تيانشان تورىنىڭ حابارى (جالپىلىق اقپارات قۇرالدارى تىلشىلەرى چاۋ جين، يۋان لەي حابارلايدى). مەملەكەتتىك كەڭەستىڭ جاڭا تيپتى ايدارشا ۆيرۋس وكپە قابىنۋ ىندەتىنە توتەپ بەرۋ بويىنشا بىرلەسىپ ساقتانۋ، بىرلەسىپ تىزگىندەۋ مەحانيزمى ماماندار گرۋپپاسى مەن اۆتونوميالى رايونداعى ەمدەۋ - قۇتقارۋ ماماندارىنىڭ بىرلەسىپ دياگنوز قويىپ ساراپتاۋى ارقىلى، 8 - ايدىڭ 1 - كۇنى، ٴۇرىمجى قالاسىنداعى دياگنوزى تۇراقتاندىرىلعان 7 ناۋقاس مەملەكەتتىك دەنساۋلىق ساقتاۋ - سالاماتتىق كوميتەتىنىڭ جاڭا تيپتى ايدارشا ۆيرۋس وكپە قابىنۋ ىندەتىنە شالدىقتى دەپ دياگنوزى تۇراقتاندىرىلعان ناۋقاستاردى شيپاحانادان شىعارۋ ولشەمىنە ۇيلەسىپ، ساۋىعىپ شيپاحانادان شىقتى. 6 اۋرۋ بەلگىسى جوق جۇعىمدالۋشى مەديتسينالىق باقىلاۋدان شىعارىلدى.
اۆتونوميالى رايوندىق جاڭا تيپتى ايدارشا ۆيرۋس وكپە قابىنۋ ىندەتىن ەمدەۋ - قۇتقارۋ بەلىگىلەنگەن شيپاحاناسى بىرىككەن ەمدەۋ ٴبولىمىنىڭ ورىنباسار مەڭگەرۋشىسى لۋ چىن بىلاي دەپ تانىستىردى: بۇل رەت شيپاحانادان شىققان ناۋقاستاردىڭ التاۋى ادەتتەگى ناۋقاس، بىرەۋى جەڭىل ناۋقاس. شيپاحاناعا كىرگەننەن كەيىن، جوعارىداعى ناۋقاستار ماماندار گرۋپپاسى مەن ەمدەۋ - كۇتىمدەۋ قوسىنىنىڭ كۇش سالا قۇتقارۋ - ەمدەۋىندە، ىجداعاتپەن كۇتىمدەۋىندە ناۋقاس جاعدايى ۇزدىكسىز جاقسارىپ، ٴۇرتىس 2 رەت، سونداي - اق 2 رەتتەن ارتىق تىنىس جولىنداعى ناۋقاس قوزدىرعىشتىڭ نۋكلەين قىشقىلىن تەكسەرۋ ناتيجەسى بولىمسىز بولعان، ٴتۇرلى حيميالىق سارالاۋ كورسەتكىشتەرى، وكپە ۆيدەوگرافياسى، دەنە تەمپەراتۋراسى تۇگەل قالىپتى بولىپ، مەملەكەتتىك دەنساۋلىق ساقتاۋ - سالاماتتىق كوميتەتىنىڭ «جاڭا تيپتى ايدارشا ۆيرۋس وكپە قابىنۋ ىندەتىنە دياگنوز قويۋ - ەمدەۋ جوباسىنىڭ (سىناق رەتىندە اتقارىلاتىن 7 - نۇسقاداعى تۇزەتىلگەن نۇسقا)» دياگنوزى تۇراقتاندىرىلعان ناۋقاستاردى شيپاحانادان شىعارۋ ولشەمىنە ۇيلەسكەن.
