− جۇڭگو كوممۋنيستىك پارتياسى ورتالىق كوميتەتى ساياسي بيۋروسى ءماجىلىسىنىڭ رۋحى رايونىمىزداعى ءارقايسى تاراۋلاردى، ورىنداردى قيىندىقتاردان قامال الىپ، جاڭا جاعداي اشۋعا جىگەرلەندىردى
شينجياڭ گازەتىنىڭ جالپىلىق اقپارات قۇرالدارى تىلشىلەرى
”سوڭعى جارتى جىلداعى ەكونوميكالىق قىزمەتتى ويداعىداي ىستەۋدە ورنىقتىلىق بارىسىندا ىلگەرىلەۋ قىزمەت جالپى ارناسىنا تاباندى بولىپ، جاڭا دامۋ ۇستانىمىنا تاباندى بولىپ، ىندەتتەن ساقتانۋ - تىزگىندەۋ جانە ەكونوميكالىق، قوعامدىق دامۋ قىزمەتىن اناعۇرلىم ويداعىداي ءبىر تۇتاس جوسپارلاۋ“، ”ەكونوميكانىڭ جوعارى ساپالى دامۋىن ىلگەرىلەتىپ، قوعام ورنىقتىلىعى كەلەلى جاعدايىن قورعاپ، تۇتاس جىلداعى ەكونوميكالىق، قوعامدىق دامۋدىڭ نىسانالارىن، مىندەتتەرىن ورىنداۋعا قۇلشىنۋ كەرەك“... بىرنەشە كۇننەن بەرى، جۇڭگو كوممۋنيستىك پارتياسى ورتالىق كوميتەتى ساياسي بيۋروسى ءماجىلىسىنىڭ رۋحى رايونىمىزداعى ءارقايسى تاراۋلاردا، ءارقايسى سالالاردا قىزۋ اڭىس قوزعادى. كوپشىلىك جابال مىنانى ءبىلدىردى: ءماجىلىس رۋحى مەن ءماجىلىستىڭ شەشىمدەرىن، ورنالاستىرۋلارىن باتىل دايەكتىلەندىرىپ، تياناقتاندىرىپ، سەنىمدى بەكەمدەپ، كۇش ۇستىنە كۇش قوسىپ، ىندەتتەن ساقتانۋ - تىزگىندەۋ جانە ەكونوميكالىق، قوعامدىق دامۋ قىزمەتىن ءبىر تۇتاس جوسپارلاپ ىلگەرىلەتىپ، تۇتاس جىلدىق ەكونوميكالىق، قوعامدىق دامۋدىڭ نىسانالارىن، مىندەتتەرىن ورىنداۋعا قۇلشىنامىز.
ىندەتتەن ساقتانۋ - تىزگىندەۋ مەن ەكونوميكالىق، قوعامدىق دامۋ قىزمەتىن ناقتى، ەگجەي - تەگجەيلى يگەرەمىز
”استىقپەن جانە ماڭىزدى اۋىل شارۋاشىلىق قوسىمشا ونىمدەرىمەن ورنىقتى قامداۋ − ەكونوميكالىق، قوعامدىق دامۋدى ورنىقتىراتىن ”ورنىقتىرعىش“، اسىرەسە، ىندەتتەن ساقتانۋ - تىزگىندەۋدىڭ ەڭ ماشاقاتتى شەشۋشى كەزەڭىندە قىزمەتتەردى ونان ارى ناقتى، ەگجەي - تەگجەيلى يگەرۋ كەرەك“. اۆتونوميالى رايوندىق پارتكوم اۋىل - قىستاق