تيانشان تورىنىڭ حابارى (سۋرەتىن ءتۇسىرىپ، حابارىن جازعان تىلشىلەر يۇي جياڭيان، لۇي يحان، ەرىكتى ءتىلشى گا جيڭرۋ). قۇيۋ، جونەلتۋ، رەتتى ءتىزۋ ... 8 - ايدىڭ 5 - كۇنى نا - ايسى ءۇرىمجى شەكتى سەرىكتەستىگىنىڭ ءوندىرىس سەحىندا جۇمىسشىلار تارتىپپەن 84 زارارسىزداندىرۋ سۇيىقتىعىن وندىرۋدە.
نا - ايسى ءۇرىمجى شەكتى سەرىكتەستىگىنىڭ ءوندىرىس سەحىندا جۇمىسشىلار 84 زارارسىزداندىرۋ سۇيىقتىعىن قۇيۋدا.
ءوندىرىس جەلىسىنەن شىققان كۇبى-كۇبى 84 زارارسىزداندىرۋ سۇيىقتىعى سەحتا رەتتى ءتىزىلىپ اۆتوكولىككە تيەلۋ الدىندا تۇر . 7 - ايدىڭ 31 - كۇنىنەن بەرى، بۇل سەرىكتەستىك 50 توننا 84 زارارسىزداندىرۋ سۇيىقتىعىن ءوندىردى، ءار كۇبىسى 10 كيلوگرام، بارلىعى ءۇرىمجى ەكونوميكالىق، تەحنيكالىق اشۋ رايونى (توۋتۇنحى رايونى) ۇكىمەتىنە تارتۋ ەتىلىپ، الەۋمەتتىك ورتانى زارارسىزداندىرۋعا قولدانىلدى.
نا - ايسى ءۇرىمجى شەكتى سەرىكتەستىگىنىڭ ءوندىرىس سەحىندا جۇمىسشىلار كۇبىگە قۇيىلعان 84 زارارسىزداندىرۋ سۇيىقتىعىن جونەلتۋدە.
”بۇل ءوندىرىس جەلىسى ءاسىلى كىر جۋۋ سۇيىقتىعىن وندىرەتىن، بيىل 2 - ايدا وزگەرىس ەنگىزىلگەننەن كەيىن، 84 زارارسىزداندىرۋ سۇيىقتىعىن وندىرۋگە قولدانىلدى“،- دەدى نا - ايسى ءۇرىمجى شەكتى سەرىكتەستىگى باس ديرەكتورىنىڭ كومەكشىسى ساي جيانلى.
نا - ايسى ءۇرىمجى سەرىكتەستىگىنىڭ ءوندىرىس سەحىندا ءبىر جۇمىسشى 84 زارارسىزداندىرۋ سۇيىقتىعىن تاسۋدا.
ءوندىرىس سەحىنان ءتىلشى 84 زارارسىزداندىرۋ سۇيىقتىعىن قۇيۋ رايونىنداعى جۇمىسشىلاردىڭ ماسكى مەن قورعانۋ - ساقتانۋ بەت قالقاسىن كيىپ العاندىعىن كوردى. ”ءبىز جاتاقتا جاتامىز، ءار كۇنى 10:30 دا قىزمەتكە شىعىپ، كەشتە 19:00 دا قىزمەتتەن تۇسەمىز، زارارسىزداندىرۋ قىزمەتىنە ارناۋلى ادام جاۋاپتى بولادى. تاڭەرتەڭ، ءتۇس، كەشتە دەنە تەمپەراتۋرامىزدى ولشەۋدەن سىرت، اسحاناعا بارىپ تاماقتانعاندا دا دەنە تەمپەراتۋرامىزدى ولشەتەمىز، تاماقتان بۇرىن قول جۋامىز، تاماق العاندا 1.5 مەتر ارالىق ساقتايمىز، ءبىر ۇستەلدە ءبىر ادام تاماقتانادى“،-دەدى نا - ايسى ءۇرىمجى شەكتى سەرىكتەستىگى سەحىنىڭ ماتەريال الۋشىسى ۋاڭ فىڭ.
ءتىلشىنىڭ شينجياڭ جۇڭتاي (توبى) شەكتى جاۋاپكەرشىلىك سەرىكتەستىگىنەن ۇعىسۋىنشا، ءۇرىمجى قالاسىنىڭ وسى رەتكى ىندەتتەن ساقتانۋ - تىزگىندەۋ قاجەتىن قاناعاتتاندىرۋ ءۇشىن، شينجياڭ (جۇڭتاي) شەكتى جاۋاپكەرشىلىك سەرىكتەستىگىنە قاراستى حۋا تاي سەرىكتەستىگى جەدەل اتتانىسقا كەلىپ، زارارسىزداندىرۋ سۇيىقتىعىن ءوندىرۋ، قۇيۋ مىندەتىن بار كۇشپەن ويداعىداي ىستەدى.
7 - ايدىڭ 28 - كۇنى تاڭعى ساعات 4 تە، حۋاتاي سەرىكتەستىگى تۇندەلەتىپ جابدىقتاردى قۇراستىرىپ وندىرىسكە قوستى. 5 ساعات ۋاقىت جۇمساپ، حۋا تاي سەرىكتەستىگى 22000 قۇمىرا 84 زارارسىزداندىرۋ سۇيىقتىعىن دايىندادى ءارى ءۇرىمجىنىڭ ءارقايسى الەۋمەتتىك اۋماقتارىنا جەتكىزىپ بەردى.
حۋاتاي سەرىكتەستىگىنىڭ قىزمەتكەرلەرى زارارسىزداندىرۋ سۇيىقتىعىن قاربالاس قۇيۋدا.
ساناققا نەگىزدەلگەندە، 8 - ايدىڭ 5 - كۇنى ساعات 9:30 عا دەيىن، حۋاتاي سەرىكتەستىگى قوعامدى 763.96 توننا 84 زارارسىزداندىرۋ سۇيىقتىعىمەن قامداعان، كوپ ءبولىمى ءۇرىمجى قالاسىنا قاراستى ءارقايسى رايون، ءمالى، الەۋمەتتىك اۋماق تۇرعىندار رايونى سياقتى ورىنداردى جاپپاي زارارسىزداندىرۋ - تازالاۋ قىزمەتىنە پايدالانىلعان.
