تيانشان تورى   ›   بىلگەنگە مارجان   ›   وتباسى جانە تۇرمىس

جاڭا تيپتى ايدارشا ۆيرۋس وكپە قابىنۋ ىندەتىنەن ساقتانۋ جانە تىزگىندەۋدە جەكەلەر ”ءبىلۋدى، سەنۋدى، ىستەۋدى“ ورىنداۋى ءتيىس

  شينجياڭ گازەتىنىڭ جالپىلىق اقپارات قۇرالدارى تىلشىلەرى جاۋ چۇنحۋا، لي چۇنشيا 8 - ايدىڭ 3 - كۇنى ۇرىمجىدەن حابارلايدى. 8 - ايدىڭ 2 - كۇنى ءۇرىمجى قالالىق دەنساۋلىق ساقتاۋ، سالاماتتىق كوميتەتى اۋرۋدىڭ الدىن الۋ - تىزگىندەۋ باسقارماسىنىڭ باستىعى ۋاڭ جۇن «جۇڭحۋا حالىق رەسپۋبليكاسىنىڭ جۇقپالى اۋرۋلاردان ساقتانۋ - ەمدەۋ زاڭىنا» تۇسىنىك جاسادى. ۋاڭ جۇن بىلاي دەدى: جۇقپالى اۋرۋى بار ناۋقاستاردى نەمەسە جۇقپالى اۋرۋى بار كۇماندى ناۋقاستاردى ىرىقتىلىقپەن، دەر كەزىندە جاقىن ماڭداعى اۋرۋدىڭ الدىن الۋ - تىزگىندەۋ قۇرىلىمدارىنا نەمەسە ەمدەۋ قۇرىلىمدارىنا مالىمدەۋ − ءارقانداي ۇيىمنىڭ، ورىننىڭ جانە ازاماتتاردىڭ بۇلتارتپاس جاۋاپكەرشىلىگى جانە بورىشى. ال، جەكەلەردىڭ ”ءبىلۋدى، سەنۋدى، ىستەۋدى“ ورىنداۋى جاڭا تيپتى ايدارشا ۆيرۋس وكپە قابىنۋىنان ساقتانۋ مەن تىزگىندەۋ جونىنەن دە توتەنشە ماڭىزدى.

  ۋاڭ جۇن بىلاي دەدى: جۇقپالى اۋرۋدى تىزگىندەۋدىڭ 3 بۋىنى جۇعىمدالۋ قاينارىن تىزگىندەۋدى، تارالۋ جولىن ءۇزۋدى، وڭاي جۇعىمدالاتىن قاۋىمدى قورعاۋدى قامتيدى. جۇعىمدالۋ قاينارىن تىزگىندەۋ بۋىنىندا، ەرتە بايقاۋ، ەرتە مالىمدەۋ، ەرتە اۋاشالاۋ، ەرتە ەمدەۋ سىندى ”ءتورت ەرتە بولۋ“ تالابىن قاتاڭ تياناقتاندىرۋ كەرەك. ەرتە مالىمدەۋدىڭ ماقساتى − تۇرعىنداردىڭ جۇقپالى اۋرۋلارعا تانىمىنىڭ تايازدىعىنا بايلانىستى سىرقات جايىن كەشىكتىرۋگە اپارىپ سوعۋىنان ساقتانۋ. ءاربىر تۇرعىن تۇگەلدەي وزىندە قىزۋ بەلگىسى بار - جوقتىعىن، دەنە قىزۋى ورلەگەن ادامدارعا جۋىسقان - جۋىسپاعانىن جانە ۇيىندەگىلەردە، قىزمەتتەستەرىندە كۇماندى اۋرۋ بەلگىلەرى بار - جوقتىعىن ىرىقتىلىقپەن مالىمدەۋى ءتيىس.

  ”ەگەر دەنە قىزۋى ورلەۋ، ۇزدىكسىز قۇرعاق جوتەلۋ نەمەسە كلينيكالىق نەگىزدىك اۋرۋدىڭ جايسىزداندىرۋى اۋىرلاسۋ سياقتى اۋرۋ بەلگىلەرى بايقالسا، ءسوزسىز، ىرىقتىلىقپەن مالىمدەۋى، الەۋمەتتىك اۋماقتىڭ كومەگىندە دەر كەزىندە شيپاگەرگە كورىنۋى كەرەك. نەگىزدىك اۋرۋلارى بار قارتتار، جۇكتى نەمەسە بوسانعان ايەلدەر، نارەستەلەر، بوبەكتەر سياقتى ادامدار − وتباسىندا كۇندەلىكتى سالاماتتىق تەكسەرۋ - ولشەۋى ورىستەتىلەتىن ءتۇيىندى ادامدار سانالادى“، - دەدى ۋاڭ جۇن.