قىزمەتى كەڭسەسىنىڭ مەڭگەرۋشىسى، اۋىل شارۋاشىلىعى، اۋىل - قىستاق مەڭگەرمەسى پارتيا باسشىلىق گرۋپپاسىنىڭ شۋجيى جۋ گاڭ بىلاي دەدى: سوڭعى جارتى جىلدا بۇكىل رايوننىڭ اۋىل شارۋاشىلىعى ءوندىرىسى استىق جانە ەت، ءسۇت، جۇمىرتقا، كوكونىسپەن قامداۋعا شىنايى كەپىلدىك ەتۋ نەگىزىندە قامداۋ جاعىنداعى قۇرىلىمدىق رەفورمانى نەگىزگى جەلى ەتۋگە تاباندى بولىپ، ساپالى اۋىل شارۋاشىلىعى ونىمدەرىمەن قامداۋدى قامتاماسىز ەتۋ قابىلەتىن جوعارىلاتىپ، زات باعاسىن ورنىقتىرۋدىڭ، ەكونوميكانى ورنىقتىرۋدىڭ، جالپى جاعدايدى ورنىقتىرۋدىڭ نەگىزدىك تىرەگىن بەكەمدەدى. سونىمەن بىرگە، بۇكىل رايون تۇتاس كاسىپ سالاسى تىزبەگى مەن تۇتاس قۇن تىزبەگىن قۇرىپ، اۋىل شارۋاشىلىعى ونىمدەرىنىڭ قوسىمشا قۇنىن جوعارىلاتىپ، اۋىل شارۋاشىلىعىنىڭ ارتقان قۇنىن، شارۋالاردىڭ كىرىسىن ارتتىرۋدى ىلگەرىلەتۋگە كۇش سالادى.
اۆتونوميالى رايوندىق جەرگىلىكتى فينانستى باقىلاۋ - باسقارۋ مەكەمەسىنىڭ ورىنباسار باستىعى شاۋ شياڭلي مىنانى ءبىلدىردى: سوڭعى جارتى جىلدا قاتىستى ورىنداردىڭ ورتالىقتىڭ فينانستىق قولداۋ ساياساتتارىن ويداعىداي تياناقتاندىرۋىنا بار كۇشپەن سايكەسىپ، اۆتونوميالى رايوننىڭ ىندەتتەن ساقتانۋ - تىزگىندەۋدى فينانسپەن قولداۋ شارالارىن بار كۇشپەن ويداعىداي تياناقتاندىرىپ، كاسىپورىنداردىڭ جۇمىستى، ءوندىرىستى قالپىنا كەلتىرۋىن، ءوندىرىس قۋاتىنا جەتىپ، ونىمدىلىكتى ارتتىرۋىن قولدايمىز؛ اۆتونوميالى رايوننىڭ كەدەيلەردى سۇيەمەلدەۋ شاعىن سومالى امانات قارىز ىستەرىن كەمەلدەندىرۋگە قاتىستى ساياساتتاردى اتقارۋ جوباسىن تياناقتاندىرامىز؛ فينانس سالاسىنداعى شارۋاشىلىق - ساۋدا ورتاسىن ساپالىلاندىرىپ، شينجياڭنىڭ ۇكىمەت، بانكە، كاسىپورىن كەشەندى قىزمەت وتەۋ تۇعىرى قۇرىلىسىن ىلگەرىلەتىپ، فينانس قۇرىلىمدارىن ءتۇيىندى كاسىپتەرگە، ءتۇيىندى سالالارعا، ءتۇيىندى نىساندارعا اناعۇرلىم ويداعىداي قىزمەت وتەۋگە جەتەكتەيمىز.
