تيانشان تورى
تيانشان تورى   ›   جاڭالىقتار   ›   ءۇرىمجى

اۆتونوميالى رايوننىڭ جاڭا تيپتى ايدارشا ۆيرۋس وكپە قابىنۋ بويىنشا مەديتسينالىق قۇتقارۋ - ەمدەۋگە بەلگىلەنگەن شيپاحاناسى: قازىرگى ەمدەۋ قىزمەتكەرلەرى مەن ەمدەۋ زاتتىق ماتەريالدارى جەتكىلىكتى

  تيانشان تورىنىڭ حابارى (حابارىن جازىپ، سۋرەتىن تۇسىرگەن تىلشىلەر گو ليڭ، دوۋ شيڭجۇن، يىن تۇڭيۋان، جانات تولقىن). 8 - ايدىڭ 4 - كۇنى ساعات 17دە، اۆتونوميالى رايوندىق ۇكىمەتتىڭ اقپارات كەڭسەسى ءۇرىمجى قالاسىنىڭ جاڭا تيپتى ايدارشا ۆيرۋس وكپە قابىنۋ ىندەت جاعدايى جانە ساقتانۋ - تىزگىندەۋ قىزمەتى جونىندەگى 18 ـ رەتكى اقپار جاريالاۋ ءماجىلىسىن وتكىزدى.

  كەزەكتە اۆتونوميالى رايوننىڭ جاڭا تيپتى ايدارشا ۆيرۋس وكپە قابىنۋ بويىنشا مەديتسينالىق قۇتقارۋ - ەمدەۋگە بەلگىلەنگەن شيپاحاناسىندا دياگنوزى تۇراقتاندىرىلعان 606 ناۋقاس قۇتقارۋ - ەمدەۋدى قابىلداۋدا، قازىرگى ەمدەۋ قىزمەتكەرلەرى مەن قۇتقارۋ - ەمدەۋ زاتتىق ماتەريالدارى جەتكىلىكتى مە، جوق پا؟ اۆتونوميالى رايوننىڭ جاڭا تيپتى ايدارشا ۆيرۋس وكپە قابىنۋ بويىنشا مەديتسينالىق قۇتقارۋ - ەمدەۋگە بەلگىلەنگەن شيپاحاناسىنىڭ ورىنباسار باستىعى زىڭ پيڭحۋا مىنانى ءبىلدىردى: 1925 ەمدەۋ قىزمەتكەرى اۆتونوميالى رايوننىڭ جاڭا تيپتى ايدارشا ۆيرۋس وكپە قابىنۋ بويىنشا مەديتسينالىق قۇتقارۋ - ەمدەۋگە بەلگىلەنگەن شيپاحاناسىنا بارىپ قۇتقارۋ - ەمدەۋ قىزمەتىن ورىستەتتى، شيپاحانادا مەديتسينالىق قورعانۋ كيىمى، وپەراتسيا كيىمى، قورعانۋ ماسكىسى(N95)، سىرتقى اۋرۋلار ماسكىسى، تۇيىق كوزىلدىرىك، ءبىر رەت ىستەتىلەتىن قورعانۋ بەت قالقاسى قاتارلى ساقتانۋ - قورعانۋ زاتتىق ماتەريالدارى جەتكىلىكتى، مەديتسينالىق قۇتقارۋ - ەمدەۋ جابدىقتارى كەزەكتەگى قۇتقارۋ - ەمدەۋ قىزمەتىنىڭ ءىس جۇزىندىك قاجەتىن قامتاماسىزداندىرادى.

  زىڭ پيڭحۋا بىلاي دەدى: ۇرىمجىدە وسى رەتكى ىندەت تۋىلعاننان بەرى، اۆتونوميالى رايوندىق پارتكوم ٴار ۇلت بۇقاراسىنىڭ ءومىرىنىڭ حاۋىپسىزدىگى مەن دەنساۋلىعىن ٴبىرىنشى ورىنعا قويىپ، دياگنوزى تۇراقتاندىرىلعان ناۋقاستاردى قۇتقارۋ - ەمدەۋ قىزمەتىنە وسكەلەڭ ٴمان بەردى، ”قىزمەت ونىمدىلىگىن ونان ارى جوعارىلاتىپ، باسقارۋ جۇيەسىن عىلمي ساپالىلاندىرۋ ءۇشىن، ءبىز مەملەكەتتىك كەڭەستىڭ جاڭا تيپتى ايدارشا ۆيرۋس وكپە قابىنۋ ىندەتىنە توتەپ بەرۋ بويىنشا بىرلەسىپ ساقتانۋ، بىرلەسىپ تىزگىندەۋ مەحانيزمى ماماندار گرۋپپاسىنىڭ قولداۋىندا، ەل ىشىندەگى ىندەتكە قارسى تۇرۋ جاعىنداعى وزىق تاجىريبەلەر مەن شينجياڭنىڭ ٴىس جۇزىندىك جاعدايىنا بىرلەستىرىپ، شيپاحانانىڭ باسقارۋ قۇرىلىمىن رەتتەپ، دەر كەزىندە اۆتونوميالى رايوننىڭ جاڭا تيپتى ايدارشا ۆيرۋس وكپە قابىنۋ بويىنشا مەديتسينالىق قۇتقارۋ - ەمدەۋگە بەلگىلەنگەن شيپاحاناسىن قۇردىق. اۆتونوميالى رايونداعى ٴارقايسى ەمدەۋ قۇرىلىمدارىنىڭ باسىم كۇشىن پارمەندى، ٴتارتىپتى تۇردە ٴبىر تۇتاس ورنالاستىردىق، بۇكىل شينجياڭداعى 24 ەمدەۋ قۇرىلىمىنداعى، 32 ەمدەۋ اترەتىندەگى 1925 ەمدەۋ قىزمەتكەرىن اۆتونوميالى رايوننىڭ جاڭا تيپتى ايدارشا ۆيرۋس وكپە قابىنۋ بويىنشا مەديتسينالىق قۇتقارۋ - ەمدەۋگە بەلگىلەنگەن شيپاحاناسىنا بارىپ قۇتقارۋ ـ ەمدەۋ قىزمەتىن ورىستەتۋگە بولدىك“.

