشىنشى، زاڭ بويىنشا ساقتانۋعا، جونگە سالۋعا تاباندى بولۋ كەرەك. ىندەتتەن ساقتانۋ - تىزگىندەۋ مەن شۇعىل جاعدايدى ءبىر جاقتى ەتۋ زاڭدارىن، زاڭ ەرەجەلەرىن قاتاڭ اتقارىپ، ساقتانۋ - تىزگىندەۋ شارالارىن زاڭ بويىنشا اتقارىپ، ىندەتتەن ساقتانۋ - تىزگىندەۋگە زيان جەتكىزەتىن ارەكەتتەرگە باعىتتالعان زاڭ اتقارۋدىڭ ءادىليالىق تەبىنىن ارتتىرىپ، ىندەتتەن ساقتانۋ بۇيىمدارى مەن حالىق تۇرمىسى تاۋارلارىنىڭ باعاسىن ءوسىرۋ سياقتى زاڭعا قايشى ارەكەتتەردى قاتاڭ تەكسەرىپ ءبىر جايلى ەتىپ، ىندەتتەن ساقتانۋ - تىزگىندەۋ بويىنشا زاڭمەن جونگە سالۋ ۇگىتى مەن زاڭ جونىنەن قىزمەت وتەۋىن كۇشەيتىپ، قالىڭ حالىق بۇقاراسىن زاڭمەن جونگە سالۋ تانىمىن جوعارىلاتۋعا، ىندەتتەن ساقتانۋ - تىزگىندەۋ قىزمەتىن زاڭ بويىنشا قولداۋعا جانە وعان سايكەسۋگە جەتەكتەۋ كەرەك.
ءتورتىنشى، بار كۇشتى سالىپ، قۇتقارۋ - ەمدەۋ كەرەك. ناۋقاستاردى شوعىرلاندىرۋعا، مامانداردى شوعىرلاندىرۋعا، بايلىقتى شوعىرلاندىرۋعا، قۇتقارۋ - ەمدەۋدى شوعىرلاندىرۋعا تاباندى بولىپ، قاتاڭ تۇردە مەملەكەتتىڭ 7 - نۇسقاداعى دياگنوز قويۋ - ەمدەۋ جوباسى بويىنشا، وتكەلدى الدىعا جىلجىتۋعا، جۇڭگوشا جانە باتىسشا شيپاگەرلىكتى ۇشتاستىرۋعا، كوپ ءتۇرلى پاندەرگە تەڭ ءمان بەرۋگە تاباندى بولىپ، ەرتە الدىن الۋ مەن ەرتە ەمدەۋدى كۇشەيتىپ، ناۋقاستاردىڭ عىلمي دا ءونىمدى قۇتقارۋ - ەمدەۋگە يە بولۋىنا شىنايى كەپىلدىك ەتۋ؛ ەمدەۋ قىزمەتكەرلەرىنە كوڭىل ءبولىپ، قامقورلىق جاساپ، كاسىپتىك باۋلۋدى كۇشەيتىپ، الدىن الۋ جانە قورعانۋ شارالارىن قاتايتىپ، پسيحولوگيالىق جەتەكتەۋدى كۇشەيتىپ، ەمدەۋ قىزمەتكەرلەرىنىڭ ءىس جۇزىندىك قيىنشىلىعىن ويداعىداي شەشىپ، ەمدەۋ قىزمەتكەرلەرىنىڭ دەنساۋلىعىن جانە پسيحيكالىق اقاۋسىزدىعىن ويداعىداي قورعاۋ كەرەك.
بەسىنشى، قامداۋدى شىن مانىندە قامتاماسىز ەتۋ كەرەك. ءدارى - دارمەك، قۇتقارۋ - ەمدەۋ اسپابى سياقتى ساقتانۋ - تىزگىندەۋ زاتتىق ماتەريالدارىن ءوندىرۋ، جەتكىزۋ، زاپاس ساقتاۋ، قامداۋ قىزمەتتەرىن بار كۇشپەن ويداعىداي ىستەپ، ءتۇرلى تۇرمىستىق زاتتىق ماتەريالدارىن زاپاس ساقتاۋدى، ۇيىمداستىرۋدى جانە قامتاماسىز ەتۋدى تىڭعىلىقتى ويداعىداي ىستەپ، زاتتىق ماتەريالداردى تاسىمالداۋ جاسىل ارناسىن ىركىلىسسىزدەندىرىپ، قامداۋدىڭ جەتكىلىكتى، ساپاسىنىڭ ورنىقتى، باعاسىنىڭ تۇراقتى بولۋىنا شىنايى كەپىلدىك ەتۋ كەرەك.
