تازالىق ماشيناسى بازار ورتاسىن تازالاۋدا ...
ساۋداگەر كوكونىس تاسۋدا.
تيانشان تورىنىڭ حابارى (سۋرەتىن ءتۇسىرىپ، حابارىن جازعان ءتىلشى يۇي جياڭيان، ەرىكتى تىلشىلەر شيا جۇنكاي، تيان يۋان). جالپى بەتتىك زارارسىزداندىرۋ جانە تەكسەرۋ قىزمەتىن اياقتاتتى، 7ـ ايدىڭ 30 ـ كۇنى ساعات 17 دەن باستاپ، شينجياڭ جيۋديڭ اۋىل شارۋاشىلىعى ونىمدەرىن تولايىم ساتۋ بازارى (تومەندە قىسقارتىلىپ جيۋديڭ بازارى دەلىنەدى) 24 ساعات بويى تيجارات جۇرگىزىپ، قامداۋدى قامتاماسىز ەتتى. كەزەكتە، بازارداعى ءارقايسى ءىرى جەمىس ـ جيدەك، كوكونىس دۇكەندەرىنىڭ تيجاراتى تارتىپپەن جۇرىلۋدە.
7 - ايدىڭ 30 - كۇنى ساعات 18 دە، ٴتىلشى جيۋديڭ بازارىنان ٴىرى جانە كىشى تۇرپاتتى اۆتوكولىكتەردىڭ ٴتارتىپتى تۇردە كىرىپ - شىعىپ جاتقاندىعىن كوردى. شينجياڭداعى ەڭ ۇلكەن اۋىل شارۋاشىلىعى ونىمدەرىن تولايىم ساتۋ بازارى رەتىندە، قازىر جيۋديڭ بازارىنىڭ جەمىس - جيدەك، كوكونىستەرمەن قامداۋى جەتكىلىكتى، ساۋدا باعاسى ورنىقتى ، 7 - ايدىڭ 30 - كۇنگى قامداۋ مولشەرى 1500 توننادان استى.
قاتاڭ ساقتانۋ، قاتاڭ تىزگىندەۋ شارالارىن جاقسى ىستەدى، جيۋديڭ بازارى بازارعا كىرگەن اۆتوكولىك شوفەرلەرىنە تەگىن ماسكى تاراتتى، ساۋداگەرلەردەن ماسكى تاعىپ تيجارات جۇرگىزۋدى تالاپ ەتتى، ٴارى ولاردىڭ بازار ىشىندە بۇكىلدەي ماسكىنى ولشەمدى تاعۋىن قاداعالادى؛ بازاردا جيىلۋعا، توپتاسۋعا تيىم سالدى، ساۋدا جاساعان كەزدە 1.5 مەتر ارالىق ساقتادى؛ ءار كۇنى بازاردى جاپپاي زارارسىزداندىرۋعا تاباندى بولىپ، بازارعا كىرۋشىلەردى، ءسوز جوق، زارارسىزداندىرىپ، دەنە تەمپەراتۋراسىن ولشەگەننەن كەيىن بارىپ، بازارعا كىرگىزدى.