  ىندەت جاعدايىنىڭ دامۋ قاجەتىنە ساي، اۆتونوميالى رايوندىق حالىق شيپاحاناسى، شينجياڭ مەديتسينا داشۋەسىنە قاراستى 1-شيپاحانا، اۆتونوميالى رايوندىق كاسىپتىك اۋرۋلار شيپاحاناسى سىندى 3-دارەجەلى ەمدەۋ قۇرىلىمدارىنىڭ ەمدەۋ قىزمەتكەرلەرىن ءبىر تۇتاس سايكەستىرىپ، دايىندىق اترەتىن ۇيىمداستىردىق، كەزەكتە جەكەلىك ساقتانۋ-قورعانۋ كۋرسىن اياقتاتىپ، بۇيرىق كۇتۋدە. سونىمەن قاتار بەلگىلەنگەن شيپاحانا قابىلداپ ەمدەۋ ولشەمى بويىنشا ءىشىنارا وزگەرىس ەنگىزىپ، ”ءۇش رايون، ەكى ارنا“ قۇرىپ، بۇرىنعى قابىلداپ ەمدەۋدەگى توسەك ورىنى نەگىزىندە توسەك ورىندارىن كوبەيىپ، دياگنوزى تۇراقتاندىرىلعان ناۋقاستاردىڭ دەركەزىندە قابىلدانىپ ەمدەلۋىن قامتاماسىزداندىردى“،-دەدى زىڭ پيڭحۋا.

  ەمدەۋ زاتتىق ماتەريالدارىن قامتاماسىزداندىرۋ جاعىندا ، اۆتونوميالى رايوننىڭ جالپى تۇلعالىق ورنالاستىرۋىندا شيپاحانانىڭ قورعانۋ زاتتىق ماتەريالدارى جەتكىلىكتى، ساقتانۋ-قورعانۋ بۇيىمدارى قالىپتى قىزمەتتى قامتاماسىزداندىرا الادى. قاتەرلى سالماقتى ناۋقاستاردىڭ دەركەزىندە قۇتقارىلىپ-ەمدەلۋىنە كەپىلدىك ەتۋ ءۇشىن، اۆتونوميالى رايوننىڭ ىندەتتەن ساقتانۋ-تىزگىندەۋ قولباسشىلىق شتابى كوپ جاقتى سايكەستىرىپ شيپاحاناعا 22 جۇرەكشە ءدىرىلىن باسۋ مونيتورى، 4 ECMO (وكپەنى جاساندى جەلدەتۋ اپپاراتى)، 110 باقىلاۋ اسپابى، 53 تىنىس الدىرۋ اپپاراتى، 94 جارالاماي تىنىس الدىرۋ اپپاراتى، 75 ۋكىل قويۋ اسپابىن 55 ۋكىل قويۋ اسپابى، 114 مۇرىن ارقىلى جوعارى اعىسپەن وتتەگىن ءسىمىرۋ اسپابى، 8 توسەك قاسىندا قان ءسۇزۋ اسپابى قاتارلى جابدىقتاردى زاپاس دايىندادى، قازىرگى مەديتسينالىق ەمدەۋ - قۇتقارۋ قىزمەتىنىڭ ناقتى قاجەتىن قامتاماسىز ەتە الادى.

  كەزەكتە جۇڭگوشا ءدارى - دارمەك زاپاسى ، جۇڭگوشا ءدارى - دارمەك رەتسەبى بويىنشا ءدارى قايناتىپ جاساۋ دا جەدەل جۇرىلۋدە. ”ءار ۇلت بۇقاراسىنىڭ باس اماندىعى مەن دەنساۋلىعىن قورعاپ، ىندەتتەن ساقتانۋ-تىزگىندەۋ قامال الۋ شايقاسىنىڭ جەڭىسىنە جەتۋگە ءتيىستى ۇلەس قوسۋعا سەنىمىمىز بار ، قۋاتىمىز قاپتال جەتەدى“،-دەدى زىڭ پيڭحۋا.

جاۋاپتى رەداكتور : سايراش تۇرارجان قىزى

ەسكەرتۋ:

تورابىمىزداعى مازمۇنداردى پايدالانۋعا تۋرا كەلگەندە، ءسوزسىز جازباشا رۇقساتقا يە بولۋ كەرەك. مازمۇنداردى رۇقساتسىز جالعاپ تاراتۋعا، كەسىپ رەداكسيالاۋعا، وزگەرتۋگە، قىسقارتىپ قۇراستىرۋعا، باسقا ورىنعا كوشىرۋگە نەمەسە باسقا تاسىلدەرمەن كوبەيتۋگە ءارى تاراتۋعا بولمايدى، قايشى كەلگەندەردىڭ زاڭدىق جاۋاپكەرشىلىگى زاڭ بويىنشا قۋزاستىرىلادى.