تيانشان تورى
تيانشان تورى   ›   جاڭالىقتار   ›   سۋرەتتى حابار

اۆتونوميالى رايوندىق پارتكومنىڭ تۇراقتى كوميتەت (كەڭەيتىلگەن) ءماجىلىسى جۇڭگو كوممۋنيستىك پارتياسى ورتالىق كوميتەتى ساياسي بيۋروسى ءماجىلىسىنىڭ رۋحى مەن باس شۋجي شي جينپيڭنىڭ جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ 22 - رەتكى توپتىق ۇيرەنۋىندە، پارتيا سىرتىنداعى قايراتكەرلەردىڭ اڭگىمە ماجىلىسىندە سويلەگەن ماڭىزدى ءسوزىنىڭ رۋحى سياقتىلاردى جەتكىزدى، ۇيرەندى

بار كۇشتى سالىپ، ىندەتتەن ساقتانۋ - تىزگىندەۋ قامال الۋ شايقاسىنىڭ جەڭىسىنە قول جەتكىزىپ، ”التىنى ورنىقتىرۋ“، ”التىنى قامتاماسىز ەتۋ“ مىندەتىن بۇلجىماستان تياناقتاندىرۋ كەرەك

چىن چۋانگو ءماجىلىستى باسقاردى

  شينجياڭ گازەتىنىڭ جالپىلىق اقپارات قۇرالدارى ءتىلشىسى ياۋ تۇڭ، ۋاڭ شيڭرۇي 7 - ايدىڭ 31 - كۇنى ۇرىمجىدەن حابارلايدى. 7 - ايدىڭ 31 - كۇنى كەشتە اۆتونوميالى رايوندىق پارتكوم تۇراقتى كوميتەتتىڭ (كەڭەيتىلگەن) ءماجىلىسىن اشىپ، جۇڭگو كوممۋنيستىك پارتياسى ورتالىق كوميتەتى ساياسي بيۋروسى ءماجىلىسىنىڭ رۋحى مەن باس شۋجي شي جينپيڭنىڭ جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ 22 - رەتكى توپتىق ۇيرەنۋىندە، پارتيا سىرتىنداعى قايراتكەرلەردىڭ اڭگىمە ماجىلىسىندە سويلەگەن ماڭىزدى ءسوزىنىڭ رۋحىن جەتكىزدى، ۇيرەندى، باس شۋجي شي جينپيڭنىڭ بەيدوۋ - 3 جەر شارى جاساندى سەرىك جول نۇسقاۋ جۇيەسىنىڭ قۇرىلۋ جانە اشىلۋى جونىندەگى ماڭىزدى نۇسقاۋىنىڭ رۋحى، اسپيرانتتىق اعارتۋ جونىندەگى ماڭىزدى نۇسقاۋىنىڭ رۋحى جانە ازيا نەگىزدىك قۇرىلعىلارعا قارجى قوسۋ بانكەسىنىڭ 5 - كەزەكتى القالار كەڭەسى جىلدىق ءماجىلىسى بەينە ەكران ءماجىلىسىنىڭ اشىلۋ سالتىندا سويلەگەن ارناۋ ءسوزى سياقتىلاردى جەتكىزدى، ۇيرەندى، رايونىمىزدىڭ دايەكتىلەندىرۋ، تياناقتاندىرۋ پىكىرىن اقىلداستى. اۆتونوميالى رايوندىق پارتكومنىڭ شۋجيى چىن چۋانگو ءماجىلىستى باسقاردى.

