تيانشان تورى   ›   جاڭالىقتار   ›   كەدەيلىكتەن ارىلتۋدان قامال الۋ

جۇپار ساڭىراۋقۇلاق كاسىپ سالاسىنا اينالىپ، كەدەيلىكتەن ارىلتۋعا قوزعاۋشى كۇش ۇستەدى

قاراقاش اۋدانى باستاماشى كاسىپورىنداردى ەنگىزىپ، ازىقتىق ساڭىراۋقۇلاق ەگىمشىلىگىن شوعىرلى دامىتتى −

جۇپار ساڭىراۋقۇلاق كاسىپ سالاسىنا اينالىپ، كەدەيلىكتەن ارىلتۋعا قوزعاۋشى كۇش ۇستەدى

شينجياڭ گازەتىنىڭ جالپىلىق اقپارات قۇرالدارى ءتىلشىسى ءپاريزات ابدۇل، جيڭ بو

  ”مىناداي ءوسىپ شاتىرشاسىن اشقانداردى بۇگىن ءۇزىپ الىپ كاسىپورىندارعا وتكىزۋگە بولادى، ءوسىپ شىقپاعاندارىنىڭ ورنىن اۋىستىرۋ كەرەك“، - دەدى 6 - ايدىڭ 22 - كۇنى قاراقاش اۋدانى سايباق اۋىلى كامپا قىستاعىنداعى نۇرمامەت احاتۋاق ءوز ءۇيىنىڭ جۇپار ساڭىراۋقۇلاق كۇمبەزشە جىلىجايىندا سويلەي ءجۇرىپ جۇمىسىن جالعاستىرىپ.

  كامپا قىستاعىندا، ەڭ الدىمەن جۇپار ساڭىراۋقۇلاق ەككەن نۇرمامەت ەدى. جۋىقتا قىستاق ىشىندە 16 جۇپار ساڭىراۋقۇلاق كۇمبەزشە لاپاسى سالىندى، ول تاعى بىرەۋىنە تاپسىرىس بەردى. ”قازىر جۇپار ساڭىراۋقۇلاق وتە جاقسى وسۋدە، مەندە 2 جىلىجاي بار، جاقسىراق باپتاسام، ءبىر جىلدا كەمىندە 24 مىڭ يۋان كىرىس كىرەدى“، - دەدى نۇرمامەت.

  نۇرمامەتتى جۇپار ساڭىراۋقۇلاق تاياقشاسىمەن قامداۋشى ءارى جۇپار ساڭىراۋقۇلاقتى ساتىپ الۋشى − شينجياڭ شۋشاڭ لاۋجۇن ساڭىراۋقۇلاق كاسىبى شەكتى سەرىكتەستىگى.

  2019 - جىلدىڭ باسىندا قاراقاش اۋدانى جۇپار ساڭىراۋقۇلاق ەگۋ - مانەرلەۋ جەتەكشى كاسىپورنى − شينجياڭ شۋشاڭ لاۋجۇن ساڭىراۋقۇلاق كاسىبى شەكتى سەرىكتەستىگىن ەنگىزدى. وسى كاسىپورىن ”ۇكىمەت قوسىمشا قاراجات بەرۋ، كاسىپورىن مۇمكىندىك بەرۋ، شارۋالار قارىز الۋ، قىزمەت گرۋپپاسى كومەكتەسۋ“ ۇلگىسىن قولدانىپ، قىستاق تۇرعىندارىن جۇپار ساڭىراۋقۇلاق كاسىپ سالاسىن دامىتۋعا بەلسەنە باستادى.

