تيانشان تورىنىڭ حابارى (سۋرەتىن ءتۇسىرىپ، حابارىن جازعان ءتىلشى دۋان شياۋلي). ”ابدوللا، بىلەگىڭ جاقسى بولىپ قالدى ما؟“، ”اپاي، بۇل بولماشى جاراقات، ەشتەڭە ەتپەيدى! تاڭعىشتى الىپ تاستادىم“،- دەدى 8 - ايدىڭ 3 - كۇنى تيان ميڭدى كوتەرىپ كولىككە وتىرعىزعان ابدۇللا احات تيان ميڭنىڭ ايەلى جيا شۋلاننىڭ سالەمىنە قۋانا جاۋاپ قاتىپ.
ابدۇللا احات ٴۇرىمجى قالاسى تيانشان رايونى داشيمىن، شياۋشيمىن اۋماعىن باسقارۋ كوميتەتى شيحىجيە سولتۇستىك الەۋمەتتىك اۋماعىنىڭ قىزمەتكەرى، 8 جىلدىق پارتيالىق ستاجى بار پارتيا مۇشەسى، ىندەت كەزىندە ول باستىسى الەۋمەتتىك اۋماقتاعى 2000نان استام تۇرعىننىڭ ”ارتقى شەپ جۇمىسىن قامداۋىنا“ جاۋاپتى بولىپ، سىرتقا شىعۋعا مۇقتاج بولعان ادامداردى اپارىپ - اكەلەدى.
بىلەگىندەگى تاڭعىشتى اۋىزعا الساق، قاراستى اۋماقتاعى چىڭگۇڭيۋان شاعىن اۋماعىنداعى 62 جاستاعى تۇرعىن تيان ميڭنەن باستاۋعا تۋرا كەلەدى. تيان ميڭ نەسەپپەن ۋلانۋ اۋرۋىنا شالدىققاندىقتان، ەكى كۇندە ءبىر رەت شيپاحاناعا بارىپ، قان سۇزدىرەتىن. ىندەت تۋىلعاننان كەيىن، ونى شيپاحاناعا اپارۋ مىندەتىن ابدۇللا ۇستىنە الادى.
ابدۇللا احاتتىڭ جارالانعان بىلەگىن شيپاگەر وراعىشپەن تاڭۋدا.
7 - ايدىڭ 26 - كۇنى ساعات 14تە، ابدۇللا بۇرىنعىسىنداي تيان ميڭ جانە ونىڭ جۇبايى جيا شۋلاندى اۆتونوميالى رايوندىق حالىق شيپاحاناسىنا ەمدەلۋگە اپارادى. شيپاحانانىڭ قاقپاسىنىڭ جانىندا دوڭگەلەكتى ورىندىقتى يتەرىپ شىعاتىن قايقايىس بار ەدى، دوڭگەلەكتى ورىندىپەن تيان ميڭدى ورگە قاراي يتەرىپ شىعارا بەرگەندە، دوڭگەلەكتى ورىندىقتىڭ الدىڭعى جاعى كەنەت كوتەرىلىپ، بارلىق اۋىرلىق ارتقا قاراي تۇسەدى. شۇعىل جاعدايدا، ابدۇللا سول اياعىمەن دوڭگەلەكتى ورىندىقتى تىرەمەكشى بولادى، الايدا توقتاتا المايدى، ول جالما-جان وڭ اياعىمەن تىرەۋگە دايىندالعاندا، دوڭگەلەكتى ورىندىق پەن ادام ءبىر جاعىنا قاراي اۋدارىلادى دا، ونى باسىپ قالادى، ول وڭ بىلەگىمەن جەردى تىرەپ، دوڭگەلەكتى ورىندىقتى تىرەيدى، تيان ميڭ امان قالادى. الايدا، ابدۇللانىڭ وڭ بىلەگى، وڭ اياعى جانە ماڭدايى ۇقساماعان دارەجەدە ٴسۇرىلىپ جارالانادى، وڭ بىلەگىنەن قان توقتاماي اعادى.
