تيانشان تورى   ›   جاڭالىقتار   ›   ۇلتتار ىنتىماعىنىڭ بەرەكەلى شاڭىراعى

قۇربان ايت مەرەكەسى مىنە وسىنداي مەيىرگە تولى

شينجياڭ گازەتىنىڭ جالپىلىق اقپارات قۇرالدارى تىلشىلەرى سۋ لۋپيڭ، جاۋ چۇنحۋا، ۋي حۇڭپيڭ، جاڭ جىلي، جاڭ تيڭ

        7 - ايدىڭ 31 - كۇنى كۇشار قالاسى شينچىڭ ءمالىسى چيڭفىڭيۋان الەۋمەتتىك اۋماعىنىڭ تۇرعىندارى ينتەرنەتتىك بەينەبايلانىس ارقىلى تۋىس - تۋعان، دوس - جاراندارىنا ءوزارا تىلەك جولداپ، مەرەكەنى بىرگە وتكىزدى. سۋرەتتى نياز راحمان تۇسىرگەن

        7 - ايدىڭ 31 - كۇنى شينجياڭ ايلىشي اس - سۋ ىستەرىن باسقارۋ شەكتى جاۋاپكەرشىلىك سەرىكتەستىگىنىڭ اسپازدارى پالاۋ باسۋدا. سول كۇنى اتالعان سەرىكتەستىك جيىنى 2000 تالەڭكە پالاۋ شىعارىپ، ءۇرىمجى قالاسىنىڭ تيانشان رايونىنداعى قىزمەت ورنىنان تاپجىلماي ىستەپ جاتقان الەۋمەتتىك اۋماق كادرلارىنا جەتكىزىپ بەرىپ، ولاردىڭ مەرەكەسىنە كوڭىلدىلىك تىلەدى. سۋرەتتى شينجياڭ گازەتىنىڭ جالپىلىق اقپارات قۇرالدارى ءتىلشىسى جوۋ پىڭ تۇسىرگەن

  قۇربان ايت مەرەكەسى كەزىندە، رايونىمىزداعى ءار ۇلت كادرلار مەن بۇقارا ىندەتتەن ساقتانۋ - تىزگىندەۋدى جاقسى ىستەۋمەن بىرگە، ءوزارا تىلەك جەتكىزىپ، بەرەكە - بىرلىكتى تىلگە تيەك ەتتى، تيانشاننىڭ وڭتۇستىگى مەن سولتۇستىگى مەيىرگە بولەندى.

وزگەشە مەرەكە، مەيىرگە تولدى

  7 - ايدىڭ 31 - كۇنى ەرتەمەن تۋىستارىنا كۇنى بۇرىن دايىنداپ قويعان قويدىڭ ءبىر سان ەتىن ەرىكتىلەرگە بەرگەن سوڭ، ءۇرىمجى قالاسى سايباق رايوندىق ادام كۇشى بايلىعى جانە قوعامدىق قامتاماسىزداندىرۋ مەكەمەسىنىڭ لۋيۋان كوشەسى شاعىن اۋماعىن باسقارۋ كوميتەتى لۋيۋان كوشەسى الەۋمەتتىك اۋماعىندا تۇراتىن قىزمەت اترەتىنىڭ باستىعى، ءبىرىنشى شۋجي حۋاڭ بين ماشينامەن ماڭايداعى سيىر، قوي ەتىن تىكە ساتۋ ورنىنا بارىپ، تۇرعىندارعا زاپاس ەتتەن ساتىپ الدى.

