تيانشان تورى
تيانشان تورى   ›   جاڭالىقتار   ›   ماڭىزدى حابارلار

جاڭا داۋىردەگى پارتيانىڭ ۇيىمدىق لۋشيانىن دايەكتىلەندىرىپ، تياناقتاندىرىپ، پارتيانى ۇزدىكسىز اناعۇرلىم بەرىك، پارمەندى ەتىپ قۇرىپ شىعايىق

«ىزدەنۋ» جۋرنالى باس شۋجي شي جينپيڭنىڭ ماڭىزدى ماقالاسىن جاريالايدى

جاڭا داۋىردەگى پارتيانىڭ ۇيىمدىق لۋشيانىن دايەكتىلەندىرىپ، تياناقتاندىرىپ، پارتيانى ۇزدىكسىز اناعۇرلىم بەرىك، پارمەندى ەتىپ قۇرىپ شىعايىق

  شينحۋا اگەنتتىگىنىڭ 7 - ايدىڭ 31 - كۇنى بەيجيڭنەن بەرگەن حابارى. 8 - ايدىڭ 1 - كۇنى باسپادان شىعاتىن «ىزدەنۋ» جۋرنالىنىڭ 15 - سانىندا جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭنىڭ «جاڭا داۋىردەگى پارتيانىڭ ۇيىمدىق لۋشيانىن دايەكتىلەندىرىپ، تياناقتاندىرىپ، پارتيانى ۇزدىكسىز اناعۇرلىم بەرىك، پارمەندى ەتىپ قۇرىپ شىعايىق» اتتى ماڭىزدى ماقالاسى جاريالانادى.

  ماقالادا بىلاي دەپ باسا دارىپتەلدى: ۇيىمدىق قۇرىلىس − پارتيا قۇرىلىسىنىڭ ماڭىزدى نەگىزى. پارتيانىڭ ۇيىمدىق لۋشيانى پارتيانىڭ ساياسي لۋشيانى ءۇشىن قىزمەت ەتەدى. پارتيامىز ۇزاق ۋاقىت بيلىك جۇرگىزىپ، ومىرشەڭدىك كۇشتى ماڭگى ساقتاپ، بۇكىل ەلدەگى ءار ۇلت حالقىن ىنتىماقتاستىرىپ باستاپ، جۇڭگوشا سوتسياليزم جولىن بويلاي جۇڭحۋا ۇلتىنىڭ ۇلى گۇلدەنۋىن جۇزەگە اسىرۋدا پارتيانى اناعۇرلىم بەرىك، پارمەندى ەتىپ قۇرىپ شىعۋ ەڭ ماڭىزدى. ءبىز پارتيانىڭ باسشىلىعىنا تيتتەي دە اۋىتقىماستان تاباندى بولىپ جانە ونى كەمەلدەندىرىپ، پارتيا قۇرىلىسىنىڭ جاڭا ۇلى ينجەنەرياسىن ۇزدىكسىز ىلگەرىلەتىپ، پارتيانى ۇزدىكسىز تۇردە اناعۇرلىم بەرىك تە پارمەندى ەتىپ قۇرىپ شىققاندا عانا، داۋىلدى تولقىنداردا مىزعىماستان قاسقايىپ تۇرا الامىز.

  ماقالادا بىلاي دەپ اتاپ كورسەتىلدى: پارتيانىڭ 19 - قۇرىلتايىنان كەيىن، ءبىز تاريحي تاجىريبەلەردى، اسىرەسە، پارتيانىڭ 18 - قۇرىلتايىنان بەرگى پارتيانى جاپپاي قاتاڭ جونگە سالۋداعى تابىستى تاجىريبەلەردى قورىتىندىلاۋ نەگىزىندە جاڭا داۋىردەگى پارتيانىڭ ۇيىمدىق لۋشيانىن جيناقتادىق. اماليات جاڭا داۋىردەگى پارتيانىڭ ۇيىمدىق لۋشيانىنىڭ پارتيانىڭ ۇيىمدىق قۇرىلىسىن كۇشەيتۋگە عىلمي بويسۇنۋ ولشەمىن ازىرلەگەنىن، پارتيانىڭ جاسامپازدىق قۋاتىن، ۇيىسۋ قۋاتىن، جاۋىنگەرلىك قۋاتىن كۇشەيتۋگە ماڭىزدى كەپىلدىك ازىرلەگەنىن كورسەتتى. جاڭا داۋىردەگى پارتيانىڭ ۇيىمدىق لۋشيانىنىڭ عىلمي ءمانى مەن امالياتتىق تالابىن دۇرىس ءتۇسىنىپ، نىسانانى باعدار ەتۋدىڭ، ماسەلەنى باعدار ەتۋدىڭ، ناتيجەنى باعدار ەتۋدىڭ بىرلىگىنە تاباندى بولىپ، دايەكتىلەندىرۋدىڭ، تياناقتاندىرۋدىڭ نەگىزگى تالابىن ءدال ويداعىداي يگەرۋىمىز كەرەك.

