دالمە - ءدال شارا قولدانىپ، دالمە - ءدال باسقارىپ - تىزگىندەپ، ىندەتتەن ساقتانۋ - تىزگىندەۋدەن قامال الۋ شايقاسىنىڭ جەڭىسىنە باتىلدىقپەن قول جەتكىزۋ كەرەك
شينجياڭ گازەتىنىڭ جالپىلىق اقپارات قۇرالدارى ءتىلشىسى جاۋ جىيۇن 8 - ايدىڭ 5 - كۇنى ۇرىمجىدەن حابارلايدى. 8 - ايدىڭ 3 - كۇنىنەن 5 - كۇنىنە دەيىن اۆتونوميالى رايوندىق پارتكومنىڭ ورىنباسار شۋجيى، اۆتونوميالى رايوننىڭ جاڭا تيپتى ايدارشا ۆيرۋس وكپە قابىنۋ ىندەتىنەن ساقتانۋ - تىزگىندەۋ قىزمەتى قولباسشىلىق شتابىنىڭ قولباسشىسى لي پىڭشين ءۇرىمجى قالاسىنىڭ ىندەتتەن ساقتانۋ - تىزگىندەۋ قىزمەتىنە جاسىرىن تەكسەرۋ جۇرگىزىپ، قۋزاۋ - جەتەكشىلىك ەتىپ، بىلاي دەپ باسا دارىپتەدى: قازىر ىندەت جاعدايى ءالى دە قاتاڭ دا كۇردەلى، ساقتانۋ - تىزگىندەۋ ەڭ جاپالى شەشۋشى كەزەڭدە تۇر، حالىققا وسكەلەڭ جاۋاپتى بولاتىن پوزيتسيامەن ”ءتورت جاقتىڭ جاۋاپكەرشىلىگىن“ ىشكەرىلەي قاتايتىپ، ارىپ - شارشاۋدان تايسالماي، ۇزدىكسىز شايقاس جاساپ، ءتۇيىندى ورىندار مەن شەشۋشى بۋىنداردى قاداعالاپ، ەرتە بايقاۋ، ەرتە مالىمدەۋ، ەرتە اۋاشالاۋ، ەرتە ەمدەۋ شارالارىن بۇلجىتپاي ناقتى تياناقتاندىرىپ، دالمە - ءدال شارا قولدانىپ، دالمە - ءدال باسقارىپ - تىزگىندەپ، ىندەتتەن ساقتانۋ - تىزگىندەۋدەن قامال الۋ شايقاسىنىڭ جەڭىسىنە باتىلدىقپەن قول جەتكىزۋ كەرەك.
لي پىڭشين ”حابارلاندىرۋ جىبەرمەي، الدىن الا ەسكەرتپەي، مالىمەت تىڭداماي، سەرىك ەرتپەي، نەگىزگى ساتىعا توتە بارۋ، جۇمىس ۇستىنەن تىكە ءتۇسۋ“ تاسىلىمەن ىلگەرىندى - كەيىندى ءۇرىمجى قالاسىنداعى شوعىرلى مەديتسينالىق باقىلاۋ تۇيىندەرى، شيپاحانا، تۇرعىندار شاعىن اۋماعى سياقتى جەرلەرگە بارىپ، الەۋمەتتىك اۋماقتار مەن شوعىرلى مەديتسينالىق باقىلاۋ تۇيىندەرىنىڭ باسقارۋ، قىزمەت وتەۋ، نەگىزگى ساتى ەمدەۋ قۇرىلىمدارىنداعى قىزۋ امبولاتورياسىنىڭ جۇمىس اينالىمى جانە اۋماقتارعا ءبولىپ دياگنوز قويۋ - ەمدەۋ سياقتى جاعدايلارىن ناقتى تەكسەردى.
لي پىڭشين بىلاي دەپ اتاپ كورسەتتى: نۋكلەين قىشقىلىن تەكسەرۋ - ولشەۋ دالمە - ءدال ساقتانۋ - تىزگىندەۋدىڭ ماڭىزدى بۋىنى. شوعىرلى مەديتسينالىق باقىلاۋعا الىنعان وبيەكتىلەردىڭ جانە ءتۇيىندى شوعىرلاردىڭ نۋكلەين قىشقىلىن تەكسەرۋ - ولشەۋدى كورنەكتى جاقسى ىستەپ، ۇلگى الۋ، تەكسەرۋ - ولشەۋ سياقتى بۋىنداردىڭ ساپاسىن مەڭگەرۋگە جانە ونى ءوزارا ۇشتاستىرۋعا ءمان بەرىپ، باسىپ قويماي، كەشەۋىلدەتپەي، تەكسەرۋ - ولشەۋ ساپاسىنا شىنايى كەپىلدىك ەتۋ كەرەك. شوعىرلى مەديتسينالىق باقىلاۋ تۇيىندەرىن باسقارۋدى شىن مانىندە قاتايتىپ، مەديتسينالىق باقىلاۋ مەن سالاماتتىقتى باقىلاۋ - ولشەۋدى كۇشەيتىپ، ىقىلاستى، ەگجەي - تەگجەيلى، ۇقىپتى، مەيىرلى قىزمەت وتەپ، قاتاڭ باسقارۋدى، ساپالى قىزمەت وتەۋدى ناقتى تياناقتاندىرۋ كەرەك. بۇقارانىڭ ەمدەلۋ ارناسىن ىركىلىسسىزدەندىرىپ، قىزۋ امبولاتورياسىنىڭ ولشەمدى اينالىمىن قاتايتىپ، اۋماققا ءبولىپ دياگنوز قويۋ - ەمدەۋ شارالارىن قاتايتىپ، ايقاسپالى جۇعىمدالۋدى باتىل توسىپ، ءار ۇلت بۇقاراسىنىڭ ءومىرىنىڭ حاۋىپسىزدىگى مەن دەنساۋلىعىن قورعاۋ كەرەك.
لي پىڭشين بىلاي دەپ اتاپ كورسەتتى: ىندەتتەن ساقتانۋ - تىزگىندەۋدىڭ ءبىرىنشى شەبىندەگى قىزمەتكەرلەرگە شىن مانىندە كوڭىل ءبولىپ، قامقورلىق جاساپ، ىندەتتەن ساقتانۋ بىلىمدەرى جونىندەگى باۋلۋدى كۇشەيتىپ، ساقتانۋ - قورعانۋ شارالارىن قاتايتىپ، پسيحولوگيالىق جەتەكتەۋدى كۇشەيتىپ، قالىڭ ءبىرىنشى شەپ قىزمەتكەرلەرىن جاۋاپكەرشىلىك ارقالاۋعا، ىسكەرلىك كورسەتۋگە شابىتتاندىرىپ، ىندەتتەن ساقتانۋ - تىزگىندەۋدەن قامال الۋ شايقاسىنىڭ جەڭىسىنە بار كۇشپەن قول جەتكىزۋ كەرەك.
