تيانشان تورى
تيانشان تورى   ›   جاڭالىقتار   ›   شينجياڭ حابارلارى

مەملەكەتتىڭ جاڭا تيپتى ايدارشا ۆيرۋس وكپە قابىنۋى بويىنشا مەديتسينالىق قۇتقارۋ - ەمدەۋ ماماندار گرۋپپاسىنىڭ مامانى جىڭ رۇيچياڭ: ەمدەۋ جوباسىن ۇزدىكسىز ساپالىلاندىرىپ، ناۋقاستاردى دەن قويا قۇتقارۋ - ەمدەۋ كەرەك

  8 - ايدىڭ 5 - كۇنى اۆتونوميالى رايوندىق جاڭا تيپتى ايدارشا ۆيرۋس وكپە قابىنۋى بويىنشا مەديتسينالىق قۇتقارۋ - ەمدەۋگە بەلگىلەنگەن شيپاحانانىڭ ICU ناۋقاستار اۋماعىندا، مەملەكەتتىك جاڭا تيپتى ايدارشا ۆيرۋس وكپە قابىنۋى بويىنشا مەديتسينالىق قۇتقارۋ - ەمدەۋ ماماندار گرۋپپاسى سالماقتى ناۋقاس مەديتسيناسى گرۋپپاسىنىڭ ماماندارى بىرلەسىپ دياگنوز قويۋدا. سۋرەتتى شينجياڭ گازەتىنىڭ جالپىلىق اقپارات قۇرالدارى ءتىلشىسى شيە لۇڭ تۇسىرگەن

  شينجياڭ گازەتىنىڭ جالپىلىق اقپارات قۇرالدارى ءتىلشىسى چاۋ جين 8 - ايدىڭ 5 - كۇنى ۇرىمجىدەن حابارلايدى. ءۇرىمجى قالاسىندا ىندەت تۋىلعاننان كەيىن، مەملەكەتتىك كەڭەستىڭ بىرلەسىپ ساقتانۋ، بىرلەسىپ تىزگىندەۋ مەحانيزمى دەر كەزىندە حۋبەي قاتارلى جەرلەردىڭ ىندەتكە قارسى اتتانۋ ناقتى شايقاسىنا قاتىناسقان، مول تاجىريبەسى بار، ەل ىشىندەگى بىرەگەي مەديتسينالىق قۇتقارۋ - ەمدەۋ ماماندارىن ءۇرىمجى قالاسىنا قۇتقارۋ - ەمدەۋ قىزمەتىنە جەتەكشىلىك ەتۋگە جىبەرىپ، اۆتونوميالى رايوننىڭ ماماندار گرۋپپاسىمەن بىرلەسكەن ماماندار گرۋپپاسىن ۇيىمداستىرىپ، قۇتقارۋ - ەمدەۋ جوباسىن ۇزدىكسىز ساپالىلاندىرىپ، قۇتقارۋ - ەمدەۋ ساپاسىن جوعارىلاتتى.

  8 - ايدىڭ 5 - كۇنى ساعات 10دا، مەملەكەتتىڭ جاڭا تيپتى ايدارشا ۆيرۋس وكپە قابىنۋ بويىنشا مەديتسينالىق قۇتقارۋ - ەمدەۋ ماماندار گرۋپپاسىنىڭ مامانى جىڭ رۇيچياڭ اۋەلگىدەي بىرلەسكەن ماماندار گرۋپپاسىنىڭ مۇشەلەرىمەن بىرىگىپ دياگنوز قويدى، اسىرەسە، سالماقتى، قاتەرلى سالماقتى ناۋقاستاردىڭ اۋرۋ جاعدايىنا ءبىر - بىرلەپ تالداۋ جاساپ، ەمدەۋ جوباسىن رەتتەدى. ”مىنا ناۋقاس كەلگەن كەزدە اۋرۋ جاعدايى ەڭ سالماقتىلاردىڭ ءبىرى ەدى، تازا وتتەگىن ءسىمىرۋ جاعدايىندا، وتتەگىنىڭ قانىعۋ دارەجەسى ارەڭ %70 بولاتىن، ناۋقاستىڭ جۇرەگى كەز كەلگەن ۋاقىتتا توقتاپ قالۋى مۇمكىن ەدى“، - دەدى جىڭ رۇيچياڭ ءوزى تۇرعان ICUعا ەمدەۋگە الىنعان ءبىر قاتەرلى سالماقتى ناۋقاستىڭ اۋرۋ جاعدايىنا ءتۇيىندى تۇردە تالداۋ جاساپ.

  وسى ناۋقاستى ءولىم اۋزىنان الىپ قالۋ ءۇشىن، بىرنەشە كۇننەن بەرى، جىڭ رۇيچياڭ مەن ماماندار گرۋپپاسىنىڭ مۇشەلەرى مۇرىن ارقىلى جوعارى اعىستا وتتەگىمەن قامداۋدان جارالاماي تۇتىك جۇرگىزۋگە، جارالاپ تۇتىك جۇرگىزۋگە دەيىن، ودان ارى اۋىر كۇيدەگى جەلدەتۋ جۇرگىزۋگە دەيىن ەمدەۋ جوباسىن ۇزدىكسىز رەتتەپ، ساپالىلاندىردى. ناۋقاستىڭ اۋرۋ جاعدايىندا كورنەكتى جاقسارۋ بولمايدى، جىڭ رۇيچياڭ قولما - قول شەشىم شىعارىپ، ECMO (وكپەنى جاساندى جەلدەتۋ اپپاراتى) ارقىلى ەمدەۋ جۇرگىزدى ءارى تۇتىك سۇڭگىتۋ سىندى جاڭا تيپتى ايدارشا ۆيرۋس وكپە قابىنۋىن قۇتقارۋ - ەمدەۋدەگى ەڭ قاتەرلى جۇمىستى تىكەلەي ءوزى ىستەدى.