  ءماجىلىس مىنالاردى اتاپ كورسەتتى: ”ءتورت تانىمدى“ كۇشەيتىپ، ”ءتورت سەنىمدى“ بەكەمدەپ، ”ەكىنى قورعاۋدى“ ورىنداپ، جۇڭگو كوممۋنيستىك پارتياسى ورتالىق كوميتەتى ساياسي بيۋروسى ءماجىلىسىنىڭ رۋحى مەن باس شۋجي شي جينپيڭنىڭ جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ 22 - رەتكى توپتىق ۇيرەنۋىندە، پارتيا سىرتىنداعى قايراتكەرلەردىڭ اڭگىمە ماجىلىسىندە سويلەگەن ماڭىزدى ءسوزىنىڭ رۋحىن مۇقيات ۇيرەنىپ، دايەكتىلەندىرىپ، ىندەتتەن ساقتانۋ - تىزگىندەۋ جانە ەكونوميكالىق، قوعامدىق دامۋ قىزمەتىن ونان ارى ويداعىداي ءبىر تۇتاس جوسپارلاپ، ساقتانۋ - تىزگىندەۋ شارالارىن تياناقتاندىرىپ، ناقتىلاندىرىپ، ىندەتتىڭ تارالۋىن باتىل تەجەپ، ورنىقتىلىق بارىسىندا ىلگەرىلەۋ قىزمەت جالپى ارناسىنان جازباي، جاڭا دامۋ ۇستانىمىنا تاباندى بولىپ، ”التىنى ورنىقتىرۋ“ قىزمەتىن تىڭعىلىقتى ويداعىداي ىستەپ، ”التىنى قامتاماسىز ەتۋ“ مىندەتىن جالپى بەتتىك تياناقتاندىرىپ، ەكونوميكانىڭ جوعارى ساپالى دامۋىن ىلگەرىلەتىپ، قوعام ورنىقتىلىعى كەلەلى جاعدايىن قورعاپ، كەدەيلىكتەن ارىلتۋدان قامال الۋدىڭ شەشۋشى شايقاسىنىڭ شەشۋشى جەڭىسىنە جەتۋ نىسانا - مىندەتتەرىن ورىنداۋعا شىنايى كەپىلدىك ەتىپ، جاپپاي دوڭگەلەك داۋلەتتى قوعام ورناتۋ كەرەك.

  ءبىرىنشى، ىندەتتەن ساقتانۋ - تىزگىندەۋ قامال الۋ شايقاسىنىڭ جەڭىسىنە بار كۇشپەن قول جەتكىزۋ كەرەك. ءۇرىمجى قالاسىن ءتۇيىن ەتكەن، بۇكىل رايون سايكەسە بىرگە ارەكەت جاسايتىن ىندەتتەن ساقتانۋ - تىزگىندەۋ جۇيەسىن ۇزدىكسىز كەمەلدەندىرىپ، ىندەتتەن ساقتانۋ - تىزگىندەۋدى كەزەكتەگى ەڭ ماڭىزدى قىزمەت رەتىندە يگەرىپ، ”ءتورت ەرتە بولۋ“ تالابىن قاتاڭ تياناقتاندىرىپ، قىزۋ امبولاتورياسى مەن نۋكلەين قىشقىلىن تەكسەرۋدىڭ دالمە - ءدال سارالاۋىن كۇشەيتىپ، ەپيدەميولوگيالىق تەكسەرۋ، تەگىن تابۋ قىزمەتىن عىلمي دا ىجداعاتتى ورىستەتۋ؛ ءتۇيىندى تومەنگە جىلجىتۋعا، وتكەلدى الدىعا جىلجىتۋعا تاباندى بولىپ، الەۋمەتتىك اۋماقتى باسقارۋدى كۇشەيتىپ، قىزمەت وتەۋدى، قامتاماسىزداندىرۋدى ساپالىلاندىرۋ؛ ”ءتورتتى شوعىرلاندىرۋعا“، جۇڭگوشا شيپاگەرلىك پەن باتىسشا شيپاگەرلىكتى ۇشتاستىرۋعا، كوپ ءتۇرلى پاندەرگە تەڭ ءمان بەرۋگە تاباندى بولىپ، شيپاحانادا جۇعىمدالۋدان قاتاڭ ساقتانىپ، ناۋقاستاردى بار كۇشپەن قۇتقارۋ - ەمدەۋ؛ مەديتسينالىق ساقتانۋ - تىزگىندەۋ زاتتىق ماتەريالدارىمەن جانە تۇرعىنداردى تۇرمىستىق زاتتىق ماتەريالدارمەن قامداۋدى، زاپاس ساقتاۋدى تىڭعىلىقتى تۇردە ويداعىداي ىستەپ، ۇگىتتەۋدى، تاربيەلەۋدى، جەتەكتەۋدى كۇشەيتىپ، ىندەتتەن ساقتانۋ - تىزگىندەۋ سىندى قاتاڭ شايقاستىڭ جەڭىسىنە بار كۇشپەن قول جەتكىزىپ، ءار ۇلت حالىق بۇقاراسىنىڭ ءومىرىنىڭ حاۋىپسىزدىگى مەن دەنساۋلىعىن باتىلدىقپەن ويداعىداي قورعاۋ كەرەك.

