تيانشان تورىنىڭ حابارى (تىلشىلەر گو ليڭ، دوۋ شيڭجۇن، يىن تۇڭيۋان، جانات تولقىن حابارلايدى). 8 - ايدىڭ 6 - كۇنى ساعات 17دە، اۆتونوميالى رايوندىق ۇكىمەتتىڭ اقپارات كەڭسەسى ءۇرىمجى قالاسىنىڭ جاڭا تيپتى ايدارشا ۆيرۋس وكپە قابىنۋ ىندەت جاعدايى جانە ساقتانۋ - تىزگىندەۋ قىزمەتى جونىندەگى 20 ـ رەتكى اقپار جاريالاۋ ءماجىلىسىن وتكىزدى، ماجىلىستە ءۇرىمجى قالالىق حالىق ۇكىمەتىنىڭ ورىنباسار باس حاتشىسى شاڭ يۇيلان تۇرعىندار شاعىن اۋماعىن جابىق باسقارۋ جولعا قويىلعاننان كەيىن، تۇرعىندار شاعىن اۋماعىنىڭ ىندەتتەن ساقتانۋ قىزمەتىنىڭ قالاي ويداعىداي ىستەلگەندىگىن بەس جاقتان تانىستىردى.
شاڭ يۇيلان بىلاي دەدى: ”ۆيرۋستىڭ جۇعىمدالۋ قاينارىن توسۋ، ۆيرۋستىڭ تارالۋ جولىن ءۇزۋ ءۇشىن، قالىڭ قالا تۇرعىندارىنىڭ ءتۇسىنۋى مەن سايكەسۋىندە، ءبىز بارلىق تۇرعىندار شاعىن اۋماعىن جابىق باسقارۋدى جولعا قويۋمەن بىرگە، شاعىن اۋماق ىشىندەگى ىندەتتەن ساقتانۋ قىزمەتىن بار كۇشپەن ويداعىداي ىستەپ، تۇرعىندارعا اقاۋسىز، حاۋىپسىز تۇرمىس ورتاسىن جاراتتىق“.
ءبىرىنشى، شاعىن اۋماققا كىرىپ - شىعۋ جاعىندا ىندەتتەن ساقتانۋ قىزمەتى قاتاڭ ويداعىداي ىستەلدى. ءاربىر شاعىن اۋماقتا پرينسيپ جاقتان ءبىر عانا كىرىپ - شىعاتىن ەسىك قالدىرىلدى، ساقتانۋ-تىزگىندەۋ قىزمەتى جانە ەرەكشە جاعدايدان سىرت، باسقا ادامداردىڭ كىرىپ - شىعۋىنا مۇلدا بولمايدى. شاعىن اۋماققا زات جەتكىزەتىن ءدارى دۇكەنى، كوكونىس دۇكەنى، ساۋدا دۇكەنى، جەدەل جولداما، ۇيگە تاماق جەتكىزۋشىلەر سياقتى ادامدار جۋىسپاۋ ءتاسىلى ارقىلى زاتتى شاعىن اۋماقتىڭ قاقپاسىنا دەيىن جەتكىزدى، جەدەل جولدامانىڭ سىرتقى قورابىن زارارسىزداندىرعاننان كەيىن، قىزمەتكەرلەر ۋاكىلاتان تاپسىرىپ الىپ تۇرعىندارعا جەتكىزىپ بەردى. دەنە تەمپەراتۋراسىن ولشەپ تىزىمدەۋ ءتۇزىمى قاتاڭ اتقارىلىپ، شاعىن اۋماقتىڭ كىرەر اۋىزىنا دەنە تەمپەراتۋراسىن ولشەۋ ورنى قۇرىلىپ، كىرىپ - شىققان بارلىق ادامنىڭ دەنە تەمپەراتۋراسى ولشەنىپ، قالىپتى بولعاندا عانا كىرىپ - شىعۋعا رۇقسات ەتىلدى.
ەكىنشى، تۇرعىنداردىڭ دەنساۋلىعىن تەكسەرۋ كۇشەيتىلدى. تۇرعىنداردىڭ دەنە تەمپەراتۋراسى تاڭەرتەڭ، ءتۇس، كەش 3 ۋاقىت ولشەنىپ، تىزىمگە الىندى، قىزۋ، قۇرعاق جوتەلۋ، جۇتقىنشاعى اۋىرۋ، ءىشى ءوتۋ، دارمەنسىزدەنۋ سياقتى اۋرۋ بەلگىسى بارلار بايقالسا، دەر كەزىندە الەۋمەتتىك اۋماققا مالىمدەپ بەلگىلەنگەن ءتارتىپ بويىنشا ءبىر جاقتى ەتىلدى. وتباسىندا اۋاشالانىپ جاتقان تۇرعىنداردىڭ ايىرىم بولمەدە تۇرۋىنا، جەكە تاماقتانۋىنا، وتباسىنداعى بارلىق ادامنىڭ ماسكى تاعۋىنا، كۇندەلىكتى اۋا الماستىرۋدى، ءۇيدىڭ تازالىعىن ويداعىداي ىستەۋگە قۋزاۋشىلىق ەتىلدى.
