رىن حۇڭيىڭ (سولدا)، لي يۋانيۋان (وڭنان 1 - ادام)، ۋاڭ ليشيا (وڭنان 2 - ادام) كۇتىمدەۋ تاجىريبەلەرى تۋرالى پىكىرلەسۋدە.
8 - ايدىڭ 6 - كۇنى بەلگىلەنگەن شيپاحانانىڭ 1 - عيماراتىنىڭ 3 - ناۋقاستار اۋماعىندا رىن حۇڭيىڭ (وڭدا) اۋرۋلار اۋماعىنا كىرەتىن قىزمەتتەسىنىڭ ساقتانۋ - قورعانۋ شارالارىن قولدانۋىنا كومەكتەسۋدە.
8 - ايدىڭ 6 - كۇنى بەلگىلەنگەن شيپاحانانىڭ 4 - عيماراتىنىڭ 8 - ناۋقاستار اۋماعىندا قىزمەتتەسى ۋاڭ ليشيانىڭ (وڭدا) ماسكىنىڭ ءجىبى قيىپ كەتكەن جاراقاتىن ءبىر جاقتى ەتۋدە.
8 - ايدىڭ 6 - كۇنى بەلگىلەنگەن شيپاحانانىڭ 4 - عيماراتىنىڭ 8 - ناۋقاستار اۋماعىندا ۋاڭ ليشيا ناۋقاستاردى باستاپ شىنىعۋ ءبيىن بيلەۋدە.
”ىندەتكە قارسى اتتانۋدىڭ الدىڭعى شەبىندە ۇلەس قوسۋعا باسەكەلەستى، شايقاس مايدانىنداعى قىزىل گۇلدەر جايقالدى“. اۆتونوميالى رايوندىق جاڭا تيپتى ايدارشا ۆيرۋس وكپە قابىنۋى بويىنشا مەديتسينالىق قۇتقارۋ - ەمدەۋگە بەلگىلەنگەن شيپاحانادا ”اپەكەلى - ءسىڭلىلى ءۇش گۇل“ بار، ولار ۋحانداعى ىندەتكە قارسى اتتانۋ شايقاسىنا بىرگە قاتىناسقان، ۇرىمجىدە قايتادان جاڭا تيپتى ايدارشا ۆيرۋس وكپە قابىنۋ ىندەتى تۋىلعاننان كەيىن، تاعى دا ۋادەلەسىپ العانداي بىرگە شايقاسقا اتتانۋ ءوتىنىشىن تاپسىرىپ، ىندەتكە قارسى اتتانۋدىڭ ءبىرىنشى شەبىنە بارىپ، تىزە قوسا شايقاس جاسادى.
ۇشەۋى دە اۆتونوميالى رايوندىق جۇڭگوشا شيپاگەرلىك شيپاحاناسىنىڭ تىرەكتى باس سەسترالارى، قازىر بەلگىلەنگەن شيپاحانانىڭ تۇتاس قۇرىلىمدىق 2 ناۋقاستار اۋماعىنداعى 81 توسەك ورنىنىڭ كۇتىمدەۋ قىزمەتىن باسقارادى.
ۋاڭ ليشيا مىنەزى بۇيىعى، جاۋاپكەرشىلىگى كۇشتى، 2 ناۋقاستار اۋماعىنىڭ جۇعىمدالۋدى تىزگىندەۋ قىزمەتىنە جاۋاپتى، جۇعىمدالۋدى تىزگىندەۋ بارىسى، ناۋقاستار اۋماعىن زارارسىزداندىرۋ، قوقىر - قوقسىقتى تازالاۋ... ونىڭ قىزمەتكە بولعان تالابى − قالتارىس قالدىرماۋ.
رىن حۇڭيىڭ قاعىلەز دە زەرەك، وتە باۋىرمال، ناۋقاستار ونىڭ سوزىنە ەرەكشە قۇلاق اسادى.
لي يۋانيۋان شەبەر دە مۇقيات، قانداي قيىن كۇتىمدەۋ قىزمەتىن ول تىپ - تيناقتاي ەتىپ ءبىر جاقتى ەتە قويادى.
ولار قىزمەت بارىسىندا ەرەكشە سايكەسە ءبىلدى، تۇرمىس بارىسىندا ءوزارا سىرلاس، سيلاس بولا ءبىلدى.
ولار ءار كۇنى ”سۋدى از ءىشۋ، از تاماقتانۋ“ قىزمەت پرينسيبىنەن جازباي ناۋقاستار اۋماعىنا كەلەدى، ناۋقاستار ولاردىڭ قىزمەتتەرىن ايرىقشا القايدى؛ ولار 3 ادامدىق ”سوزبەن ەمدەۋ“ شاعىن بولىمشە اترەتىن قۇرىپ، توزىمدىلىكپەن، قۇنىتتىلىقپەن ناۋقاستاردىڭ كوڭىل كۇيىن جاقسارتتى؛ ولار كىشكەنتاي دىبىس ۇلعايتقىش الىپ ءجۇرىپ، اۋرۋى جەڭىل ناۋقاستاردى باستاپ، سەگىز قۇرامدى گيمناستيكاعا جاتتىقتىرىپ، شىنىعۋ ءبيىن بيلەتۋدە...
بارلىق ەمدەۋ - كۇتىمدەۋ قىزمەتكەرلەرىنىڭ دەن قويا ەمدەپ قاراۋىندا، قازىر ولاردىڭ باسقارۋىنداعى 2 ناۋقاستار اۋماعىنان 18 ناۋقاس ساۋىعىپ بالنيتسادان شىقتى. ”ناۋقاستاردىڭ ىلگەرىندى - كەيىندى ساۋىعىپ شيپاحانادان شىعۋى ءبىزدىڭ جىگەرىمىزدى تاسقىنداتتى!“. 3 اپەكەلى - ءسىڭلى باتىلدىقپەن بىلاي دەيدى: ”ىندەت جويىلمايدى ەكەن، ءبىز استە قايتپايمىز، ءبىز ناۋقاستارمەن بىرگە ىندەتپەن شايقاس جاسايمىز!“.