  ماقالادا بىلاي دەپ اتاپ كورسەتىلدى: پارتيانىڭ باسشىلىعىنا تاباندى بولۋ مەن ونى كەمەلدەندىرۋدى، جۇڭگوشا سوتسياليزمگە تاباندى بولۋ مەن ونى دامىتۋدى ويداعىداي يگەرۋ كەرەك. دۇرىس ساياسي لۋشيان دۇرىس ۇيىمدىق لۋشياندى بەلگىلەيدى، دۇرىس ۇيىمدىق لۋشيان دۇرىس ساياسي لۋشيانعا قىزمەت ەتەدى، كەپىلدىك ەتەدى. پارتيانىڭ ۇيىمدىق قۇرىلىسىن كۇشەيتۋدەگى ءتۇبىرلى ماقسات − پارتيانىڭ جالپى بەتتىك باسشىلىعىنا تاباندى بولىپ جانە ونى كۇشەيتىپ، جۇڭگوشا سوتسياليزم ىستەرىن ىلگەرىلەتۋگە پارمەندى كەپىل ازىرلەۋ.

  ماقالادا بىلاي دەپ اتاپ كورسەتىلدى: بۇكىل پارتيانى پارتيانىڭ عىلمي نازارياسىمەن قارۋلاندىرۋدى ويداعىداي يگەرۋ كەرەك. پارتيانىڭ ۇيىمدىق قۇرىلىسىن كۇشەيتۋدە ”وبراز ورناتۋ“، اسىرەسە، ”رۋحتى سومداۋ“ كەرەك. ماركسيزممەن، اسىرەسە، جاڭا داۋىردەگى جۇڭگوشا سوتسياليزم يدەياسى نازارياسىمەن قارۋلانۋدى كۇشەيتىپ، ءار دارەجەلى پارتيا ۇيىمدارىن جانە قالىڭ پارتيا مۇشەلەرىن، كادرلاردى، اسىرەسە، باسشى كادرلاردى ماركسيزم نازارياسىمەن قارۋلاندىرىپ، ماركسيزم نازارياسى دەڭگەيى مەن ونى قولدانۋ قابىلەتىن ءوسىرىپ، پارتيانىڭ جاسامپاز نازارياسىن جاڭا داۋىردەگى جۇڭگوشا سوتسياليزم ۇلى ىستەرىن ىلگەرىلەتۋدىڭ امالياتتىق كۇشىنە بىرگە اينالدىرۋ كەرەك.

  ماقالادا بىلاي دەپ اتاپ كورسەتىلدى: پارتيانىڭ ۇيىمدىق جۇيەسى قۇرىلىسىن ويداعىداي يگەرۋ كەرەك. پارتيامىز پارتيانىڭ ورتالىق ۇيىمدارىن، جەرگىلىكتى ۇيىمدارىن، نەگىزگى ساتى ۇيىمدارىن قامتىعان كەمەلدى ۇيىمدىق جۇيە قۇردى. بۇل دۇنيە جۇزىندەگى باسقا ەشقانداي ساياسي پارتيادا جوق قۇدىرەتتى باسىمدىق. پارتيانىڭ ورتالىق ۇيىمدارى، جەرگىلىكتى ۇيىمدارى، نەگىزگى ساتى ۇيىمدارى بارلىعى بەرىك، پارمەندى بولعاندا، رولدارىن تولىق ساۋلەلەندىرگەندە پارتيانىڭ ۇيىمدىق جۇيەسىنىڭ باسىمدىعى مەن كۇشى تولىق ايگىلەنەدى. ورتالىق پەن مەملەكەت ورگاندارىن ساياسيدى دارىپتەيتىن، تارتىپكە بويسۇناتىن، جاۋاپكەرشىلىك ارقالايتىن، ونىمدىلىگى بار ۇلگىلى ورگان ەتىپ قۇرىپ شىعۋ، جەرگىلىكتى پارتكومداردى پارتيا ورتالىق كوميتەتىنىڭ قولباسشىلىعىنا قۇلاق اساتىن، قاتاڭ باسقاراتىن، پارمەندى تۇردە باقىلايتىن، القاسى ىنتىماقتى، سالتى كىرشىكسىز پارمەندى ۇيىم ەتىپ قۇرىپ شىعۋ، ءار سالاداعى نەگىزگى ساتى پارتيا ۇيىمدارىن پارتيانىڭ باسشىلىعىن جۇزەگە اسىرۋداعى بەرىك جاۋىنگەر قورعان ەتىپ قۇرىپ شىعۋ كەرەك.