اۆتونوميالى رايوندىق ەكولوگيالىق ورتا مەڭگەرمەسى قورشاعان ورتاعا كورسەتەتىن ىقپالدى باعالاۋ جانە لاس زاتتاردى ىعىستىرۋدى باسقارۋ باسقارماسىنىڭ باستىعى چىن يۇيشين بىلاي دەدى: سوڭعى جارتى جىلدا ىندەتتەن ساقتانۋ - تىزگىندەۋ جانە ەكونوميكالىق، قوعامدىق دامۋ قىزمەتىن اناعۇرلىم ويداعىداي ءبىر تۇتاس جوسپارلاپ، ىندەتتەن ساقتانۋ - تىزگىندەۋ جاعدايىنداعى جۇمىستى، ءوندىرىستى قالپىنا كەلتىرۋگە قىزمەت وتەۋدى ويداعىداي ىستەۋدى قولدايمىز. سۋ، اتموسفەرا، توپىراق سىندى ءۇش ءىرى بىلعانۋدان ساقتانۋ جانە ونى جونگە سالۋدان قامال الۋ شايقاسىن ۇزدىكسىز بار كۇشپەن ويداعىداي جۇرگىزىپ، ەكولوگيالىق ورتانى جونگە سالۋ، قالپىنا كەلتىرۋ جانە قورعاۋدى كۇشەيتەمىز. ءتۇيىندى وڭىرلەردى، الاپتاردى، ءتۇيىندى كاسىپتەردى، كاسىپ سالالارىن دامىتۋ جوباسىنىڭ قورشاعان ورتاعا جاسايتىن ىقپالىن باعالاۋدى جەدەل ىلگەرىلەتىپ، جوبانىڭ قورشاعان ورتاعا جاسايتىن ىقپالىن باعالاۋ ارقىلى ورنالاسۋدى ساپالىلاندىرىپ، كولەمدى تىزگىندەپ، قۇرىلىمدى رەتتەپ، نىسانداردى قورشاعان ورتاعا جاسايتىن ىقپالىنا قاراي ەنگىزۋگە جەتەكتەيمىز.
ولقىلىقتاردى تولىقتىرۋعا جانە ارتىقشىلىقتاردى ساۋلەلەندىرۋگە ونان ارى دەن قويامىز
”ءماجىلىس ’جاڭاشا نەگىزدىك قۇرىلعىلار قۇرىلىسىن جەدەلدەتۋ كەرەكتىگىن‘ ورتاعا قويدى، بۇل ءبىزدىڭ بولاشاق دامۋ سەنىمىمىزدى ونان ارى بەكەمدەي ءتۇستى“. مەملەكەت ەلەكتر تورى شينجياڭ ەلەكتر قۋاتى شەكتى سەرىكتەستىگىنىڭ القا باستىعى، پارتكوم شۋجيى شيە يۇڭشىڭ مىنالاردى ءبىلدىردى: بيىل سەرىكتەستىكتىڭ تۇتاس جىلداعى تۇراقتى مال - مۇلىككە قوسقان قارجىسى 15 ميلليارد 900 ميلليون يۋان بولىپ، بىلتىرعىعا قاراعاندا ％11.12 ارتتى، زات ينتەرنەتى تۇعىرى، جاڭا ەنەرگيالىق اۆتوكولىكتىڭ توك تولتىرۋ تۇعىرى سياقتى 363 جاڭا نەگىزدىك قۇرىلىس نىسانىنىڭ قۇرىلىسىن جەدەل ىلگەرىلەتىپ، ەلەكتر تورىنىڭ قارجى قوسۋ ارقىلى جەتەكتەۋ رولىن تولىق ساۋلەلەندىرىپ، كاسىپورىنداردىڭ اقاۋسىز، جوعارى ساپالى دامي بەرۋىنە پارمەندى تىرەك ازىرلەيمىز.
