− كەزەكتەگى ەكونوميكالىق قىزمەتتى ويداعىداي ىستەۋ جونىندە
حالىق گازەتىنىڭ شولۋشىسى
بيىلعى جىل باستالا بەرە، ءبىز توسىننان تۋىلعان قاتاڭ سىناققا ءدوپ كەلدىك، جاڭا تيپتى ايدارشا ۆيرۋس وكپە قابىنۋ ىندەتى ەلىمىزدىڭ ەكونوميكالىق، قوعامدىق دامۋىنا بۇرىن بولماعان سوققى اكەلدى. بۇكىل ەلدىڭ جوعارىدان تومەنگە دەيىن بىرگە قۇلشىنۋىندا ەلىمىز ىندەتتەن ساقتانۋ - تىزگىندەۋدە كەلەلى ستراتەگيالىق جەتىستىككە قول جەتكىزىپ، ەكونوميكالىق دامۋدا ورنىقتى جاقسارۋ اۋقىمى جارىققا شىقتى. قولايلى ساتتە قيمىلداپ، قامال الىپ، قيىندىقتاردى جەڭىپ، ىندەتتەن ساقتانۋ - تىزگىندەۋ جانە ەكونوميكانىڭ قالپىنا كەلۋ جەتىستىكتەرىن بەكەمدەۋ، كەڭەيتۋ تۇتاس جىلداعى ەكونوميكالىق دامۋدا جاقسى ناتيجەگە قول جەتكىزۋدە ايرىقشا ماڭىزدى بولىپ تابىلادى.
جۋىقتا اشىلعان جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ ءماجىلىسى سوڭعى جارتى جىلداعى ەكونوميكالىق قىزمەتتى ويداعىداي ىستەۋ، تۇتاس جىلداعى ەكونوميكالىق، قوعامدىق دامۋدىڭ نىسانالارىن، مىندەتتەرىن ورىنداۋعا قۇلشىنۋ جونىندە ماڭىزدى ورنالاستىرۋ جاساپ، ايقىن تالاپ قويدى. سونىڭ الدىندا اشىلعان پارتيا سىرتىنداعى قايراتكەرلەردىڭ اڭگىمە ماجىلىسىندە، باس شۋجي شي جينپيڭ: قازىر ىندەتتەن ساقتانۋ - تىزگىندەۋ جاعدايى ورنىقتى، ەكونوميكالىق اينالىم نەگىزىنەن قالپىنا كەلدى، 3 - ، 4 - توقساندا قولايلى ساتتە قيمىلداپ، ىندەتتەن ساقتانۋ - تىزگىندەۋ جانە ەكونوميكانىڭ قالپىنا كەلۋىنىڭ تابىستارىن بەكەمدەپ، كەڭەيتىپ، الدىڭعى جارتى جىلداعى زياننىڭ ورنىن تولتىرۋعا قۇلشىنۋ كەرەك، - دەپ باسا دارىپتەدى.
تاۋلار اسقار بولسا دا، ارمانى بار اسادى. جاڭا تيپتى ايدارشا ۆيرۋس وكپە قابىنۋ ىندەتىنىڭ اۋىر سوققىسى الدىندا، شي جينپيڭ جولداستى ۇيتقى ەتكەن پارتيا ورتالىق كوميتەتى حالىقتىڭ ءومىرىنىڭ حاۋىپسىزدىگىن جانە دەنساۋلىعىن ءبىرىنشى ورىنعا قويۋعا تاباندى بولىپ، ماكرولىق ساياساتتىڭ توتەپ بەرۋ سەرپىنىن ارتتىرىپ، ”التىنى ورنىقتىرۋ“ قىزمەتىن تىڭعىلىقتى ويداعىداي ىستەپ، ”التىنى قامتاماسىز ەتۋ“ مىندەتىن جالپى بەتتىك تياناقتاندىرىپ، ىندەتتەن ساقتانۋ - تىزگىندەۋ جانە ەكونوميكالىق، قوعامدىق دامۋ قىزمەتىن ءبىر تۇتاس جوسپارلاپ، كەلەلى جەتىستىككە قول جەتكىزدى. الدىڭعى جارتى جىلدا ەكونوميكا 1 - توقساندا بىلتىرعى سايكەس