  سول كۇنى قۇربان ايت مەرەكەسى بولاتىن، مەرەكە كەزىندە ءار ۇلت بۇقاراسىن تۇرمىستىق ماتەريالدارمەن قامداۋدى قامتاماسىزداندىرۋ ءۇشىن، سايباق رايوندىق ادام كۇشى بايلىعى جانە قوعامدىق قامتاماسىزداندىرۋ مەكەمەسىنىڭ سايكەستىرۋىمەن لۋيۋان كوشەسى الەۋمەتتىك اۋماعى قاراستى اۋماقتاعى ەڭ تومەنگى تۇرمىسى قامتاماسىزداندىرىلاتىندار، قيىنشىلىعى بار وتباسىلار، ءجۇرىس - تۇرىسى قولايسىز قارتتار ءۇشىن 400 كيلوگرام سيىر، قوي ەتىن ساتىپ اكەلىپ بەردى. كۇندەلىكتى كوكونىس، جەمىس - جيدەك، قاۋىن - قاربىز، استىق - ماي، قوسىمشا ازىق - تۇلىكتەرمەن قامداۋعا كەپىلدىك ەتۋ العى شارتىندا، حۋاڭ بين تاعى سيىر، قوي ەتىن تىكە ساتاتىن 4 ورىنمەن سويلەسىپ، شاعىن اۋماققا زات جەتكىزۋگە بايلانىس جاسادى. بۇعان قوسا، قىزمەت اترەتى تاعى قاراستى اۋماقتاعى ەڭ تومەنگى تۇرمىسى قامتاماسىزداندىرىلاتىن وتباسىلار، قيىنشىلىعى بار وتباسىلار سياقتىلارعا سيىر، قوي ەتى، كوكونىستەن سي - تارتۋ ازىرلەدى.

  ”باۋىرىم، قويدىڭ سان ەتىن تاپسىرىپ الدىم، فىنتاڭدى قاشان كەلىپ الىپ كەتەسىڭ؟ ايتپەسە مەن ەرىكتىلەرگە تاپسىرايىن، ساعان اپارىپ بەرسىن بە؟“. ساعات 14 مولشەرىندە حۋاڭ بين شاعىن رايوندا تۇرعىندارعا سيىر، قوي ەتىن جەتكىزىپ بەرىپ جۇرگەن كەزدە، تۋىسى زوراگۇل ابدۇرەشيتتەن تەلەفون كەلدى، ”اپەكە، سىزدەر جەي بەرىڭىزدەر، قالعان سيىر، قوي ەتىن تەزدەتىپ جەتكىزىپ بولۋىم كەرەك“. تاماقتانۋعا ۇلگىرمەگەن حۋاڭ بين كەلەسى شاعىن اۋماققا اتتانىپ كەتتى.

  2018 - جىلى قىزمەت اترەتىنىڭ مۇشەسى بولىپ تۇرعان كەزىندە حۋاڭ بين قاراستى اۋماقتاعى تۇرعىن زوراگۇلمەن تۋىس بولدى، ەكى ءۇيلى جان سودان بەرى قۇددى بىرگە تۋعانداي ارالاسىپ كەلەدى. ۋاقىتى بولا قالسا، حۋاڭ بين كۇرىش، ۇن، ماي، سيىر، قوي ەتى، كوكونىس، جەمىس - جيدەك، قاۋىن - قاربىز سياقتىلاردى ساتىپ الىپ، زوراگۇلدىڭ ۇيىنە بارىپ وتىرىپ قايتادى؛ حۋاڭ بين الەۋمەتتىك اۋماقتا كەزەكشى بولىپ وتىرسا، زوراگۇل دە ءبىر كىسىلىك تاماقتى ارتىق جاساپ، وعان اكەلىپ بەرەدى. بىرنەشە كۇننىڭ الدىندا حۋاڭ بين تۇرعىندارعا كوكونىس دايىنداپ جاتقان كەزدە، زوراگۇلدىڭ تىزىمدىگىن كوزى شالىپ قالادى. زات جەتكىزىپ بەرەتىن تۇرعىندار ءبىرشاما كوبىرەك بولعان سوڭ، حۋاڭ بين زوراگۇلگە سابىرلىلىقپەن كۇتە تۇر دەپ كەلتە حات جولدايدى. ويلاماعان جەردەن ول زوراگۇلدىڭ ەسىك الدىنا بارعاندا، ەسىك تۇتقاسىنا ءبىر دوربا ءىلىنىپ، ونىڭ ىشىنە ءمانتى، سونداي - اق ءبىر جاپىراق قاعاز سالىنعانىن كورەدى: ”قوي ەتىن ەسىك الدىنا قويا سالىپ، ءمانتىنى الىپ كەت، سەن ءمانتىنى الماساڭ، مەن دە ەتتى الماي قويامىن!“.

