تيانشان تورنىڭ حابارى (حابارىن جازعان ٴتىلشى گو ليڭ، سۋرەتىن تۇسىرگەن، كەسكىنگە العان تىلشىلەر دوۋ شيڭجۇن، ي تۇڭيۋان، جانات تولقىن) 8-ايدىڭ 4-كۇنى تۇستەن كەيىن ساعات 17 دە، اۆتونوميالى رايوندىق ۇكىمەتتىڭ اقپارات كەڭسەسى اشقان 18 ـ رەتكى اقپار جاريالاۋ ماجىلىسىندە، اۆتونوميالى رايوندىق اۋرۋدىڭ الدىن الۋ- تىزگىندەۋ ورتالىعىنىڭ مەڭگەرۋشىسى سۇي يان رايونىمىزدىڭ ەپيدەميولوگيالىق تەكسەرۋ جاعىنداعى قىزمەتى مەن قول جەتكىزگەن ىلگەرلەۋشىلىكتەرىن تانىستىردى.
سۇي يان بىلاي دەدى : وسى جولى ىندەت تۋىلعاننان كەيىن، پارتيا ورتالىق كوميتەتى ايىرىقشا ٴمان بەردى، مەملەكەتتىك كەڭەستىڭ جاڭا تيپتى ايدارشا ۆيرۋس وكپە قابىنۋ ىندەتىنە توتەپ بەرۋ بويىنشا بىرلەسىپ ساقتانۋ، بىرلەسىپ تىزگىندەۋ مەحانيزمى ەڭ الدىمەن تاجىريبەسى مول ەپيدەميولوگيالىق تەكسەرۋ ماماندار گرۋپپاسىن جىبەرىپ، رايونىمىزدىڭ قىزمەتىنە جەتەكشىلىك ەتتى. مەملەكەتتىك ماماندار گرۋپپاسىنىڭ جەتەكشىلىگىندە، رايونىمىز اۆتونوميالى رايون، قالا، رايون ( اۋدان ) ٴۇش دارەجەلى ەپيدەميولوگيالىق تەكسەرۋ قوسىنىن دەر كەزىندە بىرىكتىرىپ، قاتىستى تاراۋلار مەن الەۋمەتتىك اۋماقتاردىڭ بىرگە ارەكەتتەنۋىن، سايكەسۋىن ٴبىر تۇتاس جوسپارلاپ، جەدەل، اسا تىڭعىلىقتى ەپيدەميولوگيالىق تەكسەرۋ قىزمەتى ارقىلى ساقتالۋ مۇمكىندىگى بار تارالۋ جولدارىن دەرەۋ ٴۇزىپ، حاۋپى جوعارى قاۋىمدى باسقارۋ - تىزگىندەۋ شارالارىن كۇشەيتىپ، ىندەتتەن ساقتانۋ-تىزگىندەۋدىڭ تەبىندى، ٴتارتىپتى ورىستەتىلۋىنە پارمەندى نەگىز ازىرلەدى .
ەپيدەميولوگيالىق تەكسەرۋ نەگىزىنەن مىناداي ٴتورت جاقتان بەينەلەنەدى : ٴبىرىنشى، دياگنوزى تۇراقتاندىرىلعان بارلىق ناۋقاستارعا ەپيدەميولوگيالىق تەكسەرۋ قىزمەتىن اياقتاتىپ، ۋاقىت ٴسحەماسى مەن بايلانىس سحەماسىن سىزىپ، ءبىر ادامدى دا قاعىس قالتىرماۋعا، ٴارقانداي دەرەكتى قاعىس قالدىرماۋعا شىنايى كەپىلدىك ەتىپ، ٴار كۇنگى ەپيدەميولوگيالىق تەكسەرۋ قىزمەتىن دەر كەزىندە تولىق اياقتاتتى. ەكىنشى، ەپيدەميولوگيالىق تەكسەرۋ ارقىلى تىعىز جۋىسقان ادامدار دەرەۋ ٴبىر-بىرلەي انىقتالدى ٴارى بارلىعىنا شوعىرلى مەديتسينالىق باقىلاۋ جۇرگىزىلدى.
