شينجياڭ گازەتىنىڭ جالپىلىق اقپارات قۇرالدارى تىلشىلەرى جاۋ چۇنحۋا، لي چۇنشيا 8-ايدىڭ 2-كۇنى ۇرىمجىدەن حابارلايدى. ىندەتتەن ساقتانۋ-تىزگىندەۋ مەزگىلىندە قوعامدىق قامسىزداندىرۋ اقىسىن كەشىكتىرىپ تاپسىرۋعا بولا ما، جوق پا؟ 8-ايدىڭ 2-كۇنى ءۇرىمجى قالالىق ادام كۇشى بايلىعى جانە قوعامدىق قامتاماسىزداندىرۋ مەكەمەسىنىڭ ورىنباسار باستىعى تاڭ حىڭي بىلاي دەپ تانىستىردى: ىندەتتەن ساقتانۋ-تىزگىندەۋ مەزگىلىندە بۇقارانىڭ جانە كاسىپورىنداردىڭ اۋىرتپالىعىن جەڭىلدەتۋ ٴۇشىن، ءۇرىمجى قالاسى يكەمدى جەكە جۇمىستانۋشىلارعا ”تومەنگى شەگىن جوعارىلاتپاۋ، جەكەلەردىڭ كەشىكتىرىپ تاپسىرۋىنا بولۋ“ ساياساتىن اتقاردى. ٴتۇرلى كاسىپورىندار جونىندە، قوعامدىق قامسىزداندىرۋ اقىسىن ”كەشىرىم ەتۋ، ازايتۋ، كەشىكتىرۋ“ ساياساتىن اتقاردى.
ٴۇرىمجى قالاسىنداعى جەكە اتىندا كاسىپورىن جۇمىسشى-قىزمەتكەرلەرىنىڭ نەگىزگى زەينەتكەرلىك قامسىزداندىرۋىنا قاتىناسقان جەكەشە ساۋدا-ونەركاسىپشىلەر مەن يكەمدى جۇمىستانۋشىلار جونىنەن، 2020-جىلى تاپسىراتىن نەگىزگى زەينەتكەرلىك قامسىزداندىرۋ اقىسىنىڭ نەگىزگى سانىنىڭ تومەنگى شەگىندە 2019-جىلعى جەكەلەر تاپسىراتىن اقى نەگىزگى سانىنىڭ تومەنگى شەك ولشەمى جالعاستى اتقارىلادى؛ 2020-جىلعى نەگىزگى زەينەتكەرلىك قامسىزداندىرۋ اقىسىن تاپسىرۋى شىنىندا قيىن بولعان يكەمدى جەكە جۇمىستانۋشىلاردىڭ اقى تاپسىرۋدى ەرىكتى تۇردە كەشەۋىلدەتىپ، 2021-جىلعا بارعاندا جالعاستى اقى تاپسىرۋىنا بولادى، تاپسىرعان اقى جىل شەگى جيناقتاپ ەسەپتەلەدى؛ اقى تاپسىرۋدى كەشەۋىلدەتۋگە تۋرا كەلسە، قول تەلەفون APP ارقىلى نەمەسە الەۋمەتتىك اۋماقتارعا بارىپ اقى تاپسىرۋدى ۋاقىتشا توقتاۋ ٴراسىمياتىن وتەسە بولادى، بانكە كارتچكاسىنا اقشا سالماۋ ٴتاسىلىن قولدانسا دا بولادى. قوعامدىق قامسىزداندىرۋ اقىسىن بانكە اۆتوماتتى تارتىپ قالاتىندىقتان، اقى تاپسىرۋدى ۋاقىتشا توقتاتۋ ءراسمياتىن بىتىرمەسە، كارتچكاداعى قالدىق اقشا اۆتوماتتى تارتىپ قالىنادى.
ٴۇرىمجى قالاسىنداعى قامسىزداندىرۋعا قاتىناسقان بارلىق ورتا، شاعىن، ۇساق كاسىپورىندار نەگىزگى زەينەتكەرلىك، جۇمىس ۇستىندە جارالانۋ، جۇمىسسىز قالۋ سىندى ٴۇش ءتۇرلى قوعامدىق قامسىزداندىرۋىنداعى مەكەمە-ورىن تاپسىراتىن بولەگىن الماۋ ساياساتىنان بيىل 12-ايدىڭ سوڭىنا دەيىن جالعاستى يگىلىكتەنەدى. ازايتۋ، كەشىرىم ەتۋ مەرزىمىن ۇزارتۋ ساياساتى شىعارىلۋدان بۇرىن جۇمىس ۇستىندە جارالانۋ قامسىزداندىرۋ اقىسىنىڭ قۇرىلىس ءتۇرى الىنعان بولسا، پارىق بويىنشا قايتارىلادى. ىندەتتىڭ ىقپالىنا ۇشىراپ، ٴوندىرىس تيجاراتىندا اۋىر قيىنشىلىق تۋىلعان كاسىپورىندار قوعامدىق قامسىزداندىرۋ اقىسىن بيىل 12-ايدىڭ سوڭىنا دەيىن كەشىكتىرىپ تاپسىرسا بولادى، كەشىكتىرىپ تاپسىرۋ مەزگىلىندە ايىپ سوما الىنبايدى.
بۇدان سىرت، ٴۇرىمجى قالاسى تاعى دا قوعامدىق قامسىزداندىرۋ كاسىبىن ينتەرنەت جەلىسىندە ٴبىتىرۋ، قولتەلەفون ارقىلى ٴبىتىرۋ، تەلەفون ارقىلى ٴبىتىرۋ، پوچتا جولدامالارى ارقىلى ٴبىتىرۋ سياقتى كاسىپ تۇرلەرىن اناعۇرلىم كەڭەيتىپ، ىندەت مەزگىلىندە قوعامدىق قامسىزداندىرۋ قىزمەت وتەۋىنىڭ كىدىرمەۋىنە شىنايى كەپىلدىك ەتەدى.