اۆتونوميالى رايوندىق ونەركاسىپ جانە ينفورماتسيالاندىرۋ مەڭگەرمەسىنىڭ قاتىستى جاۋاپتىسى مىنالاردى ءبىلدىردى: ولقىلىقتاردى تولىقتىرۋ جانە ارتىقشىلىقتاردى ساۋلەلەندىرۋ ءۇشىن سىرتقى كۇشتەردى توپتاۋ، وزىندىك قابىلەتتى ارتتىرۋ، كومەسكى كۇش باسىمدىعىن دامۋدىڭ قوزعاۋشى قۋاتىنا اينالدىرۋ قاجەت. الداعى جەردە جاڭا گۇلدەنگەن كاسىپ سالالارىن ۇزدىكسىز زور كۇشپەن جەتىلدىرىپ، دامىتىپ، وسى زامانعى جابدىق جاساۋ كاسىبى، جاڭا ماتەريال، بيولوگيالىق ءدارى - دارمەك، ەلەكتروندىق ينفورماتسيا سياقتى كاسىپ سالالارىن ءتۇيىندى تۇردە دامىتىپ، كاسىپ سالاسى ارتۋىنىڭ جاڭا قوزعاۋشى قۋاتىن جەتىلدىرەمىز. جاساندى زەردە، 5G، زات ينتەرنەتى، ۇلكەن ساندى مالىمەت، چۇيكۋايليان سياقتى جاڭا بۋىن ينفورماتسيا تەحنيكاسى مەن جاساۋ كاسىبىنىڭ توعىسپالى دامۋىن ۇزدىكسىز ىلگەرىلەتىپ، ونەركاسىپتىك ينتەرنەتتىڭ جاڭالىق اشا دامۋىن جەدەلدەتىپ، جاساۋ كاسىبىنىڭ ءوندىرىس تاسىلىنە ءتۇبىرلى بۇرىلىس جاساۋدى جەدەلدەتەمىز.
اۆتونوميالى رايوندىق مەملەكەت مەنشىگىندەگى مال - مۇلىكتى باقىلاۋ - باسقارۋ كوميتەتى كاسىپورىن رەفورماسى باسقارماسىنىڭ ورىنباسار باستىعى ۋي جۇڭچىڭ مىنالاردى ءبىلدىردى: الداعى جەردە ىندەتتەن ساقتانۋ - تىزگىندەۋدى ۇدايىلاندىرۋدى تىڭعىلىقتى تۇردە يگەرىپ، كوپ ءتۇرلى شارانى قاتار قولدانىپ، ساپانى جوعارىلاتىپ، ونىمدىلىكتى ارتتىرىپ، ارتۋدى ورنىقتىرىپ، مەملەكەت مەنشىگىندەگى كاسىپورىندار رەفورماسىنىڭ 3 جىلدىق ارەكەت جوباسىن اتقارۋدى ماڭىزدى تۇتقا ەتىپ، ءتۇيىندى يگەرۋگە، ولقىلىقتاردى تولىقتىرۋعا، ءالسىز تۇستاردى كۇشەيتۋگە كۇش سالىپ، رەفورمانىڭ تياناقتانىپ، ونىمدىلىك كورسەتۋىن ىلگەرىلەتىپ، ورنىقتىلىق پەن رەفورمانىڭ پايداسىن ۇزدىكسىز جارىققا شىعارىپ، جاپپاي دوڭگەلەك داۋلەتتىلىكتىڭ شەشۋشى جەڭىسىنە جەتۋ، كەدەيلىكتەن ارىلتۋدان قامال الۋدىڭ شەشۋشى شايقاسىن جۇرگىزۋ ءۇشىن مەملەكەت مەنشىگىندەگى مال - مۇلىكتىڭ، مەملەكەت مەنشىگىندەگى كاسىپورىنداردىڭ اناعۇرلىم زور ۇلەسىن قوسامىز.
ەكونوميكانىڭ جوعارى ساپالى دامۋىنا كۇش قوسامىز
”باس شۋجيدىڭ تەرەڭ ماعىناعا، ىقىلاسقا تولى ماڭىزدى ءسوزى ادامدى العا باسۋعا جىگەرلەندىرەدى“. اۆتونوميالى رايوندىق توتەنشە جاعدايعا توتەپ بەرۋ، باسقارۋ مەڭگەرمەسى پارتيا باسشىلىق گرۋپپاسىنىڭ شۋجيى ءماردان مۇقيت بىلاي دەدى: سوڭعى جارتى جىلدا حاۋىپسىزدىكتىڭ تومەنگى شەگىن مىقتى ساقتاپ، جەر - جەردى ءىشىنارا وڭىرلەردەگى تاسقىن اپاتىنان ساقتانۋدى جانە حاۋىپ - قاتەرلەردى تۇگەل تەكسەرۋدى ۇزدىكسىز ويداعىداي ىستەۋگە سايكەستىرىپ، كەدەي وڭىرلەردىڭ اپاتتىڭ حاۋىپ - قاتەرىنەن ساقتانۋ جانە جالپىلىق توتەپ بەرۋ قابىلەتىن ارتتىرامىز. جەر - جەردى، تاراۋلاردى توتەنشە جاعدايعا توتەپ بەرۋ، باسقارۋ جانە ءوندىرىس حاۋىپسىزدىگى قىزمەتىن بار كۇشپەن ويداعىداي ىستەۋگە قۋزاپ، ىندەتتەن ساقتانۋ - تىزگىندەۋدى ۇدايىلاندىرۋ شارتىندا تۇتاس رايوننىڭ ءوندىرىس حاۋىپسىزدىگى جاعدايىنىڭ ۇزدىكسىز ورنىقتى تۇردە جاقسارۋىنا شىنايى كەپىلدىك ەتەمىز.
