تيانشان تورى   ›   جاڭالىقتار   ›   عىلىم-تەحنيكا

رايونىمىزدا 5G بازالىق ستانسياسىنان جالپى3667سى قۇرىلدى

  شينجياڭ گازەتىنىڭ جالپىلىق اقپارات قۇرالدارى ءتىلشىسى ميھىرگۇل عوپۇر 8 - ايدىڭ 4 - كۇنى ۇرىمجىدەن حابارلايدى. اۆتونوميالى رايوندىق حابارلاسۋدى باسقارۋ مەكەمەسىنەن ۇعىسۋعا قاراعاندا، 7 - ايدىڭ 24 - كۇنىنە دەيىن تۇتاس شينجياڭدا 5G بازالىق ستانسياسىنان جالپى 3667سى قۇرىلعان.

  بيىل رايونىمىز ارنايى 5G ينتەرنەت جەلىسى قۇرىلىسىن دامىتۋدىڭ اتقارۋ جوباسىن جاساپ، 5G ينتەرنەت جەلىسى قۇرىلىسىن زور كۇشپەن ىلگەرىلەتىپ، 5Gدىڭ ساۋداعا پايدالانىلۋ اياق الىسىن جەدەلدەتتى. تۇتاس رايون بويىنشا بيىل 2 ميلليارد 349 ميلليون يۋان قارجى قوسىپ، 5G ينتەرنەت جەلىسىن قۇرۋدى جوسپارلاپ، 5G بازالىق ستانسياسىنان 4140ىن قۇرۋدى جوسپارعا الدى.

  قازىر ءۇرىمجى قالاسىندا، ىلە قازاق اۆتونوميالى وبلىسىندا، قاشقار ايماعىندا 5G بازالىق ستانسيا قۇرىلىسىنىڭ اياق الىسى ءبىرشاما تەز. ءۇرىمجى قالاسىنداعى 5G تۇتىنۋشىلارى 234 مىڭ 300 ادامعا جەتىپ، تەمىر جول مەكەمەسى ساۋدا شەڭبەرى، دوستىق ساۋدا شەڭبەرى، شياۋشيگوۋ ساۋدا شەڭبەرى، جۇڭشان جولى ساۋدا شەڭبەرى، حۋاڭحى جولى ساۋدا شەڭبەرى، ميدۇڭ ساۋدا شەڭبەرى، نانحۋ ساۋدا شەڭبەرى، اۋەجاي جول بويى، جوعارى قارقىندى تەمىر جول بويى سياقتى ادام شوعىرلى ساۋدا رايوندارىن جانە نەگىزگى قالا رايونىن تۇتاس قامتۋ نەگىزىنەن جۇزەگە اسىرىلدى.

  قۇرىلىس جوباسى بويىنشا جىل سوڭىنا دەيىن رايونىمىز بارلىق ايماق، وبلىس، قالالاردىڭ ورتالىق قالا رايونىن 5G ينتەرنەت جەلىسىمەن قامتۋدى جۇزەگە اسىرادى؛ 2021 - جىلعا بارعاندا، بارلىق ايماق دارەجەلى قالالاردىڭ نەگىزگى قالا رايونىن 5G ينتەرنەت جەلىسىمەن ۇزدىكسىز قامتۋعا كۇش سالادى ءارى شارت - جاعدايى بار ءتۇيىندى اۋدان - قالاشىقتارعا، اۋىل - قالاشىقتارعا، تۋان - الاڭدارعا ونان ارى كەڭەيتەدى.

  بيىل اۆتونوميالى رايونىمىز قولدانۋدان ۇلگى كورسەتۋدى جالپىلاستىرۋ ينجەنەرياسىن اتقارىپ، ”سيفرلى +“، ”زەردەلى +“ سياقتىلاردىڭ وقۋ - اعارتۋ، ەمدەۋ، قارتتاردى كۇتىمدەۋ، زات اينالىمى، اكىمشىلىك قىزمەت وتەۋ سياقتى سالالاردا سىناق رەتىندە قولدانۋ ارقىلى ۇلگى كورسەتۋدى ىلگەرىلەتەدى؛ زەردەلى جاساۋ نەگىزگى جۇمىس بەتالىسىنا تاباندى بولىپ، جاساندى زەردە، چۇيكۋايليان، زات ينتەرنەتى، ۇلكەن ساندى مالىمەت سياقتىلاردا تەحنيكالىق جاڭالىق اشۋدى جانە كاسىپ سالاسىندا قولدانۋدى ۇزدىكسىز تەرەڭدەتەدى؛ جاساۋ كاسىبىندە سيفرلاندىرۋ، تور جەلىلەندىرۋ، زەردەلىلەندىرۋ بويىنشا تيبىن جاڭالاۋدى جەدەلدەتىپ، اۆتوكولىك ينتەرنەتى، ونەركاسىپ ينتەرنەتى، جاساندى زەردە بويىنشا جاڭالىق اشۋداعى، قولدانۋداعى جەتەكشى رايون قۇرىلىسىن ىلگەرىلەتەدى. 5G قۇرىلىسىنىڭ جىلدام ىلگەرىلەتىلۋىنە ىلەسە، ”5G+“ رايونىمىز سيفرلى ەكونوميكاسى دامۋىنىڭ ماڭىزدى قوزعالتقىشىنا اينالادى.

جاۋاپتى رەداكتور : سايراش تۇرارجان قىزى

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.

  • جۇڭگو - ەۆروپا كەزەكشى پويەزى ”عىلىم - تەحنيكانىڭ ۇلگىسىن“ كورسەتتى
  • باياندى تىنىشتىققا ارشىندى قادام تاستادى
  • حوتان - چارقىلىق تەمىر جولىنىڭ چەرچەن اۋدانىنداعى بولىگىنە رەليس توسەلدى
  • كۇزگى جيىن - تەرىن قاربالاستىعى
  • جەمىس - جيدەكتەر تۇتاس سۋىق تىزبەكتى تەمىر جول ارقىلى شينجياڭنان سىرتقا تاسىمالداندى