  ەكىنشى، ەكونوميكانىڭ جوعارى ساپالى دامۋىن ۇزدىكسىز ىلگەرىلەتۋ كەرەك. جاڭا دامۋ ۇستانىمىن دايەكتىلەندىرىپ، دامۋ تاسىلىنە جەدەل بۇرىلىس جاساپ، تۇلعالىق ەكونوميكانى ساپالىلاندىرىپ، كۇشەيتىپ، ءونىمدى قارجى قوسۋدى بەلسەنە كەڭەيتىپ، تۇتىنۋدىڭ دەڭگەيىن ءوسىرىپ، دارەجەسىن جوعارىلاتۋدى ىلگەرىلەتىپ، جاڭاشا قالا - قالاشىقتاندىرۋ ارقىلى قارجى قوسۋ مەن تۇتىنۋدىڭ قاجەتىن جەتەكتەپ، جىبەك جولى ەكونوميكالىق بەلدەۋى وزەكتى رايونىن جەدەل قۇرىپ، رەفورمانى ۇزدىكسىز تەرەڭدەتىپ، ەسىك اشۋدى كەڭەيتىپ، شارۋاشىلىق - ساۋدا ورتاسىن ساپالىلاندىرىپ، ەكونوميكالىق دامۋدىڭ سەرپىمدىلىگى مەن كومەسكى قۋاتىن كۇشەيتىپ، مولشەردىڭ ۇيلەسىمدى ارتۋى مەن ساپانىڭ ورنىقتى قاداممەن جوعارىلاۋىن جۇزەگە اسىرۋ كەرەك.

  ءۇشىنشى، كەدەيلىكتەن ارىلتۋدان قامال الۋ شايقاسىنىڭ جەڭىسىنە بۇلجىماستان قول جەتكىزۋ كەرەك. ”ەكىدەن تارىقتىرماۋ، ءۇشتى قامتاماسىز ەتۋمەن“ تىعىز بايلانىستىرىپ، ”التى دالمە - ءدالدى“ تياناقتاندىرىپ، شايقاستى باسى - قاسىندا قاداعالاۋدى، ماسەلەلەردى رەتتەۋ - تۇزەتۋدى، قايتا كەدەيلەسۋدى قاداعالاۋدى، جەتىستىكتەردى بەكەمدەۋدى تەرەڭدەتىپ، كاسىپ سالاسىن دامىتىپ جۇمىستانۋعا باستاماشىلدىق ەتۋدى كورنەكتى تۇردە ويداعىداي يگەرىپ، اۋىر كەدەيلىكتىڭ ەڭ سوڭعى قامالىن باتىل تۇردە الىپ، قازىرگى ولشەمنەن تومەنگى اۋىل - قىستاقتاعى كەدەيلەردىڭ بارلىعىنىڭ كەدەيلىكتەن ارىلۋىنا، كەدەي اۋدانداردىڭ ءبارىنىڭ كەدەيلىك قالپاعىن الىپ تاستاۋىنا شىنايى كەپىلدىك ەتۋ كەرەك.

  ءتورتىنشى، حالىق تۇرمىسىن تاباندىلىقپەن قامتاماسىز ەتۋ، جاقسارتۋ كەرەك. حالىقتى وزەك ەتكەن دامۋ يدەياسىنا تاباندى بولىپ، حالىققا تيىمدىلىك جاساۋ ينجەنەرياسىن ۇزدىكسىز اتقارىپ، ءتۇيىندى قاۋىمدى جۇمىستاندىرۋ قىزمەتىن كورنەكتى تۇردە جاقسى ىستەپ، حالىققا ناقتى ىستەردى تىڭعىلىقتى ويداعىداي ىستەپ بەرىپ، قيىنشىلىعى بار بۇقارانىڭ نەگىزگى تۇرمىسىن قامتاماسىز ەتۋدى كۇشەيتىپ، دامۋ جەتىستىكتەرىن شىن مانىندە حالىق تۇرمىسىن جاقسارتۋدا، جۇرت تىلەگىن ۇيىستىرۋدا تياناقتاندىرۋ كەرەك.

