شينحۋا اگەنتتىگىنىڭ 8 - ايدىڭ 5 - كۇنى ۇرىمجىدەن بەرگەن حابارى (تىلشىلەر لي جىحاۋ، پان يىڭ). ٴۇرىمجى قالالىق قاتىناس ـ تاسىمال مەكەمەسىنىڭ ورىنباسار باستىعى فاڭ يۇڭ 8 - ايدىڭ 5 - كۇنى مىنانى ءبىلدىردى: ٴۇرىمجى قالاسى ىندەتتەن ساقتانۋ - تىزگىندەۋ شارالارىنىڭ ناقتى تياناقتانۋىنا شىنايى كەپىلدىك ەتۋ العى شارتىندا، ٴۇرىمجى قالاسىنا كەلىپ - كەتەتىندەردى تاسۋعا قىزمەت وتەۋدى قامتاماسىزداندىرۋ قىزمەتىن جاقسى ىستەۋ كەرەك.
شينجياڭ ۇيعۇر اۆتونوميالى رايوندىق حالىق ۇكىمەتىنىڭ اقپارات كەڭسەسى 8 ـ ايدىڭ 5 ـ كۇنى وتكىزگەن اقپار جاريالاۋ ماجىلىسىندە فاڭ يۇڭ بىلاي دەدى: ۇرىمجگە كەلەتىن، ۇرىمجىگە قايتاتىن جولاۋشىلارعا قاراتا، پويەزدىڭ بەكەتكە كىرۋ، ۇشاقتىڭ اۋەجايعا قونۋ ۋاقىتىنا قاراي، اۆتوبۋز پەن كىرە كولىگىن اۋەجاي، پويەز بەكەتى سياقتى ٴتۇيىندى قاتىناس توراپتارىنا ورنالاستىرىپ، تاسىمالدى قامتاماسىز ەتتى. جولاۋشىلار اۋەجايدان، بەكەتتەن شىعا سالىسىمەن، اۆتوبۋزدى، كىرە كولىگىن جول شەتىنەن كورە الادى. ۇرىمجىدەن شىعاتىن جولاۋشىلار جونىنەن، ٴۇرىمجى قالالىق جاڭا تيپتى ايدارشا ۆيرۋس وكپە قابىنۋ ىندەتىنەن ساقتانۋ - تىزگىندەۋ قىزمەتى قولباسشىلىق شتابىنىڭ ورنالاستىرۋىنا ساي، اۆتوبۋد، ساياحات ۇلكەن اۆتوبۋزى جولاۋشىلاردى حالىقارالىق اۋەجايعا، پويەز ستانسياسىنا جەتكىزدى. سونىمەن بىرگە كىرە كولىگىنە كۇنى بۇرىن كەلىسۋ قىزمەتىن وتەدى. قازىرگە دەيىن جيىنى 18252 كەزەك اۆتوكولىك ورنالاستىردى.
سونىمەن بىرگە، ءتۇيىندى ءوندىرىس، تۇرمىس زاتتىق ماتەريالدارىنىڭ تاسىمالىنا قاراتا، ”جاسىل ارنا“ ارقىلى اقىسىز، تەز جەتكىزۋ تالابىن تياناقتاندىرىپ، قاتىستى اۆتوكولىكتەردىڭ قاتىناۋ بارىسىنداعى ماسەلەلەرىن دەر كەزىندە سايكەستىرىپ شەشىپ، ٴتۇيىندى ٴوندىرىس، تۇرمىس زاتتىق ماتەريالدارىن تاسىمالدايتىن اۆتوكولىكتەردىڭ ىركىلىسسىز، جوعارى ٴونىمدى، حاۋىپسىز قاتىناۋىنا كەپىلدىك ەتتى. قازىرگە دەيىن، جيىنى 65 مىڭ رەتتەن استام جۇك اۆتوموبيلىن جونەلتتى، 2806 توننا مۇناي ونىمدەرىن، 50 مىڭ كۇبىدەي حالىقتىق سۇيىتىلعان گاز، 436 تەكشەمەتر مەديتسينالىق سۇيىق وتتەگىن، 590 توننا زارارسىزداندىرعىش سۇيىقتىعىنىڭ اۋەلگى ەرىتىندىسىن، 857 توننا قوس وتتەكتى سۋن تاسىمالدادى، ەلەكتر ستانسياسىن شامامەن 140 مىڭ توننا وتىندىق كومىرمەن قامدادى.
بۇدان سىرت، ەمدەۋ قىزمەتكەرلەرىنىڭ، الەۋمەتتىك اۋماق قىزمەتكەرلەرىنىڭ، قۇرىلىس جۇرگىزۋشىلەردىڭ ٴبىرىنشى شەپتەگى قىزمەت ورىندارىنا امان ـ ەسەن جەتۋىنە شىنايى كەپىلدىك ەتىپ، ىندەتتەن ساقتانۋ زاتتىق ماتەريالدارىن ءارقايسى شيپاحانالارعا، ىندەتتەن ساقتانۋ پۋنكتتەرىنە دەر كەزىندە جەتكىزدى. قازىرگە دەيىن، اۆتوبۋزدان، ساياحات ۇلكەن اۆتوبۋزىنان جالپى 1279 كەزەگىن جونەلتىپ، 21100 ادام-رەت تاسىمالداعان، جۇك اۆتوكولىكتەرى ىندەتتەن ساقتانۋ زاتتىق ماتەريالدارىن 219 رەت تاسىمالداعان.
