شينجياڭ گازەتىنىڭ جالپىلىق اقپارات قۇرالدارى ءتىلشىسى ۋاڭ يۇڭفي 8 - ايدىڭ 1 - كۇنى ۇرىمجىدەن حابارلايدى. حالىق بانكەسى ءۇرىمجى ورتالىق بولىمشە بانكەسىنەن ۇعىسۋىمىزشا، ”التىنى ورنىقتىرۋ“، ”التىنى قامتاماسىز ەتۋ“ مىندەتىن تياناقتاندىرۋ ءۇشىن، رايونىمىزدىڭ فينانس قۇرىلىمدارى ورتا، شاعىن، ۇساق كاسىپورىندارعا بەرىلەتىن امانات - قارىزدى ارتتىرىپ، قارجى قۇراۋ وزىندىك قۇنىن تومەندەتىپ، فينانستىق قىزمەت وتەۋدى ساپالىلاندىرعان. 6 - ايدىڭ سوڭىنا دەيىن شينجياڭداعى ورتا، شاعىن، ۇساق كاسىپورىنداردىڭ قارىز اقشا قالدىعى 961 ميلليارد 240 ميلليون يۋان بولىپ، سايكەس مەزگىلدەگىدەن ％19.5 ارتقان.
رايونىمىزدىڭ فينانس قۇرىلىمدارى شاعىن، ۇساق كاسىپورىنداردىڭ قارىز الۋ سياقتى كورسەتكىشتەرىن ماكرولىق جاقتا بايىپتى بولۋ، سەنىمدى قارىز جەتەكشىلىگى سياقتى باعالاۋ كولەمىنە ەنگىزىپ، جالپىعا ءتيىمدى شاعىن، ۇساق قارىزداردى ”ءىس بارىسىندا تەكسەرۋ، ىستەن كەيىن باسقارۋ“ مەحانيزمىن ورناتىپ، فينانس قۇرىلىمدارىنىڭ شاعىن، ۇساق كاسىپورىندارعا قىزمەت وتەۋ ونىمدىلىگىن جوعارىلاتتى. 7 - ايدىڭ 17 - كۇنىنە دەيىن، ورتا، شاعىن، ۇساق كاسىپورىنداردىڭ جۇمىستى، ءوندىرىستى قالپىنا كەلتىرۋ بويىنشا قارىز اقشا الۋ جونىندەگى 28 مىڭ ءوتىنىشىن تەكسەرىپ بەكىتىپ، تەكسەرىپ بەكىتۋدەن ءوتۋ سالىستىرماسى ％98.21 بولدى.
حالىق بانكەسى ءۇرىمجى ورتالىق تارماق بانكەسى جالپىعا ءتيىمدى فينانستىق باعىتتامالى ساقتىق قوردى تومەندەتۋ سياقتى ساياساتتىق تالاپتى تياناقتاندىرىپ، قاراستىلىعىنداعى 117 جەرگىلىكتى فينانس قۇرىلىمىنا 7 ميلليارد 400 ميلليون يۋان ۇزاق مەزگىلدىك قارجى بوساتىپ، بارلىعىن حالىقتىق كاسىپورىندار مەن شاعىن، ۇساق كاسىپورىندارعا سالدى. 7 - ايدىڭ 20 - كۇنىنە دەيىن، اۋىل شارۋاشىلىعىنا كومەكتەسۋ، شاعىن، ۇساق كاسىپورىندارعا كومەكتەسۋگە قايتا قارىز اقشا بەرۋ بويىنشا 12 ميلليارد 170 ميلليون يۋان تاراتتى، بۇل سايكەس مەزگىلدەگىدەن ％54.1 ارتتى؛ قايتالاما ديسكونت جۇمىسى بويىنشا 9 ميلليارد 560 ميلليون يۋان ءبىتىرىلدى، بۇل سايكەس مەزگىلدەگىدەن ％13.4 ارتتى، بۇلاردىڭ بارلىعى شاعىن، ۇساق جانە حالىقتىق كاسىپورىندارعا سالىندى. 1 - ايدىڭ 20 - كۇنىنەن 7 - ايدىڭ 20 - كۇنىنە دەيىن، فينانس قۇرىلىمدارى بۇكىل شينجياڭداعى ورتا، شاعىن، ۇساق كاسىپورىندارعا 182 ميلليارد 528 ميلليون يۋان قارىز اقشا تاراتتى، بۇل امانات - قارىز اقشا تاراتۋ جالپى مولشەرىنىڭ ％45.43ىن ۇستادى.
حالىق بانكەسى ءۇرىمجى ورتالىق تارماق بانكەسى قىزمەت وتەۋ ۇلگىسىن جاڭالاپ، قارامايلى قالالىق ۇكىمەتپەن قول ۇستاسا شاعىن، ۇساق كاسىپورىندارعا باعىتتالعان جالپىعا ءتيىمدى فينانستىق قىزمەت وتەۋ سىناق ءتۇيىنىنىڭ تياناقتانۋىن ىلگەرىلەتتى؛ ءۇشتۇرپان اۋدانىن، كەلپىن اۋدانىن تاڭداپ ”كەدەيلىكتەن ارىلتۋدان قامال الۋدى بەكەمدەۋ، دارەجەسىن جوعارىلاتۋ مەن اۋىل - قىستاقتى گۇلدەندىرۋدى ىلگەرىلەتۋدى ورگانيكالى ۇشتاستىرۋدان فينانستىق قىزمەت وتەۋ سىناق رايونىن“ قۇردى؛ فينانس قۇرىلىمدارىنىڭ قاريدار تارتۋ قابىلەتى مەن سەنىمدى امانات - قارىزدان قىزمەت وتەۋ قابىلەتىن جوعارىلاتۋىنا جەتەكشىلىك ەتىپ، ”شاعىن، ۇساق جىلدام قارىزى“، ”سالىق e قارىزى“، ”الەۋمەتتىك قور قارىزى“ سياقتى كىلەڭ سەنىمدى امانات ونىمدەرىن ۇسىندى؛ جۇڭجىڭ دەبيتورلىق قارىزدى قارجىلاندىرۋ بويىنشا قىزمەت وتەۋ تۇعىرىن جالپىلاستىرۋ تەبىنىن ارتتىرىپ، قامداۋ تىزبەگىندەگى كاسىپورىندارىنىڭ تۇعىرعا مۇشە بولۋىن جەبەپ، ورتا، شاعىن، ۇساق كاسىپورىنداردىڭ كەپىلگە قويۋ - كەپىل بولۋ جەتكىلىكسىز ماسەلەسىن جەڭىلدەتتى. 6 - ايدىڭ سوڭىنا دەيىن، بۇكىل شينجياڭداعى شاعىن، ۇساق كاسىپورىنداردىڭ سەنىمدى امانات - قارىز قالدىق سوماسى 40 ميلليارد 220 ميلليون يۋان بولىپ، سايكەس مەزگىلدەگىدەن ％30.7 ارتتى. 7 - ايدىڭ 20 - كۇنىنە دەيىن، بۇكىل رايونىمىزداعى فينانس قۇرىلىمدارى مەرزىمىن كەشەۋىلدەتۋ، جالعاستى قارىز بەرۋ سياقتى تاسىلدەر ارقىلى 22 مىڭ ورتا، شاعىن، ۇساق كاسىپورىنعا نەگىزگى قارىزدى قايتارۋ ۋاقىتىن كەشەۋىلدەتۋ بويىنشا جيىنى 29 ميلليارد 746 ميلليون يۋاننىڭ جۇمىسىن ءبىتىردى.
