8 - ايدىڭ 3 - كۇنى اۆتونوميالى رايوندىق جاڭا تيپتى ايدارشا ۆيرۋس وكپە قابىنۋى بويىنشا مەديتسينالىق قۇتقارۋ - ەمدەۋگە بەلگىلەنگەن شيپاحانانىڭ جۇڭگوشا دارىلەرى ءۇيىنىڭ ءدارى قايناتۋ بولمەسىندە جۇڭگوشا ءدارى دارىگەرى ۋاڭ يرۇي جۇڭگوشا ءدارى قايناتۋدا.
8 - ايدىڭ 3 - كۇنى اۆتونوميالى رايوندىق جاڭا تيپتى ايدارشا ۆيرۋس وكپە قابىنۋى بويىنشا مەديتسينالىق قۇتقارۋ - ەمدەۋگە بەلگىلەنگەن شيپاحانانىڭ جۇڭگوشا دارىلەرى ۇيىندە جۇڭگوشا ءدارى دارىگەرى جاڭ پىڭگى جۇڭگوشا ءدارى دايىنداۋدا. سۋرەتىن تۇسىرگەن شينجياڭ گازەتىنىڭ جالپىلىق اقپارات قۇرالدارى ءتىلشىسى شيە لۇڭ
8 - ايدىڭ 3 - كۇنى اۆتونوميالى رايوندىق جاڭا تيپتي ايدارشا ۆيرۋس وكپە قابىنۋى بويىنشا مەديتسينالىق قۇتقارۋ - ەمدەۋگە بەلگىلەنگەن شيپاحانانىڭ جۇڭگوشا ءدارى ۇيىندە قاقتالعان قىزىلشا، ورىك ءدانى، قاراعاي ساڭىراۋقۇلاعى... ءتۇرلى جۇڭگوشا دارىلەرىنەن جاڭا تيپتى ايدارشا ۆيرۋس وكپە قابىنۋ ىندەتىن ەمدەيتىن رەتسەپ بويىنشا ءدارى جاسالىپ جاتتى.
ساعات 12دە ناۋقاستار اۋماعى شيپاگەرىنىڭ كومپيۋتەر ارقىلى تۇسىرگەن ”تاپسىرىسىن“ الىپ، تەز ارادا تەكسەرىپ بەكىتۋدەن وتكىزگەننەن كەيىن، جاۋاپتى جۇڭگوشا ءدارى دارىگەرى جاڭ پىڭگى مەن دارىگەر پازىلا قۇربان ءدارى دايىنداۋعا كىرىستى. ءدارى ۇيىندە ءدارىنى دايىنداپ بولعاننان كەيىن، ءدارى قايناتۋ بولمەسىنە تاپسىردى، ونان كەيىنگى توعىتۋ، قايناتۋ، ءبولۋ، قوراپتاۋ، ولشەمىن جاپسىرۋ، ءدارى جەتكىزۋگە دەيىن 3 ساعات ۋاقىت ىشىندە ءدارى ىستىق كۇيىندە ناۋقاستاردىڭ قولىنا ءتيدى.
”جالپى بارىستا 2 ادام تەكسەرەتىن ءتارتىپ 6 رەت جۇرگىزىلۋى كەرەك، ماقساتىمىز ناۋقاستاردىڭ دالمە - ءدال ءدارى ىشۋىنە كەپىلدىك ەتۋ“، - دەدى جاڭ پىڭگى. ءدارى قايناتۋ بولمەسىندەگى 6 ءدارى قايناتۋ ماشيناسى نەگىزىنەن كۇن سايىن ساعات 8دە اشىلادى، ساعات 23تە توقتايدى.
ءۇرىمجى قالاسىندا ىندەت تۋىلعاننان بەرى، اۆتونوميالى رايوندىق جاڭا تيپتى ايدارشا ۆيرۋس وكپە قابىنۋى بويىنشا ەمدەۋ - قۇتقارۋ ماماندار گرۋپپاسى جۇڭگوشا دارىلەردىڭ ەرەكشە باسىمدىعىن تولىق ساۋلەلەندىردى، جۇڭگوشا شيپاگەرلىكپەن، جۇڭگوشا دارىلەرمەن ەمدەۋ تۋ باستان باستاپ وسى رەتكى قۇتقارۋ - ەمدەۋ جانە الدىن الۋعا قولدانىلدى، قولدانىلۋ سالىستىرماسى ％100كە جەتتى.
”قازىر 400 تۇرلىدەن استام ءدارىنى ساتىپ الۋدا سول كۇنى تاپسىرىس بەرىپ، سول كۇنى جەتكىزىلىپ، ەمدەۋ - قۇتقارۋ قاجەتىنە ءونىمدى كەپىلدىك ەتىلدى“. جاڭ پىڭگى بىلاي دەپ تانىستىردى: جۇڭگوشا ءدارى ءۇيى تاعى دا 300 تۇردەن استام جۇڭگوشا ءدارىنىڭ قايناتىلماعان تۇيىرشىك ءدارىسىن دايىنداپ، ناۋقاسقا قاجەت بولسا بولدى ءدارى بەرىلەتىن بولدى، بۇل تۇيىرشىك دارىلەردى 5 مينۋت ۋاقىت ىشىندە تەڭشەپ بولۋعا بولادى.
