”ءتورت ەرتە بولۋدى“ باتىل ورىنداپ، ءار ۇلت بۇقاراسىنىڭ ءومىرىنىڭ حاۋىپسىزدىگى مەن دەنساۋلىعىن قورعايىق
شينجياڭ گازەتىنىڭ جالپىلىق اقپارات قۇرالدارى ءتىلشىسى جاۋ جىيۇن 8 - ايدىڭ 1 - كۇنى ۇرىمجىدەن حابارلايدى. 8 - ايدىڭ 1 - كۇنى تۇستەن كەيىن مەملەكەتتىك دەنساۋلىق ساقتاۋ جانە سالاماتتىق كوميتەتى مەن اۆتونوميالى رايوننىڭ جاڭا تيپتى ايدارشا ۆيرۋس وكپە قابىنۋ ىندەتىنەن ساقتانۋ - تىزگىندەۋ قىزمەتى قولباسشىلىق شتابى رايونىمىزدىڭ ىندەتتەن ساقتانۋ - تىزگىندەۋ قىزمەتى جونىندە اڭگىمە ءماجىلىس وتكىزدى.
مەملەكەتتىك دەنساۋلىق ساقتاۋ جانە سالاماتتىق كوميتەتىنىڭ ورىنباسار مەڭگەرۋشىسى يۇي شۋەجۇن، مەملەكەتتىك دەنساۋلىق ساقتاۋ جانە سالاماتتىق كوميتەتى مەديتسينالىق اكىمشىلىك، مەديتسينالىق باسقارۋ مەكەمەسىنىڭ باستىعى جاڭ زۇڭجيۋ، مەملەكەتتىك دەنساۋلىق ساقتاۋ جانە سالاماتتىق كوميتەتى ىندەتتەن ساقتانۋ - تىزگىندەۋ ماماندار گرۋپپاسىنىڭ باستىعى يۇي جيڭجين جانە قاتىستى ماماندار ماجىلىسكە قاتىناستى.
اۆتونوميالى رايوندىق پارتكومنىڭ ورىنباسار شۋجيى، اۆتونوميالى رايوننىڭ جاڭا تيپتى ايدارشا ۆيرۋس وكپە قابىنۋ ىندەتىنەن ساقتانۋ - تىزگىندەۋ قىزمەتى قولباسشىلىق شتابىنىڭ باستىعى لي پىڭشين ءماجىلىستى باسقاردى.
اڭگىمە ماجىلىستە، ماماندار گرۋپپاسىنىڭ ماماندارى قىزۋ امبولاتورياسىنىڭ ”قاراۋىل“ رولىن ساۋلەلەندىرۋ، الدىن الا تەكسەرۋدى، ءبولىپ دياگنوز قويۋدى، ءبىر - بىردەن تەكسەرىپ اداقتاۋدى جاقسى ىستەۋ، نۋكلەين قىشقىلىن تەكسەرۋ، سارالاۋ رولىن ساۋلەلەندىرۋ، ينفورماتسيا مالىمدەۋدى كۇشەيتۋ، تۇتاس بارىستىق جابىق اينالىمدى باسقارۋدى قاتايتۋ سياقتى جاقتاردان رايونىمىزدىڭ ىندەتتەن ساقتانۋ - تىزگىندەۋ قىزمەتىنە پىكىر - ۇسىنىس بەردى.
يۇي شۋەجۇن مىنالاردى اتاپ كورسەتتى: باس شۋجي شي جينپيڭنىڭ ماڭىزدى نۇسقاۋىنىڭ رۋحىن جانە پارتيا ورتالىق كوميتەتىنىڭ، مەملەكەتتىك كەڭەستىڭ شەشىمدەرىن، ورنالاستىرۋلارىن مۇقيات دايەكتىلەندىرىپ، تياناقتاندىرىپ، ىندەتتەن ساقتانۋ - تىزگىندەۋ سىندى ارقاۋدى قاي - قاشان دا بەرىك شيراتىپ، تومەنگى شەكتە ويلاۋدى بەرىك ورناتىپ، ”ءتورت ەرتە بولۋدى“ باتىل ورىنداۋ كەرەك. ءارقايسى ايماق، وبلىس، قالالار اراسىنداعى قىزمەتتى ءبىر تۇتاس جوسپارلاپ، مەملەكەتتىڭ، اۆتونوميالى رايوننىڭ، ايماق، وبلىس، قالالاردىڭ كۇش - قۋاتىن ءبىر تۇتاس ورنالاستىرىپ، ساقتانۋ - تىزگىندەۋدەگى ساڭلاۋلاردى قايتالاي ءبىر - بىردەن تەكسەرىپ انىقتاپ، ساقتانۋ - تىزگىندەۋ تۇيىندەرىن قايتالاي بەكەمدەپ، ساقتانۋ - تىزگىندەۋ تالاپتارىن