شىن ياپيڭ
قازىر ءۇرىمجى قالاسىنىڭ جاڭا تيپتى ايدارشا ۆيرۋس وكپە قابىنۋ ىندەتىنەن ساقتانۋ - تىزگىندەۋ قىزمەتى ەڭ ماشاقاتتى شەشۋشى كەزەڭگە جەتتى. شايقاستىق كۇيدە، ءسوز جوق، شايقاستىق ستيل بولۋ كەرەك، پارتيالى كادرلار باستان - اياق شىنايى، قاتاڭ، باتىل بولاتىن قىزمەت ستيلىنەن جازباي، مىزعىماس توزىمدىلىك كورسەتىپ، كۇش سالا اتتانعاندا عانا، بورىشتى وتەپ، ماڭىزدى تاپسىرمانى ورىنداپ، ىندەتتەن ساقتانۋ - تىزگىندەۋدەن قامال الۋ شايقاسىنىڭ جەڭىسىنە جەتە الادى.
شايقاستىق كۇيدى جايشىلىقتاعى كەزدەرمەن سالىستىرۋعا كەلمەيدى، بۇل جاۋاپكەرشىلىكتىڭ اناعۇرلىم كەلەلى، مىندەتتىڭ اناعۇرلىم جاپالى ەكەندىگىنەن دەرەك بەرەدى. ءدال وسىنداي قىسىلتاياڭ ساتتەردە تيتتەي دە سەلقوستىق جاساۋعا، بوساڭسىپ، سالعىرتسۋعا بولمايدى، تورەشىلدىككە، فورماشىلدىققا سالىنۋعا استە بولمايدى، شايقاستان جالىعاتىن، جۇرەكسىنەتىن، تايساقتايتىن كوڭىل كۇيدىڭ ورىن الۋىنا مۇلدە بولمايدى. ىندەت − بۇيرىق، ساقتانۋ - تىزگىندەۋ − جاۋاپكەرشىلىك، قىزمەت ورنى شايقاس مايدانى. ىندەت الدىندا، پارتيالى كادرلار تەك اۋەلگى ماقساتتان جازباي، بورىش ارقالاپ، حالىقتىڭ ومىرىنە، دەنساۋلىعىنا وسكەلەڭ جاۋاپكەرشىلىكتە بولۋداي رۋحپەن جاپا - ماشاقاتتان قورىقپاي، ەرلىكپەن العا ىلگەرىلەپ، اتاق - ابىرويعا سالىنباي، ادالدىقپەن جاۋاپكەرشىلىك ارقالاۋ كەرەك.
تار جول، تايعاق كەشۋدە ناعىز ەر عانا جەڭىپ شىعادى. ۋاقىتپەن جارىسۋدا، ۆيرۋسپەن بەلدەسۋدە شىڭدالعان ستيل ەڭ كۇشتى قارۋ. پارتيالى كادرلار، ءسوز جوق، تىنىم المايتىن، جارعاق قۇلاعى جاستىققا تيمەيتىن جاۋاپكەرشىلىك سەزىممەن، ۋاقىتپەن ساناساتىن، قاس - قاعىم ۋاقىتتى زايا جىبەرمەيتىن كوكەي تەستىلىك سەزىممەن، ەشقانداي شالاعايلىق جاسامايتىن، مەيلىنشە ادالدىقپەن قىزمەت ورنىنان تاپجىلمايتىن رۋحپەن، شىنايى يگەرىپ ناقتى ىستەيتىن، سوڭىنا دەيىن يگەرەتىن جىگەر - قايراتپەن پارتيا ورتالىق كوميتەتىنىڭ شەشىم - ورنالاستىرۋلارىن قاز - قالپىندا جاقسى تياناقتاندىرىپ، دايەكتىلەندىرىپ، اۆتونوميالى رايوندىق پارتكومنىڭ ءتۇرلى ساقتانۋ - تىزگىندەۋ شارالارىن ەگجەي - تەگجەيلى، ناقتى تياناقتاندىرىپ، ىندەتتىڭ تارالۋىن، ءورشۋىن باتىل تەجەۋ كەرەك.
ىندەتتەن ساقتانۋ - تىزگىندەۋ ءارى قايراق، ءارى سىنتاس، ول پارتيالى كادرلاردىڭ ساياسي ساپاسى مەن قابىلەتىن، ستيلىن سىناۋدا. شەشۋشى ساتتە، پارتيالى كادرلاردىڭ ستيلى اناعۇرلىم قاتاڭ، اناعۇرلىم ەگجەي - تەگجەيلى، اناعۇرلىم ناقتى بولسا، ىندەتتەن ساقتانۋ - تىزگىندەۋ قۋاتتى وڭ ەنەرگيا توپتايتىن بولادى.
(”لەپتى لەبىز“ ماقالا جولداۋ حات ساندىعى: xjrbplb@126.com)
