تيانشان تورى
تيانشان تورى   ›   جاڭالىقتار   ›   سۋرەتتى حابار

چىن چۋانگو، شوكىرات زاكىر ۇرىمجىدە ىندەتتەن ساقتانۋ - تىزگىندەۋ قىزمەتىن جاسىرىن تەكسەرىپ، باقىلاپ - جەتەكشىلىك ەتتى

تىڭعىلىقتى ستيل، قاتاڭ ءتارتىپ ارقىلى ىندەتتەن ساقتانۋ - تىزگىندەۋدەن قامال الۋ شايقاسىنىڭ جەڭىسىنە باتىل قول جەتكىزەيىك

  شينجياڭ گازەتىنىڭ 8 - ايدىڭ 4 - كۇنى ۇرىمجىدەن بەرگەن حابارى. تاياۋدا اۆتونوميالى رايوندىق پارتكومنىڭ شۋجيى چىن چۋانگو، اۆتونوميالى رايوننىڭ ءتوراعاسى شوكىرات زاكىر كوپ ادام ەرتپەي، ”حابارلاندىرۋ شىعارماۋ، قۇلاق قاعىس ەتپەۋ، مالىمەت تىڭداماۋ، سەرىك ەرتپەۋ، نەگىزگى ساتىعا توتە بارۋ، جۇمىس باسىنا توتە بارۋ“ تاسىلىمەن ءۇرىمجى قالاسىنىڭ ىندەتتەن ساقتانۋ - تىزگىندەۋ قىزمەتىن تالاي رەت جاسىرىن تەكسەرىپ، باقىلاپ - جەتەكشىلىك ەتتى. چىن چۋانگو، شوكىرات زاكىر بىلاي دەپ باسا دارىپتەدى: ستيلگە ءۇرتىس بۇرىلىس جاساپ، جاۋاپكەرشىلىكتى قاتايتىپ، ناقتىلاندىرىپ، باقىلاۋ - تەكسەرۋدى كۇشەيتىپ، تىڭعىلىقتى قىزمەت ستيلى جانە قاتاڭ قىزمەت ءتارتىبى ارقىلى ىندەتتەن ساقتانۋ - تىزگىندەۋدەن قامال الۋ شايقاسىن بار كۇشپەن ويداعىداي جۇرگىزۋ جانە ونىڭ جەڭىسىنە قول جەتكىزۋ كەرەك.

  چىن چۋانگو، شوكىرات زاكىر جەكە - جەكە ءۇرىمجى قالاسىنىڭ ءارقايسى رايوندارىنداعى تۇرعىندار شاعىن اۋماعى، شوعىرلى مەديتسينالىق باقىلاۋ تۇيىندەرى، شيپاحانا سياقتى جەرلەرگە بارىپ، الەۋمەتتىك اۋماقتار مەن شوعىرلى مەديتسينالىق باقىلاۋ تۇيىندەرىنىڭ باسقارۋ، قىزمەت وتەۋ، نەگىزگى ساتى ەمدەۋ قۇرىلىمدارىنداعى قىزۋ امبولاتورياسىنىڭ جۇمىس اينالىمى جانە ءارقايسى مەكەمە - ورىنداردىڭ ىندەتتەن ساقتانۋ - تىزگىندەۋ شارالارىن تياناقتاندىرۋ جاعدايىن ناقتى تەكسەرىپ، جۇمىس باسىندا ءىس تىندىرىپ، ماسەلەلەردى شەشتى.

