تيانشان تورى   ›   جاڭالىقتار   ›   شينجياڭ حابارلارى

الدىڭعى 7 ايدا تەمىر جولدا ماقتانىڭ تاسىمالدانۋ مولشەرى سايكەس مەزگىلدەگىدەن 80 پايىز ارتتى

رايونىمىز شيكىزاتپەن قامداۋ ارناسىن ىركىلىسسىزدەندىردى

الدىڭعى 7 ايدا تەمىر جولدا ماقتانىڭ تاسىمالدانۋ مولشەرى سايكەس مەزگىلدەگىدەن 80 پايىز ارتتى

  شينجياڭ گازەتىنىڭ جالپىلىق اقپارات قۇرالدارى ءتىلشىسى لۋ فىڭباۋ 8 - ايدىڭ 4 - كۇنى ۇرىمجىدەن حابارلايدى. جۇڭگو تەمىر جولى ءۇرىمجى مەكەمەسى توبى شەكتى سەرىكتەستىگىنەن ۇعىسۋىمىزشا، جەر - جەردىڭ ماقتانى قاجەتسىنۋ مولشەرىنىڭ ۇزدىكسىز ارتۋىنا ىلەسە، شينجياڭ تەمىر جول تاراۋلارى شيكىزاتپەن قامداۋ ارناسىن ىركىلىسسىزدەندىرىپ، 1 - ايدان 7 - ايعا دەيىن جالپى 2 ميلليون 676 مىڭ 900 توننا ماقتا تاسىمالداپ، بىلتىرعى سايكەس مەزگىلدەگىدەن %83.18 ارتتىرعان.

  جۇڭگو تەمىر جولى ءۇرىمجى مەكەمەسى توبى شەكتى سەرىكتەستىگى زات تاسىمالى ءبولىمىنىڭ جاۋاپتىسى بىلاي دەدى: ماقتا − قورعانۋ كيىمى، شۇيىرتپەك ماقتا، ماقتالى شىرپى سياقتى مەديتسينادا پايدالانىلاتىن زاتتىق ماتەريالداردىڭ العاشقى شيكىزاتى، ىندەت كەزىندە جەر - جەردەگى توقىماشىلىق، دەنساۋلىق ساقتاۋ، مەديتسينالىق ەمدەۋ سياقتى كاسىپورىندار كوپ مولشەردەگى ماقتانى شۇعىل قاجەت ەتىپ، ءوندىرىستى، جۇمىستى قالپىنا كەلتىردى، ساپاسى جاقسى، قورى جەتكىلىكتى شينجياڭ ماقتاسى جەر - جەردەگى كاسىپورىنداردىڭ ساتىپ الاتىن باستى تاڭداۋىنا اينالدى.

  بازار وزگەرىسىنە قاراتا، شينجياڭ تەمىر جول تاراۋلارى تاسىمالداۋ قۇرىلىمىن ساپالىلاندىرىپ، دالمە - ءدال سەپتەپ، قامداپ، كاسىپ سالاسى تىزبەگىنىڭ، قامداۋ تىزبەگىنىڭ ورنىقتى بولۋىن بار كۇشپەن قامتاماسىز ەتىپ، تاسىمال كۇشى، تاسىمال قابىلەتى جاقتارىندا تۇيىنگە بەيىمدەلىپ، ماقتا تاسىمالداۋ تەبىنىن ارتتىردى. سونىمەن بىرگە، ماقتا وندىرەتىن جەرلەردىڭ ۇكىمەتىنىڭ قاتىستى تاراۋلارىمەن بەلسەنە ۇشتاسىپ، قاريدارلاردىڭ تاسىمالداۋ راسمياتىن بىتىرۋىنە جاردەمدەسىپ، قىسقا ارالىقتا تاسىمالداۋ اۆتوموبيلدەرىن سايكەستىرىپ، بايلانىس جاساپ، ءبىر ءبولىم تيەۋشى جۇمىسكەرلەردى كاسىپورىننىڭ زاۆودىندا قىزمەت وتەۋگە ورنالاستىرىپ، تاسىمالعا قىزمەت وتەۋ تىزبەگىن كەمەلدەندىرىپ، ماقتا تاسىمالداۋ ارناسىن ىركىلىسسىزدەندىردى.

  وڭتۇستىك شينجياڭ − ەلىمىزدەگى باستى ماقتا ەگىلەتىن ءوڭىر، قاشقار زات تاسىمال ورتالىعى ماقتا بازارىن تەرەڭدەي اشىپ، ۇلكەن قاريدارلارمەن جاسالعان ستراتەگيالىق كەلىسىمدەردى تياناقتاندىرىپ، ءۇشىنشى جاق زات اينالىمى كاسىپورىندارىمەن قول ۇستاسا سەلبەستىك جاساپ، جۇمىس سايابىر ماۋسىمدا ءوزارا قورعاۋ كەلىسىمىنە قول قويىپ، تەمىر جولدىڭ ەكى باسىنداعى قىسقا ارالىقتا تاسىمالداۋ بۋىنى مەن قاراجاتىن تومەندەتتى.

  ”2 - ايدان باستاپ، ءبىز 14 ماقتانى الەۋمەتتىك ساراپتاۋ قامباسىمەن ديناميكالىق بايلانىس جاساۋ مەحانيزمىن ورناتىپ، قاريداردا قاجەت بولۋدى، تەمىر جولدا اڭىس بولۋدى ورىنداپ، قاشان كەلسە، سول ۋاقىتتا تيەۋگە كەپىلدىك ەتتىك“. قاشقار زات تاسىمال ورتالىعى بازار ءبولىمىنىڭ باستىعى ما جىمين بىلاي دەدى: بۇل ورتالىق دالمە - ءدال قولباسشىلىق ەتىپ، ورنالاستىرىپ، ءوتىنىش ەتۋدى جوسپارلاۋ، پويەزعا تاپسىرىس بەرۋ، زات ءتىزۋ، ءتۇرلى بۋىنداردى سايكەستىرۋگە دەيىن تىعىز ۇشتاستىرىپ، 150دەن استام ادامدى، 50دەن استام تيەگىش ماشينانى ماقتا تايلاۋ، پويەزعا تيەۋ، پەشەتتەۋ سياقتى جۇمىستارعا جاۋاپتى بولۋعا تۇراقتى ورنالاستىرىپ، پويەزعا تيەۋ ۋاقىتىن قىسقارتىپ، زاتتىڭ تەز تيەلۋىنە، تەز تاسىمالدانۋىنا كەپىلدىك ەتتى.

جاۋاپتى رەداكتور : سايراش تۇرارجان

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.

  • نىسان قۇرىلىسى تارتىپپەن ىلگەرىلەتىلدى
  • جىلىجاي سالدى
  • مايسا ورتالىعىنىڭ قۇرىلىسى قاۋىرت جۇرىلۋدە
  • شينجياڭنىڭ ەلەكترىن سىرتقا جەتكىزۋدى قامتاماسىز ەتتى
  • تاپجىلماۋ