  شينجياڭ شۋشاڭ لاۋجۇن ساڭىراۋقۇلاق كاسىبى شەكتى سەرىكتەستىگىنىڭ القا باستىعى يىن جينياۋ بىلاي دەپ تانىستىردى: ”كاسىپورىن ءبىر ساڭىراۋقۇلاق تاياقشاسىن 4 يۋاندىق باعامەن شارۋالارعا ساتىپ بەرەدى، ءبىر كيلوگرام جۇپار ساڭىراۋقۇلاقتى 7.5 يۋاندىق باعامەن ساتىپ الادى، ادەتتەگى جاعدايدا، شارۋالار ءبىر ساڭىراۋقۇلاق تاياقشاسىنان كەمىندە 2 يۋان تابادى. ءبىر شاعىن كۇمبەزشە جىلىجايعا 2000 ساڭىراۋقۇلاق تاياقشاسىن قويۋعا بولادى، ءبىر توقساندا 4000 يۋان كىرىس كىرگىزۋگە بولادى. ادەتتە 3 رەت الۋعا بولادى، ءبىر جىلدا 12 مىڭ يۋان كىرىس كىرەدى“.

  وسىنداي بولا تۇرسادا، باستابىندا نۇرمامەت كوپ ساندى قىستاق تۇرعىندارىنا ۇقساس، جۇپار ساڭىراۋقۇلاقتى كورمەگەندىكتەن، ەگۋدى بىلمەگەندىكتەن الاڭداعان بولاتىن. وسى سەبەپتى، بيىل جىل باسىندا كامپا قىستاعىنىڭ ”ەكى كوميتەتى“ كاسىپورىنمەن ارنايى بىرلەسىپ، قىستاق تۇرعىندارى ۋاكىلدەرىن حىنانعا بارىپ جۇپار ساڭىراۋقۇلاق ەگىمشىلىگىن كورىپ بايقاۋعا ۇيىمداستىردى، نۇرمامەت ۋاكىلدەردىڭ ءبىرى ەدى.

  ”حىناندا مەن 70 جاس اينالاسىنداعى ءبىر اجەيدىڭ جالعىز ءوزى 6 جىلىجايدى باسقارىپ وتىرعانىن، جۇپار ساڭىراۋقۇلاق ەككەن اقشامەن ادەمى 2 قابات عيمارات سالىپ العانىن كوردىم. ول ىستەي العاندا، مەن دە ىستەي الامىن - اۋ دەپ ويلادىم“، - دەدى نۇرمامەت.

  قايتىپ كەلگەننەن كەيىن، نۇرمامەت 3000 يۋان شىعارىپ كۇمبەزشە جىلىجاي سالدى، ساڭىراۋقۇلاق تاياقشاسىن ساتىپ الدى، كاسىپورىن وعان تەحنيكالىق جەتەكشىلىك ازىرلەدى. وسى كۇنى نۇرمامەتتىڭ كۇمبەزشە جىلىجايىندا، توپ - توپ ساڭىراۋقۇلاقتار ”اشىلىپ“، ول دا جۇپار ساڭىراۋقۇلاق ەگۋدىڭ يگىلىگىن كوردى.

  ”جۇپار ساڭىراۋقۇلاق ەكپەسەم، كەدەيلىكتەن قالاي ارىلارىمدى بىلمەس ەدىم“. تەحنيكا ۇيرەنىپ، اقشا تاپقان نۇرمامەت قۇلشىنا ىستەدى، تەك قانا جۇپار ساڭىراۋقۇلاق ەگىمشىلىگى تەحنيكاسىن ىشكەرىلەي، جەتىك ۇيرەنىپ، اناعۇرلىم كوپ قىستاق تۇرعىندارىن بىرگە جۇپار ساڭىراۋقۇلاق ەگۋگە باستاپ، كەيىنگى تۇرمىسىن بارعان سايىن جاقسارتا ءتۇسۋدى ويلادى.

  يىن جينياۋ تىلشىگە بىلاي دەدى: شينجياڭ شۋشاڭ لاۋجۇن ساڭىراۋقۇلاق كاسىبى شەكتى سەرىكتەستىگى ءار جىلى 10 ميلليون يۋان قارجى سالىپ، ءار تونناسىن 300 يۋاندىق باعامەن جەرگىلىكتى شارۋالاردىڭ جاراقسىز جاڭعاق قابىعىن ساتىپ الىپ، ۇگىتكەن سوڭ ساڭىراۋقۇلاق تاياقشاسى ەتىپ جاسايدى. قازىر قاراقاش اۋدانىنا 3 ساڭىراۋقۇلاق ەگىمشىلىگى بازاسىن، 135 ولشەمدى جىلىجاي سالىپ، 9 اۋىل - قالاشىقتاعى 2500دەن استام كەدەي وتباسىن جۇپار ساڭىراۋقۇلاق ەگىمشىلىگىن دامىتۋعا باۋرادى، جەتەكتەدى. سونىمەن بىرگە، كاسىپورىننىڭ ءوندىرۋ، وڭدەۋ، ساتۋ، ەگۋ كاسىپ سالاسى تىزبەگى توڭىرەكتەگى اۋىل - قالاشىقتارداعى 515 ادامدى سول جەردە، جاقىن ماڭدا جۇمىستانۋعا جەتەكتەدى، مۇنىڭ ىشىندە 215 كەدەي بار.