  ءاسىلى، زوراگۇل حۋاڭ بين مەن الەۋمەتتىك اۋماق قىزمەتكەرلەرىنىڭ قاربالاستىقتان تاماقتانا الماي قالۋىنان الاڭداپ، كەلتە حاتتى تاپسىرىپ الا سالىپ، دەرەۋ ءبىر مەسكەي پەتىر ءمانتى تۇيگەن بولاتىن. ”مەن سەسترا بولعانمىن، ولاردىڭ كۇن - ءتۇن دەمەي وسى كەزدەردە قانشاما شارشاپ جۇرگەنىن بىلەمىن“. زوراگۇل: ۇيدە جاتىپ اۋاشالانعان وسى كۇندەردە تۇگەلدەي قىزمەت اترەتىنىڭ مۇشەلەرى، الەۋمەتتىك اۋماق قىزمەتكەرلەرى جانە ەرىكتىلەر تۇرعىندار ءۇشىن قىزمەت وتەپ، زارارسىزداندىرىپ، قوقىر - قوقسىقتى توگىپ، تۇرمىستىق زاتتىق ماتەريالدار جەتكىزىپ، جەدەل جولدامالاردى اكەلىپ، سوزىلمالى اۋرۋى بارلارعا ءدارى اكەلىسىپ بەرىپ كەلەدى... تۇرعىنداردىڭ بارلىق قاجەتىن ولار مۇمكىندىكتىڭ بارىنشا قاناعاتتاندىرۋدا، - دەدى. ”مەن كومەكتەسە الماعاننان كەيىن، ءبىراز تاماق دايىنداپ، ولارعا قايرات - جىگەر سيلاۋدى ويلادىم“.

  بيىلعى قۇربان ايت مەرەكەسى زوراگۇل جونىنەن بولەكشە بولدى. قاسىنداعى ءاربىر ادام ىندەتتەن ساقتانۋ - تىزگىندەۋدەن قامال الۋ شايقاسىنىڭ جەڭىسىنە جەتۋ ءۇشىن ءۇن - ءتۇنسىز قۇلشىنۋدا. ”تۋىسىم حۋاڭ بين باۋىرىم مەن ۇلىم ەكەۋى دە ىندەتكە قارسى اتتانۋدىڭ ءبىرىنشى شەبىندە ەرلىكپەن شايقاسۋدا“. كوپشىلىك ءبىر نيەتپەن سەلبەسىپ كۇش شىعارعاندا عانا، ىندەتتىڭ تۇمانىنان ەرتەرەك ايىعا الادى. زوراگۇل قول تەلەفون ەكرانى ارقىلى باۋىرى مەن ۇلىنا مەرەكەلىك سالەم جولدادى، ىندەتكە قارسى اتتانۋدىڭ ءبىرىنشى شەبىندە ءۇن - ءتۇنسىز تاپجىلماي قىزمەت ىستەگەن جان اشىرلارىن ويلاسا بولعانى، زوراگۇلدىڭ بويىن سەنىم كەرنەيدى.

مىڭ شاقىرىم الىستان، اپە -ءسىڭلىنىڭ جۇرەگى تابىسقان

  ”اپەكە، بيىل وزىڭمەن بىرگە مەرەكە وتكىزە المايتىن بولدىم، سەنى قاتتى ساعىندىم!“. 7 - ايدىڭ 31 - كۇنى ءۇرىمجى قالاسى سايباق رايونى يامالىق تاۋى شاعىن اۋماعىن باسقارۋ كوميتەتى ءادىليا ورنىنىڭ باستىعى قالبىنۇر ابدۇراحاتقا سوناۋ جىجياڭ ولكەسىندەگى ياڭ رۇيپيڭنەن تەلەفون كەلدى.

