جاڭالانۋدان بۇرىنعى قۇدىرەتتىڭ ءۇيىنىڭ ەسىك الدىنداعى كوشە كورىنىسى.
7 - ايدىڭ 29 - كۇنى قۇدىرەتتىڭ ۇيىندەگىلەر جاڭا قونىستارىنداعى ەرەن بازاردىڭ الدىندا سۋرەتكە ءتۇستى.
7 - ايدىڭ 19 - كۇنى قۇدىرەت جۇبايىمەن بىرگە، جاڭالانعاننان كەيىنگى جاڭا قونىستارىندا وتباسىنىڭ شاتتىعىنا شومدى. سۋرەتتى شينجياڭ گازەتىنىڭ جالپىلىق اقپارات قۇرالدارى ءتىلشىسى حان چين − يان تۇسىرگەن
【بەتاشار】
جاپپاي دوڭگەلەك داۋلەتتى قوعام ورناتۋدا ءاربىر وتباسىنىڭ ارمانى ىسكە اسىپ جاتىر. ”وتباسى البۋمى“ سۋرەتتەردى ايعاق ەتىپ، ناقتى مازمۇننان باستاپ كىرىسەدى، تىلگە تيەك ەتەرىمىز − وتباسىلاردىڭ دوڭگەلەك داۋلەتتىلىك جولىنداعى اسەرلى اڭگىمەلەرى، ەستەلىككە العانىمىز − ءداۋىرىمىزدىڭ ۇلى وزگەرىستەرى.
البۋم يەسى: قاشقار بايىرعى قالاسىنىڭ تۇرعىنى
بيىل 63كە كەلدىم، قاشقار بايىرعى قالاسىنداعى توپىراق كەسەكتەن قالانعان ۇيدە 50 نەشە جىل تۇردىم، قارتايا كەلە ومىرىمدە ۇلكەن وزگەرىستەر بولاتىندىعىن ويلاماعان ەدىم.
ءبىزدىڭ ءۇي قاشقار بايىرعى قالاسى كورىنىس اۋماعىنىڭ شامشى تار كوشەسىندە تۇرادى، ”جاقسى ۇيدە تۇرىپ، تاماشا تۇرمىس كەشىرۋ“ − مەنىڭ بالا كەزدەگى ارمانىم بولاتىن.
بۇرىن بۇل ارا تۇگەلدەي توپىراق كەسەكتەن قالانعان ءۇي، بالشىق جول ەدى، سۋ ءىشۋ ءۇشىن 800 مەتر قاشىقتىقتاعى جەرگە بارىپ كەزەككە تۇرىپ سۋ الاتىنبىز. ءبىر ۇيدەگى 6 جان سىلكىنىسكە ءتوزىمسىز ءجۇز جىلدىق كونە ۇيدە سىعىلىسىپ جاتاتىنبىز، مەن ەسىكتىڭ الدىندا جايما اشىپ، جارىتىپ اقشا تابا الماۋشى ەدىم، كۇن كورىسىمىز تومەن بولاتىن!
”لاس سۋلار بۋلانىپ، قوقسىقتار جەلگە ۇشىپ جاتاتىن، سۋ تۇتىكتەرىن تامعا ىلىنەتىنبىز، ءۇيدىڭ توبەسىنە دارەتكە شىعاتىنبىز“. وسى تاقپاقتىڭ سۋرەتتەگەنى بۇرىنعى بايىرعى قالا تۇرعىندارىنىڭ ناقتىلى تۇرمىسى ەدى.
قازىر باسقاشا، 2010 - جىلى ۇكىمەت ءبىزدىڭ كونە ءۇيىمىزدى وزگەرتتى، جاڭا ۇيىمىزدە قۇرىلعىلار تولىق، رەتتى. ءبىز ءبىر ءۇيلى جان 3 قاباتتى 700 شارشى مەتر كەلەتىن شاعىن عيماراتقا كوشىپ كىردىك. ءبىرىنشى قاباتى ەرەن بازار، ۇستىڭگى 2 قاباتى تۇرارجايىمىز، بيىل تاعى ۇلكەن ۇلعا عيماراتتان 110 شارشى مەترلىك ءۇي الىپ بەردىك. ۇلىم ەكەۋىمىز ەرەن بازاردى جۇرگىزەمىز، ەرەن بازاردىڭ ايلىق كىرىسى 15 مىڭ يۋاننان اسادى.
ۇلتتىق ءان - ءبيدى تاماشالاپ، ەرەكشە ۇلتتىق جەڭىل تاعامداردان اۋىز ءتيىپ، تەكشەدەگى تۇرعىندار تۇراعى مەن بايىرعى قالانى ارالاپ... دۇكەنىمە كەلگەن قوناقتار بايىرعى قالانى اۋىز جاپپاي ماقتايدى.
قاشقار بايىرعى قالاسىنىڭ كۇن سايىن جاڭارىپ، كۇن سايىن كورىكتەنىپ كەلە جاتقانىن كورىپ، مەن دە، كورشىلەرىم دە ۇنەمى سۇيىنەمىز.
(قۇدىرەت باياجى ايتىپ بەرگەن، گازەتىمىزدىڭ جالپىلىق اقپارات قۇرالدارى ءتىلشىسى حان چين − يان رەتتەگەن)
