سۋرەتىن ءتۇسىرىپ، حابارىن جازعان شينجياڭ گازەتىنىڭ جالپىلىق اقپارات قۇرالدارى ءتىلشىسى جوۋ پىڭ
8 - ايدىڭ 3 - كۇنى اكبار امەت (الدىڭعى ادام) الەۋمەتتىك اۋماق كادرلارىمەن جانە ەرىكتىلەرمەن بىرگە تۇرعىندارعا زاتتىق ماتەريالدار جەتكىزۋدە.
8 - ايدىڭ 3 - كۇنى اكبار امەت دىبىس ۇلعايتقىش ارقىلى تۇرعىندارعا ىندەتتەن ساقتانۋ بىلىمدەرىن ۇگىتتەۋدە.
21 جاستاعى اكبار امەت مارالباسى اۋدانىنان كەلگەن، شينجياڭ جەڭىل ونەركاسىپ كاسىپتىك تەحنيكالىق شۋەيۋانىنىڭ وقۋشىسى. ءۇرىمجى قالاسىندا جاڭا تيپتى ايدارشا ۆيرۋس وكپە قابىنۋ ىندەتى قايتا تۋىلعاننان بەرى، اكبار پراكتيكا ورنى ءۇرىمجى قالاسى تيانشان رايونى بەيبىتشىلىك جولى اۋماعىن باسقارۋ كوميتەتى دۇڭساييۋان الەۋمەتتىك اۋماعىندا قالۋدى تاڭداپ، ەرىكتى قىزمەت وتەۋگە قاتىناستى. جارتى ايدان بەرى، اكبار الەۋمەتتىك اۋماق كادرلارىمەن بىرگە شاعىن اۋماقتا تاپجىلماي قىزمەت ىستەپ، تۇرعىندارعا بار ىقىلاسىمەن قىزمەت وتەدى. شىلىڭگىر ىستىقتا اكبار جانە ونىڭ سەرىكتەرى تۇرعىنداردىڭ قالىپتى تۇرمىسىن قامتاماسىز ەتۋ ءۇشىن تىنىم الماي شاپقىلاپ، كيىمدەرى ۇنەمى قارا تەرگە مالشىنىپ ءجۇردى. تۇرعىن لي شۋچين بىلاي دەدى: ”1 − 2 كۇننىڭ الدىندا مەرەكە وتكىزدىك، اكبار كەلمەيدى - اۋ دەپ ويلاساق، ول ءدال ۋاعىندا كەلىپ دەنە تەمپەراتۋرامىزدى ولشەپ، بىزگە كومەكتەسىپ تۇرمىستىق بۇيىمدار اكەلىپ بەردى، ىشتەي قاتتى رازى بولدىق. ەلدىڭ ءبارى ونى ءبىزدىڭ شاعىن اۋماقتاعى جاقسى جىگىت دەيتىن بولدى“. اكبار بىلاي دەيدى: ”مەن الەۋمەتتىك اۋماققا پراكتيكاعا كەلگەنمىن، بۇل اراداعى تۇرعىندار ماعان وتە كوڭىل بولەدى، قازىر شامامنىڭ كەلىسىنشە ولارعا قىزمەت وتەۋگە ءتيىسپىن. مەن بۇل قالانى سۇيەمىن، وسى الەۋمەتتىك اۋماقتى سۇيەمىن، ءبىز ءبىر ءۇيلى جاندارمىز. مەن تەك ءبىز ءبىر نيەتپەن سەلبەسسەك قانا، وسى رەتكى ىندەتتەن ساقتانۋ - تىزگىندەۋدەن قامال الۋ شايقاسىنىڭ جەڭىسىنە، ءسوز جوق، قول جەتكىزەتىنىمىزگە سەنەمىن.
