شينجياڭ گازەتىنىڭ جالپىلىق اقپارات قۇرالدارى تىلشىلەرى لي چۇنشيا، جاۋ چۇنحۋا 8 - ايدىڭ 5 - كۇنى ۇرىمجىدەن حابارلايدى. 8 - ايدىڭ 5 - كۇنى ءۇرىمجى قالالىق حالىق ۇكىمەتىنىڭ ورىنباسار باس حاتشىسى شاڭ يۇيلاننىڭ تانىستىرۋىنشا، ءۇرىمجى قالاسى 1 - شەپتەگى ىندەتتىڭ الدىن الۋ قىزمەتكەرلەرىنە كوڭىل ءبولۋدى، قامقورلىق جاساۋدى كۇشەيتىپ، ءبىرىنشى شەپتەگى ىندەتتىڭ الدىن الۋ قىزمەتكەرلەرىنىڭ ۋاقىتتىق قىزمەتتىك جاردەماقىلارى سياقتى ساياساتتاردى اقىلداسىپ، دايىنداپ، تياناقتاندىرىپ، بەينەسى كورنەكتى بولعاندارىن دەر كەزىندە ءوسىرىپ ىستەتكەن.
ارتقى شەپتى قامتاماسىز ەتۋ جاعىندا، ءۇرىمجى قالاسى ءبىرىنشى شەپتەگى ىندەتتىڭ الدىن الۋ قىزمەتكەرلەرىنىڭ تاماقتانۋ، ىستىق وتۋدەن، ماسادان ساقتانۋ، اۆتوكولىكتەرمەن جەتكىزۋ، زارارسىزداندىرۋ جانە ساقتانۋ - قورعانۋ سياقتى ىستەرىن ءبىر تۇتاس جوسپارلاپ ورنالاستىرىپ، زاتتىق ماتەريالدار ورنالاستىرۋ - قامداۋ سەرپىنىن ارتتىرىپ، ءبىرىنشى شەپتەگى ىندەتتىڭ الدىن الۋ قىزمەتكەرلەرىنىڭ قاجەتىن الدىمەن قاناعاتتاندىرعان؛ ءبىرىنشى شەپتەگى ىندەتتىڭ الدىن الۋشى ايەل قىزمەتكەرلەردىڭ ەرەكشە تۇرمىستىق بۇيىمدارىن الدىمەن ويلاستىرعان جانە قامتاماسىز ەتكەن؛ جاتاق ورنالاستىرىپ، ءبىرىنشى شەپتەگى ىندەتتىڭ الدىن الۋ قىزمەتكەرلەرىنىڭ قىزمەتتەن كەيىن جاتاققا قايتىپ رەتتەلۋىنە، دەمالۋىنا، ءال - قايرات، زەيىن - زەردەلەرىن دەر كەزىندە قالپىنا كەلتىرۋىنە كەپىلدىك ەتكەن.
ءۇرىمجى قالاسىنداعى قاتىستى تاراۋلار ءبىرىنشى شەپتەگى ىندەتتىڭ الدىن الۋ قىزمەتكەرلەرىمەن پىكىرلەسۋدى، بايلانىس جاساۋدى كۇشەيتىپ، پىكىر - ۇسىنىستارىن تىڭداپ، ناقتى قيىنشىلىقتارىن سايكەستىرىپ، شەشىپ، ءبىرىنشى شەپتە قىزمەت ىستەپ ىندەتتىڭ الدىن الۋدا دەنساۋلىعى جايسىزدانعان قىزمەتكەرلەردى دەر كەزىندە اۋىستىرىپ، ءبىرىنشى شەپتە ىندەتتىڭ الدىن الۋدا ۇزاق ۋاقىت كوتەرىمدىلىكتەن اسىرا قىزمەت ىستەگەن قىزمەتكەرلەردى زورلىقپەن دەمالۋعا ورنالاستىرىپ، ىندەتتىڭ الدىن الۋدىڭ ءبىرىنشى شەبىندە بىردەي قىزمەت ىستەگەن ەرلى - زايىپتى قىزمەتكەرلەردى رەتتەپ ورنالاستىردى.
ءۇرىمجى قالاسى قالا، رايون ەكى دارەجەلى ورگاندارداعى پارتيالى كادرلاردى الەۋمەتتىك اۋماقتارعا بارۋعا تاڭداپ جىبەرىپ، ىندەتتىڭ الدىن الۋ ءبىرىنشى شەبىندەگى قىزمەت سالماعىن جەڭىلدەتتى. ەرىكتىلەر نەمەسە ارنايى قىزمەتكەرلەر ورنالاستىرىپ، ءبىرىنشى شەپتە ىندەتتىڭ الدىن الىپ جۇرگەن، قيىنشىلىعى بار قىزمەتكەردىڭ وتباسىنداعىلارى ءۇشىن قارتتارعا، بالالارعا قارايلاسۋ سياقتى كومەكتەر ۇسىنىپ، ولاردى ۋايىمنان ارىلتتى.
ءۇرىمجى قالاسى وڭ باعىتتا ىنتالاندىرۋدى كۇشەيتىپ، ىندەتتىڭ الدىن الۋدىڭ ءبىرىنشى شەبىندە ىرىقتىلىقپەن شايقاسقا سۇرانعان، شاقىرۋعا قۇلاق اسىپ، ماڭىزدى وتكەلدە، شەشۋشى ساتتە كەۋدە كەرىپ العا شىققان، جۇرەكتىلىكپەن اۋىر مىندەت ارقالاپ، قيىندىقتى ەڭسەرە ورگە ۇمتىلىپ، جان اياماي قىزمەت ىستەگەن تاڭداۋلى كادرلارعا ءتۇيىندى تۇردە باعالاۋ جۇرگىزىپ، بەينەسى كورنەكتى بولعانداردى دەر كەزىندە ءوسىرىپ ىستەتتى.
