شينحۋا اگەنتتىگىنىڭ 8 - ايدىڭ 5 - كۇنى بەيجيڭنەن بەرگەن حابارى. 8 - ايدىڭ 5 - كۇنى مەملەكەت ءتوراعاسى شي جينپيڭ ليۆاننىڭ بەيرۋتىندا تۋىلعان اۋىر قوپارىلىس ۋاقيعاسى جونىندە ليۆاننىڭ زۇڭتۇڭى اۋۇنعا حال سۇراۋ تەلەگرامماسىن جولدادى.
شي جينپيڭ حال سۇراۋ تەلەگرامماسىندا بىلاي دەپ اتاپ كورسەتتى: ەلدەرىڭىزدىڭ استاناسى بەيرۋتتا اۋىر قوپارىلىس ۋاقيعاسى تۋىلىپ، اۋىر ءولىم - ءجىتىم بولعانىن ەستىپ قاتتى تىكسىندىك. مەن جۇڭگو ۇكىمەتى مەن جۇڭگو حالقى اتىنان، سونداي - اق ءوز اتىمنان، قازا بولعاندارعا قايعىلى ازا بىلدىرەمىن، جارالانعانداردان جانە قازا بولعانداردىڭ وتباسىنداعىلاردان ىقىلاسپەن حال سۇرايمىن، جارالانعانداردىڭ ەرتەرەك ساۋىعۋىن تىلەيمىن.