قايتالاي تياناقتاندىرۋ كەرەك. قازىرگى جاعداي جانە ۇزاق مەزگىلدى ءبىر تۇتاس جوسپارلاپ، كەزەكتەگى ىندەتتەن ساقتانۋ - تىزگىندەۋدى جاقسى ىستەۋمەن بىرگە، كۇز، قىس ماۋسىمىنداعى ساقتانۋ - تىزگىندەۋدىڭ دايىندىعىن دا جاقسى ىستەۋ كەرەك. ءتۇرلى ساقتانۋ - تىزگىندەۋ شارالارىن ءبىر تۇتاس جوسپارلاپ، ىندەتتى توتەنشە جاعداي بويىنشا ءبىر جاقتى ەتۋدى شاپشاڭ، باتىل، دالمە - ءدال، پارمەندى ورىستەتۋ كەرەك. ءار جاقتىڭ جاۋاپكەرشىلىگىن ءبىر تۇتاس جوسپارلاپ، ىندەتتەن ساقتانۋ - تىزگىندەۋ شارالارى قايدا جەتسە، ”ءتورت جاقتىڭ جاۋاپكەرشىلىگىن“ سول ارادا قاتاڭ تياناقتاندىرۋ كەرەك. ىندەتتەن ساقتانۋ - تىزگىندەۋدى، عىلمي تۇجىرىم جاساۋدى زاڭ بويىنشا ورىستەتۋگە باسا ءمان بەرىپ، عىلمي جولمەن باسقارىپ - تىزگىندەپ، دالمە - ءدال شارا قولدانىپ، پارىقتاندىرا ءبىر جايلى ەتىپ، ىندەتتەن ساقتانۋ بىلىمدەرىن جالپىلاستىرۋدى، ۇگىتتەۋدى، كاسىپتىك باۋلۋدى، توتەنشە جاعدايعا توتەپ بەرۋ بويىنشا جاتتىعۋدى، ىندەت جاعدايىنان تۇسىنىك بەرۋدى، جۇرت كوڭىل ءبولىپ وتىرعان ماسەلەلەرگە اڭىس قايتارۋدى، اعات تۇسىنىكتەردى جويۋدى كۇشەيتىپ، ىندەتتەن ساقتانۋ - تىزگىندەۋ بويىنشا توتەنشە جاعدايدى ءبىر جاقتى ەتۋ قابىلەتىن شىنايى جوعارىلاتىپ، ىندەتتەن ساقتانۋ - تىزگىندەۋدەن قامال الۋ شايقاسىنىڭ جەڭىسىنە باتىل قول جەتكىزۋ كەرەك.
لي پىڭشين مىنالاردى ءبىلدىردى: ماماندار گرۋپپاسىنىڭ جەتەكشىلىگىندە، اۆتونوميالى رايوندىق پارتكومنىڭ ورنالاستىرۋى بويىنشا، ىندەتتەن ساقتانۋ - تىزگىندەۋدى كەزەكتەگى ەڭ كوكەي تەستى مىندەت رەتىندە، ”ءتورت ەرتە بولۋدىڭ“ تالابىنا سالىستىرا وتىرىپ، ”ءتورت جاقتىڭ جاۋاپكەرشىلىگىن“ تياناقتاندىرىپ، ولقىلىقتاردى، ءالسىز تۇستاردى تولىقتاپ، پارتيا ورتالىق كوميتەتىنىڭ ورنالاستىرۋلارىن، تالاپتارىن ناقتى، ەگجەي - تەگجەيلى باتىل تياناقتاندىرۋ كەرەك. باسقارۋ - تىزگىندەۋ شارالارىن قاتايتىپ، اۋاشالاۋعا تيىستىلەرىن تۇگەلدەي اۋاشالاپ، شيپاحانادا جۇعىمدالۋدان ساقتانۋ - تىزگىندەۋدى كۇشەيتىپ، ۆيرۋستىڭ تارالۋ جولدارىن باتىل ءۇزۋ كەرەك. ”قاراۋىلدى“ جاقسى كۇزەتىپ، انتەننانى ۇزارتىپ، قابىلەتتى جوعارىلاتىپ، الدا - جالدا ىندەت بەلەڭ بەرسە، دەر كەزىندە بىلۋگە، دەر كەزىندە مالىمدەۋگە، دەر كەزىندە ءبىر جاقتى ەتۋگە شىنايى كەپىلدىك ەتىپ، ءار ۇلت بۇقاراسىنىڭ ءومىرىنىڭ حاۋىپسىزدىگى مەن دەنساۋلىعىن باتىل قورعاۋ كەرەك.
اۆتونوميالى رايون باسشىلارىنان شۇي حايرۇڭ، تيان ۋىن، لي يفي، ۋاڭ ميڭشان، ليۋ جيانشين، ۋان حايچۋان، ياڭ يۇڭدار ماجىلىسكە قاتىناستى.
