شينجياڭ گازەتىنىڭ جالپىلىق اقپارات قۇرالدارى تىلشىلەرى لي چۇنشيا، جاۋ چۇنحۋا 8 - ايدىڭ 1 - كۇنى ۇرىمجىدەن حابارلايدى. ءۇرىمجى قالاسىندا ىندەت تۋىلعاننان كەيىن، اۆتوكولىكتەردىڭ جىلدىق تەكسەرۋى، شوفەرلىك ەمتيحانى سياقتى كەيبىر قاتىناس باسقارۋ جۇمىسى ىقپالعا ۇشىرادى. 8 - ايدىڭ 1 - كۇنى ءۇرىمجى قالالىق قوعام حاۋىپسىزدىگى مەكەمەسى قاتىناس ساقشى تارماق اترەتى اۆتوكولىك باسقارۋ ورنىنىڭ باستىعى سۇن شيڭجۇن ىندەت سەبەبىنەن ىقپالعا ۇشىراعان جىلدىق تەكسەرۋ مەرزىمى تولعان بارلىق اۆتوكولىكتەردىڭ جىلدىق تەكسەرۋ جۇمىسى ىندەت اقىرلاسقاننان كەيىن بىتىرۋگە ۇزارتىلعاندىعىن ايتتى.
سۇن شيڭجۇن تانىستىرىپ بىلاي دەدى: ىندەت كەزىندە ءۇرىمجى قالاسى قاتىناس باسقارۋ جۇمىستارىنىڭ مەرزىمىن ۇزارتۋ، ماتەريال كەم بولسا دا ءبىتىرۋ، ينتەرنەت جەلىسىندە ءبىتىرۋ سياقتى كوپ ءتۇرلى حالىققا قولايلى شارالاردى جولعا قويدى.
مەرزىمى ۇزارتىلىپ بىتىرىلەتىن جۇمىستار مىنا 4 ءتۇردى قامتيدى: شوفەرلىك ەمتيحانىنىڭ مەرزىمى ۇزارتىلادى، الدىن الا كەلىسۋگە ءوتىنىش بەرگەندەردىڭ ەمتيحانى ءبىر تۇتاس كۇشىنەن قالدىرىلادى، ەمتيحان كەلىسىمىن كۇشىنەن قالدىرۋ ەمتيحان رەت سانىنا ەسەپتەلىنبەيدى، كەلەسى ەمتيحانعا الدىن الا كەلىسۋ رەتىنە دە اسەر ەتپەيدى؛ ءوشىرۋ مەرزىمى ۇزارتىلادى، ۋاقىتى وتسە دە كۋالىك اۋىستىرماۋ، دەنساۋلىق تەكسەرتپەۋ، اۆتولىك تەكسەرتپەۋ سياقتىلاردان شوفەرلىك كۋالىك نەمەسە موتورلى كولىك كۋالىگى ءوشىرىلۋ مۇمكىن بولعان جاعدايدا، ءوشىرۋ مەرزىمى ءبىر تۇتاس ۇزارتىلادى؛ ينتەرنەتتە الدىن الا تاڭدالعان اۆتوكولىك ءنومىرىنىڭ كۇشكە يە مەرزىمى ۇزارتىلادى، اۆتوكولىك ءنومىرىن ينتەرنەتتە الدىن الا تاڭداعانىمەن، موتورلى كولىكتى تىركەتۋدى ۋاعىندا بىتىرە الماعاندا، الدىن الا تاڭدالعان ءنومىردىڭ كۇشكە يە مەرزىمى ۇزارتىلىپ، ىندەت اقىرلاسقاننان كەيىن جالعاستىرىپ تىركەۋگە الدىرۋعا بولادى؛ شوفەرلىككە ەمتيحان بەرۋشىلەردىڭ شوفەرلىك ۇيرەنۋ كۋالىگىنىڭ مەرزىمىن ۇزارتۋعا بولادى، شوفەرلىككە ەمتيحان بەرۋشىلەردىڭ شوفەرلىك ۇيرەنۋ كۋالىگىنىڭ كۇشكە يە مەرزىمى تولعاندا، كۇشكە يە مەرزىمى ءبىر تۇتاس ۇزارتىلىپ، ىندەت اقىرلاسقاننان كەيىن جالعاستىرىپ ۇيرەنۋگە بولادى.
ماتەريال كەم بولسا دا ءبىتىرۋ. شوفەرلەردىڭ كۋالىگىنىڭ مەرزىمى ىندەت كەزىندە تولىپ كەتسە، دەنساۋلىق تەكسەرتۋ انىقتاماسىن ۋاقىتشا تاپسىرا الماعاندا، شوفەرلىك كۋالىگىن اۋىستىرۋدى الدىمەن ينتەرنەتتە ءبىتىرىپ، دەنساۋلىق تەكسەرتۋ انىقتاماسىن ىندەت اقىرلاسقاننان كەيىن تاپسىرۋىنا بولادى.
ينتەرنەت جەلىسىندە ءبىتىرۋ. ”قاتىناس باسقارۋ 12123“ قول تەلەفون APPىنا شىعۋ ارقىلى موتورلى كولىك ءنومىرىن تولىقتاپ الۋ، اۋىستىرۋ، موتورلى كولىك ءجۇرۋ كۋالىگىن تولىقتاپ الۋ، اۋىستىرۋ، مەرزىمى تولعان شوفەرلىك كۋالىكتى اۋىستىرۋ، جوعالعان كۋالىكتى تولىقتاپ الۋ سياقتى 25 ءتۇرلى جۇمىستى بىتىرۋگە بولادى.
ءۇرىمجى قالاسى تاعى ىندەتتەن ساقتانۋ - تىزگىندەۋ توتەنشە جاعدايعا توتەپ بەرۋ اۆتوكولىكتەرىنە ءنومىر تاقتاسىن ورناتۋ، شوفەرلىك كۋالىگىن تولىقتاۋ، اۋىستىرۋ سياقتىلاردىڭ ”توتەنشە جاعدايلىق تەرەزەسىن“ ارناۋلى ورناتىپ، ارناۋلى ”جاسىل جول“ اشتى. قۇتقارۋ، ىندەتتەن ساقتانۋ جانە ەمدەۋ قىزمەتكەرلەرىن، ءدارى - دارمەك، قۇرال - جابدىق، ساقتانۋ - قورعانۋ بۇيىمدارى سياقتى ىندەتتەن ساقتانۋ - تىزگىندەۋ زاتتىق ماتەريالدارىن تاسۋ، جەتكىزۋ، سونداي - اق كوكونىس، استىق سياقتى تۇرعىنداردىڭ تۇرمىستىق قاجەتتى بۇيىمدارىن تاسۋ اۆتوكولىكتەرىنە تەزدەتىپ ءبىتىرۋ، الدىن الا كەلىسىپ ءبىتىرۋ، يكەمدى ءبىتىرۋ سياقتىلار جولعا قويىلىپ، ىندەتتەن ساقتانۋ - تىزگىندەۋ توتەنشە جاعدايعا توتەپ بەرۋ اۆتوكولىكتەرىنىڭ جولعا شىعۋ قولايلىلىعىن بار كۇشپەن قامتاماسىز ەتتى.