شينجياڭ سالىق ىستەرى مەكەمەسى زات جانە ەڭبەك سالىعى باسقارماسىنىڭ ورىنباسار باستىعى شى شياۋدۇڭ بىلاي دەدى: ءبىز سالىق جيناۋدىڭ فۋنكتسيالىق رولىن زاڭ بويىنشا، بەلگىلەمە بويىنشا ساۋلەلەندىرىپ، ”التىنى ورنىقتىرۋ“، ”التىنى قامتاماسىز ەتۋ“ قىزمەتى كەلەلى جاعدايىنا قىزمەت وتەپ، ”جولىقپاي“ قىزمەت وتەۋدىڭ ءورىسىن كەڭەيتۋدى تەرەڭدەتىپ، سالىقتى ازايتىپ، اقىنى تومەندەتۋدى بۇلجىتپاي تياناقتاندىرىپ، كاسىپورىنداردىڭ يگىلىكتەنۋگە تيىستىلەردەن تۇگەل يگىلىكتەنۋىنە، تەزىرەك يگىلىكتەنۋىنە شىنايى كەپىلدىك ەتەمىز. بازار تۇلعالارىنىڭ قيىنشىلىقتى جەڭۋىنە جان - جاقتى كومەكتەسىپ، قارجى قوسۋدىڭ، تۇتىنۋدىڭ، سىرتقى ساۋدانىڭ سەلبەسىپ دامۋىن، بىرگە ىلگەرىلەۋىن اناعۇرلىم جوعارى ونىمدىلىكپەن جەبەپ، سالىق جيناۋدىڭ شارۋاشىلىق - ساۋدا ورتاسىن ۇزدىكسىز ساپالىلاندىرامىز.
شينجياڭ قۇمىل سانتاڭحۋ ەنەرگيا اشۋ قۇرىلىسى شەكتى جاۋاپكەرشىلىك سەرىكتەستىگىنىڭ القا باستىعى ديڭ ۋانچۋان بىلاي دەدى: باس شۋجي شي جينپيڭنىڭ ماڭىزدى ءسوزىنىڭ رۋحىن ىشكەرىلەي ۇيرەنىپ، دايەكتىلەندىرىپ، سەنىمدى ارتتىرىپ، قيىندىقتان تايسالماي العا ۇمتىلىپ، نىسان قۇرىلىسىن جوعارى ولشەممەن، جوعارى ساپامەن، جوعارى دەڭگەيمەن، جوعارى ونىمدىلىكپەن ىلگەرىلەتىپ، بىرەگەي، حاۋىپسىز، جوعارى ءونىمدى، جاسىل اشىق كومىركەن قۇرۋعا قۇلشىنىپ، شينجياڭنىڭ ەكونوميكالىق، قوعامدىق دامۋى ءۇشىن ەنەرگيالىق كۇش - قۋات قوسامىز.
(ءتىلشى ۋاڭ يۇيجاۋ، قاتىناسقان تىلشىلەر ليۋ ي، ۋاڭ يۇڭفي، لي شيڭ، چىن چياڭۋي، ما ينيڭ، شى شين، ياڭ شۋحان، ميھىرگۇل ناسىر)