  ياڭ رۇيپيڭ مەن قالبىنۇر قىزمەتتە تانىسقان. 5 جىل بولدى، ءار جىلعى قۇربان ايت مەرەكەسىن ەكەۋى ۋاقىتى بولسا بولدى بىرگە وتكىزەتىن. قالبىنۇردىڭ تەلەفونىنداعى البومىندا ەكەۋىنىڭ مەرەكەنى بىرگە وتكىزگەن كوڭىلدى شاقتارىنان سۋرەتتەر ءالى ءتۇر.

  2017 - جىلى بالالار اياق كيىمىن تولايىم ساتۋمەن شۇعىلداناتىن ياڭ رۇيپيڭنىڭ سالىپ جىبەرگەن زاتتارىنىڭ اقشاسى كەلمەي كەشەۋىلدەيدى، دۇكەن اينالىم قارجىسىنا ءزارۋ ەدى، بۇل ونى قاتتى شيرىقتىرادى. بىرەۋلەردىڭ تانىستىرۋىمەن ول قالبىنۇردى ىزدەپ تابادى. جاعدايدى ەگجەي - تەگجەيلى ۇعىسقاننان كەيىن، قالبىنۇر قاتىستى ادامعا تەلەفون جالعاۋ، قارسى جاقتاعى بازار باسقارۋدىڭ ادامدارىمەن بايلانىس جاساپ، جاراستىرۋ سياقتى تاسىلدەر ارقىلى ەڭ اقىرىندا 180 نەشە مىڭ يۋاندىق قارىز اقشانىڭ ەكى رەتتە ياڭ رۇيپيڭنىڭ ەسەپ نومىرىنە كىرۋىنە مۇمكىندىك جاسايدى.

  ياڭ رۇيپيڭ ءوزى ەڭ دارمەنسىز كۇيدە قالعاندا، قالبىنۇردىڭ كومەك قولىن سوزعانىن ءارى زاڭدى ءبىلۋدىڭ، زاڭدى ۇعۋدىڭ، زاڭدى قولدانۋدىڭ ماڭىزدىلىعىن شىن مانىندە ۇعىندىرعانىن ايتتى. سودان باستاپ قيىنشىلىققا ۇشىراي قالسا، ول ۇنەمى ەڭ الدىمەن قالبىنۇردى ويلايتىن بولدى. بىرنەشە جىلدان بەرى ياڭ رۇيپيڭنىڭ ساۋداسى بارعان سايىن وڭىنا باستى، اپەكەلى - ءسىڭلىلى ەكەۋىنىڭ دوستىعى دا بارعان سايىن قويۋلاستى.

  ۇدايى بىرنەشە كۇننەن بەرى قالبىنۇر باستان - اياق الەۋمەتتىك اۋماقتا ىندەتتەن ساقتانۋ - تىزگىندەۋ قىزمەتىن تەكسەرىپ، ىندەتتەن ساقتانۋ زاڭدىق بىلىمدەرىن ۇگىتتەپ كەلەدى. ال سوناۋ الىس جىجياڭداعى ياڭ رۇيپيڭ دە ىندەتكە قارسى اتتانۋدىڭ ءبىرىنشى شەبىندەگى قالبىنۇردى ەسىنەن شىعارعان جوق.

  ”اپەكەمنىڭ قىزمەتى قاربالاس، دەمالىس ۋاقىتىنىڭ از ەكەندىگىن بىلەمىن، الايدا ىلعي ونىڭ داۋىسىن ەستىگىم كەلىپ تۇرادى. بيىل بىرگە مەرەكە وتكىزە المايتىن بولعانىمىزبەن، جۇرەگىمىز ماڭگى بىرگە“، - دەدى ياڭ رۇيپيڭ تەلەفوندا.

