تيانشان تورى   ›   جاڭالىقتار   ›   انار گۇلى قىپ - قىزىل بولىپ اشىلدى

اسپازدىق ونەرىن ايگىلەدى، تالانتىن كورسەتتى، تاتۋ - ءتاتتى كورشىلەر ءبىر ءۇيلى جانداي ەتەنە بولدى

شينجياڭ گازەتىنىڭ جالپىلىق اقپارات قۇرالدارى تىلشىلەرى جاڭ يانفاڭ، يۇي مىڭران، ميھىرگۇل عوپۇر

  ءدامدى تاعام جاسادى، دەنە شىنىقتىرىپ، سپورتپەن اينالىستى، كىتاپ وقىپ، سۋرەت سىزدى... جۋىقتا، ءۇرىمجى قالاسىندا دوستار، كورشىلەر ۋيچات، بەينەبايلانىس ارقىلى وزگەشە ءبىر مەرەكەنى بىرگە وتكىزىپ، ءبىر - بىرلەرىمەن ءتىپتى دە ەتەنە بولا ءتۇستى.

مەن ساعان فىنتاڭ جاساۋدى ۇيرەتەيىن

  فىنتاڭ، پالاۋ، ساڭزى... 8 - ايدىڭ 2 - كۇنى ءۇرىمجى قالاسى شۇيموگوۋ رايونى نانحۋ سولتۇستىك جولى شىعىس الەۋمەتتىك اۋماعىندا، تۇرعىن چيپارگۇل زامان ۇيىندەگى ءدامدى تاعامداردى سۋرەتكە ءتۇسىرىپ، ءۇي يەلەرى ۋيچات توبىنا جولدادى.

  ”قاراعاندا، پالاۋىڭ ءدامدى دە ادەمى بولعان سياقتى، قىزىققانىم - اي!“، ”مۇنداي ادەمى تورت قالاي پىسىرىلعان؟“، كورشىلەرىنىڭ سۇراۋلارىنا چيپارگۇل بايىپپەن ءبىر - بىرلەپ جاۋاپ بەردى. ”وسى جولعى مەرەكەدە سىرتقا شىعا الماساق تا، كورشىلەردىڭ تىلەكتەرى مەن ءوزارا ىقپالى بولعاندىقتان، باقىت سەزىمىنە مولىنان كەنەلدىك“، - دەدى ول.

  چيپارگۇل نانحۋ سولتۇستىك جولى شىعىس الەۋمەتتىك اۋماعىندا تۇرعانىنا 4 جىل بولعان، كورشىلەرىمەن وتە تاتۋ - ءتاتتى وتەدى، اسىرەسە، ۋاڭ يۇڭلياڭ وتباسىمەن ۇنەمى ءوزارا كومەكتەسىپ، جان اشىر جاندارداي دوستىق سۇيىسپەنشىلىك ورناتتى.

  چيپارگۇل: بالام كىشكەنە بولعاندىقتان، ادەتتە ۋاڭ يۇڭلياڭ وتباسىن ءبىرتالاي اۋرەگە سالامىن، - دەدى. چيپارگۇل جولداعان فىنتاڭنىڭ سۋرەتىن كورگەن ۋاڭ يۇڭلياڭ دا تاعاتسىزدانا ۇيرەتىپ قويۋىن ءوتىندى. چيپارگۇل دايىندايتىن ازىق - تۇلىك ماتەريالدارىنان تارتىپ ءاربىر جاساۋ باسقىشتارىنا دەيىن تۇگەلدەي سۋرەتكە ءتۇسىرىپ ۋاڭ يۇڭلياڭعا جولداپ بەرەدى. ”وتكەن جىلدارداعى مەرەكەلەردە، مەن ىلعي اعامىزدى وتباسىنداعىلارمەن بىرگە ۇيگە كەلىپ قوناق بولۋعا شاقىراتىنمىن“، - دەدى ول.

  چيپارگۇل بىلاي دەدى: ”الەۋمەتتىك اۋماق قىزمەتكەرلەرى مەن ەرىكتىلەرگە ەرەكشە العىس ايتامىز، وسىنشاما كوپ ادامنىڭ ەڭبەگىنىڭ ارقاسىندا، ءبىز الاڭسىز ۇيدە جاتىرمىز. ىندەت اياقتاعاننان كەيىن، مەن ءسوزسىز كورشىلەر مەن الەۋمەتتىك اۋماق كادرلارىن ۇيگە كەلىپ فىنتاڭ ىشۋگە شاقىرامىن“.

