تيانشان تورىنىڭ حابارى (سۋرەتىن ٴتۇسىرىپ، ماقالاسىن جازعان تىلشىلەر گو ليڭ، دوۋ شيڭجۇن، يىن تۇڭيۋان، جانات تولقىن) 8-ايدىڭ 3-كۇنى ساعات 17دە، اۆتونوميالى رايوندىق ۇكىمەتتىڭ اقپارات كەڭسەسى ٴۇرىمجى قالاسىنىڭ جاڭا تيپتى ايدارشا ۆيرۋس وكپە قابىنۋ ىندەت جاعدايى جانە ساقتانۋ ـ تىزگىندەۋ قىزمەتى جونىندەگى 17 ـ رەتكى اقپار جاريالاۋ ٴماجىلىسىن وتكىزدى.
جۇڭگو حالىق بانكەسى ٴۇرىمجى ورتالىق تارماق بانكەسى سەنىمدىلىك ينفورماتسياسى باسقارماسىنىڭ ورىنباسار باستىعى تيان يۇن بىلاي دەپ تانىستىردى: ىندەتتىڭ ىقپالىنا توتەپ بەرۋ ٴۇشىن، جۇڭگو حالىق بانكەسىنىڭ باس بانكەسى قاتىستى مينيسترلىك، كوميتەتتەرمەن بىرلەسىپ، «جاڭا تيپتى ايدارشا ۆيرۋس وكپە قابىنۋ ىندەتىنەن ساقتانۋ-تىزگىندەۋدى فينانيستىك قولداۋدى اناعۇرلىم كۇشەيتۋ جونىندەگى ۇقتىرۋدى» جاريالاپ، بوتەن پىكىردى قابىلداۋ ىركىلىسسىز ارناسىن اشىپ، ”ٴتورت ٴتۇرلى قاۋىمنىڭ“ قاتىستى قارىز اقشا قايتارۋ ۋاقىتىنىڭ وتكەندىگىنە قاراتا ۋاقىتى ٴوتىپ كەتتى دەپ ەستەلىككە الىپ جولداماۋدى، جولدانعاندارى رەتتەۋدى تالاپ ەتتى.
”ٴتورت ٴتۇرلى قاۋىم“ مىنالاردى قامتيدى: جاڭا تيپتى ايدارشا ۆيرۋس وكپە قابىنۋ ىندەتى سەبەبىنەن شيپاحاناعا جاتىپ ەمدەلگەندەر، ىندەتتەن ساقتانۋ - تىزگىندەۋ قاجەتىنە بولا شوعىرلى مەديتسينالىق باقىلانعاندار، ىندەتتەن ساقتانۋ - تىزگىندەۋ قىزمەتىنە قاتىناسقان قىزمەتكەرلەر جانە ىندەتتىڭ ىقپالىنا ۇشىراپ، كىرىس كوزىنەن ۋاقىتشا ايىرىلعان قاۋىم. شارتقا ۇيلەسەتىن، ٴبىراق امانات - قارىز قۇرىلىمى قاتىستى سەنىمدىلىك ينفورماتسيا ەستەلىگىن رەتتەۋدەن باس تارتسا، ٴوزى تۇرعان جەردەگى حالىق بانكەسىنە بوتەن پىكىرىن ورتاعا قويۋىنا نەمەسە ارىز ٴوتىنىشىن بەرۋىنە بولادى.
سونىمەن بىرگە، جۇڭگو حالىق بانكەسىنىڭ باس بانكەسى تاعى قاتىستى تاراۋلارمەن بىرلەسىپ، «ورتا، شاعىن، ۇساق كاسىپورىندارعا فينانستىق قىزمەت وتەۋدى اناعۇرلىم كۇشەيتۋ جونىندەگى جەتەكشى پىكىردى»، «ورتا، شاعىن، ۇساق كاسىپورىنداردىڭ قارىزىنىڭ نەگىزگى قارىزى مەن ٴوسىمىن كەزەڭدىك كەشەۋىلدەتىپ قايتارۋدى ىشكەرىلەي اتقارۋ جونىندەگى ۇقتىرۋدى»، «شاعىن، ۇساق كاسىپورىنداردى سەنىمدى امانات قارىزبەن قولداۋ تەبىنىن ارتتىرۋ جونىندەگى ۇقتىرۋدى» تاراتىپ، بانكە سالاسىنان، فينانس قۇرىلىمدارىنان شاعىن، ۇساق كاسىپورىندارعا سەنىمدى امانات قارىزىن، العاشقى قارىز اقشاسىن، نەگىزگى قارىزدى قايتارماي جالعاستى قارىز بەرۋدى زور مولشەردە ارتتىرۋدى تالاپ ەتتى.
”كەشىكتىرۋگە تيىستىلەرىن مۇمكىندىگىنشە كەشىكتىرۋ“ تالابى بويىنشا، 2020-جىلى 12-ايدىڭ 31-كۇنىنەن بۇرىن ۋاقىتى تولاتىن جالپىعا ٴتيىمدى شاعىن، ۇساق كاسىپورىندار قارىزىن كاسىپورىنداردىڭ ىندەتتىڭ ىقپالىنا ۇشىراۋ جاعدايى مەن تيجارات جاعدايىنا بىرلەستىرىپ، قارىزدىڭ مەرزىمىن ۇزارتۋ، جالعاستى قارىز بەرۋ سياقتى تاسىلدەر ارقىلى بەلگىلى شەكتى مەرزىم ىشىندە نەگىزگى قارىز بەن ٴوسىمىن كەشىكتىرىپ قايتارۋ جونىندە ورنالاستىرۋ جاسالادى. قارىزدىڭ نەگىزگى سوماسى مەن تولەۋگە ٴتيىستى ٴوسىمى ەڭ ۇزاق بولعاندا 2021-جىلى 3-ايدىڭ 31-كۇنىنە دەيىن ۇزارتىلىپ، ايىپ ٴوسىم الىنبايدى. جوعارىداعى شارتتارعا ۇيلەسەتىن كاسىپورىندار امانات - قارىز جۇمىسىن بىتىرگەن قۇرىلىمدارمەن ىرىقتى تۇردە بايلانىس جاساپ، قارىز قايتارۋ ورنالاستىرۋىن رەتتەۋدى ٴوتىنىش ەتۋىنە بولادى.
”ٴبىز قاتىستى ساياساتتاردى مۇقيات تياناقتاندىرىپ، زاڭعا، بەلگىلەمەگە ۇيلەسۋ العى شارتىندا، ىندەتتىڭ ىقپالىنا ءبىرشاما زور ۇشىراعان كاسىپورىندار مەن جەكەلەرگە مۇمكىندىكتىڭ بارىنشا پارىقتى فينانستىق قىزمەت وتەپ، قوعامنىڭ ٴار سالاسىنداعىلارمەن قول ۇستاسىپ قيىن وتكەلدەن بىرگە ءوتىپ، ىندەتتەن ساقتانۋ-تىزگىندەۋدەن قامال الۋ شايقاسىنىڭ جەڭىسىنە قول جەتكىزۋگە فينانستىك كۇش قوسامىز“، ـ دەدى تيان يۇن.
اۋدارعان: قادىر ماقان