  اماننيسا ابدۇقادىر سايباق اۋىلى گۋاڭميڭ قىستاعىنىڭ تۇرعىنى، شينجياڭ شۋشاڭ لاۋجۇن ساڭىراۋقۇلاق كاسىبى شەكتى سەرىكتەستىگىندە 8 اي قىزمەت ىستەدى، قازىر ول ەگۋ سەحىنىڭ ورىنباسار گرۋپپا باستىعى، ساڭىراۋقۇلاق تاياقشاسى ءوندىرىسىنىڭ ساپا تەكسەرۋىنە جاۋاپتى.

  ”باسىندا مەن ساڭىراۋقۇلاق بۋماسىن ەگۋگە جاۋاپتى بولدىم، كاسىپورىننىڭ تەحنيكالىق باۋلۋىنان كەيىن ساراپتاۋشى بولدىم، ايلىق جالاقىم دا 1200 يۋاننان 3000 يۋانعا دەيىن ءوستى“. اماننيسا بىلاي دەيدى: ”مىنا ساڭىراۋقۇلاق تاياقشالارى قىستاق تۇرعىندارىنا دايىندالعان، ساپاسىندا ماسەلە بولماۋى كەرەك، مەن جاقسىراق ىستەپ، ءاربىر ساڭىراۋقۇلاق تاياقشاسىنىڭ ساپاسىنا بار پەيلىممەن كەپىلدىك ەتەمىن.

  بيىل 7 - ايدا شينجياڭ شۋشاڭ لاۋجۇن ساڭىراۋقۇلاق كاسىبى شەكتى سەرىكتەستىگى جۇپار ساڭىراۋقۇلاقتى جىنتىكتەي مانەرلەۋ زاۆودىن سالۋدى باستادى، سالىنىپ بولعاننان كەيىن جۇپار ساڭىراۋقۇلاق جاپىراقشاسى، جۇپار ساڭىراۋقۇلاق ۆاريناسى سياقتى 4 ءتۇرلى تىزبەكتى ءونىم ءوندىرىپ، كاسىپ سالاسى تىزبەگىن قالىپتاستىرادى، سونىمەن بىرگە، 300 نەشە ادامدى جۇمىستاندىرىپ، اناعۇرلىم كوپ ادامدى كىرىستەرىن ارتتىرىپ، كەدەيلىكتەن ارىلۋعا جەتەكتەيدى.

  ”الداعى جەردە ءبىز كوپ تۇرلىلەنگەن ءونىم وندىرەمىز، جۇپار ساڭىراۋقۇلاقتىڭ ساپاسى، جىنتىكتەي مانەرلەۋ جانە قوراپتاۋ جاعىنا كۇش سالىپ، ءونىمنىڭ تانىمالىلىعىن ارتتىرىپ، جۇپار ساڭىراۋقۇلاق كاسىپ سالاسىن قاراقاش اۋدانىنىڭ تىرەكتى كاسىپ سالاسىنا اينالدىرامىز“، - دەدى يىن جينياۋ.

جاۋاپتى رەداكتور : سايراش تۇرارجان

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.

  • اۋىل دارىندىلارىنىڭ شەبەرلىك جارىسى
  • ماقتا جيناۋ ماشيناسى جاسالىپ ءبىتتى
  • دۇمبە ءبيدايدى كەشەۋىلسىز ەكتى
  • كوشەت ساۋداسى كۇسەت بولدى
  • جاڭا ماقتا ساتتى