التىنشى، ۇگىت تەبىنىن ارتتىرۋ كەرەك. عىلمي قورعانۋ بىلىمدەرىن كەڭىنەن ۇگىتتەپ، ساياساتتىق شارالاردى ۇگىتتەۋدى، ءتۇسىندىرۋدى كۇشەيتىپ، جۇقپالى اۋرۋلاردان ساقتانۋ - تىزگىندەۋ بىلىمدەرىن زور كۇشپەن ۇگىتتەپ، قاۋىمنىڭ سالاماتتىق تانىمى مەن ءوزىن - ءوزى قورعاۋ قابىلەتىن ۇزدىكسىز جوعارىلاتىپ، بۇقارانى وزىندىك ساقتانۋدى كۇشەيتۋگە، بۇقارالىق ساقتانۋ، بۇقارالىق تىزگىندەۋگە قاتىناسۋعا بەلسەنە جەتەكتەپ، كوڭىل كۇيلەرىن ورنىقتىرىپ، سەنىمدەرىن ارتتىرۋ كەرەك.
جەتىنشى، اۆانگاردتىق رولدى ساۋلەلەندىرۋ كەرەك. نەگىزگى ساتى پارتيا ۇيىمدارى مەن قالىڭ پارتيا مۇشەلەرى، كادرلار جاۋىنگەر قامالدىق رول مەن اۆانگاردتىق ۇلگىلىك رولىن تولىق ساۋلەلەندىرىپ، بۇقارانى جابال اتتانىسقا كەلتىرىپ، بۇقارانى جاپپاي ۇيىمداستىرىپ، بۇقارانى جان - جاقتىلى ۇيىستىرىپ، بىرلەسىپ ساقتانۋ، بىرلەسىپ تىزگىندەۋ شارالارىن جالپى بەتتىك تياناقتاندىرىپ، بۇقارالىق ساقتانۋدىڭ، بۇقارالىق جونگە سالۋدىڭ بەرىك قورعانىس شەبىن ورناتىپ، باتىلدىقپەن اۆانگارد بولىپ، اتويلاپ الدا ءجۇرىپ، ۇلكەن شايقاستا اۋەلگى ماقساتتى جانە بورىشتى امالياتتا ايگىلەپ، ۇلكەن سىناقتا تولىمدى ەمتيحان قاعازىن تاپسىرۋ كەرەك.
سەگىزىنشى، ستيلگە ۇزدىكسىز بۇرىلىس جاساۋ كەرەك. جاۋاپكەرشىلىك سەزىمدى، بورىشتلىق سەزىمدى، كوكەي تەستىلىك سەزىمدى شىن مانىندە كۇشەيتۋ ءتيىس، ءار دارەجەلى باسشى كادرلار ءبىرىنشى شەپكە ىشكەرىلەي بارىپ، الدا ءجۇرىپ قولباسشىلىق ەتۋى قاجەت، قالىڭ پارتيا مۇشەلەرى، كادرلار ءبىرىنشى شەپتە اتويلاۋى، شىنايى يگەرىپ، ناقتى ىستەۋى، ساقتانۋ - تىزگىندەۋ شارالارىن ونان ارى تياناقتاندىرۋى، ونان ارى ەگجەي - تەگجەيلىلەندىرۋى، باتىلدىقپەن اقتاڭداق قالدىرماۋ، قالتارىس قالدىرماۋ كەرەك. قىزمەت ءتارتىبىن قاتايتىپ، ستيلدە ۇشقالاقتاردى، قىزمەتتە شالاعايلاردى، جاۋاپكەرشىلىكتەن قاشىپ ءبىر - بىرىنە يتەرمەلەگەندەردى، پەيىلسىز ىستەپ، تايساقتاعانداردى قاتاڭ قۋزاستىرىپ، جاۋاپقا تارتىپ، بەرىك بەكىممەن، قاتاڭ شارامەن، تەمىردەي تارتىپپەن، ىندەتتەن ساقتانۋ - تىزگىندەۋ توسقاۋىل شايقاسىنىڭ جەڭىسىنە باتىل قول جەتكىزۋ كەرەك.
