اۋرۋ بەلگىسى جوق 5 جۇعىمدالۋشى مەديتسينالىق باقىلاۋدان بوساتىلدى
تيانشان تورىنىڭ حابارى (جالپىلىق اقپارات قۇرالدارى تىلشىلەرى چاۋ جين، يۋان لەي حابارلايدى). مەملەكەتتىك كەڭەستىڭ جاڭا تيپتى ايدارشا ۆيرۋس وكپە قابىنۋ ىندەتىنە توتەپ بەرۋ بويىنشا بىرلەسىپ ساقتانۋ، بىرلەسىپ تىزگىندەۋ مەحانيزمى ماماندار گرۋپپاسى مەن اۆتونوميالى رايونداعى مەديتسينالىق قۇتقارۋ - ەمدەۋ ماماندارىنىڭ بىرلەسىپ دياگنوز قويۋىنان، ساراپتاۋىنان كەيىن، 8 - ايدىڭ 4 - كۇنى ءۇرىمجى قالاسىندا دياگنوزى تۇراقتاندىرىلعان تاعى 10 ناۋقاس مەملەكەتتىك دەنساۋلىق ساقتاۋ، سالاماتتىق كوميتەتىنىڭ جاڭا تيپتى ايدارشا ۆيرۋس وكپە قابىنۋىنا شالدىعىپ دياگنوزى تۇراقتاندىرىلعان ناۋقاستاردىڭ شيپاحانادان شىعۋ ولشەمىنە ۇيلەسكەندىكتەن ساۋىعىپ شيپاحانادان شىقتى، اۋرۋ بەلگىسى جوق 5 جۇعىمدالۋشى مەديتسينالىق باقىلاۋدان بوساتىلدى.
اۆتونوميالى رايون جاڭا تيپتى ايدارشا ۆيرۋس وكپە قابىنۋ بويىنشا مەديتسينالىق قۇتقارۋ - ەمدەۋگە بەلگىلەگەن شيپاحانانىڭ بىرلەسكەن ەمدەۋ ىستەرى ءبولىمىنىڭ ورىنباسار مەڭگەرۋشىسى لۋ چىڭنىڭ تانىستىرۋىنشا، بۇل رەت شيپاحانادان شىققان ناۋقاستاردىڭ سەگىزى جاي تيپتى، تورتەۋى جەڭىل تيپتى ناۋقاس ەكەن. شيپاحاناعا تۇسكەن سوڭ، ماماندار گرۋپپاسى مەن ەمدەۋ توبىنىڭ بار كۇشپەن قۇتقارىپ - ەمدەپ، دەن قويا كۇتىمدەۋىندە اتالعان ناۋقاستاردىڭ اۋرۋ جاعدايى ۇزدىكسىز جاقسارىپ، تىنىس جولىنداعى اۋرۋ قوزدىرعىشتاردىڭ نۋكلەين قىشقىلىن تەكسەرۋ ۇدايى 2 رەتتەن ارتىق بولىمسىز ناتيجە كورسەتىپ، ءتۇرلى حيميالىق تەكسەرۋ كورسەتكىشتەرى، وكپە ءبولىمىنىڭ كەسكىنى، دەنە تەمپەراتۋراسى تۇگەلدەي قالىپتى بولىپ، مەملەكەتتىك دەنساۋلىق ساقتاۋ، سالاماتتىق كوميتەتىنىڭ «جاڭا تيپتى ايدارشا ۆيرۋس وكپە قابىنۋىنا دياگنوز قويۋ جانە ونى ەمدەۋ جوباسىنداعى (سىناق رەتىندە اتقارىلاتىن 7 - نۇسقانىڭ تۇزەتىلگەن نۇسقاسى)» دياگنوزى تۇراقتاندىرىلعان ناۋقاستاردىڭ شيپاحانادان شىعۋ ولشەمىنە ۇيلەسكەن.