  بەسىنشى، لاستانۋدان ساقتانۋ جانە ونى جونگە سالۋدان قامال الۋ شايقاسىن باتىل ويداعىداي جۇرگىزۋ كەرەك. تۇنىق سۋ، جاسىل تاۋ − باعالى بايلىق، مۇزدى القاپ، قارلى دالا دا باعالى بايلىق دەگەن ۇستانىمدى مىقتاپ ورناتىپ، كوك اسپان، تۇنىق سۋ، تازا توپىراقتى قورعاۋ شايقاسىن ۇزدىكسىز ويداعىداي جۇرگىزىپ، جاسىل دامۋ ءتاسىلى مەن تۇرمىس ءتاسىلىنىڭ قالىپتاسۋىن ىلگەرىلەتىپ، اسپانى اشىق، جەرى جاسىل، سۋى تۇنىق كوركەم شينجياڭ قۇرۋعا قۇلشىنۋ كەرەك.

  التىنشى، قولداۋ ساياساتتارىنان ويداعىداي تولىق پايدالانۋ كەرەك. مەملەكەتتىڭ ماكرولىق ەكونوميكا ساياساتىن باتىل دايەكتىلەندىرىپ، تياناقتاندىرىپ، پارتيا ورتالىق كوميتەتىنىڭ شينجياڭعا بەرگەن ەرەكشە ساياساتىنان ويداعىداي، تولىق، جاندى پايدالانىپ، ساياساتتىق سايكەسۋدى كۇشەيتىپ، اينالىمدى رەتتەۋدى كۇشەيتىپ، ساپانى، ونىمدىلىكتى جوعارىلاتىپ، ءتۇرلى ساياساتتاردىڭ بىرىككەن كۇش قالىپتاستىرۋىن، ناقتاپ تياناقتانۋىن ىلگەرىلەتۋ كەرەك.

  جەتىنشى، قوعامدىق كەلەلى جاعدايدىڭ جاراسىمدىلىعىن، ورنىقتىلىعىن قورعاۋ كەرەك. ساقتىق دابىلىن ۇدايى قاعىپ، قاشاندا قىراعى بولىپ، پارتيا، ۇكىمەت، ارميا، ساقشى، بيڭتۋان، حالىق سايكەسە بىرلەسىپ قيمىلداپ، ورنىقتىلىقتى قورعاۋدىڭ ۇتىمدى شارالارىنا اۋىتقىماي تاباندى بولىپ، بۇقارالىق قىزمەتتى ىشكەرىلەي ىجداعاتتىلىقپەن ويداعىداي ىستەپ، توتەنشە جاعدايعا توتەپ بەرۋ بويىنشا باسقارۋدى ويداعىداي يگەرىپ، ءوندىرىس حاۋىپسىزدىگىن كۇشەيتىپ، ىندەتتەن ساقتانۋ - تىزگىندەۋدى ۇدايىلاندىرۋعا، كەدەيلىكتەن ارىلتۋدان قامال الۋعا، ەكونوميكانىڭ جوعارى ساپالى دامۋىنا تاماشا ورتا قالىپتاستىرۋ كەرەك.

  سەگىزىنشى، ”14 - بەسجىلدىق“ جوبانى عىلمي جوبالاۋ كەرەك. كورەگەندىكپەن ويلاۋدى، جالپى جاعداي سيپاتتى جوبالاۋدى، ستراتەگيالىق ورنالاستىرۋدى، جالپى تۇلعالىق ىلگەرىلەتۋدى كۇشەيتىپ، ”14 - بەسجىلدىق“ كەزىندەگى دامۋدىڭ كەزەڭدىك ەرەكشەلىگىن جانە ءدوپ كەلەتىن جاڭا جاعدايدى، جاڭا مىندەتتى، جاڭا سىن - سايىستاردى ءدال يگەرىپ، ”14 - بەسجىلدىق“ كەزىندەگى دامۋدىڭ نىساناسىن، وي جەلىسىن، شاراسىن الدىن الا جوبالاپ، جاقسى قادام تاستالۋىنا، جاقسى باستالۋىنا شىنايى كەپىلدىك ەتۋ كەرەك.