مەزگىلدەگىدەن ％6.8 تومەندەسە، 2 - توقساندا ورنىعىپ، قايتا ورلەپ، ارتۋ جىلدامدىعى قۇلدىراۋدان ورلەۋگە ءوتىپ، ％3.2 ارتتى؛ بۇكىل ەلدىڭ قالا - قالاشىقتارىنداعى جاڭادان ارتقان جۇمىستانۋشىلار 5 ميلليون 640 مىڭ ادامعا جەتىپ، تۇتاس جىلدىق نىسانا - مىندەتتىڭ ％62.7ى ورىندالدى؛ كولەمنەن جوعارى ونەركاسىپتىڭ ارتقان قۇنى ۇدايى 3 اي وڭ ارتۋدى ساقتاپ، ەكسپورت سوماسى ۇدايى 3 اي وڭ مانمەن ارتتى، يمپورت سوماسى 6 - ايدا وڭ ارتۋدى جۇزەگە اسىردى... ءبىر ميلليارد 400 ميلليون حالقى بار بىزدەي ءىرى ەل ءۇشىن، قىسقا ۋاقىت ىشىندە ىندەتتى ءونىمدى تىزگىندەپ، ەكونوميكانىڭ قۇلدىراۋدان وسۋگە ءوتۋىن جۇزەگە اسىرىپ، ەكونوميكالىق، قوعامدىق كەلەلى جاعدايدىڭ ورنىقتىلىعىن ساقتاي الۋ شىنىمەن وڭاي شارۋا ەمەس. ”اۋقىمنان پايدالانا ءبىلۋ، ورايدى قولدان شىعارماۋ كەرەك“. ءبىز قولايلى ساتتە قيمىلداپ، جاعدايعا قاراي ارەكەت ەتىپ، باستامانى جاقسى باستاپ، ىرىقتى شايقاستى ويداعىداي جۇرگىزىپ، جەتىستىكتەردى ۇزدىكسىز بەكەمدەپ، شايقاس جەڭىسىن كەڭەيتىپ، تۇتاس جىلداعى ەكونوميكالىق، قوعامدىق دامۋدىڭ نىسانالارىن، مىندەتتەرىن ورىنداۋ ءۇشىن قاجىماي كۇرەس جۇرگىزۋىمىز كەرەك.
ىندەتتەن ساقتانۋ - تىزگىندەۋدىڭ تىڭعىلىقتى ىستەلۋى − ەكونوميكالىق، قوعامدىق دامۋدىڭ العى شارتى. ءار دارەجەلى پارتكوم مەن ۇكىمەت ىندەتتەن ساقتانۋ - تىزگىندەۋدى ويداعىداي يگەرۋدىڭ ەكونوميكالىق، قوعامدىق دامۋدىڭ تومەنگى شەگى، جان تامىرى ەكەندىگىن تەرەڭ تانۋى كەرەك. ءسوز جوق، ساقتانۋ - تىزگىندەۋدىڭ وڭاي - وسپاق قولعا كەلمەگەن ناتيجەسىن ەسەلەپ قاستەرلەپ، ىندەتتەن ساقتانۋ - تىزگىندەۋ سىندى وسى ارقاۋدى قاشاندا مىقتاپ شيراتىپ، ىندەتتەن ساقتانۋ - تىزگىندەۋدى ۇدايىلاندىرۋدى تيتتەي دە بوساڭسىماي مىقتى يگەرىپ، ىندەتتەن ساقتانۋ - تىزگىندەۋدى ۇدايىلاندىرۋ مەحانيزمىن اقاۋسىزداندىرىپ، مەديتسينالىق، دەنساۋلىق ساقتاۋ زاتتىق ماتەريالدارىن زاپاس ساقتاۋدى كۇشەيتىپ، سىرتتان كىرۋدەن ساقتانۋ، ىشتە قايتا بەلەڭ بەرۋدەن ساقتانۋ شارالارىن ۋاقىتقا، جاعدايعا قاراي كەمەلدەندىرىپ، ىندەتتەن ساقتانۋ - تىزگىندەۋدىڭ ۇزدىكسىز جاقسارۋ اۋقىمىن ۇزدىكسىز بەكەمدەپ، حالىق بۇقاراسىنىڭ ءومىرىنىڭ حاۋىپسىزدىگى مەن دەنساۋلىعى ءۇشىن پارمەندى قامتاماسىزدىق ازىرلەپ، ەكونوميكالىق، قوعامدىق دامۋعا پارمەندى قولداۋ ۇسىنۋ كەرەك.
