ساقتانۋ - تىزگىندەۋ شارالارىن ەگجەي - تەگجەيلىلەندىردى
شينجياڭ گازەتىنىڭ جالپىلىق اقپارات قۇرالدارى تىلشىلەرى لي چۇنشيا، جاۋ چۇنحۋا 8 - ايدىڭ 2 - كۇنى ۇرىمجىدەن حابارلايدى. 8 - ايدىڭ 2 - كۇنى ءۇرىمجى قالالىق بازار باقىلاۋ - باسقارۋ مەكەمەسىنىڭ ورىنباسار باستىعى جۇڭ مەيۋىن بىلاي دەپ تانىستىردى: قازىر ءۇرىمجى قالاسىنىڭ اۋىل شارۋاشىلىق ونىمدەرى ساۋدا بازارلارى قالىپتى تيجارات جۇرگىزۋدە، ءۇرىمجى قالاسى قاتىستى قاتاڭ تالاپتار بويىنشا، ساقتانۋ - تىزگىندەۋ شارالارىن تەگجەيلەندىرۋ، اۋىل شارۋاشىلىق ونىمدەرى ساۋدا بازارلارىنىڭ ىندەتتەن ساقتانۋ - تىزگىندەۋ قىزمەتىن ويداعىداي ىستەۋدە.
تانىستىرۋعا قاراعاندا، ءۇرىمجى قالاسىنىڭ ءارقايسى رايوندارى (اۋدان) قاراستى جەردىڭ باسقارۋ جاۋاپكەرشىلىگىن قاتاڭ تياناقتاندىرىپ، اۋىل شارۋاشىلىق ونىمدەرى ساۋدا بازارىن اشۋشى جاقتىڭ جانە بازارداعى تيجاراتشىلاردىڭ ىندەتتەن ساقتانۋ - تىزگىندەۋ جانە ازىق - تۇلىك حاۋىپسىزدىگى تۇلعالىق جاۋاپكەرشىلىگىن ارقالاۋىن شىنايى باقىلاپ تياناقتاندىرعان. بازار باسقارۋشىلار، تيجاراتشىلار، ساۋدا جاساۋشىلار، تاسىمال كولىك شوفەرلەرى سياقتى ءتۇيىندى ادامداردىڭ كىرىپ - شىعۋىن باسقارۋدى جانە دەنساۋلىعىن تەكسەرۋدى كۇشەيتىپ، 7 كۇن ىشىندەگى نۋكلەين قىشقىلىن تەكسەرۋ مالىمەتىن (بولمىسىز) تەكسەرۋ، دەنە تەمپەراتۋراسىن ولشەۋ، ينفورماتسياسىن تىزىمدەۋ، كولىكتەرگە زارارسىزداندىرۋ جۇرگىزگەننەن كەيىن، بازارعا كىرۋىنە رۇقسات ەتكەن، سونىمەن بىرگە بازارعا كىرگەن ادامداردىڭ سانىن ۋاقىت كەزەڭىنە ءبولىپ مەڭگەرىپ وتىرعان. ءارقايسى رايوننىڭ (اۋدان) دەنساۋلىق ساقتاۋ جانە سالاماتتىق تاراۋى اپتا سايىن بازار باسقارۋشىلارعا، تيجاراتشىلارعا ءبىر رەت نۋكلەين قىشقىلى تەكسەرۋىن جۇرگىزىپ، ناتيجەسى بولىمسىز بولعاندا عانا قىزمەت ورنىنا بارۋىنا جول قويعان.
ءارقايسى اۋىل شارۋاشىلىق ونىمدەرى ساۋدا بازارى ورتا باسقارۋ تەبىنىن كۇشەيتتى، بازارداعى ادام توپتاساتىن ورىننىڭ اۋاسىن الماستىردى، بەلگىلەنگەن ۋاقىتتا زارارسىزداندىرۋ جۇرگىزدى، ءار كۇنى بازار اشىلعاندا جانە جابىلعاندا، تيجارات ورىندارىن جانە قۇرال - جابدىقتاردى، ت. ب جالپى بەتتىك تازالادى جانە زاراسىزداندىردى؛ الەۋمەتتىك زاتتاردىڭ سىرتقى بەتىن زارارسىزداندىرۋدى، زات تاسىمالىن زارارسىزداندىرۋدى، جايما ورنىن زارارسىزداندىرۋدى، مانەرلەۋ قۇرالدارىن تازالاۋدى، زارارسىزداندىرۋدى، مۇزداتقىشتى (توڭازىتقىش) تازالاۋدى ويداعىداي ىستەدى؛ بازاردىڭ ايىرباس ساۋدا ورنى، وتە - موتە، سۋىق، جاس كۇيىندە ساقتالعان ونىمدەر ساۋدا ورنى سياقتى ءتۇيىندى اۋماقتاردىڭ ورتاسىن، سونداي - اق مۇزداتىلعان ونىمدەردى باقىلاۋ جانە باسقارۋ تەبىنىن ارتتىردى. بازارعا ساقتانۋ - تىزگىندەۋ جابدىقتارىن سەپتەۋدى كۇشەيتىپ، قوقىر - قوقىسىقتى تۇرگە ايىرىپ ءبىر جاقتى ەتۋدى، ۋاقىتىندا تازالاپ الىپ كەتۋدى كۇشەيتتى.
ءۇرىمجى قالاسى جۇمىس باسىن تەكسەرۋ تەبىنىن ارتتىرىپ، تەكسەرۋ جيىلىگىن جوعارىلاتىپ، ىندەتتەن ساقتانۋ - تىزگىندەۋ، ازىق - تۇلىك حاۋىپسىزدىگى سياقتى جاقتارداعى ماسەلەلەردى دەر كەزىندە بايقاپ جانە ءبىر جاقتى ەتىپ، يمپورت ەتىلگەن ازىق - تۇلىكتەرگە، وتە - موتە، ەت، سۋ ونىمدەرى، جەمىس - جيدەك، كوكونىس سياقتى سۋىق، جاس كۇيىندە ساقتالعان ازىق - تۇلىكتەردەن نۋكلەين قىشقىلىنان ۇلگى الىپ تەكسەرۋ تەبىنىن كۇشەيتىپ، توتەنشە جاعدايعا توتەپ بەرۋ جونىنەن ءبىر جاقتى ەتۋ جوباسىن جاساپ، كەمەلدەندىرىپ، توسىن جاعدايلارعا دەر كەزىندە توتەپ بەردى.