  تارالۋ جولىن ءۇزۋ جاعىندا ۋاڭ جۇن بىلاي دەدى: جاڭا تيپتى ايدارشا ۆيرۋستىڭ نەگىزگى تارالۋ جولى تىنىس جولىنداعى شاشىراندىلارمەن تارالۋ جانە جۋىسۋدان تارالۋ. تۇرعىندار قولدى ءجيى جۋۋ، ءجيى اۋا الماستىرۋ، ماسكى تاعۋ، توپتاسپاۋ سياقتى ۇيدە ساقتانۋ - قورعانۋ تالاپتارىن قاتاڭ تياناقتاندىرۋى، ورتا تازالىعى قىزمەتىن ويداعىداي ىستەۋى، قوقىر - قوقسىقتى تۇرگە ايىرىپ تاستاۋدى ويداعىداي ىستەۋى كەرەك. بىرگە تۇراتىن وتباسى مۇشەلەرى دە تاماشا تۇرمىس ادەتىنە داعدىلانىپ، امالدىڭ بارىنشا ءبولىنىپ جاتىپ، ورتاق ساقپى، ورتاق قاسىق پايدالانۋى كەرەك.

  ”شوعىرلى مەديتسينالىق باقىلاۋ ءتۇيىنىنىڭ قىزمەتكەرلەرى، الەۋمەتتىك اۋماق قىزمەتكەرلەرى سياقتى قوعامنىڭ قالىپتى اينالىسىن قامتاماسىزداندىرۋ ءۇشىن جۇمىس ورنىندا تاپجىلماي ىستەپ جاتقاندار، ءسوزسىز، ساقتانۋ - قورعانۋ تانىمىن كۇشەيتۋى، ەمدەۋ قىزمەتكەرلەرى شيپاحانادا جۇعىمدالۋدان ساقتانۋ شارالارىن ويداعىداي تياناقتاندىرۋى، استە بەيعامدىققا سالىنباۋى كەرەك“، - دەدى ۋاڭ جۇن.

  وڭاي جۇعىمدالاتىن ادامداردى قورعاۋ جاعىندا ۋاڭ جۇن مىنانى باسا دارىپتەدى: قازىر بار اۋرۋدىڭ تۋىلۋ ساناق مالىمەتتەرىنەن قاراعاندا، %60 اۋرۋ تۇگەلدەي جەكە ادامنىڭ ارەكەتىمەن بايلانىستى. تۇرعىندار ءاربىر ادام ءوز سالاماتتىعىنىڭ ءبىرىنشى جاۋاپتى ادامى سىندى ۇستانىمدى بەرىك ورناتىپ، ”ءبىلۋدى، سەنۋدى، ىستەۋدى“ ورىنداپ ءارى ساقتانۋ - قورعانۋ بىلىمدەرىن ءبىلۋى، عىلىمعا سەنۋى، ءارى بەلسەنە قيمىلداپ، وتباسى مۇشەلەرىنىڭ سالاماتتىق باقىلاۋىن ويداعىداي ىستەۋمەن بىرگە، الەۋمەتتىك اۋماققا بەلسەنە سايكەسىپ، دەنە تەمپەراتۋراسىن باقىلاۋ - ولشەۋ سياقتى ساقتانۋ - تىزگىندەۋ شارالارىن ويداعىداي تياناقتاندىرۋى كەرەك.

جاۋاپتى رەداكتور : سايراش تۇرارجان قىزى

ەسكەرتۋ:

تورابىمىزداعى مازمۇنداردى پايدالانۋعا تۋرا كەلگەندە، ءسوزسىز جازباشا رۇقساتقا يە بولۋ كەرەك. مازمۇنداردى رۇقساتسىز جالعاپ تاراتۋعا، كەسىپ رەداكسيالاۋعا، وزگەرتۋگە، قىسقارتىپ قۇراستىرۋعا، باسقا ورىنعا كوشىرۋگە نەمەسە باسقا تاسىلدەرمەن كوبەيتۋگە ءارى تاراتۋعا بولمايدى، قايشى كەلگەندەردىڭ زاڭدىق جاۋاپكەرشىلىگى زاڭ بويىنشا قۋزاستىرىلادى.

  • وسى كەزەكتى جۇڭگو − ازيا - ەۆروپا كورمەسى تۇڭعىش رەت نەگىزگى قوناق ولكەلەردى بەلگىلەدى
  • تاپسىرىس ونىمدەردى جەدەل ءوندىرىپ، قامداۋدى قامتاماسىز ەتتى
  • جىلدىق مىندەتتى ءساتتى ورىنداۋعا شىنايى كەپىلدىك ەتتى
  • شينجياڭ جۇڭتاي توبى دۇنيە جۇزىندەگى 500 قۋاتتى كاسىپورىن قاتارىنا ءوتتى
  • جەل - جارىق ەنەرگياسى ءوزارا تولىقتىردى