شينجياڭ گازەتىنىڭ جالپىلىق اقپارات قۇرالدارى تىلشىلەرى لي چۇنشيا، جاۋ چۇنحۋا 8 - ايدىڭ 5 - كۇنى ۇرىمجىدەن حابارلايدى. 8 - ايدىڭ 5 - كۇنى اۆتونوميالى رايوندىق ۇكىمەتتىڭ اقپارات كەڭسەسى اشقان ىندەتتەن ساقتانۋ - تىزگىندەۋ قىزمەتى جونىندەگى اقپار جاريالاۋ ماجىلىسىندە ءۇرىمجى قالالىق اۋرۋدىڭ الدىن الۋ - تىزگىندەۋ ورتالىعىنىڭ مەڭگەرۋشىسى رۇي باۋليڭ بىلاي دەپ تانىستىردى: 8 - ايدىڭ 4 - كۇنىنەن باستاپ، ءۇرىمجى قالاسى ءتۇيىندى وڭىرلەرگە جانە ءتۇيىندى ادامدار شوعىرىنا، ەرەكشە قاتەرلى وڭاي جۇعىمدالۋشىلارعا جاڭا ءبىر كەزەك نۋكلەين قىشقىلىن تەكسەرۋدى ورىستەتتى.
جاڭا تيپتى ايدارشا ۆيرۋس وكپە قابىنۋىنىڭ تارالعىشتىعى كۇشتى، تارالۋى تەز، جاسىرىن مەزگىلى ۇزاق. ءار ۇلت بۇقاراسىنىڭ دەنساۋلىعىنا شىنايى كەپىلدىك ەتۋ ءۇشىن، 8 - ايدىڭ 4 - كۇنىنەن باستاپ، ءۇرىمجى قالاسى دياگنوزى تۇراقتاندىرىلعان ناۋقاستار، كۇماندى ناۋقاستار جانە اۋرۋ بەلگىسى جوق جۇعىمدالۋشىلار شىققان الەۋمەتتىك اۋماقتار، تۇرعىندار شاعىن اۋماقتار، شوعىرلى مەديتسينالىق باقىلاۋ تۇيىندەر سياقتى ءتۇيىندى وڭىرلەر مەن ءتۇيىندى ادامدار شوعىرىنا، ەرەكشە قاتەرلى وڭاي جۇعىمدالۋشىلارعا جاڭا ءبىر كەزەك نۋكلەين قىشقىلىن تەكسەرۋدى ورىستەتتى. 8 - ايدىڭ 4 - كۇنى جاڭادان قوسىلعان دياگنوزى تۇراقتاندىرىلعان ناۋقاستاردىڭ بارلىعى نۋكلەين قىشقىلىن تەكسەرۋدە ەكشەلىپ شىققان، مۇنىڭ ىشىندە 2 ناۋقاس الەۋمەتتىك اۋماقتا ەكشەلىپ شىققان، 20 ناۋقاس شوعىرلى مەديتسينالىق باقىلاۋدا جاتقان ادام.
رۇي باۋلين بىلاي دەدى: جاڭادان قوسىلعان ناۋقاستار سانىندا تومەندەۋ بەتالىسى كورىنگەنىمەن، ءبىراق ىندەتتەن ساقتانۋ - تىزگىندەۋ جاعدايى ءالى دە قاتاڭ، مۇلدە بوساڭسۋعا بولمايدى. قالىڭ قالا تۇرعىندارىنىڭ ۇزدىكسىز ءتۇسىنىپ، قولداپ، ىندەتتەن ساقتانۋ - تىزگىندەۋ قىزمەتىنە سايكەسىپ، بىرگە قۇلشىنىپ، ىندەتتى جەڭۋىن ءۇمىت ەتەمىن.
8 - ايدىڭ 4 - كۇنى ساعات 0دەن 24كە دەيىن ءۇرىمجى قالاسى مالىمدەگەن جاڭادان قوسىلعان جاڭا تيپتى ايدارشا ۆيرۋس وكپە قابىنۋ دياگنوزى تۇراقتاندىرىلعان ناۋقاس 22، جاڭادان قوسىلعان اۋرۋ بەلگىسى جوق جۇعىمدالۋشى 13، جاڭادان قوسىلعان دياگنوزى تۇراقتاندىرىلعان ناۋقاس سانى ۇزدىكسىز تومەندەگەن؛ 8 - ايدىڭ 4 - كۇنى ساعات 24كە دەيىن ءۇرىمجى قالاسىندا قازىر دياگنوزى تۇراقتاندىرىلعان ناۋقاس 614، قازىر اۋرۋ بەلگىسى جوق جۇعىمدالۋشى 120. 7 - ايدىڭ 15 - كۇنى ساعات 0دەن 8 - ايدىڭ 4 - كۇنى ساعات 24كە دەيىن ساۋىعىپ شيپاحانادان شىققان دياگنوزى تۇراقتاندىرىلعان ناۋقاس جالپى 52، مەديتسينالىق باقىلاۋدان بوساتىلعان اۋرۋ بەلگىسى جوق جۇعىمدالۋشى 42 بولعان.