  توعىزىنشى، ىنتىماقتاسا سەلبەسىپ، ءار جاقتىڭ بىرىككەن كۇشىن ۇيىستىرۋ كەرەك. ءتۇزىم باسىمدىعىن تولىق ساۋلەلەندىرىپ، ءار جاقتىڭ اقىل - پاراساتى مەن كۇش - قۋاتىن توپتاپ جانە ونان پايدالانىپ، دەموكراتيالىق پارتيا - توپتارمەن سەلبەسىپ بىرگە ىستەۋدى كۇشەيتىپ، ءبىر نيەت، ءبىر تىلەكپەن، ىنتىماقتاسا سەلبەسىپ، ىندەتتەن ساقتانۋ - تىزگىندەۋدى ۇدايىلاندىرۋ جانە ەكونوميكالىق، قوعامدىق دامۋ قىزمەتىن ءبىر تۇتاس جوسپارلاپ ىلگەرىلەتۋگە زەيىن - زەردەنى، كۇش - قۋاتتى شوعىرلاندىرۋ كەرەك.

  ونىنشى، مەملەكەت قورعانىسى مەن ارميانىڭ وسىزاماندانۋ قۇرىلىسىن قولداۋ كەرەك. شي جينپيڭنىڭ ارميانى قۇدىرەتتەندىرۋ يدەياسىن جانە جاڭا داۋىردەگى اسكەري ىستەر ستراتەگيالىق باعىتىن ىشكەرىلەي دايەكتىلەندىرىپ، مەملەكەت قورعانىسى عىلىم - تەحنيكاسىندا جاڭالىق اشۋ، مەملەكەت قورعانىسى ينجەنەرياسى قۇرىلىسى، مەملەكەت قورعانىسى مەن ارميا رەفورماسى سياقتى جاقتارداعى قىزمەتتەردى قولداپ، اسكەري سالا مەن حالىقتىق سالانىڭ توعىسپالى دامۋىن ىلگەرىلەتىپ، قوس قولداۋ قىزمەتىن شىن مانىندە ويداعىداي يگەرىپ، بۇكىل قوعامدا اسكەريلەردى قۇرمەتتەۋدىڭ، اسكەري بولىمدەرگە كوڭىل ءبولۋدىڭ، مەملەكەت قورعانىسىن قولداۋدىڭ تاماشا رايىن قالىپتاستىرۋ كەرەك.

  ءماجىلىس باسقا دا ىستەردى اقىلداستى.

  شوكىرات زاكىر، شاۋكەت يمىن، نۇرلان ءابىلماجىن، ۋاڭ جۇنجىڭ، لي پىڭشين، شۇي حايرۇڭ، ەركىن تۇنياز، تيان ۋىن، لي يفي، ياڭ شين، جاڭ چۇنلين قاتارلىلار ماجىلىسكە قاتىناستى.

جاۋاپتى رەداكتور : سايراش تۇرارجان قىزى

ەسكەرتۋ:

تورابىمىزداعى مازمۇنداردى پايدالانۋعا تۋرا كەلگەندە، ءسوزسىز جازباشا رۇقساتقا يە بولۋ كەرەك. مازمۇنداردى رۇقساتسىز جالعاپ تاراتۋعا، كەسىپ رەداكسيالاۋعا، وزگەرتۋگە، قىسقارتىپ قۇراستىرۋعا، باسقا ورىنعا كوشىرۋگە نەمەسە باسقا تاسىلدەرمەن كوبەيتۋگە ءارى تاراتۋعا بولمايدى، قايشى كەلگەندەردىڭ زاڭدىق جاۋاپكەرشىلىگى زاڭ بويىنشا قۋزاستىرىلادى.