جۇپ قۇراعان تۋىستار ەكراندا تىلەك جولداستى

  ”اعا، مەرەكەڭىز قۇتتى بولسىن! قىزمەت بايلانىسىمەن مەرەكەنى بىرگە وتكىزە المايتىن بولدىق، وسى قاربالاستىق اياقتاعان سوڭ، ءسوز جوق، سىزگە بارامىن!“. 7 - ايدىڭ 31 - كۇنى ەرتەمەن بۋرىلتوعاي اۋداندىق پارتكوم ۇگىت ءبولىمىنىڭ كادرى يان جىچىڭ ۋيچات بەينە ەكرانى ارقىلى جۇپ قۇراعان تۋىسى كەنجەبەك باباققا سالەم جولدادى. ”قىزمەتىڭ وتە جاپالى، دەنساۋلىعىڭا كوبىرەك كوڭىل بولگەيسىڭ!“. بەينە ەكراندا ەكەۋى الما - كەزەك سويلەسىپ، ءبىر - بىرىنە تاپسىرىپ جاتتى.

  كەنجەبەك بۇرىن بۋرىلتوعاي اۋدانى قاراماعاي قالاشىعى تاڭبالى قىستاعىنداعى ارحيۆ تۇرعىزىلىپ، كارتچكالاندىرىلعان كەدەي شارۋا بولاتىن. 2018 - جىلى قىزمەتكە ەندى عانا قاتىناسقان يان جىچىڭ وزىنەن 10 جاس ۇلكەن كەنجەبەكپەن جۇپ قۇراپ، تۋىس بولدى. ول، ءسوز جوق، امال قاراستىرىپ، كەنجەبەك شاڭىراعىنىڭ تۇرمىسىن وڭاۋعا كومەكتەسۋگە بەكيدى.

  جاقىنعى جىلداردان بەرى بۋرىلتوعاي اۋدانى ەگىنشى - مالشىلاردى ەگىنشىلىك وڭىرلەرىندە مال شارۋاشىلىعىن بار كۇشپەن دامىتۋعا ىنتالاندىردى، سونداي - اق ءبىر قىدىرۋ ءتيىمدى ساياساتتار شىعاردى. يان جىچىڭ كەنجەبەككە مال باعىمشىلىعىن دامىتۋ ۇسىنىسىن بەرەدى، سونداي - اق ەگجەي - تەگجەيلى كومەكتەسۋ - سۇيەمەلدەۋ جوسپارىن ءتۇزىپ شىعادى.

  يان جىچىڭ ”ۇعىسۋ، تيىمدىلىك جاساۋ، توعىستىرۋ“ بويىنشا قىستاقتا تۇراتىن قىزمەت اترەتىمەن بىرلەسىپ، كەنجەبەككە ءوسىمى قازىنادان تولەنەتىن 30 مىڭ يۋان قارىز اقشا الىپ بەرەدى. وسى اقشامەن كەنجەبەك باعىمشىلىق قوراسىن سالىپ، 3 سيىر ساتىپ الدى، يان جىچىڭ تاعى باعىمشىلىق ماماندارىن كەنجەبەككە باعىمشىلىق تەحنيكاسىنان جەتەكشىلىك ەتۋگە ۇسىنىس ەتتى.

  ۇيرەنگىش، ىزدەنگىش كەنجەبەك باعىمشىلىق كاسىبىن شالقىتا دامىتتى. 2019 - جىلى ول جەم - ءشوپ بازاسىن سالدى، سۇرلەمدىك جۇگەرى ەكتى. بيىل جاڭا ءۇي سالىپ الدى، اۋلاسىن دا اۋلا شارۋاشىلىعىن دامىتۋعا ارقا سۇيەي وتىرىپ، گۇل جايناتتى.

  مەنى كەدەيلىكتەن ارىلتىپ قالماستان، ءبىر جاقىنىمدى كوبەيتتى. كەل، باۋىرىم، اراق ورنىنا شايدى كوتەرىپ، وتانىمىزدىڭ گۇلدەنىپ - كوركەيە بەرۋىن تىلەيىك!“. بەينە ەكراندا اعايىندى ەكەۋى شاي شىنىلارىن كوتەرىپ، ءتۇبىن كورسەتە ءىشىپ الدى.

