تيانشان تورىنىڭ حابارى (سۋرەتىن ٴتۇسىرىپ، حابارىن جازعان تىلشىلەر گۋو ليڭ، دوۋ شيڭجۇن، يىن تۇڭيۋان، جانات تولقىن) 8 - ايدىڭ 4 - كۇنى ساعات 17 دە، اۆتونوميالى رايوندىق ۇكىمەتتىڭ اقپارات كەڭسەسى ٴۇرىمجى قالاسىنىڭ جاڭا تيپتى ايدارشا ۆيرۋس وكپە قابىنۋ ىندەت جاعدايى جانە ساقتانۋ - تىزگىندەۋ قىزمەتى جونىندە 18 - رەتكى اقپار جاريالاۋ ٴماجىلىسىن اشىپ، شينجياڭنىڭ جاڭا تيپتى ايدارشا ۆيرۋس وكپە قابىنۋ ىندەتى جانە ساقتانۋ - تىزگىندەۋ قىزمەت جاعدايىن حابارلادى.
اۆتونوميالى رايوندىق اۋرۋدىڭ الدىن الۋ- تىزگىندەۋ ورتالىعىنىڭ مەڭگەرۋشىسى سۇي يان مىنانى حابارلاندىردى: 8 - ايدىڭ 3 - كۇنى ساعات 0دەن ساعات 24كە دەيىن، شينجياڭ جاڭادان قوسىلعان جاڭا تيپتى ايدارشا ۆيرۋس وكپە قابىنۋ دياگنوزى تۇراقتاندىرىلعان ناۋقاستىڭ 28، اۋرۋ بەلگىسى جوق جۇعىمدالۋشىنىڭ 9 بولعاندىعىن، بارلىعىنىڭ ٴۇرىمجى قالاسىندا ەكەندىگىن حابارلادى. سول كۇنى، جاڭادان قوسىلعان ساۋىعىپ شيپاحانادان شىققان دياگنوزى تۇراقتاندىرىلعان ناۋقاس 12، جاڭادان قوسىلعان مەديتسينالىق باقىلاۋدان بوساتىلعان اۋرۋ بەلگىسى جوق جۇعىمدالۋشى 11 بولعان. 7 - ايدىڭ 15 - كۇنى ساعات 0دەن 8 - ايدىڭ 3 - كۇنى ساعات 24كە دەيىن، دياگنوزى تۇراقتاندىرىلعان جيىنى 42 ناۋقاس ساۋىعىپ شيپاحانادان شىققان، اۋرۋ بەلگىسى جوق 37 جۇعىمدالۋشى مەديتسينالىق باقىلاۋدان بوساتىلعان.
8 - ايدىڭ 3 - كۇنى ساعات 24كە دەيىن، شينجياڭدا (بيڭتۋاندى قامتيدى) دياگنوزى تۇراقتاندىرىلعان ناۋقاس 606، اۋرۋ بەلگىسى جوق جۇعىمدالۋشى 114 بولعان.
سۇي يان بىلاي دەدى: 8 - ايدىڭ 3 - كۇنى جاڭادان قوسىلعان دياگنوزى تۇراقتاندىرىلعان ناۋقاستار الدىنداعى كۇنمەن تەڭ بولعان، جاڭادان قوسىلعان ساۋىعىپ شيپاحانادان شىققان دياگنوزى تۇراقتاندىرىلعان ناۋقاس پەن مەديتسينالىق باقىلاۋدان بوساتىلعان اۋرۋ بەلگىسى جوق جۇعىمدالۋشىلار 7 - ايدىڭ 28 - كۇنى تۇڭعىش ناۋقاس شيپاحانادان شىققاننان بەرگى ەڭ كوپ بولعان ٴبىر كۇن. ساقتانۋ - تىزگىندەۋ قىزمەتىنىڭ ونىمدىلىگى كورىنە باستادى.