  دەن قويا ەمدەۋ ارقىلى، قازىر بۇل ناۋقاستىڭ اۋرۋ جاعدايى كورنەكتى جاقسارىپ، حاۋىپ - قاتەردەن ۋاقىتشا ارىلدى، ءارقايسى تىرشىلىك بەلگىلەرى بىرتىندەپ قالپىنا كەلۋدە. جىڭ رۇيچياڭ بىلاي دەپ تانىستىردى: ”قازىر ECMOدى الىپ تاستادىق. الداعى بىرنەشە كۇندە باسقالاي اۋرۋ وزگەرىستەرى بولماسا، تىنىس الدىرۋ اپپاراتىنان ءساتتى قول ۇزەدى“.

  بيىل جىل باسىندا مەملەكەتتىك دەنساۋلىق ساقتاۋ، سالاماتتىق كوميتەتى ەڭ ەرتە ۋحانعا جەرگىلىكتى شيپاحانالارعا كومەكتەسۋگە جىبەرگەن مەملەكەتتىڭ سالماقتى اۋرۋلار مەديتسيناسى مامانىنىڭ ءبىرى رەتىندە، سۋبەي حالىق شيپاحاناسىنىڭ ورىنباسار باستىعى جىڭ رۇيچياڭ ۋحاندا 109 كۇن قۇتقارۋ - ەمدەۋ قىزمەتىن جۇرگىزىپ، باسقا 7 سالماقتى اۋرۋلار مامانىمەن بىرگە ۋحاننىڭ 7 شيپاحاناسىندا 40 مىڭنان استام ناۋقاستى قۇتقاردى، ەمدەدى. 7 - ايدىڭ 23 - كۇنى، جىڭ رۇيچياڭ ۇرىمجىگە جەتكەننەن كەيىن، كۇنى بۇرىن جەتكەن چيۋ حايبو، دۋ بين سىندى 2 سالماقتى اۋرۋلار مامانىمەن بىرگە، اۆتونوميالى رايوندىق جاڭا تيپتى ايدارشا ۆيرۋس وكپە قابىنۋى بويىنشا قۇتقارۋ - ەمدەۋگە بەلگىلەنگەن شيپاحانا ەمدەۋگە العان سالماقتى، قاتەرلى سالماقتى ناۋقاستاردىڭ اۋرۋ جاعدايىنا ءبىر - بىرلەپ تالداۋ جاسادى ءارى دەرەۋ قۇتقارۋ - ەمدەۋ قىزمەتىن ورىستەتتى.

  ”سالماقتى اۋرۋ مەديتسيناسىنىڭ شيپاگەرى رەتىندە، جاڭا تيپتى ايدارشا ۆيرۋس وكپە قابىنۋىنا شالدىققان سالماقتى جانە قاتەرلى سالماقتى ناۋقاستاردى ەمدەۋ − ءبىزدىڭ بورىشىمىز، ءبىز ءسوزسىز ىستەۋگە ءتيىستى ءىس“. جىڭ رۇيچياڭ نىق سەنىممەن، بۇكىل ەلدىڭ سالماقتى اۋرۋ مەديتسيناسى كۇشتەرى مەن اۆتونوميالى رايوننىڭ قۇتقارۋ - ەمدەۋ كۇشتەرى شوعىرلانىپ، ناۋقاستاردى بار كۇشپەن قۇتقاراتىندىعىن، ەمدەيتىندىگىن ايتتى. قازىر ول تۇرعان ICU ناۋقاستار اۋماعىنداعى ناۋقاستاردىڭ كوبىنىڭ اۋرۋ جاعدايى ورنىعىپ كەلەدى ەكەن.

  جىڭ رۇيچياڭ قالا تۇرعىندارىنا مىنانى ەسكەرتتى: ەگەر كۇماندى اۋرۋ بەلگىسى نەمەسە بۇرىن تىعىز جۋىسۋ تاريحى بولسا، الەۋمەتتىك اۋماققا دەرەۋ مالىمدەپ، سايكەستى تۇردە سارالاۋ جانە ەمدەتۋ كەرەك؛ مۇنداي جاعداي بولماسا، ۇيدە دە ءونىمدى اۋاشالاۋ شارالارىن ويداعىداي ىستەپ، ىندەتتەن ساقتانۋ - تىزگىندەۋ قىزمەتىنە بەلسەنە سايكەسۋ كەرەك. ساقتانۋ - تىزگىندەۋ، قۇتقارۋ - ەمدەۋ ەكى ءتۇرلى شارانى بىردەي قولدانعاندا عانا ىندەتتى ەرتەرەك جەڭۋگە بولادى.

جاۋاپتى رەداكتور : سايراش تۇرارجان قىزى

ەسكەرتۋ:

تورابىمىزداعى مازمۇنداردى پايدالانۋعا تۋرا كەلگەندە، ءسوزسىز جازباشا رۇقساتقا يە بولۋ كەرەك. مازمۇنداردى رۇقساتسىز جالعاپ تاراتۋعا، كەسىپ رەداكسيالاۋعا، وزگەرتۋگە، قىسقارتىپ قۇراستىرۋعا، باسقا ورىنعا كوشىرۋگە نەمەسە باسقا تاسىلدەرمەن كوبەيتۋگە ءارى تاراتۋعا بولمايدى، قايشى كەلگەندەردىڭ زاڭدىق جاۋاپكەرشىلىگى زاڭ بويىنشا قۋزاستىرىلادى.