ەلىمىز ەكونوميكاسىنىڭ ورنىقتىلىق بارىسىندا جاقساراتىن، ۇزاق ۋاقىت جاقساراتىن نەگىزگى اۋقىمى وزگەرگەن جوق، كومەسكى كۇشى جەتكىلىكتى، سەرپىمدىلىگى كۇشتى، مۇمكىندىك ءورىسى كەڭ، ساياساتتىق قۇرالدارى كوپ بولۋ سىندى نەگىزگى ەرەكشەلىكتەرى وزگەرگەن جوق، بۇل ءبىزدىڭ سوڭعى جارتى جىلداعى ەكونوميكالىق قىزمەتتى ويداعىداي ىستەۋ سەنىمىمىزدىڭ جانە قايراتىمىزدىڭ تياناعى. ”ۋاقىتتى ۇتىپ، زياننىڭ ورنىن تولتىرامىز!“، بۇكىل ەلدە جوعارىدان - تومەنگە دەيىن ىندەتتەن ساقتانۋ - تىزگىندەۋ مەن ەكونوميكالىق، قوعامدىق دامۋدى ءبىر تۇتاس جوسپارلاپ ىلگەرىلەتەتىن وسىنداي رۋح، جىگەر، ارىن بولۋ كەرەك. قولايلى ساتتە قيمىلداپ، ەكونوميكانىڭ قالپىنا كەلۋ تابىستارىن بەكەمدەۋدىڭ، كەڭەيتۋدىڭ تەتىگى − پارتيا ورتالىق كوميتەتىنىڭ شەشىمدەرىن، ورنالاستىرۋلارىن قاز - قالپىندا بۇلجىتپاي دايەكتىلەندىرىپ، تياناقتاندىرىپ، ”التىنى ورنىقتىرۋ“ قىزمەتىن تىڭعىلىقتى، ويداعىداي ىستەپ، ”التىنى قامتاماسىز ەتۋ“ مىندەتىن جالپى بەتتىك تياناقتاندىرىپ، ماكرولىق ەكونوميكالىق ساياساتتاردىڭ تياناقتانۋىنا، ناتيجە بەرۋىنە شىنايى كەپىلدىك ەتۋدە. ىشكى سۇرانىستى كەڭەيتۋ سىندى ستراتەگيالىق نەگىزگى ءتۇيىندى مىقتاپ يگەرىپ، بازار تۇلعالارىنىڭ ومىرشەڭدىك كۇشىن زور كۇشپەن قورعاپ جانە قاۋلاتىپ، كاسىپ سالاسى تىزبەگىنىڭ، قامداۋ تىزبەگىنىڭ ورنىقتىلىعىن جانە باسەكەلىك قابىلەتىن جوعارىلاتىپ، رەفورما جاساۋدى، ەسىك اشۋدى اناعۇرلىم زور سەرپىنمەن ىلگەرىلەتىپ، ەكونوميكانىڭ جوعارى ساپالى دامۋىن ىلگەرىلەتىپ، حالىق تۇرمىسىن قامتاماسىز ەتۋ جانە تاسقىننان ساقتانۋ، قۇتقارۋ - كومەكتەسۋ قىزمەتىن ويداعىداي ىستەپ، قوعام ورنىقتىلىعى كەلەلى جاعدايىن قورعاۋ كەرەك.
”زاۋلاپ ءجۇزىپ كەمە كەلەدى اعىندا، مانات تاۋلار قالدى ارتتا ساعىمدا“. وتكەنگە قايىرىلا قاراساق، جۇڭگو ەكونوميكاسى نە ءبىر بوگەتتەردى بۇزىپ، قيىندىقتاردى ەڭسەرىپ، بوران - شاشىندا ۇزدىكسىز جەتىلىپ، زورايىپ كەلەدى. بۇرىن بولماعان سىن - سايىس الدىندا، ءبىز كۇش جيناۋعا، قۋات توپتاۋعا، اۋقىمدى جوسپارلاۋعا شەبەر بولساق، وزگەرىستى تانۋعا، وزگەرۋگە ۇمتىلۋعا، وزگەرىسكە توتەپ بەرۋگە شەبەر بولساق، داعدارىس بارىسىندا جاڭا وراي جەتىلدىرىپ، وزگەرىس بارىسىندا جاڭا جاعداي اشساق، ءسوز جوق، ەلىمىز ەكونوميكاسىنىڭ تولقىن جارا ىلگەرىلەپ، اناعۇرلىم زور دامۋدى قارسى الۋىن ىلگەرىلەتە الامىز.
(8- ايدىڭ 2 - كۇنگى «حالىق گازەتىنە» باسىلعان)