ءۇشىنشى، ورتانى زارارسىزاندىرۋ جانە قوقىر - قوقسىقتى تازالاپ، تاسىپ اكەتۋ قىزمەتى ويداعىداي ىستەلدى. شاعىن اۋماقتاعى دانيۋانداردىڭ ەسىك تۇتقاسى، ءداليز جاقتاۋى، ليفت، ليفت كنوپكاسى، قوقىر-قوقىس جيناۋ، ساقتاۋ قۇرىلعىلارى سياقتىلار كۇنىنە كەم دەگەندە ءبىر رەت تازالانىپ، زارارسىزداندىرىلدى. دياگنوزى تۇراقتاندىرىلعان ناۋقاس، اۋرۋ بەلگىسى جوق جۇعىمدالۋشىلار بايقالعان جانە وتباسىندا اۋاشالانىپ جاتقاندار بار شاعىن اۋماقتار اۋرۋدىڭ الدىن الۋ-تىزگىندەۋ تاراۋلارىنىڭ جەتەكشىلىگىندە ءبىر رەت تۇبەگەيلى زارارسىزداندىرۋ جۇرگىزدى ءارى كۇنىنە كەمىندە 2 رەت زارارسىزاندىرىپ وتىردى. تۇرعىنداردىڭ وتباسىنداعى لاس سۋ قۇبىرىنا زارارسىزداندىرۋ جۇرگىزۋىنە جەتەكشىلىك ەتىلدى. تۇرعىندار تۇرمىستىق قوقىر - قوقسىقتارىن وزدەرى قالتاعا سالىپ، قىزمەتكەرلەر ءار كۇنى بەلگىلەنگەن ۋاقىتتا ۇيلەرىنە بارىپ جيناپ اكەتىپ وتىردى. اۋاشالانىپ جاتقان وتباسىلارىنىڭ تۇرمىستىق قوقىر - قوقسىقتارىن قىزمەتكەرلەر ايىرىم جيناپ، بولەك تاسىمالدادى ءارى مەديتسينالىق قوقىر - قوقسىق ولشەمى بويىنشا ايىرىم ءبىر جاقتى ەتتى. جاراقسىز ەتىلگەن قىزمەت باس كيمى، ماسكى، ءبىر رەت پايدالانىلاتىن قولقاپ، اۋاشالاۋ كيمى سياقتى مەديتسينالىق قوقىر - قوقسىقتار بەلگىلەمە بويىنشا قاتاڭ ءبىر جاقتىلى ەتىلدى.
ءتورتىنشى، قىزمەتكەرلەردىڭ ساقتانۋ - قورعانۋى ويداعىداي ىستەلدى. جۇمىسقا شىعۋدان بۇرىن دەنە تەمپەراتۋراسىن ولشەۋ، ماسكى تاعۋ سىندى تالاپتار قاتاڭ تياناقتاندىرىلدى، تۇرعىندارمەن جۇعىساتىن قىزمەتكەرلەر، شاعىن اۋماقتىڭ كىرىپ - شىعاتىن اۋىزىنداعى كەزەكشىلەر ءسوزسىز ماسكى تاقتى، اۋاشالاۋ كيمىن كيدى، وتباسىندا اۋاشالانىپ جاتقاندارمەن كەزدەسكەندە، ءسوزسىز، ءبىر رەتتىك قىزمەت باس كيمىن، مەديتسينالىق سىرتقى اۋرۋلار ماسكىسىن، ءبىر رەتتىك قولقاپ، اۋاشالاۋ كيمىن كيدى، تاقتى ءارى ءبىر مەتردەن الىس حاۋىپسىزدىك ارالىعىن ساقتادى.
بەسىنشى، ۇگىت ارقىلى جەتەكشىلىك ەتۋ قىزمەتى كۇشەيتىلدى. كەلتە حات، ۋيچات قاتارلى تاسىلدەر ارقىلى ىندەتتەن ساقتانۋ ساياساتى مەن بىلىمدەرى ۇزدىكسىز ۇگىتتەلدى. ينتەرنەت جەلىسىندە ءتۇرلى مادەنيەت، دەنەتاربيە، كوڭىل اشۋ قيمىلدارىن وتكىزۋ، ينتەرنەتتە پسيحولوگيالىق كەڭەس بەرۋ قىزمەت وتەۋى ۇيىمداستىرىلىپ، تۇرعىنداردىڭ كوڭىل كۇيىن جادىراتۋىنا، ىندەتتەن ساقتانۋ قىزمەتىن تۇسىنۋىنە، سايكەسۋىنە جەتەكشىلىك ەتىلدى.