  ماقالادا بىلاي دەپ اتاپ كورسەتىلدى: بيلىك جۇرگىزۋدەگى تىرەكتى قوسىن مەن دارىندىلار قوسىنى قۇرىلىسىن ويداعىداي يگەرۋ كەرەك. وزگەرىسكە توتەپ بەرۋىمىزدەگى، جاڭا وراي جەتىلدىرۋىمىزدەگى، جاڭا جاعداي اشۋىمىزداعى، گۇلدەنۋگە ۇمتىلۋىمىزداعى تەتىك − پارتيانىڭ ءار دارەجەلى باسشىلىق القاسى مەن كادرلار قوسىنىن ويداعىداي قۇرىپ شىعۋ، قۋاتتى ەتىپ قۇرىپ شىعۋ. جاڭا داۋىردەگى پارتيانىڭ ۇيىمدىق لۋشيانىندا ءمورالدى دا دارىندى بولۋ، ءمورالدى الدىڭعى ورىنعا قويۋ، جارامدىلاردى قىزمەتكە قويۋعا تاباندى بولۋ باعىتى العا قويىلدى، ياعني كادر تاڭداۋدا، دارىندى ىستەتۋدە احىلاعىنا ءمان بەرۋمەن قاتار، دارىنىنا دا ەلەۋسىز قاراۋعا بولمايتىندىعى باسا دارىپتەلدى. ءار دارەجەلى پارتيا ۇيىمدارى ساياسي وتكەلدى، پاكتىك وتكەلىن قاتاڭ يگەرۋى، ساپا، قابىلەت وتكەلىن قاتاڭ يگەرۋى كەرەك. كادرلار ءتۇزىمى رەفورماسىن تەرەڭدەتىپ، دارىندىلاردى دامىتۋ ءتۇزىلىس - مەحانيزمى رەفورماسىن تەرەڭدەتىپ، جەر جۇزىندەگى دارىندىلاردى توپتاۋعا قۇلشىنۋ كەرەك.

  ماقالادا بىلاي دەپ اتاپ كورسەتىلدى: پارتيانىڭ ۇيىمدىق ءتۇزىم قۇرىلىسىن ويداعىداي يگەرۋ كەرەك. ورتالىقتاعى قاتىستى تاراۋلار، ءار دارەجەلى پارتكومدار (پارتيا باسشىلىق گرۋپپاسى) ءىس جۇزىندىك جاعدايمەن ۇشتاستىرىپ، پارتيانىڭ ۇيىمدىق ەرەجەلەرى مەن پارتيا ورتالىق كوميتەتى العا قويعان تالاپتاردى ناقتىلاندىرىپ، ۇيىمدىق ورنالاستىرۋ، ۇيىمدىق تۇرمىس، ۇيىمنىڭ جۇمىس جۇرگىزۋى، ۇيىمدىق باسقارۋ، ۇيىمدىق باقىلاۋ سياقتىلاردى قامتىعان كەمەلدى ۇيىمدىق ءتۇزىم جۇيەسىن ورناتىپ، اقاۋسىزداندىرىپ، پارتكومنىڭ (پارتيا باسشىلىق گرۋپپاسى) پارتيانى جاپپاي قاتاڭ جونگە سالۋ تۇلعالىق جاۋاپكەرشىلىگىن تياناقتاندىرۋ ءتۇزىمىن كەمەلدەندىرىپ ءارى ونىڭ اتقارىلۋىن قاتاڭ يگەرىپ، پارتيانىڭ ۇيىمدىق قۇرىلىسىنىڭ تۇزىمدەنۋ، ارناعا ءتۇسۋ، عىلميلانۋ دەڭگەيىن ۇزدىكسىز جوعارىلاتۋ كەرەك.

جاۋاپتى رەداكتور : سايراش تۇرارجان قىزى

ەسكەرتۋ:

تورابىمىزداعى مازمۇنداردى پايدالانۋعا تۋرا كەلگەندە، ءسوزسىز جازباشا رۇقساتقا يە بولۋ كەرەك. مازمۇنداردى رۇقساتسىز جالعاپ تاراتۋعا، كەسىپ رەداكسيالاۋعا، وزگەرتۋگە، قىسقارتىپ قۇراستىرۋعا، باسقا ورىنعا كوشىرۋگە نەمەسە باسقا تاسىلدەرمەن كوبەيتۋگە ءارى تاراتۋعا بولمايدى، قايشى كەلگەندەردىڭ زاڭدىق جاۋاپكەرشىلىگى زاڭ بويىنشا قۋزاستىرىلادى.