كەدەيلىك قالپاعىن الىپ تاستاپ، مەرەكەنى كوڭىلدى وتكىزدى

  بيىلعى قۇربان ايت مەرەكەسى ءۇشتۇرپان اۋدانى وتبەشى اۋىلى سوگەتلىك قىستاعىنىڭ تۇرعىنى عوپۇر قۇرباننىڭ كەدەيلىكتەن ارىلعاننان كەيىن تۇڭعىش وتكىزىپ وتىرعان قۇربان ايت مەرەكەسى. 7 - ايدىڭ 31 - كۇنى ەرتەمەن مەملەكەتتىك ساناق مەكەمەسى شينجياڭ تەكسەرۋ باس اترەتىنىڭ سوگەتلىك قىستاعىندا تۇراتىن ”ۇعىسۋ، تيىمدىلىك جاساۋ، توعىستىرۋ“ قىزمەت اترەتىنىڭ باستىعى، ءبىرىنشى شۋجي ۋي حۇڭ كۇرىش، ۇن، ماي سياقتى حال سۇراۋ بۇيىمدارىن الىپ ونىڭ ۇيىنە كەلدى.

  ”ۋي اعا، مەن كەدەيلىكتەن ارىلدىم، بۇل بيىلعى مەرەكەدەگى مەنىڭ ەڭ قۋانىشتى ءىسىم!“، - دەدى عوپۇر. بىلتىر جىل سوڭىندا سوگەتلىك قىستاعىنداعى ەڭ سوڭعى ءبىر توپ 134 كەدەي وتباسى كەدەيلىك قالپاعىن الىپ تاستادى. وسى جولعى قۇربان ايت مەرەكەسىندە ءار ءۇيدىڭ ءبارى دۋمانعا شومدى.

  وتكەندە عوپۇردىڭ وتباسىنىڭ ەگىمشىلىك قۇرىلىمى جالاڭ ەدى، ايەلى اۋرۋشاڭ بولاتىن، ۋي حۇڭ ءاردايىم ونىڭ ۇيىنە كەلىپ، وسى ءۇيدىڭ كەدەيلىكتەن ارىلىپ، كىرىسىن ارتتىرۋ ءۇشىن جوسپار جاسايتىن.

  ”سەنىڭ پىكىرىڭمەن مەن ۇكىمەتتىڭ كەدەيلەردى سۇيەمەلدەۋگە بەرگەن سيىرىنان پايدالانىپ باعىمشىلىقتى دامىتتىم، قازىر ءبىر سيىرىم 3 سيىر بولدى، ءوزىمىزدىڭ دە جۇمىسقا تەبىنىمىز ارتا ءتۇستى!“، - دەدى عوپۇر ۋي حۇڭعا.

  قىستاقتا تۇراتىن قىزمەت اترەتىنىڭ كومەگىندە عوپۇردىڭ ايەلى قىستاقتا تازالىقشى بولىپ ىستەپ، بالالارىنا قاراپ قالماستان، ءار ايدا تۇراقتى كىرىسكە يە بولدى. بيىل كەدەيلىكتەن ارىلۋ جەتىستىكتەرىن بەكەمدەپ، قىستاق تۇرعىندارىنىڭ كىرىستەرىن ۇزدىكسىز ارتتىرۋدى جۇزەگە اسىرۋ ءۇشىن، سوگەتلىك قىستاعى تاعى ءبىر توپ الەۋمەتتىك يگىلىك سيپاتتى جۇمىس ورنىن بەلگىلەگەن، عوپۇر ورمان قورعاۋشىسى بولۋعا تىزىمدەلمەك بولىپ ءجۇر.

  ”ءبىزدى كەدەيلىكتەن ارىلتۋ ءۇشىن، قىستاقتا تۇراتىن قىزمەت اترەتى از كۇش سارىپ ەتكەن جوق، ءبىز تاتۋ - ءتاتتى ءبىر ءۇيلى جاندارعا اينالدىق، مەن، ءسوز جوق ءوزىمنىڭ قۇلشىنىسىم ارقىلى مۇنان دا باي - باقىتتى تۇرمىسقا كەنەلەمىن “، - دەدى عوپۇر ۋي حۇڭعا.

جاۋاپتى رەداكتور : سايراش تۇرارجان قىزى

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.