ءبىر سۋرەت اپەكەلى - سىڭلىلەر سۇيىسپەنشىلىگىن جەتكىزدى

  ”مىنە، مەن ارنايى ءبىر سۋرەت سىزدىم، بۇل ءبىزدىڭ قورالانىپ پالاۋ جەپ، ءسۇتتى شاي ءىشىپ وتىرعان كورىنىسىمىز، سىزعانىم ونشا كاسىبي بولماسا دا، ءوز كوڭىلىمدى جەتكىزدىم“. 8 - ايدىڭ 2 - كۇنى ءۇرىمجى قالاسى حۇڭشىيۋە شاعىن اۋماعىنىڭ تۇرعىنى ان شين ۋيچات بەينەبايلانىس ارقىلى جاقسى دوسى ريزۋانگۇل روزىعا تىلەك جولدادى.

  ”ماعان ۇقساتىپ سىزىپسىڭ، كەلەر جولى ۇيىمىزگە كەلگەندە، سۋرەتتى، ءسوز جوق، الا كەل، مەن جاقسىلاپ ساقتاپ قويامىن“. بەينەبايلانىستا ەكەۋى كوڭىلدەنە كەڭەس قۇردى.

  ان شين ءۇرىمجى قالاسىنداعى ءبىر اجارلاندىرۋ بۇيىمدارىن تولايىم ساتۋ ساۋدا بازارىندا اجارلاندىرۋ بۇيىمدارى ساۋداسىن ىستەيدى، ريزۋانگۇل بالاباقشانىڭ مۇعالىمى. 10 جىلدىڭ الدىندا، ەكەۋى ءبىر دوستار باس قوسۋىندا تانىسقان. ۇقساس اۋەستىك، ۇقساس مىنەز ەكەۋىن كورگەن جەردەن تابىستىرىپ، دوستىقتارى ۇزدىكسىز تەرەڭدەي ءتۇستى.

  2017 - جىلى ان شيننىڭ اكەسى تۇتقيىلدان اۋىرىپ شيپاحاناعا جاتىپ قالدى، ريزۋانگۇل شيپاحانادا ونىمەن بىرگە بولدى. قاريانىڭ دۇرىستاپ تاماقتانا الماۋىنان الاڭداعان ريزۋانگۇل ءار كۇنى تۇرلەندىرىپ، جەڭىل دە ءنارلى تاماق جاساپ، شيپاحاناعا جەتكىزىپ تۇردى. 2018 - جىلى ريزۋانگۇلدىڭ شەشەسىنىڭ شيپاحاناعا جاتىپ، وپەراتسيا جاساتاتىنىنان حاباردار بولعان ان شين ەڭ الدىمەن شيپاحاناعا جەتتى...

  تۇرمىستاعى ازدى - كوپتى مەيىرىمدىلىك، قايىرىمدىلىق ەكەۋىنىڭ كوڭىلدەرىن بارعان سايىن جاقىنداتا ءتۇستى. ”وسى جىلداردا ءبىز ىستىق - سۋىقتى بىرگە وتكەردىك، اپتا سايىن بىرنەشە رەت كەزدەسىپ تۇرامىز، مەيلى كوكتەم مەرەكەسى، الدە قۇربان ايت بولسىن، ءبىز ىلعي باس قوسىپ تۇرامىز، الدەقاشان ءبىر ءۇيلى جانداي بولىپ كەتتىك“، - دەدى ريزۋانگۇل.

  ”مەن ادەتتە سۋرەت سىزعاندى ۇناتامىن، وسى جولى ينتەرنەت كەڭىستىگىندە باس قوسۋىمىز دا جاقسى بولدى، وسى ورايدا سۋرەت ارقىلى سىڭلىمە تاماشا تىلەگىمدى ءبىلدىردىم، ءبىز ماڭگى جاقسى اپەكە - سىڭلىلەردەن بولامىز“، - دەدى ان شين.

