تيانشان تورىنىڭ حابارى (سۋرەتىن ءتۇسىرىپ، حابارىن جازعان تىلشىلەر گو ليڭ، دوۋ شيڭجۇن، يىن تۇڭيۋان، جانات تولقىن). 8 - ايدىڭ 3 - كۇنى ساعات 17دە، اۆتونوميالى رايوندىق ۇكىمەتتىڭ اقپارات كەڭسەسى ٴۇرىمجى قالاسىنىڭ جاڭا تيپتى ايدارشا ۆيرۋس وكپە قابىنۋ ىندەت جاعدايى جانە ساقتانۋ ـ تىزگىندەۋ قىزمەتى جونىندە 17 ـ رەتكى اقپار جاريالاۋ ٴماجىلىسىن وتكىزدى.
ءۇرىمجى قالالىق قۇرىلىس مەكەمەسىنىڭ باستىعى جاڭ ميڭ بىلاي دەپ تانىستىردى: ىندەت كەزىندە، ىندەتتەن ساقتانۋ - تىزگىندەۋ شارالارىن قاتاڭ تياناقتاندىرۋ العى شارتىندا، بۇكىل قالاداعى سالىنىپ جاتقان ٴتۇيىندى نىسانداردىڭ جۇمىس باسىنداعى، سىرتتان كەلگەن جۇمىسكەرلەردى قامتىعان جۇمىسكەرلەردىڭ تۇرمىسىن قامتاماسىزداندىرۋ ويداعىداي ىستەلەدى.
ٴبىرىنشى، قۇرىلىس جۇمىس باسىنداعى تۇرمىستى قامتاماسىزداندىرۋ جاعىندا ساقتالعان ماسەلەلەردى بەلسەنە اداقتاپ تەكسەرۋ. ىندەت كەزىندە، ٴتۇيىندى قۇرىلىس نىساندارىنىڭ قۇرىلىس جۇمىس باسىن كوكونىس، ەت، استىق، ماي، كۇندەلىكتى تۇتىنۋ بۇيىمدارى قاتارلى نەگىزگى تۇرمىستىق كەرەك - جاراقتارمەن قامداۋ جاعدايى قۇرىلىس جۇمىس باسىن باقىلاۋ - تەكسەرۋ ەستەلىگىنىڭ مازمۇنىنا ەنگىزىلىپ، قۇرىلىس جۇمىس باسىنىڭ نەگىزگى تۇرمىسپەن قامدالۋ جاعىندا ساقتالعان ماسەلەلەر، سونداي - اق، جۇمىسكەرلەردىڭ تۇرمىستىق قاجەتى ۋاعىندا يگەرىلەدى.
ەكىنشى، قۇرىلىس جۇمىس باسىن تۇرمىستىق زاتتىق ماتەريالدارمەن قامداۋدى ويداعىداي قامتاماسىز ەتۋ. ءىشىنارا قۇرىلىس نىساندارىنىڭ جۇمىس باسىندا اڭىس ەتىلگەن جۇمىسكەرلەر ٴبىرشاما كوپ، تۇرمىستىق زاتتىق ماتەريالدار قاجەتى زور سياقتى ٴىس جۇزىندىك جاعدايلارعا قاراتا، ”تۇيىننەن تۇيىنگە“ بويىنشا شوعىرلى ساتىپ الۋ قاتارلى تاسىلدەر ارقىلى قاراستى ورىنداعى الەۋمەتتىك اۋماق جانە زاتپەن قامداۋ ورىندارى سايكەستىرىلىپ، كوكونىس، ەت، استىق، ماي سياقتى نەگىزگى تۇرمىستىق زاتتىق ماتەريالدارمەن قامداۋ مولشەرى ارتتىرىلادى، قۇرىلىس جۇمىس باسىنداعى جۇمىسكەرلەردىڭ نەگىزگى تۇرمىستىق قاجەتى قاناعاتتاندىرىلادى.
ٴۇشىنشى، قۇرىلىس جۇمىس باسىنداعى ادامداردى باسقارۋدى كۇشەيتۋ. قۇرىلىس جۇمىس باسىنداعى تۇرمىس رايونىنىڭ توك، گاز ىستەتۋ احۋالى جالپى بەتتىك اداقتالىپ تەكسەرىلىپ، كومەسكى قاتەرلەر دەر كەزىندە الاستالىپ، قۇرىلىس جۇمىس باسىنداعى تۇرمىس رايونىنىڭ حاۋىپسىزدىگىنە شىنايى كەپىلدىك ەتىلەدى. تۇرمىس رايوندارىنىڭ تازالىعىن باسقارۋ كۇشەيتىلىپ، ماسكى تاعۋ، ورتانى زارارسىزداندىرۋ سياقتى ساقتانۋ - تىزگىندەۋ تالاپتارى قاتاڭ تياناقتاندىرىلىپ، جەكەلىك قورعانۋ ويداعىداي ىستەلەدى. قۇرىلىس جۇمىس باسىنداعى اسحانالاردى باسقارۋ كۇشەيتىلىپ، ىدىس-اياقتار، پىسقان، شيكى تاعامدار ايىرىلىپ، تۇرعان ورىن تۇراقتى مەزگىلدە زارارسىزداندىرىلادى. سونىمەن بىرگە، جۇمىسكەرلەردىڭ ەمدەلۋ، ٴدارى الۋ سياقتى ماسەلەلەرى سايكەستىرىلىپ شەشىلىپ، ولاردىڭ دەنساۋلىق اقاۋسىزدىعىنا شىنايى كەپىلدىك ەتىلەدى.