  چىن چۋانگو، شوكىرات زاكىر بىلاي دەپ باسا دارىپتەدى: كەزەكتە ءۇرىمجى قالاسىنىڭ ىندەتتەن ساقتانۋ - تىزگىندەۋ قىزمەتى ەڭ ماشاقاتتى، شەشۋشى كەزەڭگە ءوتتى، وي - سانانى سەرگەك ۇستاپ، جاۋاپكەرشىلىك سەزىمدى، بورىشتىلىق سەزىمدى، كوكەي تەستىلىك سەزىمدى اناعۇرلىم كۇشەيتىپ، ماسەلەنى باعدار ەتۋدەن، ونىمدىلىكتى باعدار ەتۋدەن جازباي، ءار ۇلت بۇقاراسىنىڭ ومىرىنە، سالاماتتىعىنا وسكەلەڭ جاۋاپتى بولۋ رۋحىمەن پارتيا ورتالىق كوميتەتىنىڭ شەشىمدەرىن، ورنالاستىرۋلارىن قاز - قالپىندا ناقتى تياناقتاندىرىپ، ۇلكەن شايقاستىڭ ۇلكەن سىناعىندا تولىمدى جاۋاپ تاپسىرۋعا قۇلشىنۋ كەرەك. ءبىرىنشى، شارالاردى ونان ارى تياناقتاندىرۋ كەرەك. كەزەكتە ىندەتتەن ساقتانۋ - تىزگىندەۋ ساياسات - شارالارى ەرەكشە ايقىن، تەتىك − ناقتى، ەگجەي - تەگجەيلى، تىڭعىلىقتى تياناقتاندىرۋدا. ءتۇرلى ساياسات - شارانى، بۇيرىق - تالاپتى قاز - قالپىندا تولىق ءتۇسىندىرۋ، تولىق اتقارۋ، تۇبەگەيلى تياناقتاندىرۋ كەرەك. ءار دارەجەلى باسشى كادرلار ىندەتتەن ساقتانۋدىڭ ءبىرىنشى شەبىنە ىشكەرىلەي بارىپ، جۇمىستى ءبىر جولاتا سوڭىنا شىعارىپ، ءاربىر قىزمەتتىڭ بارلىعىن شىن مانىندە نەگىزگى ساتىدا تياناقتاندىرىپ، ءبىرىنشى شەپتە تياناقتاندىرىپ، ءاربىر قىزمەت ورنىندا تياناقتاندىرىپ، ءاربىر كىشكەنە ىستەردەن ونىمدىلىككە جەتۋ، جەڭىسكە ۇمتىلۋ كەرەك. ەكىنشى، ستيلگە ونان ارى بۇرىلىس جاساۋ كەرەك. ىندەت − بۇيرىق، ساقتانۋ - تىزگىندەۋ − جاۋاپكەرشىلىك، قىزمەت ورنى − شايقاس مايدانى. شايقاس كەزىندە شايقاستىق ستيل بولۋ كەرەك، ءسوزۋارلىققا قارسى تۇرىپ، ناقتى ىستەۋدى قاستەرلەپ، تىنىم المايتىن، جارعاق قۇلاعى جاستىققا تيمەيتىن جاۋاپكەرشىلىك سەزىممەن، ۋاقىتپەن ساناساتىن، قاس قاعىم ۋاقىتتى زايا جىبەرمەيتىن كوكەي تەستىلىك سەزىممەن، شىنايى يگەرىپ، ناقتى ىستەيتىن، سوڭىنا دەيىن يگەرەتىن قايراتپەن، ”ءتورت ەرتە بولۋ“ شاراسىن ناقتى تياناقتاندىرىپ، ۋاقىتپەن جارىسىپ، ىندەتپەن بەلدەسىپ، ىندەتتەن ساقتانۋ - تىزگىندەۋ قىزمەتىن بار كۇشپەن ويداعىداي ىستەۋ كەرەك. ءۇشىنشى، ءتارتىپتى ونان ارى قاتايتۋ كەرەك. ءار دارەجەلى ءتارتىپ تەكسەرۋ، باقىلاۋ - تەكسەرۋ ورگاندارى ىندەتتەن ساقتانۋ - تىزگىندەۋ جاۋاپكەرشىلىگىن تياناقتاندىرۋ، شارالارىن تياناقتاندىرۋ، ءتارتىپ ستيلىن تياناقتاندىرۋ جاعدايىن ءجىتى قاداعالاپ، سوڭىنا ءتۇسىپ باقىلاۋ، دالمە - ءدال باقىلاۋ، جالپى بارىس بويىنشا باقىلاۋ كەرەك. تياناقتاندىرماعان ادامداردى قاداعالاپ، تياناقتانباعان جۇمىستاردى يگەرىپ، تياناقتاندىرماعانداردىڭ جاۋاپكەرشىلىگىن قۋزاستىرۋ كەرەك. جاۋاپكەرشىلىك ارقالاماعانداردىڭ، ءىس تىندىرماعانداردىڭ، ستيلدە تۇرلاۋسىزداردىڭ، قىزمەتتە تياناقتاندىرۋعا نەمقۇرايدى قاراعانداردىڭ، جاۋاپكەرسىزدىك ىستەگەندەردىڭ، جالتارعانداردىڭ، ءبىر - بىرىنە يتەرمەلەگەندەردىڭ جاۋاپكەرشىلىگىن قاتاڭ قۋزاستىرىپ، جاۋاپقا تارتىپ، ناقتى ستيلدى، قاتاڭ ءتارتىپتى شىنايى تۇردە ىندەتتەن ساقتانۋ - تىزگىندەۋ قىزمەتىنىڭ جالپى بارىسىنا ءسىڭىرۋ كەرەك.

جاۋاپتى رەداكتور : سايراش تۇرارجان قىزى

ەسكەرتۋ:

تورابىمىزداعى مازمۇنداردى پايدالانۋعا تۋرا كەلگەندە، ءسوزسىز جازباشا رۇقساتقا يە بولۋ كەرەك. مازمۇنداردى رۇقساتسىز جالعاپ تاراتۋعا، كەسىپ رەداكسيالاۋعا، وزگەرتۋگە، قىسقارتىپ قۇراستىرۋعا، باسقا ورىنعا كوشىرۋگە نەمەسە باسقا تاسىلدەرمەن كوبەيتۋگە ءارى تاراتۋعا بولمايدى، قايشى كەلگەندەردىڭ زاڭدىق جاۋاپكەرشىلىگى زاڭ بويىنشا قۋزاستىرىلادى.