"ابدۇللا جىعىلىپ قالعاننان كەيىن بىردەن ورنىنان تۇرا المادى، قاتتى اسەرلەندىم، جانىم اشىدى"،-دەدى 8-ايدىڭ 4-كۇنى جيا شۋلان ٴتىلشىنىڭ سۇحباتىن قابىلداعاندا، جارالانعان ابدۇللا الدىمەن ەكەۋىن قان ءسۇزدىرۋ بولىمىنە اپارىپ قويىپ، ودان كەيىن جاراقاتىن تاڭدىرادى، تۇستەن كەيىن ساعات 7 جارىمدا ۋاعىندا كەلىپ ولاردى تاعى الىپ قايتادى.
جيا شۋلان بىلاي دەدى: “شيپاحانانىڭ قان سۇزەتىن ۋاقىتى تۇراقتى، تۇستەن كەيىنگى ساعات 3تەن 7 جارىمعا دەيىنگى ارالىقتا بولىپ، استە كەشىگۋگە بولمايدى. ٴار جولى شيپاحاناعا بارعاندا، ابدۇللا تيان ميڭدى توسەكتەن دوڭگەلەكتى ورىندىققا كوتەرىپ وتىرعىزادى، ليفتتەن تۇسكەننەن كەيىن تاعى دا كوتەرىپ كولىككە شىعارادى. ”ابدۇللا وتە ىنتالى، جاۋاپكەرشىلىگى دە كۇشتى، ءار جولى ءبىزدى العالى كەلگەندە تاماق ۋاقىتى بولىپ كەتەدى، كەي كەزدەرى تاماعىن دا ۋاعىندا ىشە المايدى“.
ابدۇللا احات (كوزىلدىرىك تاققان جىگىت) قاريانى كوتەرىپ كولىككە شىعارۋدا.
جارالانعاننان كەيىن دە ابدۇللا بۇرىنعىسىنداي ٴار كۇنى تۇرعىنداردى ەمدەلۋگە اپارىپ - اكەلىپ تۇردى، تۇرعىنداردىڭ ٴتۇرلى تۇرمىستىق بۇيىمداردى ساتىپ الۋىنا كومەكتەستى. كەيدە، ءتۇن ورتاسى بولعاندا ۇرىمجىگە قايتىپ كەلگەن ادامداردى تاسۋعا بارادى. ”ءار كۇنى ورتا ەسەپپەن 15 رەت قاتىنايمىن“،- دەيدى ابدۇللا.
ٴتۇرلى تاسىمالدى قامتاماسىزداندىرۋعا جاۋاپتى بولۋدان سىرت، وتباسىلارىن كوتەرمەگە الۋشى كادر رەتىندە، ابدۇللا تاعى جۇڭچياۋ 3 ـ كوشەسى 21 ـ اۋلاداعى 36 وتباسىنا قىزمەت وتەيدى. قوقىر-قوقسىق توگۋ، دەنە تەمپەراتۋراسىن ولشەۋ، كوكونىس ساتىپ الۋ، كوكونىس جەتكىزۋ، ٴدارى ساتىپ الۋ ... ءار كۇنى دەرلىكتەي قاربالاس وتەدى، ٴبىراق ول ۇنەمى كوپشىلىككە جىلى شىرايمەن قىزمەت وتەدى.
ۇعىسۋعا قاراعاندا، شيحىجيە سولتۇستىك الەۋمەتتىك اۋماعىندا جيىنى 13 اۋلا، 1076 وتباسى، 2000 نەشە تۇرعىن بار بولىپ، ابدۇللا سياقتى ٴبىرىنشى شەپتە قىزمەت وتەيتىن الەۋمەتتىك اۋماق قىزمەتكەرلەرى مەن ەرىكتىلەردەن جيىنى 80 نەشە ادام بار ەكەن.
”ءبىزدىڭ الەۋمەتتىك اۋماق ۇيىمىمىز ابدۇللادان ۇيرەنىپ، تۇرعىندارعا ەڭ ساپالى قىزمەت وتەۋى كەرەك“،- دەدى شيحىجيە سولتۇستىك الەۋمەتتىك اۋماعى پارتيا باس ياچەيكاسىنىڭ شۋجيى ما چين.