ٴۇشىنشى، تىعىز جۋىسقانداردىڭ توڭىرەگىندەگى ادامدارعا ۇيدە قاتاڭ باسقارۋ-تىزگىندەۋ شاراسى اتقارىلىپ، دەنە تەمپەراتۋراسى ٴار كۇنى جوعارىعا مالىمدەلدى. ٴتورتىنشى، ٴتۇيىندى وڭىرلەرگە، ٴتۇيىندى ورىندارعا باعىتتاي وتىرىپ، تولىقتاپ ۇلگى الۋ، باقىلاۋ ـ ولشەۋ قىزمەتى ورىستەتىلدى.
” كەزەكتەگى ەپيدەميولوگيالىق تەكسەرۋدىڭ كەزەڭدىك تالداۋىنان قاراعاندا، وسى جٶلعى ىندەتتىڭ ٴۇقساس ءبىر جۇعۋ قاينارىنان بولعاندىعى بەينەلەندى: الدىڭعى كەزەڭدەگى ناۋقاستاردىڭ گەن ءتارتىبىن ولشەۋ ناتيجەسىندە كوپتەگەن تەكسەرۋ-ولشەۋ ۇلگى ءتارتىبى بىردەي بولىپ شىقتى. بۇل وسى جولعى ىندەتتىڭ ۇقساس ٴبىر جۇعۋ قاينارىنىڭ اشىققا شىققاندىعىنان تۋىلعاندىعىن بىلدىرەدى “. سۇي يان بىلاي دەدى : وسى رەتكى ىندەتتىڭ مىناداي ٴۇش ەرەكشەلىگى بار : ” شۇعىل بولۋ “، ” توپتالۋ “،” جەڭىل بولۋ“ . ٴبىرىنشى، ” شۇعىل بولۋ“، وسى رەتكى ىندەتتىڭ الدىڭعى كەزەڭدەگى ۇلعايۋى شاپشاڭ، ناۋقاستاردىڭ ارتۋى تەز بولىپ، 7-ايدىڭ 26 -كۇنىنەن 28 - كۇنىنە دەيىن ەڭ جوعارى شەككە جەتكەننەن كەيىن تومەندەي باستادى.
ەكىنشى، ” شوعىرلى بولۋ “، وسى رەتكى ىندەتتە ٴبىرشاما كۇشتى توپتالۋ سيپاتى كورىلدى، قازىرگە دەيىن % 99.3 ناۋقاس ۇرىمجىدە بايقالدى. سانجى مەن قاشقاردا ٴۇرىمجى قالاسىنان بارعان نەمەسە ٴۇرىمجى قالاسىنداعى ىندەتپەن قاتىستى جەكە-جەكە 1 ناۋقاس جانە 2 ناۋقاس بايقالدى.
ٴۇشىنشى، ” جەڭىل بولۋ“، ناۋقاستار سالماقتى بولماعان ناۋقاستاردى نەگىز ەتتى، اۋرۋ بەلگىسى جوق، جەڭىل تيپتەردىڭ جانە ادەتتەگى تيپتەردىڭ سالىستىرماسى جوعارى.
”وسى ارادا كوپشىلىكتىڭ ەپيدەميولوگيالىق تەكسەرۋ قىزمەتىنە بەلسەندى سايكەسۋىن، شىنايى، ەگجەي-تەگجەيلى ينفورماتسيامەن قامداپ، جۇعىمدالۋ مۇمكىندىگى بارلار مەن حاۋىپتى تۇيىندەردىڭ تەز ارادا تۇگەل تەكسەرىلۋىنە جانە باسقارىلىپ-تىزگىندەلۋىنە مۇمكىندىك جاساۋىن ٴۇمىت ەتەمىز. ٴىشىنارا ادامداردىڭ جۇرگەن جەرى مەن اۋرۋ جاعدايىن جاسىرۋ ارەكەتى ٴوزىنىڭ ەمدەلۋىنە ٴتيىمسىز بولىپ قانا قالماستان، ىندەتتەن ساقتانۋ-تىزگىندەۋگە توتەنشە ٴتيىمسىز ىقپال جاسايدى“، ـ دەدى سۇي يان.
اۋدارعان: قادىر ماقان