ۇيدە جاتساق تا قيمىلداپ تۇرامىز

  ”ىنىشەك، تىلەگىڭە راقىمەت، مەرەكەڭ بىرگە بولسىن، تاماقتان كەيىن قيمىلداپ تۇرۋدى ۇمىتپا“.

  ”ەكپەتتەي كوتەرىلۋ - ءتۇسۋ، اياق كوتەرۋ، قۇرساق قاتتاۋ، جۇرەلەپ وتىرىپ - تۇرۋ قيمىلدارىنىڭ ءارقايسىسىنان 100دى ىستەدىم، ءبىتتى! سەن دە قايراتتان ...“.

  وسى ۋاقىتتاردا، ءۇرىمجى قالاسىندا تۇراتىن حۇيزۋ جىگىت جين جى مەن ونىڭ جاقسى دوسى جاۋ شياۋپىڭ ءار كۇنى ۋيچاتتا حابارلاسىپ، ءبىرىن - ءبىرى شابىتتاندىرىپ دەنە شىنىقتىرىپ تۇرادى.

  ”بۇرىن ءبىز دەنە شىنىقتىرۋ ۇيىندە نەمەسە سىرتتا كەزدەسىپ دەنە شىنىقتىراتىنبىز، بۇل كۇندەرى ءبىز ۇيدە دەنە شىنىقتىراتىن بولدىق“، - دەدى جين جى.

  جين جى ءۇرىمجى قالاسىنداعى ءبىر دەنە شىنىقتىرۋ ءۇيىنىڭ دەنە شىنىقتىرۋ باپكەرى، جاۋ شياۋپىڭ ادۆوكات، ەكەۋى دەنە شىنىقتىرىپ ءجۇرىپ شىعىسىپ قالعان. ”شياۋپىڭ ەكەۋىمىزدىڭ تانىسقانىمىزعا 6 جىل بولدى، باستابىندا ول مەنىڭ وقۋشىم بولاتىن، ەكەۋىمىزدىڭ جاراتىلىسىمىز دا اشىق - جارقىن، مىنەزىمىز دە باپ كەلەدى، ادەتتە بىرگە دەنە شىنىقتىرىپ، تاماقتانىپ، نەندەي ءىس بولسا دا ءبىر - ءبىرىمىزدى جۇباتىپ، قيىنشىلىق بولسا كومەكتەسەمىز، قازىر تاماشا اعايىن بولىپ كەتتىك“، - دەدى جين جى.

  ”ۇيىندە جاتقان قالا تۇرعىندارىنىڭ ءبىز قۇساپ قيمىلداپ، وزدەرىنىڭ دەنە قۋاتتارىن ارتتىرىپ، اقاۋسىز كوڭىل كۇي مەن قاجىر - قايرات جەتىلدىرۋىن ءۇمىت ەتەمىز“، - دەدى جين جى.

جاۋاپتى رەداكتور : سايراش تۇرارجان قىزى

ەسكەرتۋ:

تورابىمىزداعى مازمۇنداردى پايدالانۋعا تۋرا كەلگەندە، ءسوزسىز جازباشا رۇقساتقا يە بولۋ كەرەك. مازمۇنداردى رۇقساتسىز جالعاپ تاراتۋعا، كەسىپ رەداكسيالاۋعا، وزگەرتۋگە، قىسقارتىپ قۇراستىرۋعا، باسقا ورىنعا كوشىرۋگە نەمەسە باسقا تاسىلدەرمەن كوبەيتۋگە ءارى تاراتۋعا بولمايدى، قايشى كەلگەندەردىڭ زاڭدىق جاۋاپكەرشىلىگى زاڭ بويىنشا قۋزاستىرىلادى.

  • وسى كەزەكتى جۇڭگو − ازيا - ەۆروپا كورمەسى تۇڭعىش رەت نەگىزگى قوناق ولكەلەردى بەلگىلەدى
  • تاپسىرىس ونىمدەردى جەدەل ءوندىرىپ، قامداۋدى قامتاماسىز ەتتى
  • جىلدىق مىندەتتى ءساتتى ورىنداۋعا شىنايى كەپىلدىك ەتتى
  • شينجياڭ جۇڭتاي توبى دۇنيە جۇزىندەگى 500 قۋاتتى كاسىپورىن قاتارىنا ءوتتى
  • جەل - جارىق ەنەرگياسى ءوزارا تولىقتىردى